15/07/2025
તાલુકા આરોગ્ય કચેરી બોડેલી ખાતે
દિપક ફાઉન્ડેશન વડોદરા નાં સહયોગ થી જિલ્લા ક્ષય કેન્દ્ર છોટાઉદેપુર દ્વારા ટીબી રોગના દર્દીઓને પૌષ્ટિક આહાર કીટ વિતરણ કરવામાં આવી.
બોડેલી. તા. 15/7/2025
જિલ્લા ક્ષય અધિકારી ડો ભરતસિંહ ચૌહાણ જિલ્લા ક્ષય કેન્દ્ર છોટાઉદેપુર અધ્યક્ષતામાં દિપક ફાઉન્ડેશન વડોદરા દ્વારા બોડેલી તાલુકાના ટીબી રોગના દર્દીઓ માટે પૌષ્ટિક આહાર કીટ તૈયાર કરી ને વિતરણ કાર્યક્રમ યોજાયો હતો.
ટીબી રોગના દર્દીઓ માટે સરકાર શ્રી તરફથી મફતમાં નિદાન અને સારવાર આપવામાં આવે છે તે ઉપરાંત જયાં સુધી દર્દી ની સારવાર ચાલે ત્યાં સુધી પૌષ્ટિક આહાર ની ઉણપ નહીં રહે તે માટે તેમનાં બેંક એકાઉન્ટમાં દર મહિને રૂપિયા ૧૦૦૦ જમા કરાવવા માટે ની નિક્ષય પોષણ યોજના હેઠળ જમા કરાવવા માં આવે છે આ ઉપરાંત પણ જેની આર્થિક સ્થિતિ સારી નથી તેવા ટીબી રોગના દર્દીઓ ને સાજા થવા માટે પૌષ્ટિક આહાર ની જરૂર હોય છે તે માટે ઘણા નિક્ષય મિત્ર સેવાભાવી સંસ્થાઓ અને સેવાભાવી દાતાઓના સહયોગથી વધારાનું પૌષ્ટિક આહાર તૈયાર કરી ને આપવામાં આવે છે, તે હેતુથી યોજાયેલ પૌષ્ટિક આહાર કીટ વિતરણ કાર્યક્રમ માં ટીબી ની સારવાર લઈ રહેલા ૨૫ દર્દીઓને પૌષ્ટિક આહાર કીટ આપવામાં આવી હતી.
યોજાયેલ આ કાર્યક્રમ માં જિલ્લા ક્ષય અધિકારી ડો ભરતસિંહ ચૌહાણ, દિપક ફાઉન્ડેશન માંથી ડો સંદીપ સોની તથા લક્ષભાઈ ઠાકર ,સિનિયર ટ્રીટમેન્ટ સુપરવાઈઝર અજયસિંહ સોલંકી ઉપસ્થિત રહ્યા હતા. તથા તાલુકા આરોગ્ય સુપરવાઈઝર ગૌરાંગ દરજી તથા પ્રા.આ.કેન્દ્ર પાંધરાના સુપરવાઇઝર પ્રમલાભાઇ રાઠવા દ્વારા ઉપસ્થિત લાભાર્થીઓ ને ટીબીના દર્દીઓ ને ટીબી રોગના લક્ષણો, તેની જરુરી તપાસ તેમજ સારવાર વિશે વિસ્તૃત માહિતી આપી હતી.
