18/10/2020
#പുലിയണിപ്പാറ
Detailed Video:https://youtu.be/qZK4XtrBfw0
മനംകുളിര്ക്കുന്ന പ്രകൃതിവര്ണങ്ങളുമായി സഞ്ചാരികളെ കാത്തിരിക്കുകയാണ് പുലിയണിപ്പാറ. ഇതിന്റെ ഉച്ചിയില്നിന്നാല് നോക്കെത്താദൂരം നീണ്ടുകിടക്കുന്ന മലനിരകളുടെ മനോഹരദൃശ്യം കാണാം. പാറയുടെ ഉച്ചിയിലുള്ള ഒരിക്കലുംവറ്റാത്ത കിണറിലാണ് ഈ ജലശേഖരം. കൈക്കുമ്പിളില് കോരിയെടുത്തു കുടിക്കാവുന്നവിധം നിറഞ്ഞുകിടക്കുന്നു. അത്യുഷ്ണം അനുഭവപ്പെടാത്തവിധം ഇടവേളയില്ലാതെ തണുത്ത കാറ്റും സുലഭം. പുറംലോകം വേണ്ടത്ര കേട്ടറിഞ്ഞിട്ടില്ലാത്ത പ്രകൃതിയുടെ ഈ ഉദ്യാനം പെരിയാറില്നിന്ന് ഒന്നരക്കിലോമീറ്റര് തെക്കുമാറിയാണ്. സഞ്ചാരികളുടെ ഇഷ്ടകേന്ദ്രമായ പാണിയേലി പോര് ഇവിടെനിന്ന് അഞ്ചു കിലോമീറ്റര്മാത്രം അകലെയാണ്. സര്ക്കാര് പുറമ്പോക്കുഭൂമിയായ ഈ പാറയുടെ ഉച്ചിയില് പുലിയണിപ്പാറ ഭഗവതിക്ഷേത്രവും സ്ഥിതിചെയ്യുന്നു. എല്ലാവര്ഷവും വിപുലമായ ഉത്സവാഘോഷം നടക്കുന്ന ഇവിടെ മന്ത്രിമാളികയില് മനസ്സമ്മതം, മാണിക്യക്കൊട്ടാരം, മനുഷ്യമൃഗം എന്നീ സിനിമകളുടെ ചിത്രീകരണവും നടന്നിട്ടുണ്ട്. മലഞ്ചരക്കുവ്യാപാരികള് ലോഡ്കണക്കിന് ഇഞ്ചി ഇവിടെ കൊണ്ടുവന്ന് ഉണക്കിയിരുന്നു. എന്നാല്, ഇത് കേടുവരാതിരിക്കാന് സള്ഫര് വിതറാന് തുടങ്ങിയതോടെ ഗുരുതരമായ ആരോഗ്യപ്രശ്നങ്ങള് ഉടലെടുത്തു. ഗ്രാമീണര് ഇതിനെതിരെ പ്രതികരിച്ചതോടെ ഇഞ്ചിയുണക്കും നിലച്ചു.
Credits: deshabhimani
കുടുതൽ അറിയാൻ വീഡിയോ കാണുക ....
Link: https://youtu.be/qZK4XtrBfw0
🔴ഇഷ്ടപെട്ടാൽ ചാനൽ സബ്സ്ക്രയ്ബ് ചെയ്യണേ ...
