Kranti Odisha News

28/05/2026

ଓଏଏସ ପରୀକ୍ଷା ରେ କୃତକାର୍ଯ୍ୟ ହୋଇଥିବା ରାହୁଲ ଙ୍କୁ ଭେଟିଲେ ଝାରସୁଗୁଡା ବିଧାୟକ

ଝାରସୁଗୁଡା, ଝାରସୁଗୁଡା ଜିଲ୍ଲା ଲଇକେରା ବ୍ଲକ୍ ଅନ୍ତର୍ଗତ ସାହାସପୁର ଗ୍ରାମପଞ୍ଚାୟତର ରାହୁଲ ରାଜହଂସ ଚଳିତ ଓଡ଼ିଶା ପ୍ରଶାସନିକ ସେବା ପରୀକ୍ଷାରେ ୧୪୮ତମ ସ୍ଥାନ ଅଧିକାର କରିଥିବାରୁ ବୁଧୁବାର ଝାରସୁଗୁଡା ବିଧାୟକ ଟଙ୍କଧର ତ୍ରିପାଠୀ ରାଜହଂସ ଙ୍କ ବାସ ଭବନ କୁ ଯାଇ ଶୁଭେଚ୍ଛା ଜଣାଇଛନ୍ତି ।

ଏହା ସହିତ ବିଧାୟକ ତ୍ରିପାଠୀ ରାହୁଲ ଙ୍କ ପିତା ସୁଶାନ୍ତ ରାଜହଂସ ଏବଂ ମାତା ଜାହ୍ନବୀ ରାଜହଂସଙ୍କୁ ମଧ୍ୟ ଏହି ଗୌରବମୟ ସଫଳତା ପାଇଁ ଅଭିନନ୍ଦନ ଜଣାଇବା ସହ ତାଙ୍କ ପରିବାରର ଉଦ୍ୟମ ଓ ପ୍ରେରଣାକୁ ପ୍ରଶଂସା କରିଥିଲେ |

ରାହୁଲଙ୍କ ଏହି ସଫଳତା କେବଳ ତାଙ୍କ ପରିବାର ପାଇଁ ନୁହେଁ, ସାହାସପୁର, ଲଇକେରା ବ୍ଲକ୍ ତଥା ସମଗ୍ର ଜିଲ୍ଲା ପାଇଁ ଗର୍ବର ବିଷୟ ଏବଂ ରାହୁଲ ଙ୍କର ନିଷ୍ଠା, ପରିଶ୍ରମ ଓ ଦୃଢ଼ ସଂକଳ୍ପ ଆଗାମୀ ପିଢ଼ି ପାଇଁ ଏକ ପ୍ରେରଣାଦାୟକ ଉଦାହରଣ ହୋଇ ରହିବ ବୋଲି ବିଧାୟକ ତ୍ରିପାଠୀ ମତ ପ୍ରକାଶ କରିଛନ୍ତି |

Report - Malaya Pattnaik

23/05/2026

ନିର୍ବାଚନ ମଣ୍ଡଳୀର ବିଭିନ୍ନ ସ୍ଥାନରେ ବିଧାୟକ ଙ୍କ ଦ୍ୱାରା ନୂତନ ଟ୍ୟୁବୱେଲ ଲୋକାର୍ପିତ, ଜନସାଧାରଣଙ୍କୁ ମିଳିବ ପିଇବା ପାଣି,

ଝାରସୁଗୁଡ଼ା, ଝାରସୁଗୁଡ଼ା ଜିଲ୍ଲାରେ ଗ୍ରୀଷ୍ମ ପ୍ରବାହ ଜାରି ରହିଥିବା ବେଳେ ସାଧାରଣ ଲୋକଙ୍କ ଜଳକଷ୍ଟ ଦୂର କରିବା ପାଇଁ ଏକ ସ୍ୱାଗତଯୋଗ୍ୟ ପଦକ୍ଷେପ ଦେଖିବାକୁ ମିଳିଛି। ଝାରସୁଗୁଡ଼ା ନିର୍ବାଚନ ମଣ୍ଡଳୀର ବିଭିନ୍ନ ସ୍ଥାନରେ ଜନସାଧାରଣଙ୍କ ପିଇବା ପାଣି ସମସ୍ୟାର ସମାଧାନ ନିମନ୍ତେ ନୂତନ ଭାବେ ସ୍ଥାପନ କରାଯାଇଥିବା ଟ୍ୟୁବୱେଲ (ନଳକୂପ) ଗୁଡ଼ିକୁ ସ୍ଥାନୀୟ ବିଧାୟକ ଟଙ୍କଧର ତ୍ରିପାଠୀ ଶନିବାର ପୂର୍ବାହ୍ନରେ ଆନୁଷ୍ଠାନିକ ଭାବେ ଲୋକାର୍ପଣ କରିଛନ୍ତି।

ସୂଚନା ଅନୁଯାୟୀ, ଶନିବାର ସକାଳେ ବିଧାୟକ ତ୍ରିପାଠୀ ପ୍ରଥମେ ଝାରସୁଗୁଡ଼ା ସଦର ବ୍ଲକ ଅନ୍ତର୍ଗତ ବଡ଼ମାଳ ଗ୍ରାମ ପଂଚାୟତର ହରିଜନ ପଡ଼ା ଠାରେ ଏକ ନୂତନ ଟ୍ୟୁବୱେଲର ଉଦଘାଟନ କରିଥିଲେ। ଏହାପରେ ସେ କୋଲାବିରା ବ୍ଲକ ପରମାନପୁର ଗ୍ରାମ ପଂଚାୟତ ସ୍ଥିତ ବୁଚାମୁଣ୍ଡା ଠାରେ ଏବଂ ଶେଷରେ କିର୍ମିରା ବ୍ଲକର ସାପ୍ତାହିକ ବଜାର ଝାରମୁଣ୍ଡା ଠାରେ ପୃଥକ ପୃଥକ ଭାବେ ଅନ୍ୟ ଦୁଇଟି ପିଇବା ପାଣି ଟ୍ୟୁବୱେଲକୁ ଜନସାଧାରଣଙ୍କ ଉଦ୍ଦେଶ୍ୟରେ ଉତ୍ସର୍ଗ କରିଥିଲେ।

ବର୍ତ୍ତମାନ ସାରା ରାଜ୍ୟ ତଥା ଝାରସୁଗୁଡ଼ା ଜିଲ୍ଲାରେ ଗ୍ରୀଷ୍ମ ଲହରୀ ଯୋଗୁଁ ତାପମାତ୍ରା କ୍ରମାଗତ ଭାବେ ବୃଦ୍ଧି ପାଉଛି। ଏଭଳି ପରିସ୍ଥିତିରେ ଜଳାଭାବ ସମୟରେ ଏହି ନୂତନ ନଳକୂପ ଗୁଡ଼ିକ ସ୍ଥାନୀୟ ବାସିନ୍ଦାଙ୍କ ପାଇଁ ବେଶ ସହାୟକ ହେବ ଏବଂ ପିଇବା ପାଣିର ସମସ୍ୟାକୁ ଅନେକାଂଶରେ ଦୂର କରିବ ବୋଲି ସାଧାରଣରେ ଆଶା ପ୍ରକାଶ ପାଇଛି।ଏହି ଲୋକାର୍ପଣ କାର୍ଯ୍ୟକ୍ରମ ସମୟରେ ଭାରତୀୟ ଜନତା ପାର୍ଟି ର ବହୁ ବରିଷ୍ଠ ନେତୃବୃନ୍ଦ, ସ୍ଥାନୀୟ କର୍ମକର୍ତ୍ତା ଏବଂ ଗ୍ରାମବାସୀମାନେ ବହୁ ସଂଖ୍ୟାରେ ଉପସ୍ଥିତ ଥିଲେ। ଏହି ଅବସରରେ ସ୍ଥାନୀୟ ଅଞ୍ଚଳରେ ପିଇବା ପାଣିର ବ୍ୟବସ୍ଥା ହୋଇଥିବାରୁ ଅଞ୍ଚଳବାସୀ ବିଧାୟକଙ୍କୁ ଧନ୍ୟବାଦ ଜଣାଇଛନ୍ତି।

Report - Malaya Pattnaik

23/05/2026

ସରକାର ଙ୍କ ଦ୍ଵିତୀୟ ବର୍ଷ ପୂର୍ତ୍ତି ରେ ହାର୍ଟ ହସ୍ପିଟାଲ କାର୍ଯ୍ୟକ୍ଷମ ହେବ -ସ୍ୱାସ୍ଥ୍ୟମନ୍ତ୍ରୀ

Report by Malaya Pattnaik

ଝାରସୁଗୁଡା, ଝାରସୁଗୁଡା ବିମାନ ବନ୍ଦର ରେ ଶନିବାର ସନ୍ଧ୍ୟା ୬ ଟା ରେ ରାଜ୍ୟ ସରକାର ଙ୍କ ସ୍ୱାସ୍ଥ୍ୟ ମନ୍ତ୍ରୀ ମୁକେଶ ମହାଳିଙ୍ଗ ଙ୍କୁ ଦଳୀୟ କାର୍ଯ୍ୟକର୍ତ୍ତା ମାନେ ଶୁଭେଚ୍ଛା ଜଣାଇବା ଯାଇଥିବା ବେଳେ ଝାରସୁଗୁଡା ରେ ହାର୍ଟ ହସ୍ପିଟାଲ୍‌ ରାଜ୍ୟ ସରକାରଙ୍କ ଦ୍ୱିତୀୟ ବର୍ଷ ପୂର୍ତ୍ତି ଉପଲକ୍ଷେ ସମ୍ପୂର୍ଣ୍ଣ ରୂପେ ଆରମ୍ଭ କରାଯିବ ବୋଲି ଗଣ ମାଧ୍ୟମ ପ୍ରତିନିଧି ଙ୍କୁ ସୂଚନା ଦେଇଛନ୍ତି |ଏହା ସହିତ ମନ୍ତ୍ରୀ ମହାଳିଙ୍ଗ ସୂଚନା ଦେଇ କହିଛନ୍ତି ଯେ ଗତବର୍ଷ ସରକାର ଙ୍କ ଏକ ବର୍ଷ ପୂର୍ତ୍ତି ଉପଲକ୍ଷେ ମଙ୍ଗଳ ବଜାର ସାଟେଲାଇଟ ହସ୍ପିଟାଲ କାର୍ଯ୍ୟକ୍ଷମ ହୋଇ ସାରିଥିବା ବେଳେ ଝାରସୁଗୁଡା ରେ ନିର୍ମାଣ ହୋଇଥିବା ବହୁ ପ୍ରତୀକ୍ଷିତ ଝାରସୁଗୁଡ଼ାର ହାର୍ଟ ହସ୍ପିଟାଲ୍‌ ରାଜ୍ୟ ସରକାରଙ୍କ ଦ୍ୱିତୀୟ ବର୍ଷ ପୂର୍ତ୍ତି ଉପଲକ୍ଷେ ଆସନ୍ତା ଜୁନ ମାସ ରେ ଏହା ସମ୍ପୂର୍ଣ୍ଣ ରୂପେ ଆରମ୍ଭ ଏବଂ କାର୍ଯ୍ୟକ୍ଷମ ହେବ ।

ଏହି ଘୋଷଣା ପରେ ଝାରସୁଗୁଡା ବିଧାୟକ ଟଙ୍କଧର ତ୍ରିପାଠୀ ମୁଖ୍ୟମନ୍ତ୍ରୀ ମୋହନ ମାଝୀ ଓ ସ୍ୱାସ୍ଥ୍ୟମନ୍ତ୍ରୀ ମୁକେଶ ମହାଳିଙ୍ଗ ଙ୍କୁ କୃତଜ୍ଞତା ଜ୍ଞାପନ କରିଛନ୍ତି |ଏହା ସହିତ ସ୍ୱାସ୍ଥ୍ୟ ମନ୍ତ୍ରୀ ମୁକେଶ ମହାଳିଙ୍ଗ ଏବଂ ତାଙ୍କ ସଚିବ ମାନଙ୍କ ସହିତ ସବୁ ପ୍ରକାର ଆଲୋଚନା ସରିଛି | ଏହି ହାର୍ଟ ହସ୍ପିଟାଲ କାର୍ଯ୍ୟକ୍ଷମ ହେଲେ ଜିଲ୍ଲା ର ସାଧାରଣ ଲୋକ ଉପକୃତ ହୋଇ ପାରିବେ ବୋଲି ବିଧାୟକ ତ୍ରିପାଠୀ ମତ ପ୍ରକାଶ କରିଛନ୍ତି |

18/05/2026

Know your future prediction of May 3rd Week. Watch this video.

मई महीने के तृतीय सप्ताह कैसा रहेगा आपका , देखिए इस वीडियो।

...

11/05/2026

https://youtu.be/6ZV6R0FLV-Y?si=EYKrIqsojxtQDENm

...

04/05/2026

ପଶ୍ଚିମବଙ୍ଗ, ଆସାମ, ପୁଡ଼ୁଚେରି ରେ ଭାଜପା ର ବିଜୟ କୁ ନେଇ ଉତ୍ସବ ପାଳିଲେ ଭାଜପା କର୍ମକର୍ତ୍ତା

​ଝାରସୁଗୁଡ଼ା,ପଶ୍ଚିମବଙ୍ଗ,ଆସାମ ଓ ପୁଡ଼ୁଚେରି ବିଧାନସଭା ନିର୍ବାଚନରେ ଭାରତୀୟ ଜନତା ପାର୍ଟି ବହୁ ସଂଖ୍ୟାରେ ଆସନ ଜିତି ସରକାର ପ୍ରତିଷ୍ଠା କରିବା ପାଇଁ ପ୍ରସ୍ତୁତ ହେବା ପରେ , ଏହାର ଖୁସି ଝାରସୁଗୁଡ଼ା ସହରରେ ଦେଖିବାକୁ ମିଳିଛି। ଆସାମ, ପୁଡ଼ୁଚେରି ସହିତ ପଶ୍ଚିମବଙ୍ଗରେ ତୃଣମୂଳ କଂଗ୍ରେସର ପରାଜୟ ଓ ଭାଜପା ର ଏହି ବଡ଼ ବିଜୟକୁ ନେଇ ଝାରସୁଗୁଡ଼ା ଭାଜପା କର୍ମକର୍ତ୍ତାଙ୍କ ପକ୍ଷରୁ ସୋମବାର ଅପରାହ୍ନ ରେ ଉତ୍ସବ ପାଳନ କରାଯାଇଛି।

ଝାରସୁଗୁଡା ବିଧାୟକ ଟଙ୍କଧର ତ୍ରିପାଠୀ ଙ୍କ ଉପସ୍ଥିତି ରେ ସ୍ଥାନୀୟ ଭାଜପା କର୍ମକର୍ତ୍ତାମାନେ ଝଣ୍ଡା ଛକ, ବିଟିଏମ ଭାଜପା କାର୍ଯ୍ୟାଳୟ ରେ ଏକତ୍ରିତ ହୋଇ ପରସ୍ପରକୁ ଅବିର ଲଗାଇବା ସହ ମିଠା ବାଣ୍ଟି ଖୁସି ମନାଇଥିଲେ।ଏହା ସହିତ ସହରର ବିଭିନ୍ନ ସ୍ଥାନରେ ଆତସବାଜି କରାଯିବା ସହ ପାର୍ଟିର ବିଜୟକୁ ନେଇ ନାରାବାଜି କରାଯାଇଥିଲା।​

ଝାରସୁଗୁଡ଼ା ବିଧାୟକ ଟଙ୍କଧର ତ୍ରିପାଠୀ ପଶ୍ଚିମବଙ୍ଗ ନିର୍ବାଚନ ରେ ନନ୍ଦୀଗ୍ରାମ ଏବଂ ଭବାନୀପୁର ଦାୟିତ୍ୱ ରେ ଥିବାବେଳେ ଏହି ଦୁଇ ନିର୍ବାଚନ ମଣ୍ଡଳୀ ରେ ଭାଜପା ବିଧାୟକ ପ୍ରାର୍ଥୀ ବିଜୟୀ ହୋଇଥିବା ହେତୁ ମଧ୍ୟ ଭାଜପା କର୍ମୀ ଙ୍କ ମଧ୍ୟରେ ପ୍ରବଳ ଉତ୍ସାହ ଦେଖିବାକୁ ମିଳିଥିଲା | ବିଧାୟକ ତ୍ରିପାଠୀ ଏହି ସଫଳତା ପାଇଁ ଦେଶ ର ଶୀର୍ଷ ନେତୃତ୍ୱ ଓ ପଶ୍ଚିମବଙ୍ଗର ଜନସାଧାରଣଙ୍କୁ ଧନ୍ୟବାଦ ଜଣାଇଛନ୍ତି |

​କାର୍ଯ୍ୟକ୍ରମରେ ବିଧାୟକ ତ୍ରିପାଠୀ ଙ୍କ ସହିତ ପ୍ରେମସେନ ରାୟ,ନେତାଜୀ ପଟ୍ଟନାୟକ, ବନ୍ଦନା ମୁନ୍ଦ୍ରା,ଅରବିନ୍ଦ ପାଠକ, ପୁରୁଷୋତ୍ତମ ଥିରାଣୀ, ତାରଣ ଗିଦ୍ୱାନୀ, ବିବେକ ଶ୍ରୀବାସ, ହେମରଞ୍ଜନ ସିଂ ଙ୍କ ସହିତ ଜିଲ୍ଲା ଓ ବ୍ଲକ ସ୍ତରର ଅନେକ ବରିଷ୍ଠ ନେତା ଏବଂ ଶତାଧିକ କର୍ମକର୍ତ୍ତା ସାମିଲ ହୋଇଥିଲେ।

Report - Malaya Pattnaik

03/05/2026

ବିଧାୟକଙ୍କ ଦ୍ଵାରା ୨୩ଟି ପାଣି ଟ୍ୟାଙ୍କର ଶୁଭାରମ୍ଭ,

ଝାରସୁଗୁଡା , ଝାରସୁଗୁଡା ଜିଲ୍ଲା ର ଲଇକେରା, କୋଲାବିରା, କିର୍ମିରା ଏବଂ ଝାରସୁଗୁଡା ବ୍ଲକ ଅଞ୍ଚଳରେ ବିଭିନ୍ନ ଗ୍ରାମରେ ପାଣି ସମସ୍ୟା ଦୂର ପାଇଁ ବିଧାୟକ ଟଙ୍କଧର ତ୍ରିପାଠୀ ଙ୍କ ଉଦ୍ୟମରେ ୨୩ଟି ପାଣି ଟ୍ୟାଙ୍କର ରେ ଶୁଭାରମ୍ଭ ହୋଇଯାଇଛି l ରବିବାର ବିଧାୟକ ଟଙ୍କଧର ତ୍ରିପାଠୀ ସମସ୍ତ ବ୍ଲକ କାର୍ଯ୍ୟାଳୟ ରେ ଫିତା କାଟି ୨୩ଟ୍ରାକ୍ଟର ସହ ଟ୍ୟାଙ୍କର ର ଶୁଭାରମ୍ଭ କରିଥିଲେ |

ଝାରସୁଗୁଡା ନିର୍ବାଚନ ମଣ୍ଡଳୀ ର ବ୍ଲକ ଗୁଡିକ ର ଯେଉଁ ଗାଁ ମାନଙ୍କ ରେ ପାଣି ସମସ୍ୟା ହେବ ଗ୍ରାମବାସୀ ବିଡ଼ିଓ କିମ୍ବା ଗ୍ରାମ୍ୟ ଜଳ ଯୋଗାଣ ବିଭାଗ ସହ ଯୋଗାଯୋଗ କରି ଟ୍ୟାଙ୍କର ଦ୍ୱାରା ପାଣି ପାଇବା ସୁବିଧା ପାଇ ପାରିବେ ବୋଲି ବିଧାୟକ ଟଙ୍କଧର ତ୍ରିପାଠୀ ଏହି ଅବସରରେ ଘୋଷଣା କରିଥିଲେ l

ଏଥିରେ ଜିଲ୍ଲାପରିଷଦ ଉନ୍ନୟନ ଅଧିକାରୀ ବିଶ୍ବରଂଜନ ନାୟକ, ଆର ଡବ୍ଲୁ ଏସ ଏସ ର ଅଧିକ୍ଷଣ ଯନ୍ତ୍ରୀ ଜ୍ୟୋତ୍ସ୍ନାମୟୀ ମାରାଣ୍ଡି, ସମସ୍ତ ବ୍ଲକ ର ବିଡିଓ,ଆର ଡବ୍ଲୁ ଏସ ଏସ ର ସହକାରୀ ଯନ୍ତ୍ରୀ, କନିଷ୍ଠ ଯନ୍ତ୍ରୀ,ସ୍ଥାନୀୟ ଜନ ପ୍ରତିନିଧି ଙ୍କ ସହିତ ଭାଜପା କର୍ମକର୍ତା ମାନେ ଉପସ୍ଥିତ ଥିଲେ |

01/05/2026

ଝାରସୁଗୁଡ଼ାରେ ବେଆଇନ ପାଉଁଶ ଫିଙ୍ଗିବା ଉପରେ ରୋକ ଲଗାଇବାକୁ ଜିଲ୍ଲାପାଳ ଙ୍କୁ ବିଧାୟକଙ୍କ ଚିଠି,୨୪X୭ ଟାସ୍କ ଫୋର୍ସ ଗଠନ ପାଇଁ ଦାବି

​ଝାରସୁଗୁଡ଼ା, ଝାରସୁଗୁଡ଼ା ସହର ଓ ଏହାର ଆଖପାଖ ଅଞ୍ଚଳରେ ଚାଲିଥିବା ବେଆଇନ ପାଉଁଶ ଫିଙ୍ଗା (Illegal Ash Dumping) କୁ ନେଇ ଉଦ୍‌ବେଗ ପ୍ରକାଶ କରିଛନ୍ତି ଝାରସୁଗୁଡ଼ା ବିଧାୟକ ଟଙ୍କଧର ତ୍ରିପାଠୀ। ଏହି ବେଆଇନ କାର୍ଯ୍ୟକଳାପ ଉପରେ କଡ଼ା ନଜର ରଖିବା ପାଇଁ ଏକ ୨୪X୭ ସ୍ୱତନ୍ତ୍ର ଟାସ୍କ ଫୋର୍ସ ଗଠନ କରିବାକୁ ସେ ଝାରସୁଗୁଡା ଜିଲ୍ଲାପାଳ କୁଣାଲ ମୋତିରାମ ଚହ୍ୱାଣ ଙ୍କୁ ଏକ ପତ୍ର ଲେଖି ଅନୁରୋଧ କରିଛନ୍ତି।ବିଧାୟକ ଶ୍ରୀ ତ୍ରିପାଠୀ ଜିଲ୍ଲାପାଳଙ୍କୁ ଲେଖିଥିବା ପତ୍ରରେ ଦର୍ଶାଇଛନ୍ତି ଯେ, କିଛି ଅସାମାଜିକ ପରିବହନକାରୀ ଏବଂ କାରଖାନା ମାଲିକଙ୍କ ମଧୁଚନ୍ଦ୍ରିକାରେ ବିଳମ୍ବିତ ରାତିରେ ଜନବସତି ଓ ପରିଧି ଅଞ୍ଚଳରେ ବେଆଇନ ଭାବେ ପାଉଁଶ ଫିଙ୍ଗା ଯାଉଛି।

ଏହାଦ୍ୱାରା ପରିବେଶ ପ୍ରଦୂଷିତ ହେବା ସହ ସ୍ଥାନୀୟ ଲୋକଙ୍କ ସ୍ୱାସ୍ଥ୍ୟ ଉପରେ ଗୁରୁତର ପ୍ରଭାବ ପଡୁଛି। ବିଶେଷ କରି ବାୟୁ ଏବଂ ମୃତ୍ତିକାର ଗୁଣବତ୍ତା ନଷ୍ଟ ହେଉଥିବା ବେଳେ ସାଧାରଣ ନାଗରିକଙ୍କ ଜୀବନଜୀବିକା ବିପଦରେ ପଡିଛି।​ପ୍ରଦୂଷଣ ବିଭାଗ ଏବଂ ଜିଲ୍ଲା ପ୍ରଶାସନ ପ୍ରତିନିଧିମାନଙ୍କୁ ନେଇ ଏକ ୨୪-ଘଣ୍ଟିଆ ଟାସ୍କ ଫୋର୍ସ ଗଠନ କରାଯାଉ। ବିଭିନ୍ନ ସନ୍ଦେହଜନକ ସ୍ଥାନ ଏବଂ ପରିବହନ ରୁଟ୍‌ରେ ରାତ୍ରିକାଳୀନ ପାଟ୍ରୋଲିଂ ଓ ଚଢ଼ାଉ କରାଯାଉ।ଏହି ବେଆଇନ କାର୍ଯ୍ୟରେ ଲିପ୍ତ ଥିବା ପରିବହନକାରୀ ଓ କାରଖାନା ମାଲିକଙ୍କ ବିରୋଧରେ ଆଇନଗତ କାର୍ଯ୍ୟାନୁଷ୍ଠାନ ଗ୍ରହଣ କରାଯାଉ। ପ୍ରଶାସନ ପକ୍ଷରୁ ନିଆଯାଉଥିବା ପଦକ୍ଷେପ ସମ୍ପର୍କରେ ଜନସାଧାରଣଙ୍କୁ ଅବଗତ କରାଯାଉ, ଯାହାଦ୍ୱାରା ଏହି ପ୍ରକ୍ରିୟାରେ ସ୍ୱଚ୍ଛତା ରହିବ।

​ଏହି ସମସ୍ୟାର ସମାଧାନ ପାଇଁ ତୁରନ୍ତ ଏବଂ କଠୋର ପଦକ୍ଷେପ ନେବାକୁ ବିଧାୟକ ତ୍ରିପାଠୀ ଜିଲ୍ଲା ପ୍ରଶାସନ ନିକଟରେ ଦାବି କରିଛନ୍ତି, ଯାହାଦ୍ୱାରା ଝାରସୁଗୁଡ଼ାର ପରିବେଶ ସୁରକ୍ଷିତ ରହିପାରିବ ଓ ଜନସାଧାରଣ ସୁରକ୍ଷିତ ରହି ପାରିବେ |

30/04/2026

बीजेपी की बंपर जीत बंगाल में= हिंदू राष्ट्र की नींव भारत में

बीजेपी की बंपर जीत बंगाल में= हिंदू राष्ट्र की नींव भारत में नन्द किशोर जोशी एक्जिक्यूटिव एडिटर क्रांति ओडिशा मीडिया कल बंगाल विधानसभा का चुनाव मोटे तौर पर शांतिपूर्ण तरीके से संपन्न हुआ। ज्यादातर एक्जिट पोल बता रहे वहां भाजपा की बंपर जीत। इस बार वहां भाजपा की जीत अनेक मायने में भारत की जीत है, हिंदुत्व की जीत है।...

बीजेपी की बंपर जीत बंगाल में= हिंदू राष्ट्र की नींव भारत में नन्द किशोर जोशी एक्जिक्यूटिव एडिटर क्रांति ओडिशा मीड....