29/09/2024
Tonlaiya Lyrics
Lyricist: CKK Haokip
Cover: Percy Touthang
Percy: https://www.youtube.com/watch?v=EV8JA39AAAU
Tonlaiya jaang noi mang'a
Ana khosa Pu Chongthu
Khul ana galkai e.
Chungkhopi-ah ana tolsa-e.
Ason apah te'n twipi,
Twinou, daam, phai, muol-le-lhang
Achotphahna chan-u
Gam-le-go cheng hin-lo son son un.
Thudih thutah choi pumin
Haosa, Semang, Pachong noi-ah.
Chondan-khandan kitup tah in,
Khankho-nunkho dimset in
Nihchen-ponsil, chang-le-mi'im
Siel-leh-loi ning lhingsiet
Pi-le-pu, nu-le-pa
U-le-nao kijato diel diel in
Koiman lhanglhat joulou
Chamlhat in ana leng ui
Hung un, hung lhauvin
Jalaiya kalaizon cheng!
Zougam thinglel heisa bangin
Nam-jem jem pum'in
Nun-nop tangkho lamkhom taute
Dahpi-dahcha chum'in
Semjang sai pum in
Lungkhat thakhat keng'in
Long diel diel'a oi khom'in
Pu la, Pa la, hanla zai khom in
Chunga Chungmangpa!
Vanthamjol hinhoh in lang,
Nakhutsoh Manmassi chate
Phatthei hin boh in,
Simlai chate Nangma'n hinpui jing in lang,
Kuki Nampi kongtol din Nangma'n hinsem o.
Kum-le-lha hung kihei ta,
Thimthu huibang kitol in.
Khang kikhel dungjui-in,
Setlei chung hetgilna'n vaihomta.
Namtin golseh lhaitetna'a
Kuki-nam min choisang dia,
Jalaiya lhen doh cheng
Pheiphung songa daivei ihiuve:
Vahmei khompi chu sutphung bang in,
Lungkhat in phut ute,
Bolna vangkhoa ngaicheng sen
Tompan jing ding ei ao jing ui
Sangga jingjin bang chihna
Holdinga vailou ana konte
Puncha bang kolning li
Gammong gei ichon phatauve
Kigui-jopsa phungguol cheng
Chonjou joukhom taote.
Hung un, hung lhauvin
Jalaiya kalaizon cheng!
Zougam thinglel heisa bangin
Nam-jem jem pum'in
Nun-nop tangkho lamkhom taute
Dahpi-dahcha chum'in
Semjang sai pum in
Lungkhat thakhat keng in
Long diel diell oi khom'in
Pu la, Pa la, han la jai khom in
Chunga Chungmangpa!
Vanthamjol hinhoh in lang,
Nakhutsoh Manmassi chate
Phatthei hin boh in,
Simlai chate Nangma'n hinpui jing in lang,
Kuki Nampi kongtol din Nangma'n hinsem o.
