20/08/2026
ଲଗାଣ ବର୍ଷା ରେ ବଞ୍ଜାରୀ ସରବାହାଲ ଭାଙ୍ଗିଥିବା ବ୍ରିଜ ପରିଦର୍ଶନ କଲେ ବିଧାୟକ, ଅସ୍ଥାୟୀ ବ୍ରିଜ ନିର୍ମାଣ ପାଇଁ ନିର୍ଦେଶ
ଝାରସୁଗୁଡ଼ା : ଲଗାଣ ବର୍ଷା ଯୋଗୁଁ ଝାରସୁଗୁଡ଼ା ପୌରପାଳିକା ଅନ୍ତର୍ଗତ ୧୫ ନମ୍ବର ୱାର୍ଡର ବଞ୍ଜାରି ସରବାହାଳ ସଂଯୋଗକାରୀ ରାସ୍ତାରେ ଥିବା ବ୍ରିଜ୍ଟି କ୍ଷତିଗ୍ରସ୍ତ ହୋଇ କିଛି ଅଂଶ ଭାଙ୍ଗିଯାଇଛି। ଫଳରେ ଗତ ଦୁଇଦିନ ହେବ ସ୍ଥାନୀୟ ଅଞ୍ଚଳରେ ଯାତାୟାତ ବାଧାପ୍ରାପ୍ତ ହୋଇଛି। ସ୍ଥିତିର ଅନୁଧ୍ୟାନ କରିବା ପାଇଁ ବୁଧବାର ଝାରସୁଗୁଡ଼ା ବିଧାୟକ ଟଙ୍କଧର ତ୍ରିପାଠୀ, ପ୍ରଶାସନିକ ଓ ବିଭାଗୀୟ ଅଧିକାରୀଙ୍କ ସହ ଘଟଣାସ୍ଥଳ ପରିଦର୍ଶନ କରିଛନ୍ତି।
ଏହି ପରିଦର୍ଶନ ସମୟରେ ଜିଲ୍ଲା ପରିଷଦର ସିଡିଓ ତଥା ପିଡି ଡିଆରଡିଏ ବିଶ୍ୱରଞ୍ଜନ ନାୟକ, ପୌରପାଳିକା ନିର୍ବାହୀ ଅଧିକାରୀ ନିଶିକାନ୍ତ ଟେଟେ , ବିଜେପି ନେତା ବିମଳେନ୍ଦୁ ଭୋଲ, ପୌରପାଳିକା ଓ ବେଦାନ୍ତର ଯନ୍ତ୍ରୀଙ୍କ ସମେତ ଅନେକ କର୍ମଚାରୀ ଉପସ୍ଥିତ ଥିଲେ।ସାଧାରଣ ଜନତାଙ୍କ ଯାତାୟାତରେ ଯେପରି କୌଣସି ଅସୁବିଧା ନହୁଏ, ସେଥିପାଇଁ ଆସନ୍ତାକାଲି ସନ୍ଧ୍ୟା ସୁଦ୍ଧା ଅସ୍ଥାୟୀ ଭାବେ ବ୍ରିଜ୍ ନିର୍ମାଣ ଶେଷ କରି ଯାତାୟାତ ସ୍ୱାଭାବିକ କରାଯିବ ବୋଲି ପ୍ରଶାସନ ନିଷ୍ପତ୍ତି ନେଇଛି। ଏହାସହ ବର୍ଷା ଋତୁ ଶେଷ ହେବା ପରେ ଏହି ରାସ୍ତା ଓ ପୋଲର ସ୍ଥାୟୀ ନୂତନ ନିର୍ମାଣ କାର୍ଯ୍ୟ କରାଯିବ ବୋଲି ବିଧାୟକ ତ୍ରିପାଠୀ ସ୍ଥାନୀୟ ଲୋକଙ୍କୁ ପ୍ରତିଶ୍ରୁତି ଦେଇଛନ୍ତି।
Report Malaya Pattnaik
