Ziyai Network - ضیائی نیٹورک

15/08/2025

یوم آزادی پر دل کی گہرائیوں سے مبارکباد! 🇮🇳✨
اللہ ہمارے ملک کو ترقی، امن اور بھائی چارے کی نعمتوں سے نوازے اور ہمیں باہمی محبت، اتحاد اور انصاف کی راہ پر ثابت قدم رکھے۔
"اتحاد ہی طاقت ہے - یہی حقیقی آزادی کی پہچان ہے۔"

؟

دورِ حاضر میں جب جنگ آزادی کے متعلق گفتگو ہوتی ہے تو مسلم مجاہدین کے کارنامے ہمارے حاشیۂ خیال میں کیوں نہیں آتے ہیں ۔ حالا ں کہ تاریخ کی ورق گردانی کے بعد یہ بات روزِ روشن کی طرح عیاں ہو جاتی ہے کہ جنگ آزادی میں مسلمان اور با لخصوص علما کی جما عت پیش پیش تھی ، اس کے با وجود اس دور میں دوسرے لوگ سرئے سے انکار کرتے ہیں کہ جنگ آزادی میں مسلمانوں کا کوئی رول نہیں ہے ۔
حقیقتِ حال یہ ہے کہ کچھ شر پسند تاریخ نگاروں نے مسلمانوں کے مجاہدانہ اور قائدانہ کردار کوتاریخی اوراق میں ظلماً درج نہیں کیا۔ تعصب نے ان کے آنکھ پر پردہ ڈال دیا ۔ دوپہر میں چمکتے سورج کے انکار سے بھی گریز نہ کیا ۔ بایں سبب جہاں تعصب پرست تاریخ نگاروں نے تاریخ کو مسخ کرنے کی بے جاں کوشش کیں تو وہی حق پسند، منصف مزاج تاریخ نویسوں نے تاریخ بیان کر کے اپنی عظیم ذمہ داری سے سبکدوش ہو گئے ۔ با وجود اس کے ہماری غفلت و کوتاہی اور بے حسی کا عالم یہ ہے کہ ہم جنگ آزادی۱۸۵۷ء کے عظیم مجاہدوں کی قربانیوں کو فراموش کردیا ہے ۔ اور آج المیہ یہ ہے کہ جب اسلاف سے محبت کا دم بھرنے والوں کے سامنے مولانا سید کفایت علی کافی مرادآبادی ،سید مبارک شاہ رامپوری ،مفتی عنایت احمد کاکوروی ، مولانا فیض احمد عثمانی بدایونی ، مولانا احمد اللہ شاہ مدراسی ، مفتی مظہر کریم دریا بادی ، مولانا لیاقت الٰہ بادی ، مولانا رضا علی بریلوی ، مفتی صدر الدین آزردہ دہلوی ، مولانا وہاج الدین مرادآبادی ، مولانا امام بخش صہبائی دہلوی ، مولانا ڈاکٹر وزیر خان اکبر آبادی ، مولانا رحمت اللہ کیرانوی ، اور جنرل وزیر خاں(وہم چنیں مسلسل ) کا تذکرہ کیا جائے تو کہتے ہیں کہ یہ کون ہیں ؟ ان کے کارنامے کیا ہیں ؟ افسوس صد افسوس ! جنھوں نے ملک کی آزادی اور اپنے قوم وملت کے تحفظ کی خاطر اپنا سارا اثاثہ قربان کردیا یہاں تک کہ اپنی عزیز جان بھی قربان کر نے سے گریز نہ کیا اور جن کی بدولت آج ہم آزادنہ طور پر زندگی بسر کر رہے ہیں،جن سر فروشوں نے ہماری خاطر اپنا سب کچھ لٹا دیا حتی کہ اپنی جان بھی قربان کر دی ، آج ہم ان کے ناموں سے بھی نا آشنا ہیں ، ہم زیادہ سے زیادہ علامہ فضلِ حق خیرا بآدی کانام جانتے ہیں اورعلامہ کے علاوہ ہم بے شمار مجاہدین ِ جنگ آزادی کو فراموش کر بیٹھے ہیں ۔ اگر کچھ معلوم ہے تو دال میں نمک کے برابر ۔
آئیے ! ہم سب مل کر قائدینِ جنگ آزادی اور مجاہدینِ آزادی کا اس قدر تذکرہ کریں کہ آنے والی نسلوں کو قائدین و مجاہدین جنگ آزادی کے اسماے مبارکہ صرف سننے اور سنا نے سے یا د ہو جائیں ، انگریزصرف ہندوستان پر حکومت نہیں کر رہے تھے بلکہ اسلام ، احکامِ اسلام اور شعارِ اسلام کو ختم کر نے کی بے جاں کو شش کر رہے تھے ، ہاں ! منظم طورپرمذہبِ عیسائیت کے راہب ہند ستان میں آکر اپنے مذہب وملت کی نشر و اشاعت کر رہے تھے ، آگرہ میں باقائدہ عیسائیوں سے مناظرہ بھی ہوا ،مولانا رحمت اللہ کیرانوی اہلِ سنت و جماعت کے جانب سے مناظر مقرر ہوئے اورمولانا فیض احمدعثمانی بدایونی ، مولانا ڈاکٹر وزیر خاں ان کے معاون ومدد گا ر تھے ۔ علماے اہلِ سنت کو اللہ تعالیٰ کے فضل و کرم اور بنی اکرم صلی اللہ تعالی علیہ و سلم کی عنایت وعطا سے فتحِ مبین حاصل ہوئی اورعیسائیوں کو شکتِ فاش سے دو چارہوناپڑا، گویا کہ آج ہم ان کی بدولت صرف آزادی کی سانس نہیں لے رہے ہیں بلکہ ہم اپنے مذہب و ملت (مذہبِ اسلام) پر انھیں مجاہدین کی سعی سےثابت قدم ہیں ۔
۲۶؍ جنوری ، ۱۵ ؍ اگست ان دنوں گورمنٹ کی طرف سے تعطیل ہوتی ہے ۔ مدارس ، کالج ، یونیور سیٹیز بھی بند ہو تے ہیں ، آخر کیوں ؟ ہم اس دن بھی مجاہدین و قائدینِ جنگ آزادی کا تذکرہ نہیں کرتے ہیں ۔؟ ہاں ! ہاں ! اسی کو کہتے ہیں احسان فراموشی۔
عزیزوں!تاریخ کا مطالعہ کرو اور اپنے اسلاف کی عظیم اور ناقابل فراموش قربانیوں کو اپنے ذہن کے دریچہ میں محفوظ رکھو کیوں کہ

اپنی تاریخ کو جو قوم بھلا دیتی ہے
صفحۂ دہر سے وہ خود کو مٹا دیتی ہے

✍️ :محمد علاءالدین قادری مصباحی بلرام پور

15/08/2025

यौम-ए-आज़ादी की दिली मुबारकबाद! 🇮🇳✨
अल्लाह हमारे मुल्क को तरक्की, अमन और भाईचारे की रहमतों से मालामाल करे, और हमें आपसी मोहब्बत, इत्तेहाद और इंसाफ की राह पर क़ायम रखे।

"एकता में ताक़त है — यही असली आज़ादी की पहचान है।"

04/06/2025

حافظ منصور صاحب مرحوم کے قتل کا سبب

مصراولیا کے محلے چگولیا کے باشندہ مولانا شہاب انور قاسمی "حلیمہ للبنات" مدرسہ چلاتے ہیں، ان کے پاس کئی گاڑیاں، شاندار مکان، کافی زمین اور جائداد ہے۔ یہ ساری چیزیں یا تو پشتینی ہیں یا مدرسے کی کمائی۔ مولانا صاحب شادی شدہ ہیں اور ممکنہ طور پر پانچ بچوں کے والد ہیں، ان کی عمر تقریباً 45 سے 50 سال کے درمیان ہے۔

حافظ منصور صاحب کی منجھلی صاحبزادی اسی مدرسے میں معلمہ کے طور پر کام کر رہی تھیں۔ ذرائع کے مطابق، گزشتہ ایک سال سے مدرسے کے مہتمم اور اس معلمہ میں معاشقہ چل رہا تھا۔ مہتمم صاحب اس معلمہ کو اپنے ساتھ فور ویلر گاڑی میں گھومنے لے جاتے تھے۔ جب یہ معاشقہ پکا ہوگیا، تو شادی کی بات بھی ہونے لگی۔ لڑکی مہتمم کے جھانسے میں آ چکی تھی، اور وہ مدرسے کی جائداد اور ایک شاندار زندگی کے خواب دیکھ رہی تھی۔

حافظ منصور صاحب کو گزشتہ ایک سال سے چلنے والے حالات کا علم نہیں تھا۔ جب انہیں یہ بات پتہ چلی کہ ان کی بیٹی جسے انہوں نے عالمہ بنایا تھا، وہ دراصل ایک "ظالمہ" بن چکی ہے اور نہ صرف اللہ اور رسول کی تعلیمات کی توہین کر رہی ہے، بلکہ خاندان کی عزت کے ساتھ بھی کھیل رہی ہے، تو انہوں نے سختی سے منع کر دیا۔ حافظ صاحب کا کہنا تھا کہ یہ ممکن نہیں کہ وہ کسی ایسے شخص سے بیٹی کی شادی کرائیں جو شادی شدہ ہے اور جہاں ان کی بیٹی پڑھاتی ہے۔ ایک ماہ سے اس معاملے پر تکرار اور بحث جاری تھی، مگر حافظ صاحب کا موقف واضح تھا۔ وہ کہتے تھے کہ عزت حاصل کرنے میں زندگی گزر جاتی ہے اور وہ ایسا کام نہیں کر سکتے جو ان کی اور ان کے خاندان کی عزت کو داغدار کرے۔

25 مئی کو اتوار کے دن، یہ لوگ حافظ منصور صاحب سے ملاقات کرنے آئے، لیکن حافظ صاحب نے انہیں سختی سے منع کیا اور واپس بھیج دیا۔ اس دوران، حالت کی نزاکت کو دیکھتے ہوئے، حافظ صاحب نے اپنی بیٹی کو گھر بلا لیا، مگر بیٹی ہی ظالمہ نکلی، اور پھر وہ جو کچھ ہوا وہ سب کے سامنے ہے۔ اس نے اپنے عاشق کو اسکول جانے کا وقت اور طریقہ بتایا، اور اس معلومات کی بنیاد پر قاتلوں کو تیار کیا۔ قاتل غیر مسلم تھے اور انہیں بتایا گیا کہ وہ سائیکل پر اسکول جاتے ہیں۔ اسی دوران وہ حادثہ پیش آیا جو نہ ہونا چاہیے تھا۔ اللہ پاک مرحوم کی مغفرت فرمائے، آمین۔

جب قاتل پکڑے گئے اور ان سے تفتیش کی گئی، تو انہوں نے راز کھولے اور پولیس نے لڑکی اور اس کی والدہ سے بھی تفتیش کی۔ عاشق اور معشوق دونوں کو گرفتار کر لیا گیا۔ خبروں کے مطابق عاشق نے اقرار جرم کر لیا ہے، تاہم لڑکی اور اس کی والدہ ابھی تک انکار کر رہی ہیں۔ شاید انہیں اس وجہ سے سخت سزائیں نہیں دی جا رہی ہیں کیونکہ وہ خواتین ہیں۔ لیکن خبریں یہ بھی ہیں کہ عاشق نے پوری سچائی بیان کر دی ہے، اور اب اگر مرحوم کی بیوی کو مناسب سزا ملے تو سچ سامنے آ جائے گا، کیونکہ بیٹی اپنے ماں کے ساتھ تعاون کیے بغیر ایسی حرکت نہیں کر سکتی۔

یہ واقعہ ایک افسوسناک حقیقت کی عکاسی کرتا ہے کہ لالچ اور فریب کے نتیجے میں پانچ بچے یتیم ہوگئے، ایک بیوی بیوہ ہوگئی، اور ایک شریف انسان کو اپنی جان سے ہاتھ دھونا پڑا۔ افسوس کی بات یہ ہے کہ کچھ لوگ اس کمبخت کو بچانے کی کوشش کر رہے ہیں، کیونکہ انہیں خوف ہے کہ اس واقعے سے مدارس اور علما کی بدنامی ہوگی۔ لیکن حقیقت یہ ہے کہ ایسے مدرسے پر تالا لگنا چاہیے جو اس قسم کی ناپاک حرکتوں کی حوصلہ افزائی کرتا ہو۔
Copy

04/06/2025

پری پلاننگ سازش یا کچھ اور ؟
***i

16/05/2025

70 سال کے بعد بھی آواز میں دم ہے۔
کلام اعلی حضرت کے نعتیہ دیوان سے شعر سنے اور انہیں اپنی دعاؤں سے نوازے ۔

08/05/2025

پانچ کروڑ کی مسجد
مدت امامت: 40 سال
ماہانہ تنخواہ: 6000 روپیے
بعد ریٹائرمنٹ : ایک سرمہ، ایک ٹوپی ، ایک جوڑی کپڑا اور 2000 روپئے

05/05/2025

افسوسناک خبر
خلیفہ حضور تاج الشریعہ مفتی غلام حیدر صاحب مسلم یتیم خانہ مظفرپور کا ابھی انتقال پر ملال ہوگیا

29/04/2025

ماشاءاللہ آج بتاریخ 29/ اپریل 2025 بروز منگل بعد نماز مغرب دارالعلوم ضیائے مصطفیٰ، اشرف نگر جالے دربھنگہ میں عرس صدر الشریعہ و عرس تاج الشریعہ بڑے ہی تزک و احتشام کے ساتھ منایا گیا جس میں مہمان خصوصی حضرت علامہ و مولانا مفتی محمود اختر القادری صاحب قبلہ ممبئی مہاراشٹر سے تشریف لائے اور قرب و جوار کے جتنے بھی ائمہ مساجد و علماء کرام کی موجودگی میں سارے حضرات نے اس محفل میں شرکت کی اور سب سے بڑی خوشی کی بات یہ ہے کہ آج اس محفل میں حضرت علامہ مفتی محمود اختر القادری صاحب کے ہاتھوں ائمہ کرام کو خلافت سے نوازا گیا خلافت قادریہ چشتیہ رضویہ میں ان کو شامل کیا گیا۔ جو بہت ہی خوشی کے بات ہے اور اپنے جالے اشرف نگر کے سبھی بڑے بزرگ بھی تشریف لائے۔ جس کا حسین منظر بھی اپ لوگ اپنی انکھوں سے دیکھ سکتے ہیں ۔

20/04/2025

پیر طریقت، رہبرِ شریعت، عاشقِ رسول حضرت علامہ عبدالمبین نعمانی صاحب قبلہ دامت فیوضہم العالیہ
ان دنوں سخت علالت کے باعث (ICU) میں زیرِ علاج ہیں۔ بظاہر جسم کمزور ہے، لیکن روحانی طاقت میں وہی جلال و جمال موجود ہے۔ تپتی پیشانی، کمزور سانسیں، تھکن زدہ وجود—مگر آنکھوں میں وہی نورِ یقین، لبوں پر وہی نغمۂ توحید، اور ہاتھوں میں وہی تسبیحِ فکر و ذکر۔

کیا شان ہے بندگی کی، اور کیا معراج ہے روحانیت کی!
بسترِ علالت بھی جن کے لیے محراب بن جائے،
سانسوں کی ڈوری بھی تسبیح کا روپ دھار لے،
اور بیماری کی شدت میں بھی عبادت کی حلاوت باقی رہے،
وہی تو ہوتے ہیں اللہ کے وہ برگزیدہ بندے، جن پر اللہ کی خاص نظرِ رحمت ہوتی ہے۔

`پیر ہو تو ایسا!`
جن کے دل میں محبتِ الٰہی کی آگ سلگتی ہو،
جن کے دل کی دھڑکنیں بھی ذکرِ خدا میں مگن ہوں،
اور جن کی شب و روز کی سانسیں سجدوں میں ڈھل جائیں۔

ہماری دعائیں، محبتیں اور سلام ایسے مقدس ہستیوں کے قدموں میں جنھوں نے ہمیں سکھایا کہ بندگی صرف آسانیوں کا نام نہیں، بلکہ کمال بندگی تو یہ ہے کہ آدمی ہر حال میں اللہ سے جڑا رہے۔

یا اللہ! اس عالم باعمل کو صحتِ کاملہ عاجلہ عطا فرما، اور ہمیں ان کے نقشِ قدم پر چلنے کی توفیق عطا فرما۔ آمین بجاہ سید المرسلین صلی اللہ علیہ وآلہ وسلم۔

27/01/2025

13/01/2025

افسوس کوڈرما کی ایک لڑکی مرتدہ ہو گئی وجہ صرف موبائل

آج بتاریخ 12/جنوری2025 جیسے ہی میں دارالعلوم غوثیہ ایجوکیشنل سینٹر امباٹانڈ کوڈرما پہنچا اور کال کرنے کے لیے موبائل کھولا تو واٹس ایپ کے کسی گروپ میں یہ خبر دیکھا کہ ایک مسلمہ لڑکی(نصرت خاتون) غیر مسلم لڑکے(دھیرج سنگھ)سے شادی کر لی،جب پوری خبر بذریعہ ویڈیو دیکھا تو پتا چلا کہ یہ لڑکی تو یہاں سے پانچ دس کیلومیٹر پر واقع منجھلا نگر کی ہے۔یہ خبر سنتے ہی مانوں میرے پاؤں تلے زمین کھسک گئی اور دل بہت غمگین ہو گیا،میں فوراً محب گرامی وقار مولانا مظہر ضیا مصباحی اور قاری ایوب رضا نعمانی سے کہا کہ لڑکی کا گھر چلا جائے اور معلوم کیا جائے کہ یہ کیسے ہوا اور وہ لوگ اس کو واپس لانے کا کیا اقدام کر رہے ہیں،دارالعلوم میں چھٹی ہونے کے بعد ہم تینوں ایک موٹر سائیکل پر سوار ہو کر لڑکی کے گھر کی طرف روانہ ہو گئے،جیسے ہی لڑکی کے گھر پہنچے تو کیا دیکھتا ہوں کہ ایک شخص غم سے نڈھال،چہرے پر سنت رسول صلی اللہ علیہ وسلم سجایا ہوا ہے، اور رنج و الم کے اثرات اس کے چہرے پر نمایاں ہے،ہم لوگ ان سے مصافحہ کیے اور خیریت پوچھے پھر معلوم ہوا کہ یہی لڑکی کے والد صاحب ہیں،انہوں نے ہم لوگوں کے بیٹھنے کا انتظام کیا،ہم لوگ ساتھ بیٹھے اور پورے واقعہ کی تفصیل جاننے کی کوشش میں لگ گئے کہ آخر یہ شرمناک واقعہ کیسے پیش آیا۔ہم لوگ لڑکی کے والد صاحب سے سوال کیے کہ کیا آپ کی بیٹی اسکول یا کالج جاتی تھی تو وہ بولے تین سال سے اسکول نہیں گئی ہے۔اور یہ بھی کہنے لگے کہ سراغ نہیں مل پا رہا ہے،پتا نہیں یہ کیسے ہو گیا ہماری بیٹی پنج وقتہ نماز کی پابند تھی،ہر نماز کے بعد قرآن کی تلاوت کرتی تھی حتیٰ کہ اپنی ماں کو بھی نماز پڑھنا سکھاتی تھی،گھر سے باہر آنا جانا بھی نہیں کرتی تھی پتا نہیں یہ کیسے ہو گیا؟؟۔میں نے پوچھا کیا آپ اس کو موبائل دیے تھے وہ بولے کہ اس کو تو موبائل نہیں دیا تھا لیکن گھر میں ایک بڑا موبائل ہے اس سے نعت تقریر سنتی تھی۔میں فوراً ان سے موبائل مانگا اور چیک کرنے لگا پتا نہیں کوئی سراغ مل جائے۔میں انسٹاگرام چیک کرنے لگا کہ وہ ایپس موبائل میں ہے یا نہیں خیر میری نظر ایک ایپس "Snapchat " پر پڑی میں اس کے اندر گیا اور میسیج چیک کرنے لگا،کیا دیکھتا ہوں کہ ایک Contact بیسٹی/Besty نام سے ہے جب اس کے اندر گیا تو اسی غیر مسلم لڑکا(دھیرج سنگھ)کا نام آ گیا جس کے ساتھ وہ لڑکی بھاگ کر شادی کی ہے،اور اس میں 24/دسبمر کا مسیج شو کر رہا تھا جس میں وہ لڑکا Hii کا میسیج کیا ہوا تھا،میں فوراً سمجھ گیا کہ یہ سارا معاملہ نہ اسکول سے ہوا ہے اور نہ ہی کسی دوسری چیز سے بلکہ صرف اور صرف موبائل سے ہوا ہے۔Snapchat کے حوالے سے مولانا مظہر ضیا مصباحی خلاصہ کیے کہ یہ اتنا گھٹیا اور مہلک ایپس ہے کہ اس میں آئی ڈی کے ساتھ اس کا نمبر بھی شو کرتا ہے۔ہم لوگوں نے اس لڑکی کے والد صاحب کے سامنے یہ ساری بات رکھ دی کہ دیکھیے یہ شرمناک واقعہ اس وجہ سے پیش ہوا ہے۔یہ سن کر وہ رونے لگے اور ہم لوگوں سے پوچھنے لگے کہ بتائیے کیا حشر کے میدان میں اس بارے میں ہماری پکڑ ہوگی؟؟ تو میں نے اسے صبر کی تلقین کرتے ہوئے کہا کہ دیکھیے آپ جبکہ اپنی بیٹی کو دینی تعلیم دیے تھے اور اسے گھر سے باہر بھی نہیں جانے دیتے تھے اور جب آپ موبائل چارج لگا کر سو جاتے تھے تو وہ چپکے سے آپ لوگوں کے سو جانے کے بعد موبائل چلاتی تھی اور یہ شرمناک حرکت کی،اس لیے آپ پکڑے نہیں جائیں گے،قران شریف میں ہے"اَلَّا تَزِرُ وَازِرَةٌ وِّزْرَ اُخْرٰى" یعنی کوئی بوجھ اٹھانے والی جان دوسری کا بوجھ نہیں اٹھاتی"۔لہذا آپ صبر رکھیں الله عزوجل سب معاملات آسان فرما دے گا۔پھر ہم لوگ ان سے قانونی کارروائی کے بارے میں بات چیت کیے اس کے بعد لڑکی کی ماں کو دلاسہ دیتے ہوئے ہم لوگ وہاں سے رخصت ہو گئے۔

الحاصل: وہ لڑکی جو صوم و صلوٰۃ کی پابند تھی اور دوسروں کو اس کی ترغیب بھی دیتی تھی موبائل جیسے زہر قاتل میں پڑ کر اور Snapchat جیسے گھٹیا اور گھناؤنا ایپس کا استعمال کرکے اتنا بڑا قدم اٹھانے پر آمادہ ہو گئی۔
لہذا میں مسلمانوں سے گذارش کروں گا کہ خدارا اپنے بچوں کو موبائل جیسے زہر قاتل سے دور رکھیں،اور اس پر کڑی نظر رکھیں اسی میں دنیا و آخرت کی بھلائی ہے۔


دارالعلوم غوثیہ ایجوکیشنل سینٹر امباٹانڈ کوڈرما جھارکھنڈ

https://whatsapp.com/channel/0029VamKyaO5kg71d8RzzG3L

28/11/2024

کرم اے مظہرِ شیرِ خدا غریب نواز
عطا ہو قوم کو عزّ و عُلا غریب نواز
ہے آسمانِ تکبر پہ وقت کا جے پال
وہی سزا ملے اِس کو بھی یا غریب نواز

فریدی صدیقی مصباحی