Maharashtra News Check

12/04/2025

सातारा जिल्ह्यात एक धक्कादायक घटना घडली आहे. कराड तालुक्यातील वाठार गावात, फक्त ५ वर्षांची संस्कृती रामचंद्र जाधव अंगणात खेळत असताना अचानक बेपत्ता झाली... आणि दुसऱ्या दिवशी तिचा मृतदेह गावाजवळील शेतात आढळून आला.

ही घटना अत्यंत हृदयद्रावक आहे. गुरुवारी संध्याकाळी संस्कृती आपल्या घराच्या अंगणात खेळत होती. काही वेळातच ती दिसेनाशी झाली. कुटुंबीयांनी सगळ्या गावात शोध घेतला, पण ती कुठेच सापडली नाही.

पोलीस आणि स्थानिक गुन्हे शाखेने रात्रभर शोधमोहीम सुरू ठेवली. ड्रोनच्या मदतीने शिवारात शोध घेण्यात आला. शेवटी, पहाटे पाचच्या सुमारास तिचा मृतदेह शेतात आढळला... आणि तो क्षण गावासाठी अत्यंत दुःखदायक होता.

अत्यंत दुर्दैवाने, ही फक्त अपघाती घटना नव्हती – पोलीस तपासात समोर आलं की संस्कृतीचा गळा आवळून खून करण्यात आला आहे.

या प्रकरणात एक १६ वर्षांची मुलगी आणि गावातील आणखी एक व्यक्ती पोलिसांच्या ताब्यात आहेत. अजूनही खुनामागचं नेमकं कारण स्पष्ट झालेलं नाही. पण पोलिसांकडून या प्रकरणाचा सखोल तपास सुरू आहे.

ही घटना आपल्याला अंतर्मुख करते... आपल्या समाजात लहानग्यांच्या सुरक्षेची किती गरज आहे हे अधोरेखित करते.

01/04/2025

लोक का फसवतात?
कधी स्वतःला किंवा तुमच्या जोडीदाराला विचारलंय का, "तू का फसवलंस?"
👇

1. घाईघाईत लग्न करणं
आजकाल बऱ्याच जणांची लग्नं समाजासाठी, आई-वडिलांसाठी, अपत्य झालं म्हणून किंवा फक्त नवरा-बायको म्हणून ओळख मिळवण्यासाठी होतात. अशा घाईघाईने किंवा चुकीच्या कारणांसाठी केलेल्या लग्नात एकमेकांशी जुळवून घेणं कठीण जातं. एकमेकांशी नातं सुधारण्याचा प्रयत्न दोघांनीच करायला हवा, नाहीतर बाहेर कोणी तरी जवळचं वाटायला लागतं.

2. भावनिक दुर्लक्ष
नात्यात सगळ्यात महत्त्वाचं असतं ते एकमेकांसोबत राहणं आणि भावना समजून घेणं. जर जोडीदाराच्या भावना समजून घेतल्या नाहीत, तर कोणी तरी दुसरं त्याला समजून घेईल. बरेच बाहेरचे संबंध सुरुवातीला भावनिक जवळीकीमुळेच होतात. त्यामुळे नेहमी मोकळेपणाने बोला, एकमेकांच्या भावनांची कदर करा.

3. जुन्या सवयी
जर तुम्ही अविवाहित असताना किंवा भूतकाळात नात्यांमध्ये बेफिकीर वागला असाल आणि त्या सवयी बदलल्या नाहीत, तर लग्नानंतरही तसंच होण्याची शक्यता असते. जुन्या चुकीच्या सवयी ओळखा आणि त्या सोडून द्या.

4. चुकीची संगत
काही मित्र तुमचं चुकतंय हे सांगण्याऐवजी त्यात तुम्हाला आणखी ढकलतात. चुकीच्या लोकांच्या संगतीत राहिलात, तर तेही तुमच्या फसवण्याला समर्थन देतील. चांगल्या सवयी असलेल्या आणि नातं टिकवण्यासाठी योग्य सल्ला देणाऱ्या लोकांसोबत राहा.

5. लैंगिक निराशा
जेव्हा जोडीदाराच्या लैंगिक गरजा पूर्ण होत नाहीत, जेव्हा पत्नी नेहमी काही ना काही कारण सांगते, किंवा नवरा फक्त स्वतःचाच विचार करतो, तेव्हा त्याचा परिणाम नात्यावर होतो. अशा वेळी कोणी तरी दुसरं जवळचं वाटू लागतं.

म्हणूनच, एकमेकांच्या गरजांची काळजी घ्या.

नवऱ्यांनी बायकोला फक्त कर्तव्य म्हणून नाही, तर प्रेमाने जवळ घ्या, तिच्या गरजाही समजून घ्या.

बायकांनीही संवाद साधा, तुम्हाला काय हवंय हे स्पष्ट सांगायला शिका.

एकमेकांवर विश्वास ठेवा आणि नात्याला जपायला शिकाआ!

24/03/2025

चुकीला माफी नाही! नागपूर हिंसाचाराचा मुख्य आरोपी फहिम खानचे घर बुलडोझरने जमीनदोस्त

नागपूर : पोलीसनामा ऑनलाईन - नागपूर हिंसाचारमधील दंगेखोरांना अटक करण्यात आली असून, आता त्या हिंसाचारातील मुख्य आरोपी आणि घटनेचा मास्टर माईंड असलेल्या फहीम खान याच्या घरावरच बुलडोझर चालविण्यात आल्याची माहिती समोर आली आहे.

नागपूर दंगलीचा कथित मास्टर माईंड फईम खान यांच्या घरावर नागपूर महापालिकेकडून सोमवारी, आज बुलडोझर कारवाई करण्यात येत आहे. फहीम खान याच्या नागपूरच्या टेकानाका परिसरातील घर बांधतांना काही भागात अतिक्रमण केले आहे. महापालिकेने त्याच्या कुटुंबाला याबाबत नोटीस बजाविल्यानंतर आता प्रत्यक्ष कारवाई करण्यात येत आहे.

महापालिकेच्या पथकाकडून आज सकाळी 10 वाजल्यापासून फहीम खान याच्या घराची तोडफोड सुरू करण्यात आली. त्यामुळे या परिसरात मोठा पोलीस बंदोबस्त तैनात करण्यात आला आहे. फहीम खान यांच्या आईच्या नावावर नोंदणीकृत असलेले हे 86.48 चौरस मीटरचे घर बेकायदेशीररीत्या बांधल्याचे महापालिकेने 21 मार्चला नोटीस बजावली होती, त्यात नमूद केले होते. आता या कारवाईला वेग आला आहे. दुसरीकडे या कारवाईतून दंगेखोरांना राज्य सरकारने एक संदेशच दिल्याची चर्चा आहे.

महापालिकेच्या या कारवाईच्या पार्श्वभूमीवर यशोधरानगर परिसरात मोठा पोलीस बंदोबस्त तैनात करण्यात आला आहे. यामध्ये स्थानिक पोलीस, एसआरपीएफच्या दोन तुकड्या परिसरात तैनात करण्यात आल्या आहे. त्यामुळे आता याप्रकरणी फहीम खानच्या अडचणी आणखी वाढल्याचे चित्र पाहायला मिळते.

21/03/2025

देशाला हादरवून टाकणारी एक भयावह घटना उत्तर प्रदेशातील मेरठ शहरात समोर आली आहे. मुस्कान नावाच्या एका महिलेने आपल्या प्रियकर साहिलच्या मदतीने आपल्या पतीचा निर्घृण खून केला आहे. खून झालेला व्यक्ती मर्चंट नेव्हीमध्ये अधिकारी होता. या खुनानंतर जे घडले, त्याने सर्वांची झोप उडवली आहे.

खून केल्यानंतर मुस्कान आणि साहिलने पतीच्या मृतदेहाचे तुकडे केले आणि त्या तुकड्यांना पाण्याच्या ड्रममध्ये सीमेंटसह भरून घरात लपवले. त्यानंतर घराला कुलूप लावून ते दोघं पसार झाले.

मुस्कानला वाटलं की ती सर्वकाही लपवू शकेल. मात्र, एक चूक तिच्या आयुष्याला कलाटणी देणारी ठरली. मुस्कानने ही संपूर्ण घटना आपल्या आईला सांगितली. पण मुस्कानच्या आईला तिच्यावर आधीपासूनच राग होता आणि तिला आपल्या जावई सौरभवर खूप प्रेम होते. म्हणूनच, तिने वेळ न दवडता पोलिसांना सर्व माहिती दिली.

पोलिसांनी मुस्कान आणि साहिलला अटक केली असून या दोघांची चौकशी सुरू आहे. मात्र, या घटनेनंतर मुस्कानच्या आई-वडिलांनी केलेली मागणी सध्या चर्चेचा विषय बनली आहे. त्यांनी न्यायालयाला मागणी केली आहे की, "आमची मुलगी समाजात राहण्याच्या लायकीची नाही, तिला फाशीची शिक्षा द्यावी."

आपल्या मुलीच्या गुन्ह्यावर पांघरुण न घालता तिच्या चुकीसाठी कठोर शिक्षा मागणारे हे आई-वडील खरोखरच समाजासाठी आदर्श ठरत आहेत. देशभरातून त्यांच्या या निर्णयाचे कौतुक होत असून सोशल मीडियावरही त्यांना पाठिंबा मिळत आहे.

ही बातमी Maharashtra News Check साठी – जनतेच्या मनातील आवाज.

20/03/2025

हिंजवडीतील टेम्पो ट्रॅव्हल्स आगीप्रकरणाला कलाटणी; चालकानेच रचला कट, दिवाळी पगाराचा वाद ठरला जीवघेणा

पुणे | 20 मार्च 2025

हिंजवडीतील व्योम ग्राफिक्स कंपनीतील कामगारांना घेऊन जाणाऱ्या टेम्पो ट्रॅव्हल्स बसच्या आगीप्रकरणाला मोठी कलाटणी मिळाली असून, ही आग अपघाताने नसून मुद्दाम लावण्यात आली असल्याचे पोलीस तपासात उघड झाले आहे. दिवाळीचा पगार न मिळाल्याने रागाच्या भरात बस चालक जनार्दन हंबर्डीकर (निवासी: पुणे) यानेच ही आग लावल्याची कबुली दिली आहे.

या घटनेत शंकर कोंडीबा शिंदे (63), गुरुदास खंडू लोखरे (40), सुभाष सुरेश भोसले (45) आणि राजेंद्र सिद्धार्थ चव्हाण (42) या चार कामगारांचा दुर्दैवी मृत्यू झाला.

पोलीस उपायुक्त विशाल गायकवाड यांनी पत्रकार परिषदेत सांगितले की, आरोपीने आधीच बेंझिन नावाचे ज्वलनशील केमिकल आणि टोनर पुसण्यासाठी लागणाऱ्या चिंध्या बसमध्ये ठेवल्या होत्या. फेज वनजवळ एकेरी वाहतूक सुरू झाल्यावर त्याने काडी पेटवून आग लावली आणि बसमध्ये प्रचंड भडका उडाला. आग लागण्याआधीच आरोपी गाडीतून उतरला होता.

पोलीस तपासात आरोपीने गुन्ह्याची कबुली दिली असून, कामगारांशी असलेला वाद आणि पगार कपातीमुळे त्याने हा कट रचल्याचे स्पष्ट झाले आहे.

स्रोत: महाराष्ट्र न्यूज चेक

12/03/2025

₹35 कोटींचा घोटाळा? शववाहिका धुळखात – जनतेच्या पैशांचा अपव्यय!

माजी आरोग्यमंत्री तानाजी सावंत यांच्या कार्यकाळात खरेदी केलेल्या शववाहिका सध्या पुण्यात पडून आहेत! त्यावेळी मुख्यमंत्री असलेल्या एकनाथ शिंदे यांच्या हस्ते ठाण्यात उद्घाटन करण्यात आले, पण प्रत्यक्षात या गाड्या जनतेच्या उपयोगातच नाहीत.

हा केवळ कमिशनखोरीचा खेळ आहे का? ₹35 कोटींचे टेंडर काढून जर या गाड्या निष्क्रियच राहणार असतील, तर हाच पैसा आरोग्य सुविधांसाठी वापरला असता.

जेव्हा मृतदेह हलवण्यासाठी सरकारी सुविधा नाहीत, आणि खासगी रुग्णवाहिका हजारो रुपये लुटतात, तेव्हा सरकारच्या या निष्क्रियतेचा फटका सामान्य माणसाला बसतो.

जनतेच्या पैशांचा असा अपव्यय का? कोण जबाबदार?

12/03/2025

**स्वारगेट रेप केस: बसस्थानकाच्या सुरक्षेत हलगर्जीपणा; ४ अधिकारी निलंबित, २ महिला ऑफिसरचा समावेश**

**पुणे**: स्वारगेट एसटी स्थानकाच्या आवारात मंगळवारी (दि. २५ फेब्रुवारी) सकाळी साडेपाचच्या सुमारास प्रवासी तरुणीवर अत्याचाराची धक्कादायक घटना घडली. याप्रकरणी वरिष्ठ अधिकाऱ्यांच्या चौकशीसाठी परिवहन मंत्री प्रताप सरनाईक यांनी सूचनाही दिल्या होत्या. त्यांनी या घटनेचा सखोल तपास करण्याचे आदेश दिले आणि अहवाल मागवला.

त्यानंतर, स्थानकाच्या सुरक्षेत हलगर्जीपणा केल्यामुळे मंगळवारी (दि. ११) विधानसभेत ४ उच्चस्तरीय अधिकाऱ्यांची निलंबनाची घोषणा करण्यात आली आहे.

निलंबन केलेल्या अधिकाऱ्यांमध्ये:
- **वरिष्ठ आगार व्यवस्थापक** जयेश पाटील
- **कनिष्ठ आगार व्यवस्थापक** पल्लवी पाटील
- **वाहतूक निरीक्षक** सुनील केळे
- **वाहतूक अधीक्षक** मोहिनी ढगे यांचा समावेश आहे.

तसेच, स्वारगेट आगारातील २२ सुरक्षारक्षकांना देखील बदलण्यात आले आहे, असे परिवहन मंत्री प्रताप सरनाईक यांनी स्पष्ट केले.

त्यानंतर, सुरक्षेबाबतच्या इतर व्यवस्थाही तपासल्या जात आहेत आणि दोषी आढळलेले सर्व अधिकारी व कर्मचाऱ्यांवर कडक कारवाई केली जाईल, अशी माहिती मंत्री सरनाईक यांनी दिली.

घटनेला नंतर स्थानकात येणाऱ्या प्रवाशांच्या सुरक्षिततेसाठी अतिरिक्त सुरक्षा उपाययोजना करण्यात येणार असल्याचीही त्यांनी ग्वाही दिली आहे.

**सुरक्षेसाठी काय करणे आवश्यक?**
या प्रकरणावरून बसस्थानकाच्या सुरक्षेची जास्त गांभीर्याने तपासणी करणे आवश्यक आहे, असे अनेक तज्ज्ञांचे म्हणणे आहे. तसेच, स्थानकातील सीसीटीव्ही कॅमेरे आणि सुरक्षारक्षकांचे नियमित प्रशिक्षण सुध्दा यामध्ये समाविष्ट असावे, असे मानले जात आहे.

10/03/2025

10/03/2025

पुणे : ‘नाणेकरवाडीचे भाई’ म्हणून हॉटेलमध्ये तोडफोड, कामगारांना मारहाण

पिंपरी-चिंचवड : पुणे जिल्ह्यातील खेड तालुक्यात एका हॉटेलमध्ये तोडफोड आणि मारहाणीचा धक्कादायक प्रकार घडला. ‘आम्ही नाणेकरवाडीचे भाई आहोत’ असे म्हणत एका टोळक्याने हॉटेलमध्ये घुसून कामगारांना बेदम मारहाण केली आणि मोठ्या प्रमाणात नुकसान केले.

काय घडले नेमके?
शुभम मुंगसे यांच्या मालकीचे 'पाटलांचा ढाबा' या हॉटेलमध्ये शनिवारी (९ मार्च) डॅनी जाधव आणि त्याच्या साथीदारांनी जेवण केल्यानंतर बिल देण्यावरून वाद घातला. संध्याकाळी साडेदहा वाजता ५-६ जण हॉटेलमध्ये शस्त्रे घेऊन घुसले आणि तोडफोड सुरू केली.

मारहाण आणि लूट:

कामगार संदिप मंडल याला लोखंडी रॉडने मारून दोन्ही हात फॅक्चर केले.

मुन्नाकुमार याच्या डोक्यात लाकडी दांडके मारून गंभीर जखमी केले.

इतर कामगार, ग्राहक आणि मालकाचे चुलत चुलते यांना लाथाबुक्क्यांनी मारहाण.

कॅश काउंटरमधून ५ हजार रुपये लंपास.

पोलिसांची कारवाई:
शुभम मुंगसे यांनी दिलेल्या फिर्यादीनुसार डॅनी जाधव आणि सहा जणांवर गुन्हा दाखल करण्यात आला आहे. पोलिसांनी वैभव घागरमाळे (२१) आणि सुरज घुमरे (२२) यांना अटक केली असून, अन्य आरोपींचा शोध सुरू आहे.

चाकण पोलिस अधिक तपास करत आहेत.

10/03/2025

वैद्यकीय शिक्षण घेणाऱ्या 29 वर्षीय तरुणीवर वारंवार लैंगिक अत्याचार, धमकावून गर्भपातही केला; माजी गृहराज्य मंत्र्याच्या पुतण्यावर गुन्हा दाखल

ठाणे : काँग्रेसचे नेते आणि राज्याचे माजी गृहराज्यमंत्री सतेज पाटील यांच्या पुतण्यावर कापूरबावडी पोलीस ठाण्यात बलात्काराचा गुन्हा दाखल करण्यात आला आहे. सतेज पाटील यांच्या पुतण्यावर ठाण्यातील एका उच्चभ्रू संकुलात राहणाऱ्या २९ वर्षीय तरुणीवर लैंगिक अत्याचार केल्याचा आरोप आहे. (Prithviraj Patil)

पृथ्वीराज पाटील असे गुन्हा दाखल झालेल्या आरोपीचे नाव आहे. कापूर बावडी परिसरात राहणाऱ्या वैद्यकीय शिक्षण घेणाऱ्या विद्यार्थिनीला लग्नाचे आमिष दाखवून वारंवार अत्याचार केल्याचा आरोप आहे. तसेच तिला गर्भपात करण्यास भाग पाडल्याचे देखील तक्रारीत म्हटले आहे.

पीडितेने दिलेल्या तक्रारीनुसार, पीडित तरुणी आणि पृथ्वीराज पाटील मागील काही काळापासून एकमेकांना ओळखतात. दोघांमध्ये प्रेम संबंध होते. पृथ्वीराज पाटील याने लग्नाचे आमिष दाखवून पीडितेवर वारंवार लैंगिक अत्याचार केला आहे. ठाणे, नवी मुंबईसह कोल्हापूर येथील बंगल्यावर घेऊन जात तरुणीवर लैंगिक अत्याचार केल्याचा आरोप आहे.

या संबंधातून पीडित तरुणी गर्भवती राहिली होती. तेव्हा आरोपीने पीडितेला धमकावून कोल्हापूर येथील एका रुग्णालयात गर्भपात घडवला, असा आरोप पीडितेने तक्रारीत केला आहे. यावेळी पीडितेने गर्भपात केल्याचा रुग्णालयाचा रिपोर्ट आणि आरोपीसोबत केलेले चॅटींग पुरावा म्हणून पोलिसांकडे जमा केला आहे. याबाबतची तक्रार प्राप्त झाल्यानंतर कापूरबावडी पोलिसांनी गुन्हा दाखल केला आहे. पोलीस याबाबत अधिक तपास करीत आहेत.

#29-year
Patil

10/03/2025

पुणे : ‘सिंहगड रोडचा एकच भाऊ निरज ढवळे ए डी भाई’ म्हणत कोयते नाचवत माजवली दहशत ! लघुशंका करताना हटकल्याने पतीपत्नीवर वार करणार्‍यांचा आणखी एक प्रताप

पुणे : लघुशंका करताना हटकल्याने पतीपत्नीवर कोयत्याने वार करुन त्यांच्या खुनाचा प्रयत्न करणार्‍या तिघांनी त्या अगोदर सिंहगड रोडवरील विठ्ठलवाडी येथील राजीव गांधी वसाहतीत कोयते नाचत दहशत माजविल्याचे समोर आले आहे.

मोहन मारुती गोरे (वय २०, रा. साईनगर, हिंगणे), करण रामचंद्र बर्गे (वय १९, रा. हिंगणे), साहिल राजू पठाण (वय १९, रा. साईनगर, हिंगणे) अशी अटक केलेल्यांची नावे आहेत. त्यांच्या दोन अल्पवयीन साथीदारांना ताब्यात घेतले आहे.

याबाबत सुरज रमेश लोखंडे (वय ३६, रा. राजीव गांधी वसाहत, विठ्ठलवाडी, सिंहगड रोड) यांनी सिंहगड रोड पोलिसांकडे फिर्याद दिली आहे.
याबाबत सिंहगड रोड पोलीस ठाण्याचे वरिष्ठ निरीक्षक दिलीप दाईगडे यांनी सांगितले की,विठ्ठलवाडीमध्ये कोयते उगारुन दहशत माजविणार्‍या या आरोपींनी लघुशंका करताना हटकल्याने पतीपत्नींवर कोयत्याने वार करुन त्यांच्या खुनाचा प्रयत्न केला होता. सध्या त्यांना शस्त्र बाळगून दहशत माजविल्याप्रकरणात अटक केली आहे. खुनाचा प्रयत्न केल्याच्या गुन्ह्यात नंतर अटक करण्यात येईल.

याबाबत पोलिसांनी दिलेल्या माहितीनुसार, फिर्यादी व त्यांचे मित्र उमेश मनोहर दाखले, रवि शिवाजी शिंदे व रवि नाना शिंदे हे शुक्रवारी रात्री पावणे आठ वाजता गप्पा मारत थांबले होते. त्यांच्याकडे एक कुरियरवाला आला होता. त्याला त्यांनी दुचाकी बाजूला घेण्यास सांगितले. त्याचवेळी दोन दुचाकीवरुन पाच जण आले. त्यातील एकाने हातामधील कोयता फिर्यादी यांना मारण्यासाठी उगारला. तुझा जीवच घेतो आता़, तेव्हा त्यांच्यातील एक जण म्हणाला, हा नाही तो, असे म्हणून उमेश दाखले याच्यावर कोयता उगारला. त्याचवेळी त्यांच्यातील एक जण पुन्हा मोठ्याने ओरडला, तो पण नाही हा, यामधील कोणीही नाही, असे म्हणाला. हे पाहून त्यांच्याकडे आलेला कुरियरवाला दुचाकी टाकून पळून गेला. त्यानंतर ते म्हणाले की, ‘‘सिंहगड रोडचा एकच भाऊ निरज ढवळे ए डी भाई’’ असे म्हणत ते मोठ्याने आरडा ओरडा करत त्यांच्या हातातील कोयते गोल फिरवत जमिनीवर घासत दहशत माजवत निघून गेले.

त्यानंतर त्यांनी धायरी येथे लघुशंका करत असताना अटकाव केल्याने पतीपत्नीवर कोयत्याने वार करुन त्यांच्या खुनाचा प्रयत्न केला. दहशत माजविणार्‍या या टोळक्याला सीसीटीव्ही फुटेजवरुन पोलिसांनी पकडले. फिर्यादी यांनी त्यांना ओळखल्यानंतर शस्त्र बाळगल्याप्रकरणी त्यांना अटक केली आहे. तिघांना न्यायालयात हजर केले असता न्यायालयाने त्यांना ११ मार्चपर्यंत पोलीस कोठडी मंजूर केली आहे. हे तिघेही सराईत गुंड असून त्यांच्यावर या अगोदर शस्त्र बाळगल्याप्रकरणी गुन्हे दाखल आहेत. पोलीस उपनिरीक्षक अमोल मालुसरे तपास करीत आहेत.



(Pune, Sinhgad Road, Vithalwadi, Latest News)

10/03/2025

काळेवाडी येथे खंडणीसाठी दहशत निर्माण; तिघे अटकेत

पिंपरी, ९ मार्च २०२५: काळेवाडी परिसरात एका समाजसेवकाकडून खंडणी उकळण्याच्या उद्देशाने काही आरोपींनी दहशत निर्माण करण्याचा प्रयत्न केला. पोलिसांनी वेळीच हस्तक्षेप करून तिघा आरोपींना अटक केली असून, उर्वरित आरोपींचा शोध सुरू आहे.

प्रकरणाचे स्वरूप:
फिर्यादी सचिन बाबाजी काळे (वय ३५, रा. काळेवाडी, पुणे) यांच्याकडून आरोपींनी २० दिवसांपूर्वी खंडणीची मागणी केली होती. मात्र, फिर्यादीने पैसे देण्यास नकार दिल्याने आरोपींनी त्यांना जीवे मारण्याचा कट रचला.

घटनाक्रम:
९ मार्च रोजी संध्याकाळी ५ वाजता आरोपींनी सचिन काळे यांच्यावर हल्ला करण्याचा प्रयत्न केला. परंतु पोलिसांनी वेळीच कारवाई करून आरोपी अमोल खेडेकर, गणेश बोरडे आणि शुभम खेडेकर यांना अटक केली. अन्य आरोपींचा शोध सुरू आहे.

पोलिसांची कारवाई:
काळेवाडी पोलीस ठाण्यात गुन्हा दाखल करण्यात आला आहे. वरिष्ठ पोलीस निरीक्षक संतोष पाटील यांच्या मार्गदर्शनाखाली तपास सुरू आहे.