Team JJ Media creation

29/09/2019

Finally, the first official poster is here! 😍 _Stay tuned guys for more updates 🙂🙏_ *Team JJ media🎥*
https://www.facebook.com/1755360161351274/posts/2264956263724992/

06/11/2018

ഇരുണ്ട രാവുകളേ തുറന്ന പകലുകളാക്കി ഒത്തിരിയേറേ രഹസ്യങ്ങൾ ഒളിപ്പിച്ചുകൊണ്ട് അവൻ വരുന്നു...
" ജെറിയുടെ രാത്രി " ട്രെയ്ലർ.. 🎞
https://youtu.be/g-boAtkXg2A
Watch & Support..🤗
Team JJ Media 🎬

Direction & editing - Jomon Jose Story - Chicku Jhon Camera - K A Sreerag Asst.director - Romy Antony Team crew - Ebin Sibi,Govind

06/11/2018

JJ മീഡിയ ഒരുക്കുന്ന
"ജെറിയുടെ രാത്രി"
ഷോർട്ട് ഫിലിമിന്റെ
Trailar
ഇന്ന് (06/11/2018) വൈകിട്ട് 7 മണിക്ക് നിങ്ങളിലേക്ക് എത്തുകയാണ്.
എല്ലാവരും സപ്പോർട്ട് ചെയ്യണേ...

06/11/2018

Wishing you joy and prosperity this Diwali

18/10/2018

CHALIYYAN Bro Jomon Jose 😁😁
In frame Romy Antony Chicku John ♥️
STAY tuned for more updates!
Team JJ Media creation 🔥

13/10/2018

കായംകുളം കൊച്ചുണ്ണി movie review

ചരിത്രം കഥയാക്കുക വെല്ലുവിളിയാണ്,സിനിമയാക്കുക അതിലും വലിയ വെല്ലുവിളിയും. അതു നാടോടിക്കഥപോലെ നാട് മുഴുവന്‍ പറഞ്ഞു പരന്ന കഥയാണെങ്കില്‍ വെല്ലുവിളിയുടെ കാന്‍വാസിന് വലുപ്പം കൂടും. ഉദയ സ്റ്റുഡിയോ മുതല്‍ സ്വീകരണമുറിയിലെ ടെലിവിഷന്‍ പരമ്പരകള്‍ വരെ ദൃശ്യരൂപം പൂണ്ട കഥയാണ് കായംകുളം കൊച്ചുണ്ണി എന്ന മലയാളി റോബിന്‍ഹുഡിന്റേത്. ഹിറ്റ് കൂട്ടുകെട്ടായ റോഷന്‍ ആന്ഡ്രൂസും ബോബി-സഞ്ജയ്മാരും ഒരുമിച്ച് കായംകുളത്തെ ആ നാടോടിക്കഥ പറഞ്ഞപ്പോള്‍ കാന്‍വാസും വലുതായി, മുടക്കിയ പണം അതിലേറെ വലുതായി. എന്നാല്‍ കഥമാത്രം വലുതായില്ല. അതാണ് നിവിന് പോളി നായകനായ കായംകുളം കൊച്ചുണ്ണി.
ഒരു പീരിയഡ് സിനിമയ്ക്കു വേണ്ട തരത്തില്‍ ഉടുത്തൊരുങ്ങി അവതരിച്ചിട്ടുണ്ട് കായംകുളം കൊച്ചുണ്ണി. ആവേശകരമായ നിമിഷങ്ങളുണ്ട്, ചരിത്രത്തെക്കുറിച്ചുള്ള ഓര്‍മപ്പെടുത്തലുണ്ട്, ജാതിവ്യവസ്ഥയെക്കുറിച്ചുളള ഏറ്റുപറച്ചിലുകളുണ്ട്, പ്രണയമുണ്ട്, പകയുണ്ട്, പൈങ്കിളിയുണ്ട്. പക്ഷേ, ഇവ എല്ലാം കൂടിച്ചേരുമ്പോഴുണ്ടാകേണ്ട മികവ് ഇല്ല. മാസ്റ്റര്‍പീസാണ് ലക്ഷ്യമിട്ടതെങ്കിലും ശരാശരിക്ക് മുകളില്‍ നില്‍ക്കുന്ന ഒരു സിനിമയെന്നേ കായംകുളം കൊച്ചുണ്ണിയേ വിശേഷിപ്പിക്കാനാകൂ.

കേരളക്കരയിലെ ജനപ്രിയ കള്ളന്റെ കഥ ഐതിഹ്യവും മിത്തുകളും ഭാവനയും മറ്റ് ചില കഥകളും കൂടി കോര്‍ത്തിണക്കി ഒരു എന്റര്‍ടെയ്‌നര്‍ ഒരുക്കുകയാവണം കായംകുളം കൊച്ചുണ്ണി ലക്ഷ്യമിട്ടത്. ചിലയിടങ്ങളില്‍ സിനിമ പക്കാ എന്റര്‍ടെയ്‌നറാണ്, മാസ് സിനിമയാണ്. ചിലയിടങ്ങളില്‍ വിരസമാണ്. സിനിമകളുടെ ആവര്‍ത്തനസ്വഭാവമുള്ള കാഴ്ചയാണ്.
കൊച്ചുണ്ണി എന്ന മുസ്ലിം ബാലന്‍ എങ്ങനെ കായംകുളം കൊച്ചുണ്ണിയായി മാറുന്നു എന്നു വിശദമാക്കുന്ന ആദ്യപകുതി ഏറെക്കുറെ ദുര്‍ബലമാണ്. ഒരു വലിയ സിനിമ സ്‌ക്രീനില്‍ പ്രതീക്ഷിച്ചെത്തുന്നവരെ നിരാശരാക്കാം. അനാവശ്യമായ ഐറ്റം ഡാന്‍സും മറ്റും സിനിമയിയേക്ക് ശ്രദ്ധ കേന്ദ്രീകരിക്കാന്‍ നന്നേ പ്രയാസമുണ്ടാക്കുന്നുണ്ട്. തിയറ്ററുകളില്‍ ആരാധകരുടെ ഭൂകമ്പം സൃഷ്ടിച്ചുകൊണ്ട് ഇത്തിക്കര പക്കിയായി മോഹന്‍ലാല്‍ അവതരിക്കുന്നതോടെ കളം ചൂടുപിടിക്കും. പിന്നെല്ലാം ചലനാത്മകമാണ്. അതല്പം കൂടിപ്പോയില്ലേ എന്നു മാത്രയേയുള്ളു സംശയം. ഏറെക്കുറെ നിശ്ചലം എന്നു പ്രതീക്ഷിക്കുന്നിടത്ത് ക്ലൈമാക്‌സില്‍ അപ്രതീക്ഷിതമായി ഉണ്ടാകുന്ന ഊര്‍ജവും തൃപ്തിപ്പെടുത്താന്‍ പോന്നതാണ്. പക്ഷേ അതിനപ്പുറം മൂന്നു മണിക്കൂറോളം നീണ്ട (170 മിനിട്ട്) സിനിമ കാഴ്ചക്കാരനുമായി വൈകാരികബന്ധം ഉണ്ടാക്കുന്നതില്‍ പരാജയപ്പെടുന്നുണ്ട്. എല്ലാ വിഭവങ്ങളും കൃത്യമായി ചേര്‍ത്തിട്ടും വേവ് പാകമായിട്ടും രുചി മാത്രം അനുഭവപ്പെടാത്ത വിശിഷ്ടപലഹാരം പോലെയാകും പലപ്പോഴും സിനിമയുടെ പോക്ക്.
സമ്പന്നമായ പ്രൊഡക്ഷന്‍ ഡിസൈനില്‍ മികച്ച ദൃശ്യപ്പൊലിമയോടെയാണ് കൊച്ചുണ്ണി അവതരിപ്പിക്കപ്പെടുന്നത്. എന്നാല്‍ അതിനൊത്ത ഒരു തിരക്കഥ സിനിമയ്ക്കില്ല. മിത്തുകളെയും കേട്ടുകേള്‍വികളേയും കൂട്ടിയിണക്കി പുതിയ പ്രേക്ഷകന്റെ മനസിലേക്ക് ഒരു മാസ് ഹീറോയായി കൊച്ചുണ്ണിയെ അവതരിപ്പിക്കാന്‍ ചേര്‍ത്ത സംഭവങ്ങള്‍ക്ക് കൃത്രിമത്വമാണ് അനുഭവപ്പെടുന്നത്. രണ്ടു നൂറ്റാണ്ട് മുമ്പത്തെ വര്‍ത്തമാനങ്ങളില്‍ പോലുമുണ്ട് ആ കൃത്രിമത്വം. പാവങ്ങളുടെ പടത്തലവനായും സാമാജ്രത്വത്തിനെതിരേ പോരാടിയവനായും നവോത്ഥാന നായകനായും കൊച്ചുണ്ണിയെ പരിവര്‍ത്തനപ്പെടുത്തിയെടുക്കാന്‍ ശ്രമിക്കുമ്പോഴുള്ള അസ്വഭാവികത പലയിടത്തും നിഴലിക്കുന്നുണ്ട്. ആദ്യപകുതിയില്‍ നിവിന്‍ പോളിക്ക് തട്ടത്തിന്‍മറയത്തിലെ വിനോദിന്റെ മുഖമാണ്, ഭാവങ്ങളും. ജീവിതം പരുക്കനാക്കിയ കള്ളനായുളള രണ്ടാം പകുതിയിലെ മാറ്റം ശ്രദ്ധേയം. വേഷ, ഭാവ പകര്‍ച്ചകൊണ്ട് കൊച്ചുണ്ണിയായി മാറാന്‍ നിവിന് നന്നേ ശ്രമിക്കുന്നുണ്ട്. എന്നാല്‍ തിയറ്റര്‍ ഇളക്കിമറിക്കുന്നത് മോഹന്‍ലാലിന്റെ സാന്നിധ്യമാണ്.
സ്‌ക്രിപ്റ്റിന്റെ ദൗര്‍ബല്യമാണോ അത്തരത്തില്‍ ഒരു മാസ് കഥാപാത്രനിര്‍മാണം എന്നു സംശയം തോന്നുന്ന തരത്തിലാണ് ഇത്തിക്കരപ്പക്കി കായംകുളം കൊച്ചുണ്ണിയുടെ കഥയില്‍ നുഴഞ്ഞുകയറുന്നത്. ഉന്മത്തനായെത്തുന്ന ലാല്‍ എല്ലാരംഗങ്ങളിലും അതേപോലെ തുടരുന്നത്, സ്ഥിരം തത്വചിന്താപരമായ ഉപദേശങ്ങള്‍ നല്‍കി സ്‌ക്രീനില്‍ നിറയുന്നത് തുടക്കത്തില്‍ കൗതുകവും ആവേശവും ഉണര്‍ത്തിയെങ്കിലും പിന്നീടത് അരോചകമായി തോന്നി.
തങ്ങള്‍ എന്ന ആയോധനകലാ ആചാര്യനായി ബാബു ആന്റണി ശ്രദ്ധേയമായ വേഷമാണ് ചെയ്യുന്നത്. തെന്നിന്ത്യന്‍ താരം പ്രിയ ആനന്ദാണ് നായികയായ ജാനകിയെ അവതരിപ്പിക്കുന്നത്. സണ്ണി വെയ്ന്‍, സുധീര്‍ കരമന, മണികണ്ഠന്‍ ആചാരി, ഷൈന്‍ ടോം ചാക്കോ എന്നിവരാണ് മറ്റു പ്രധാനവേഷങ്ങളില്‍. ഗോപിസുന്ദറാണ് പാട്ടും പശ്ചാത്തലസംഗീതവും. ബോളിവുഡ് ഛായാഗ്രഹകനായ ബിനോദ് പ്രദാന്റെ ദൃശ്യങ്ങള്‍ക്ക് മികച്ച നിലവാരമുണ്ട്.
ക്ലൈമാക്‌സിലെ ചിത്രീകരണവും സാഹസിക, ഏറ്റുമുട്ടല്‍ രംഗങ്ങളിലെ മികവും ശ്രദ്ധേയം. വസ്ത്രാലങ്കാരത്തിലും കാര്യമായ ശ്രദ്ധ പുലര്‍ത്തിയിട്ടുണ്ട്. വീടുകളും അങ്ങാടികളും കോട്ടയും അടക്കമുള്ളയുടെ കലാസംവിധാനം ഒന്നാംതരമാണ്. അനാവശ്യ ഗ്രാഫിക്‌സിനും മറ്റും ചെലവിട്ട സമയം ഒഴിവാക്കിയിരുന്നെങ്കില്‍ ദൈര്‍ഘ്യം കുറയ്ക്കാമായിരുന്നു.
ഉദയനാണ് താരത്തില്‍ ഹിറ്റ്‌മേക്കറായി തുടങ്ങിയ റോഷന്‍ ആന്‍ഡ്രൂസ് കൈവച്ചിട്ടുളളതെല്ലാം ഒന്നിനൊന്ന് വ്യത്യസ്തമായ വിഷയങ്ങളിലാണ്. സംവിധാനം ചെയ്ത എട്ടാം സിനിമ ഒരു ചരിത്രകഥയാണ്. തിയറ്ററില്‍ അമ്പേ പരാജയപ്പെട്ട കാസനോവയ്ക്കുശേഷമാണ് അതിലും വലിയ ബജറ്റില്‍ കായംകുളം കൊച്ചുണ്ണിയുടെ കഥ പറയാന്‍ റോഷന് തന്റെ പ്രിയ തിരക്കഥാകൃത്തുക്കളുമായി ഒരുമിച്ചത്. കായംകുളം കൊച്ചുണ്ണി പോലൊരു സിനിമ ആവശ്യപ്പെടുന്ന വിശാലമായ ക്യാന്‍വാസ് ആഡംബരത്തോടെ തന്നെ റോഷന്‍ ഒരുക്കിയിട്ടുമുണ്ടെന്ന് നിസംശയം പറയാനാവും. പക്ഷേ ആ കാഴ്ച മികവുറ്റ സിനിമ സൃഷ്ടിച്ചോ എന്നു ചോദിച്ചാല്‍ ഭാഗികമായി എന്നേ പറയാനാവു.

13/10/2018

96 MOVIE REVIEW
തീവ്രമായ പ്രണയത്തിന്റെ ഓര്‍മകളിലേക്ക് ഒരു നവാഗതസംവിധായകന്‍ പ്രേക്ഷകരെ കൈപിടിച്ചുകൊണ്ടുപോകുന്നു, 96 എന്ന സിനിമയിലൂടെ വിജയ് സേതുപതി വീണ്ടും കയ്യടിനേടുന്നു.നമ്മളില്‍ പലരിലും ഉണ്ടാകാവുന്ന ഒരു നഷ്ടപ്രണയവും അതിലുപരി ഗൃഹാതുരമായ സ്‌കൂള്‍ ജീവിതത്തിന്റേയും ചിത്രങ്ങള്‍ സിനിമയില്‍ മുന്‍പും കണ്ടിട്ടുണ്ടാകാം, പക്ഷേ അതിനെ രണ്ടുപേരിലേക്കു മാത്രമായി ചുരുക്കിയാല്‍, രണ്ടുപേരുടെ ലോകത്തിലേക്കു മാത്രം കൂട്ടിക്കൊണ്ടുപോയാല്‍ എന്തു സംഭവിക്കുമെന്ന് സി. പ്രേംകുമാര്‍ 96ലൂടെ കാണിച്ചുതരുന്നു.
ട്രാവല്‍ ഫോട്ടോഗ്രാഫറായ കെ. രാമചന്ദ്രന്റെ ജീവിതത്തിലൂടെ കടന്നുപോകുന്ന അഞ്ചുമിനിറ്റ് ദൈര്‍ഘ്യം മാത്രമുള്ള ഒരു ഗാനമാണു പ്രേക്ഷകന്റെ മനസ്സില്‍ തുടക്കത്തില്‍ത്തന്നെ തെറ്റിദ്ധാരണയുണ്ടാക്കുക. ട്രാവല്‍ ഫോട്ടോഗ്രാഫറുടെ ജീവിതത്തില അഡ്വഞ്ചെറിയൊന്നും തുടര്‍ന്നില്ലാത്ത ചിത്രം നേരേയെത്തുന്നതു തഞ്ചാവൂരിലേക്കാണ്. അവിടെ താന്‍ പഠിച്ച സ്‌കൂളിന്റെ മുറ്റത്തുനിന്നും സഹപാഠികളെ വീണ്ടും ഒന്നിച്ചുകാണണമെന്ന രാമചന്ദ്രന്റെ ആഗ്രഹമാണ് അവരെയെല്ലാം ചെന്നൈയിലെത്തിക്കുന്നത്.

അവിടെവെച്ച് തന്റെ നഷ്ടപ്രണയത്തിന്റെ ഫ്‌ളാഷ്ബാക്കിലേക്കു രാമചന്ദ്രനും അതേ ക്ലാസിലെ വിദ്യാര്‍ഥിനിയായ എസ്. ജാനകി ദേവിയും (തൃഷ) നമ്മെ കൊണ്ടുപോകുന്നു. ഏറെയൊന്നും ട്വിസ്റ്റുകള്‍ പ്രതീക്ഷിക്കാനില്ലാത്ത മുഹൂര്‍ത്തങ്ങളിലൂടെ പിന്നീട് സിനിമ കടന്നുപോകുന്നു. രണ്ടാംപകുതിയിലേക്കെത്തുമ്പോള്‍ സിനിമ രാമചന്ദ്രന്റെയും ജാനകിയുടെയും അവരുടെ ഓര്‍മകളുടെയും മാത്രമാകുന്നു. 37 വയസ്സില്‍നിന്ന് വീണ്ടും പതിനേഴിലേക്കെത്തുന്ന രാമചന്ദ്രനെ അത്രമേല്‍ മനോഹരമായി വിജയ് സേതുപതി അഭിനയിച്ചുഫലിപ്പിക്കുകയാണു പിന്നീട്.
ജാനകിദേവിയുടെ ഒരു സ്പര്‍ശത്തില്‍പ്പോലും ആ പത്താംക്ലാസുകാരന്റെ ആശ്ചര്യവും നാണവും നമുക്കുകാണാം. ഒരു രാത്രിമുഴുവന്‍ അവര്‍ സഞ്ചരിക്കുന്ന വഴികളിലൂടെയും അവരുടെ തുറന്നുപറച്ചിലില്‍ക്കൂടിയും സിനിമ മുന്നോട്ടുപോകുന്നു. അനാവശ്യമായ രംഗങ്ങളുടെയോ കഥാപാത്രങ്ങളുടെയോ തള്ളിക്കയറ്റലുകളില്ലാതെ ട്വിസ്റ്റുകളുടെ ഭാരമില്ലാതെ ലളിതമായി ചിത്രം പൂര്‍ത്തിയാകുന്നു.അമിതപ്രതീക്ഷകളുടെ ഭാരവുമായി സിനിമ കാണാനിറങ്ങുന്ന പ്രേക്ഷകര്‍ നിരാശപ്പെട്ടേക്കാം. പക്ഷേ ഉള്ളില്‍ അല്‍പ്പമെങ്കിലും ഓര്‍മകളുടെ ഭാരം പേറുന്നവര്‍ക്ക് സിനിമ കഴിഞ്ഞിറങ്ങുമ്പോള്‍ അതിനല്‍പ്പം ഭാരം കൂടുമെന്നുറപ്പ്.

14/05/2018

മാതൃദിനമായ ഇന്ന് ഞങ്ങളുടെ ഈ കൊച്ചു ഷോർട്ട് ഫിലിം എല്ലാ അമ്മച്ചിമാർക്കായും സമർപ്പിക്കുകയാണ്. 🙂
"കൂടെ ഒരാൾ മാത്രം" 🎞️
കൂടുതൽ കാര്യങ്ങൾ പറഞ്ഞ് ഞങ്ങൾ വെറുപ്പിക്കുന്നില്ല , എല്ലാവരും കട്ടക്ക് കൂടെ നിന്നേക്കണേ..
⚫DO WATCH WITH YOUR HEADPHONES 🎧
Team J.J Media 🎬🎥