Evergreen media

23/07/2025

റോന്ത്‌..

ഷാഹി കബീർ ഇരുത്തം വന്ന തിരക്കഥാകൃത്താണ്. അതിലുപരി കഴിവുള്ള സംവിധായാകാനാണ്. എന്നാൽ റോന്തിന്റെ ക്ലൈമാക്സിലേക്ക് വരുമ്പോൾ അയാളുടെ എഴുത്തുകൾക്ക് പാകപിഴകൾ സംഭവിച്ചോ..?

സിനിമയുടെ ക്ലൈമാക്സിലേക്ക് വരുമ്പോൾ നവീൻ മരണപ്പെടുന്നതും പിന്നീട് ഈ സംഭവവുമായി ബന്ധപ്പെട്ട് രണ്ട് പോലീസുകാർ പ്രതി ചേർക്കപ്പെടുകയും ചെയ്യുന്നുണ്ട്. ഇവിടെ നവീൻ കൊല്ലപ്പെടുകയല്ല ചെയ്യുന്നത്, തന്നെ തട്ടി കൊണ്ട് പോയവരുടെ ഇടയിൽ നിന്ന് ഓടി രക്ഷപ്പെടുന്നതിനിടയിൽ ഒഴുക്കിൽ പെടുന്നതാണ്. ഇതിന് നവീന്റെ കൂട്ടുകാരൻ അരുണും സാക്ഷിയാണ്. അവൻ അത് എസ് ഐ യോഹന്നാനോട്‌ പറയുന്നുമുണ്ട്. തട്ടിക്കൊണ്ടു പോയവർക്ക് നവീനെ കൊല്ലണമെന്ന് യാതൊരു ഉദ്ദേശവും ഉണ്ടായിരുന്നില്ല. ഒളിച്ചോടി പോയ പെങ്ങളെ കണ്ട് പിടിക്കാനുള്ള ശ്രമത്തിന്റെ ഭാഗമായിരുന്നു ഇതൊക്കെ.

നവീന്റെ മൃതദേഹം പുഴയരികിൽ നിന്ന് കണ്ട് കിട്ടുന്നു. നവീൻ ഒരു ദളിത് യുവാവ് കൂടിയായത് കൊണ്ട് സംഭവം സെൻസേഷനൽ ന്യൂസ്‌ ആണ്. ഈ സംഭവത്തിൽ അറിയാതെ ഉൾപ്പെട്ട് പോയ യുവാക്കളെ കേസിൽ രക്ഷപ്പെടുത്തേണ്ടത് ഡി വൈ എസ് പി ജേക്കബിന്റെ ബാധ്യതയായി മാറുന്നുണ്ട്. ഡി വൈ എസ് പി ഈ നാല് യുവാക്കളെയും കേസിൽ നിന്ന് രക്ഷപ്പെടുത്താൻ ചെയ്യുന്നത് നൈറ്റ് ഡ്യൂട്ടിയിൽ ഉണ്ടായിരുന്ന രണ്ട് പോലീസുകാരെ കൂടി ഈ കേസിൽ ഉൾപ്പെടുത്തി ഇതൊരു കൊലപാതക കേസാക്കി മാറ്റുകയാണ്. എന്ത് ലോജിക് ആണ് ഇവിടെയുള്ളത്. ഒന്നാമത് ഇതൊരു കൊലപാതകം അല്ല. അത് തെളിയിക്കാൻ പോസ്റ്റ്‌മാർട്ടം റിപ്പോർട്ടിലൂടെ കഴിയും. സ്വഭാവികമായ മുങ്ങി മരണമായിരിക്കും മരണ കാരണം. പിന്നെ മൃതദേഹത്തിലുള്ള മർദിച്ച പാടുകൾക്കും പ്രതികൾക്ക് കാരണം പറയാൻ കഴിയും. പിന്നെ ഈ സംഭവത്തിൽ പ്രധാനപ്പെട്ട ഒരു സാക്ഷി കൂടിയുണ്ട് നവീന്റെ സുഹൃത്ത് അരുൺ. അരുണിന്റെ സാക്ഷി മൊഴി മാത്രം മതി കൊലപാതകമല്ലെന്ന് തെളിയിക്കാൻ. എന്നാൽ ഇവിടെ ഡി വൈ എസ് പി ചെയ്യുന്നത് ഇതൊരു കൊലപാതക കേസാക്കി ചിത്രീകരിച്ച് രണ്ട് പോലീസുകാരെ കൂടി ഉൾപ്പെടുത്തി സംഭവത്തെ കൂടുതൽ വാർത്താ പ്രാധാന്യമുള്ളതാക്കി മാറ്റുന്നു. ഇവിടെ അഞ്ചും ആറും പ്രതികളായിട്ടാണ് പോലീസുകാരുൾപ്പെടുന്നത്. ഒന്ന് മുതൽ നാല് വരെ പ്രതികൾ ആ യുവാക്കൾ തന്നെ. ചുരുക്കി പറഞ്ഞാൽ തട്ടി കൊണ്ട് പോകൽ, സംഘം ചേർന്ന് മർദിക്കൽ എന്നീ വകുപ്പുകളിൽ ഒതുങ്ങേണ്ട കേസിനെ ഡി വൈ എസ് പി ഇടപെട്ട് കൊലക്കേസാക്കി മാറ്റി ആ യുവാക്കളുടെ തലയിൽ വെച്ച് കൊടുക്കുന്നു. കൂട്ടത്തിൽ ഒരു കാരണവുമില്ലാതെ രണ്ട് പോലീസുകാരെ കൂടി പ്രതിയാക്കുന്നു.

എന്ത് ലോജിക് ആണ് ഈ ക്ലൈമാക്സിനുള്ളത്. ഇനി നായാട്ട് സിനിമയുമായി കണക്ട് ചെയ്യാനുള്ള ഷാഹി കബീറിന്റെ ബോധപൂർവമായ ഇടപെടലായിരുന്നോ ഈ സാഹസത്തിന് പിന്നിൽ...!

15/07/2025

റിലീസ് ചെയ്ത സമയത്ത് പോസിറ്റീവ് റിവ്യൂകളുടെ പ്രളയം തന്നെ ഡീറ്റെക്റ്റീവ് ഉജ്ജ്വലന് വേണ്ടി സോഷ്യൽ മീഡിയകളിലൂടെ പരന്നൊഴുകിയിട്ടും ടിക്കറ്റ് എടുക്കാൻ തോന്നിയിരുന്നില്ല. ആ തീരുമാനം ശരിയായിരുന്നു എന്ന് ഇപ്പോൾ തോന്നുന്നു. ഒന്ന് മിസ്കോൾ അടിച്ചാൽ ഇങ്ങോട്ട് തിരിച്ചു വിളിച്ച് ധ്യാൻ ശ്രീനിവാസൻ ഡേറ്റ് തരുമെന്ന് ഉറപ്പുള്ളത് കൊണ്ട് തട്ടി കൂട്ടിയ ഒരു സിനിമ. ഒരു തരത്തിലും പ്രേക്ഷകനെ കണക്ട് ചെയ്യാൻ കഴിയാതെയാണ് സിനിമയുടെ സഞ്ചാരം...

08/07/2025

കിൽ തമിഴ് റീമേക്കിൽ ധ്രുവ് വിക്രം നായകൻ ആയേക്കുമെന്ന് റിപ്പോർട്ടുകൾ

07/07/2025

"നിങ്ങളെല്ലാവരും തെറ്റ് ചെയ്തവരെ ക്ഷമിക്കാനാ പറയുന്നത്
ബാധിക്കപ്പെട്ടവരോട് മറക്കാനും പറയുന്നു

ക്ഷമിക്കാനും പറ്റുന്നില്ല മറക്കാനും പറ്റുന്നില്ല ...... "

ഈയൊരു ഡയലോഗ് പടം കാണുന്ന ഭൂരിഭാഗം പ്രേക്ഷകർക്കും കണക്റ്റാകും അവിടെയാണ് ഈ പടത്തിന്റെ വിജയം 💯

ഇലെവൻ

07/07/2025

ഞാൻ ഇപ്പോൾ അമേരിക്കയിൽ പ്രോഗ്രാമിന് പോയി. സ്റ്റേജ് ഷോ കഴിഞ്ഞാൽ ഏറ്റവും വലിയ ടാസ്ക് എന്ന് പറയുന്നത് അവിടെ വന്നിരിക്കുന്ന ഓഡിയന്സ് ആയി ഫോട്ടോ എടുക്കുക എന്നുള്ളതാണ്. ഞാൻ പേര് പറയുന്നില്ല ചില നടന്മ്മാർക്കു അതിനോട് വിയോജിപ്പ് ആണ്. എന്റെ അടുത്ത് അവർ ചോദിച്ചിട്ടുണ്ട് നിനക്ക് ഫോട്ടോ എടുക്കുന്ന ഭ്രാന്ത് തീർന്നില്ലേ എന്ന്. എനിയ്ക്ക് ഫോട്ടോ എടുക്കാനുള്ള ഭ്രാന്ത് ഇല്ല. അവർ ആഗ്രഹിക്കുന്നത് ഈ ഷോ കാണുന്നതിലും അപ്പുറം നമ്മളോടൊപ്പം ഒരു ഫോട്ടോ എടുക്കുക ഭയങ്കര സന്തോഷം ആണ്. നാട്ടിൽ പോയ ഒരു ഫീലിംഗ് കിട്ടും. ചിലപ്പോ ഫോട്ടോ എടുത്തു ഒരു മണിക്കൂർ കഴിഞ്ഞിട്ട് ആയിരിക്കും ആഹാരം കഴിക്കാൻ പറ്റുക. എല്ലാരും ആയും ഫോട്ടോ എടുക്കും. നമ്മളെ നമ്മൾ ആക്കിയ പ്രേക്ഷകരോട് നമുക്കൊരു ആത്മ ബന്ധം ഉണ്ട് 🔥🥰

07/07/2025

ഒരു ഒന്നൊന്നര ട്രാക്ക് ❤️🚶‍♂️

രണം ❤️

05/07/2025

01/07/2025

വിശ്രമം കഴിഞ്ഞ് ആരോഗ്യവാനായി മമ്മൂട്ടി

28/06/2025

27/06/2025

കണ്ണപ്പയിലെ കിരാതനായുള്ള മോഹൻലാലിന്റെ വേഷം ഒട്ടും ആവശ്യമില്ലാത്ത ഒരു റോളായിരുന്നു. ആകെ 3 മിനിറ്റോളം നീളുന്ന മോഹൻലാലിന്റെ പോഷനിൽ ട്രോളന്മാർക്ക് എടുത്ത് പെരുമാറാനുള്ള ഒരു രംഗവുമുണ്ട്. ഒന്നാമത് ചരിത്രകഥാപാത്രങ്ങൾ മോഹൻലാലിന്റെ ശരീരഭാഷയ്ക്ക് ഇണങ്ങുന്നതല്ലെന്ന പലയാവർത്തി അദ്ദേഹം തന്നെ തെളിയിച്ചിട്ടുണ്ട്. കിരാതൻ ഒരു ചരിത്ര കഥാപാത്രം അല്ലെങ്കിലും ശിവന്റെ അവതാരമാണ്. ആ ഗൗരവം മോഹൻലാൽ കഥാപാത്രത്തിന് കൊടുക്കുന്നില്ല. എന്താ മോനെ എന്ന മട്ടിലുള്ള ചിരിയും കളിയുമായാണ് മോഹൻലാൽ കിരാതനെ അവതരിപ്പിക്കുന്നത്. മോശമല്ലാത്ത ഒരു ഇൻട്രോ കിട്ടിയിട്ടുണ്ട്. എന്നാൽ ഇന്റർവൽ പഞ്ച് ആക്കി ആരാണ് ഇവൻ എന്ന രീതിയിലൊക്കെ അവതരിപ്പിച്ചിട്ടും ഒരു പഞ്ചും കിട്ടിയില്ല.

ഈ സിനിമയിൽ അഭിനയിച്ചതിന് മോഹൻലാൽ പൈസ ഒന്നും വാങ്ങിയില്ലെന്നും ഫ്ലൈറ്റ് ടിക്കറ്റ് വരെ മോഹൻലാൽ സ്വന്തം എടുത്തതാണെന്നും വിഷ്ണു മഞ്ചു പറയുന്നത് കേട്ടിട്ടുണ്ട്. പ്രതിഫലം വാങ്ങിയിരുന്നെങ്കിൽ അതെങ്കിലും ഉണ്ടാകുമായിരുന്നു. ഇതിപ്പോ സ്വന്തമായി കാശും ചെലവാക്കി ട്രോൾ മെറ്റീരിയൽ ആവാൻ പോകുന്നു 🙂

27/06/2025

തനിക്കെതിരെയുള്ള സൈബർ അധിക്ഷേപങ്ങളിൽ വീണ്ടും പ്രതികരണവുമായി മാധവ് സുരേഷ്. കഴിവുള്ളവരെ മലയാളികൾ ആദ്യം പുച്ഛിക്കും എന്നാണ് താരത്തിന്റെ പ്രതികരണം...

26/06/2025