https://www.facebook.com/100657049071104/

Darjeeling Channel, OFFICE/STUDIO/Unique Market Top Floor Hill Cart Road, Darjeeling (2026)

31/07/2026

पश्चिम बंगाल सरकारका पहाडी मामिला मन्त्री विशाल लामाको अध्यक्षतामा आज जीटीएका एक्जीक्यूटिभ अधिकारीहरूसँग महत्वपूर्ण प्रशासनिक बैठक सम्पन्न भएको छ। बैठकमा दार्जीलिङका जिल्ला कार्यपाल, दार्जीलिङका विधायक नोमन राई, खर्साङका विधायक सोनाम लामा तथा जीटीए क्षेत्रका विभिन्न एक्जीक्यूटिभ अधिकारीहरूको सहभागिता रहेको थियो। बैठकमा जीटीए क्षेत्रको समग्र विकासलाई थप प्रभावकारी बनाउने, हालसम्म सम्पन्न विकास योजनाको समीक्षा गर्ने तथा आगामी दिनमा सञ्चालन गरिने विकास कार्यक्रम र प्रशासनिक कार्ययोजनाबारे विस्तृत छलफल भएको जनाइएको छ। विकासको गति तीव्र बनाउँदै जनमुखी सेवा प्रवाहलाई थप प्रभावकारी बनाउने विषयमा पनि सहभागीहरूबीच महत्वपूर्ण सुझाव आदानप्रदान भएको बताइएको छ।

30/07/2026

दार्जीलिङ नगरपालिकाको निर्माण कार्यमा अनियमितताको आशंका, पाँच परियोजनामा स्टे अर्डर जारी भएको स्रोतको दाबी..........

दार्जीलिङ नगरपालिकाको वर्तमान बोर्डद्वारा सञ्चालन भइरहेका निर्माण कार्यमाथि अनियमितताको आशंका थप गहिरिएको छ। विपक्षी भारतीय जनता पार्टी (भाजपा) का नगरपार्षदहरूको टोलीले LB-15, LB-16 लगायत तीन वटा निर्माणाधीन कम्प्लेक्समा अनियमितता भएको आरोप लगाउँदै सम्बन्धित उच्च निकायमा लिखित उजुरी दर्ता गराएपछि घटनाक्रमले नयाँ मोड लिएको छ।
विश्वसनीय स्रोतका अनुसार दा°न°पा°लाई उप-मण्डल अधिकारी (एसडीओ) कार्यालयले प्रारम्भिक छानबिनका क्रममा LB-15, LB-16 सहित तीनवटै निर्माणाधीन कम्प्लेक्समा अर्को आदेश नभएसम्मका लागि स्टे अर्डर जारी गरेको जनाएको छ। यद्यपि, यसबारे सम्बन्धित प्रशासनबाट औपचारिक पुष्टि भने हुन बाँकी छ।
यदि उक्त आदेश कार्यान्वयनमा आएको खण्डमा नगरपालिकाका महत्त्वपूर्ण विकास योजनाहरू प्रत्यक्ष रूपमा प्रभावित हुने देखिएको छ। निर्माण प्रक्रिया, प्रशासनिक स्वीकृति तथा आर्थिक पारदर्शितालाई लिएर विभिन्न प्रश्न उठिरहेका बेला नगरपालिकाको वर्तमान बोर्डको कार्यशैलीमाथि राजनीतिक तथा प्रशासनिक वृत्तमा व्यापक बहस सुरु भएको छ।
अब सम्बन्धित निकायको आधिकारिक धारणा, छानबिनको निष्कर्ष तथा आगामी प्रशासनिक निर्णयप्रति सबैको चासो केन्द्रित बनेको छ।

30/07/2026

पश्चिम बंगाल सरकारका पहाडी मामिला मन्त्री विशाल लामा प्रशासनिक भ्रमणका क्रममा दार्जीलिङ आइपुग्दा भारतीय जनता पार्टीका जिल्ला समिति सदस्यहरूले उनको भव्यताका साथ स्वागत गरेका छन्।
भ्रमणका क्रममा भाजपा जिल्ला महिला मोर्चाकी महासचिव बन्दना मङ्गरको नेतृत्वमा गएको प्रतिनिधिमण्डलले दार्जीलिङ जिल्ला अस्पतालमा पहाडका शिक्षित बेरोजगार युवतीहरू जीएनएम नर्सिङ कोटाबाट वञ्चित भएको विषयमा मन्त्री लामाको ध्यानाकर्षण गराउँदै स्थानीय छोरीहरूले नर्सिङ प्रशिक्षणमा अवसर पाउनुपर्ने मागसहित ज्ञापनपत्र बुझाएको छ। टोलीले पहाडलाई लागूऔषधमुक्त क्षेत्र बनाउन आवश्यक पहल गर्न तथा अन्य जनसरोकारका विषयमा पनि मन्त्रीसँग छलफल गरेको जनाएको छ।
यसैबीच, प्राप्त जानकारीअनुसार मन्त्री लामाको शुक्रबार लाल कोठीमा जीटीएसम्बन्धी महत्वपूर्ण प्रशासनिक बैठक बस्ने कार्यक्रम रहेको छ। त्यसपछि उनले दार्जीलिङ नगरपालिकाका प्रतिनिधिहरूसँग छुट्टै बैठक गर्ने तथा जिल्ला प्रशासनका उच्च अधिकारीहरूसँग विकास र प्रशासनिक विषयमा समीक्षा गर्ने कार्यतालिका रहेको स्रोतले जनाएको छ।
दिनभरका प्रशासनिक तथा विकाससम्बन्धी बैठकहरू सम्पन्न गरेपछि मन्त्री लामा दार्जीलिङबाट प्रस्थान गर्ने कार्यक्रम रहेको बताइएको छ।

30/07/2026

पश्चिम बंगाल सरकारका पहाडी मामिला मन्त्री विशाल लामा प्रशासनिक भ्रमणका क्रममा दार्जीलिङ आइपुग्दा भारतीय जनता पार्टीका जिल्ला समिति सदस्यहरूले उनको भव्यताका साथ स्वागत गरेका छन्।
भ्रमणका क्रममा भाजपा जिल्ला महिला मोर्चाकी महासचिव बन्दना मङ्गरको नेतृत्वमा गएको प्रतिनिधिमण्डलले दार्जीलिङ जिल्ला अस्पतालमा पहाडका शिक्षित बेरोजगार युवतीहरू जीएनएम नर्सिङ कोटाबाट वञ्चित भएको विषयमा मन्त्री लामाको ध्यानाकर्षण गराउँदै स्थानीय छोरीहरूले नर्सिङ प्रशिक्षणमा अवसर पाउनुपर्ने मागसहित ज्ञापनपत्र बुझाएको छ। टोलीले पहाडलाई लागूऔषधमुक्त क्षेत्र बनाउन आवश्यक पहल गर्न तथा अन्य जनसरोकारका विषयमा पनि मन्त्रीसँग छलफल गरेको जनाएको छ।
त्यसैगरी, दार्जीलिङ नगरपालिकाका भाजपा नगरपार्षदहरूको प्रतिनिधिमण्डलले नगरपार्षद पेमीला भुटियाको नेतृत्वमा मन्त्री लामालाई भेट गरी नगरपालिकामा अवैध भवन निर्माण, अनियमितता तथा व्यापक भ्रष्टाचार भएको आरोप लगाउँदै छानबिन गरी आवश्यक हस्तक्षेप गर्न माग गरेको छ। टोलीमा सदर–३ मण्डल तथा वार्ड नं. १२ की नगरपार्षद सुष्मा लामा, ब्लुमफिल्ड–ऋषिहाट समष्टि मण्डल अध्यक्ष तथा वार्ड नं. ६ की नगरपार्षद अरुणा राई, तथा वार्ड नं. ३० की नगरपार्षदीका प्रिया दीक्षित सहभागी थिए।
प्रतिनिधिमण्डलका अनुसार मन्त्री लामाले उठाइएका विषयमा चाँडै हस्तक्षेप गर्ने तथा नगरपालिकासम्बन्धी अनियमितताको छानबिन गराउने आश्वासन दिएका छन्।
यसैबीच, प्राप्त जानकारीअनुसार मन्त्री लामाको शुक्रबार लाल कोठीमा जीटीएसम्बन्धी महत्वपूर्ण प्रशासनिक बैठक बस्ने कार्यक्रम रहेको छ। त्यसपछि उनले दार्जीलिङ नगरपालिकाका प्रतिनिधिहरूसँग छुट्टै बैठक गर्ने तथा जिल्ला प्रशासनका उच्च अधिकारीहरूसँग विकास र प्रशासनिक विषयमा समीक्षा गर्ने कार्यतालिका रहेको स्रोतले जनाएको छ।
दिनभरका प्रशासनिक तथा विकाससम्बन्धी बैठकहरू सम्पन्न गरेपछि मन्त्री लामा दार्जीलिङबाट प्रस्थान गर्ने कार्यक्रम रहेको बताइएको छ।

30/07/2026

भारतीय गोर्खा प्रजातान्त्रिक मोर्चाका अध्यक्ष अनित थापाले दार्जीलिङ सदर–२ समष्टि अन्तर्गत नगरपालिका क्षेत्रको २३ नम्बर वार्डका पार्टी प्रतिनिधि टोलीसँग सांगठनिक भेटघाट गरेका छन्। भेटका क्रममा पार्टी संगठनलाई अझ सुदृढ बनाउने, तल्लो तहसम्म जनसम्पर्क विस्तार गर्ने तथा आगामी कार्यक्रमहरू प्रभावकारी रूपमा सञ्चालन गर्ने विषयमा विस्तृत छलफल भएको जनाइएको छ। अध्यक्ष थापाले कार्यकर्तालाई एकताबद्ध भएर जनताको विश्वास जित्ने गरी काम गर्न निर्देशन दिएका थिए। प्रतिनिधिहरूले वार्डस्तरका गतिविधि, स्थानीय समस्या र संगठन विस्तारका विषयमा आफ्ना धारणा राखेका थिए। बैठकले संगठनलाई थप सक्रिय र प्रभावकारी बनाउने प्रतिबद्धता व्यक्त गरेका छन्।

30/07/2026

मुख्यमन्त्री सुवेन्दु अधिकारीसँग भएको भेटपछि गोजमुमो अध्यक्ष विमल गुरुङ र रोशन गिरीको पत्रकार सम्मेलन.......

पश्चिम बंगालका मुख्यमन्त्रीसँग भएको महत्वपूर्ण भेटवार्तापछि गोर्खा जनमुक्ति मोर्चा (गोजमुमो) का अध्यक्ष विमल गुरुङ र महासचिव रोशन गिरीले पत्रकार सम्मेलन गर्दै भेटका विषयमा जानकारी दिएका छन्।
पत्रकार सम्मेलनमा नेताद्वयले मुख्यमन्त्रीसँग दार्जिलिङ पहाडका समसामयिक राजनीतिक, प्रशासनिक तथा विकाससम्बन्धी विविध विषयमा विस्तृत छलफल भएको बताएका छन्। उनीहरूले जनताको हित, पहाडको समग्र विकास तथा दीर्घकालीन समाधानसँग सम्बन्धित मुद्दाहरूलाई प्राथमिकताका साथ मुख्यमन्त्रीसमक्ष उठाइएको जानकारी दिए।
गोजमुमो नेतृत्वले वार्ताको वातावरण सकारात्मक रहेको उल्लेख गर्दै आगामी दिनमा राज्य सरकारसँग निरन्तर संवाद र सहकार्यका माध्यमबाट जनअपेक्षाअनुसारका विषयहरू अघि बढाइने विश्वास व्यक्त गरेको छ।
यस पत्रकार सम्मेलनमा पत्रकारहरूले विभिन्न समसामयिक राजनीतिक विषयमा राखेका जिज्ञासाको पनि नेताद्वयले जवाफ दिएका थिए।
अब मुख्यमन्त्रीसँग भएको यस भेटपछि दार्जीलिङको राजनीतिक समीकरण र आगामी गतिविधि कस्तो दिशातर्फ अघि बढ्छ भन्ने विषयलाई सबैले चासोका साथ हेरिरहेका छन्।

30/07/2026

🟥 BREAKING NEWS : दार्जीलिङमा लागूऔषधविरुद्ध प्रहरीले ठूलो सफलता हात पारेको छ। जुलाई 28 को अपराह्न अनुमानित 3 बजेर 35 मिनेटमा दार्जीलिङ स्पेशल अपरेसन ग्रुप (S.O.G) र जोरबुङलो पुलिस थानाको संयुक्त टोलीले घुम ब्वाइज स्कुल नजिक विशेष अभियान सञ्चालन गर्दै दुई जनालाई पक्राउ गरेको हो। पक्राउ पर्नेमा सामदुक छिरिङ डुक्पा र मिङ्मा लेप्चा रहेका छन्। पुलिसले उनीहरूको साथबाट कालो प्लास्टिकमा बेरिएका 17 वटा पुडिया बरामद गरेको छ, जसमा ब्राउन सुगर भएको आशंका गरिएको लागूऔषध रहेको बताइएको छ। उक्त लागूऔषध बिक्री–वितरणको उद्देश्यले ओसारपसार भइरहेको प्रारम्भिक अनुसन्धानमा खुलेको पुलिसले जनाएको छ। घटनाबारे थप अनुसन्धान जारी रहेको छ।

30/07/2026

दिल्लीमा दुईदिने धरना सम्पन्न गरेपछि गोर्खाल्याण्ड राष्ट्रिय मञ्चले गोर्खाल्याण्डको मुद्दालाई थप सशक्त रूपमा अघि बढाएको छ। मञ्चका प्रमुख संयोजक लोकनारायण सुब्बाको नेतृत्वमा रहेको प्रतिनिधि टोलीले केन्द्र सरकारले नियुक्त गरेका इन्टरलोक्युटर, अवकाशप्राप्त आईपीएस पंकज कुमार सिंहसँग भेट गरी ज्ञापनपत्र बुझाएको छ। भेटका क्रममा दार्जीलिङ, तराई र डुवर्सका गोर्खाहरूको दीर्घकालीन समस्याको स्थायी समाधान छुट्टै राज्य गोर्खाल्याण्ड नै भएको धारणा राखिएको थियो। लगभग एक घण्टा जति गोर्खाको दिर्घकालिन मांग अलग राज्य गोर्खाल्याण्ड मुद्दा बिषयलाई लिएर चलेको लामो चर्चामा इन्टरलोक्युटरले मञ्चको उद्देश्य र गतिविधिबारे जानकारी लिँदै संवैधानिक व्यवस्थाबारे पनि आफ्नो धारणा राखेका थिए।

29/07/2026

दार्जीलिङका सांसद तथा भारतीय जनता पार्टीका राष्ट्रिय प्रवक्ता राजु बिष्टले आसममा आएको भीषण बाढीप्रति गहिरो दुःख व्यक्त गर्दै यस महिनाको आफ्नो सम्पूर्ण सांसद तलब आसम मुख्यमन्त्री राहत कोषमा प्रदान गर्ने घोषणा गरेका छन्।

पछिल्ला केही सातादेखि आसममा आएको भीषण मनसुनी बाढीका कारण ७५ भन्दा बढी मानिसको ज्यान गएको छ भने लाखौं नागरिक प्रभावित भएका छन्। यस दुःखद घटनाप्रति समवेदना व्यक्त गर्दै सांसद राजु बिष्टले संकटको यस घडीमा आसमका जनतासँग ऐक्यबद्धता जनाएका छन्। उहाँले सन् २०२५ मा दार्जीलिङ पहाड, तराई र डुवर्समा आएको विनाशकारी बाढी तथा पहिरोका बेला आसम सरकार र मुख्यमन्त्री हिमन्त बिस्वा शर्माले राहत सामग्री पठाएर सहयोग गरेको स्मरण गर्दै, अहिले आसमको दुःखमा साथ दिने पालो हाम्रो भएको बताएका छन्। हाल आसमका चराइदेओ, शिवसागर, जोरहाट, गोलाघाट, नगाँव, सोनितपुर र कामरूप महानगर जिल्लामा तीन लाख ३२ हजारभन्दा बढी मानिस प्रभावित छन्। ६२२ गाउँ बाढीबाट प्रभावित भएका छन् भने करिब ४५ हजार हेक्टर खेतीयोग्य जमिन डुबानमा परेको छ। ८१ वटा राहत शिविरमा ३२ हजारभन्दा बढी विस्थापितले आश्रय लिइरहेका छन्। भारतीय सेना, वायुसेना, एनडीआरएफ, एसडीआरएफ तथा स्थानीय प्रशासन उद्धार र राहत कार्यमा निरन्तर खटिरहेका छन्। सांसद बिष्टले दार्जीलिङ पहाड, तराई र डुवर्सका नागरिक, सामाजिक सङ्गठन, गैरसरकारी संस्था तथा राजनीतिक दलहरूलाई राहत तथा उद्धार कार्यमा सक्दो सहयोग गर्न अपिल गर्दै, सानो वा ठूलो हरेक सहयोगले संकटमा परेका नागरिकको जीवनमा आशा जगाउने विश्वास व्यक्त गरेका छन्।

29/07/2026

कोलकातामा गोर्खा जनमुक्ति मोर्चाका अध्यक्ष बिमल गुरुङ, महासचिव रोशन गिरीसहितको प्रतिनिधिमण्डलले पश्चिम बंगालका मुख्यमन्त्रीसँग महत्वपूर्ण भेटवार्ता गरेको छ। भेटका क्रममा दार्जीलिङ पहाड, तराई–डुवर्सका राजनीतिक अवस्था, विकास योजना र जनसरोकारका विविध विषयमा विस्तृत छलफल भएको जनाइएको छ। साथै प्रशासनिक तथा क्षेत्रीय समस्याबारे पनि कुराकानी भएको स्रोतले जनाएको छ। यद्यपि बैठकका एजेन्डा र निर्णयबारे कुनै आधिकारिक जानकारी सार्वजनिक गरिएको छैन। पहाडको वर्तमान राजनीतिक परिस्थितिमा यस भेटलाई अर्थपूर्ण रूपमा हेरिएको छ भने अब सार्वजनिक हुने निर्णय र सम्भावित निष्कर्षप्रति सबैको चासो केन्द्रित रहेको छ।

Darjeeling Channel

31/07/2026

30/07/2026

30/07/2026

30/07/2026

30/07/2026

30/07/2026

30/07/2026

30/07/2026

29/07/2026

29/07/2026

Address

Telephone

Website

Alerts

Contact The Business

Shortcuts

Share

Category

Listing takedown request