27/05/2021
ମୋଦି ସରକାରଙ୍କ ସାତ ବର୍ଷ ଶାସନର ବିଫଳତା ପ୍ରତିବାଦରେ ଅଖିଳ ଭାରତ କୃଷକ ମହାସଭା ( AIKM) ତରଫରୁ କଳାଦିବସ ପାଳନ ।
ଆଜି ଅଖିଳ ଭାରତ କୃଷକ ମହାସଭା (AIKM) ଓ ଏକଟୁ (AICCTU) ଶ୍ରମିକ ସଂଗଠନ ପକ୍ଷରୁ ଦେଶବ୍ୟାପୀ କେନ୍ଦ୍ର ସରକାରଙ୍କ କୃଷକ ମାରଣ ନୀତି ବିରୁଦ୍ଧରେ କଳାଦିବସ ପାଳନ କରାଯାଇଛି । ଏହି ପରିପ୍ରେକ୍ଷୀରେ ଗୁଣୁପୁର , ଗୁଡ଼ାରୀ , ପଦ୍ମପୁର , କୋଲନରା , ରାମନାଗୁଡା , କଲ୍ୟାଣସିଂହପୁର ବ୍ଲକ ଏବଂ ବିଭିନ୍ନ ଗ୍ରାମରେ କୋଭିଡ କଟକଣାକୁ ମାନି କଳାଦିବସ ପାଳନ କରାଯାଇଛି ।
ବିଶେଷ କରି କେନ୍ଦ୍ର ସରକାରଙ୍କ କୃଷକ ମାରଣ ନୀତି ଓ ଶ୍ରମିକ ବିରୋଧୀ ଆଇନ ତଥା ପୁଞ୍ଜିପତି ମାନଙ୍କୁ ସୁହାଇଲା ଭଳି ବ୍ୟବସ୍ଥା ବିରୁଦ୍ଧରେ ଜନ ଆନ୍ଦୋଳନ କରିବାକୁ ସଙ୍ଗଠନ ପକ୍ଷରୁ ନିବେଦନ କରାଯାଇଛି । ବିଭିନ୍ନ ଦାବି ଯଥା , କୃଷକ ବିରୋଧୀ କୃଷି ଆଇନର ପ୍ରତ୍ୟାହାର , ଶ୍ରମିକ ବିରୋଧୀ ଶ୍ରମ ଆଇନକୁ ବାତିଲ , କୃଷି କ୍ଷେତ୍ରକୁ କର୍ପୋରେଟଙ୍କ ହାତରେ ଟେକିଦେବା ବନ୍ଦ କରିବା , ଅତ୍ୟାବଶ୍ୟକୀୟ ସାମଗ୍ରୀ ଆଇନର ଅସାଧୁ ସଂଶୋଧନ କାହା ସ୍ବାର୍ଥରେ , ମଣ୍ଡି ବ୍ୟବସ୍ଥା ଉଚ୍ଛେଦ ବନ୍ଦ କରିବା , ଜନ ବିରୋଧି ବିଦ୍ୟୁତ ସଂଶୋଧନ ବିଲ୍ ପ୍ରତ୍ୟାହାର , କମ୍ପାନୀ ଗୁଡ଼ିକ ଦ୍ବାରା ଠିକା ଚାଷ ବ୍ୟବସ୍ଥା ବାତିଲ କରିବାକୁ ସଙ୍ଗଠନ ପକ୍ଷରୁ ଦାବି କରାଯାଇଛି ।
ଜିଲ୍ଲା ସମ୍ପାଦକ ତ୍ରିପତି ଗମାଙ୍ଗ CPI (ML) LIBARATION ଉକ୍ତ କାର୍ଯ୍ୟକ୍ରମର ମୁଖ୍ୟ ଆବାହକ ହୋଇଥିବା ବେଳେ , ଗୁଣୁପୁର ବ୍ଲକରୁ ଅନାସୀମ ଶବର , ଗୁଡ଼ାରୀ ବ୍ଲକରୁ ବୃନ୍ଦାବନ ବିଡିକା , ପଦ୍ମପୁର ବ୍ଲକରୁ ସହଦେବ ଶବର , କୋଲନରା ବ୍ଲକରୁ ମୂର୍ତ୍ତି ମିନିଆକା ଏବଂ କଲ୍ୟାଣସିଂହପୁର ବ୍ଲକରୁ ରାମଚନ୍ଦ୍ର ପ୍ରାସ୍କା ପ୍ରମୁଖ କାର୍ଯ୍ୟକ୍ରମକୁ ସଫଳ ପରିଚାଳନା କରିଥିଲେ ।
AIKM ଓ AICCTU ପକ୍ଷରୁ କରାଯାଇଥିବା ଦାବିକୁ କେନ୍ଦ୍ର ସରକାର କେତେଦୂର ଗ୍ରହଣ କରୁଛନ୍ତି ଦେଖିବାକୁ ବାକି ରହିଲା ।
ଗୁଣପୁର ରୁ ବିଭୁ ପ୍ରସାଦ ଙ୍କ ରିପୋର୍ଟ ଟିଭି ନାଇନ ଉତ୍କଳ ।
ମୋଦି ସରକାରଙ୍କ ସାତ ବର୍ଷ ଶାସନର ବିଫଳତା ପ୍ରତିବାଦରେ ଅଖିଳ ଭାରତ କୃଷକ ମହାସଭା ( AIKM) ତରଫରୁ କଳାଦିବସ ପାଳନ । ଆଜି ଅଖିଳ ଭାରତ କୃଷକ ମ...