18/11/2024
"बीजीपिएम म्यान्डेट पाएर सत्तामा बसेको पार्टी हो।" अनित थापा
आर्य चिया बगानमा आयोजित बाटोको शिलान्यास कार्यक्रमलाई सम्बोधन गर्दै जी टी ए प्रमुख कार्यपाल अनित थापाले कसैको नाम नै नलिई हाम्रो पार्टीका अध्यक्ष अजय एडवर्ड्स माथि बर्से। थापाले बला वास पुलको निर्माण अनि पुल क्षतिग्रस्त भएको घटनालाई लिएर भने, " म देख्दैछु, गाउँमा गयो। गाउँलेलाई रोडा कुट्नु लगायो। पुल बनाइदिन्छु भन्यो। पुल बनाउने काम सरकारको काम हो। गाउँको मान्छेलाई गिटी बालुवा बोकाएर, रोडा कुटाएर बनाएको पूल त तपाईहरुले देखि सक्नु भयो। त्यो दुर्घटना भएको समयमा हाम्रो गाउँको कसैलाई पनि केही भईदिएको भए को जिम्मेवारी हुने? सरकारले गर्ने काममा आफै सरकार भएर हुँदैन।"
थापाले जिल्लापाल, एस डि ओ, पञ्चायत, जीटीए व्यवस्था हुन अनि यही तन्त्रले सरकार को कार्य गर्छ। त्यसैले व्यवस्था चलाउनेलाई इङ्गित गर्दै उनले भने, "डिएमलाई पनि भन्छु, तपाईंहरु आफ्नो काम ठीक सँग चलाउनुहोस। जो सुकैले जताभावी जे सुकै गर्नु थाल्यो भने व्यवस्थाको कुनै मूल्य हुँदैन। पुल जस्तो चिजको निर्माण गर्ने जिम्मेवारी व्यवस्थाको हो। ढिलो छिटो हुन्छ। के कुनै दुर्घटना भयो भने डीएम, एसडीओले जिम्मेवारी लिन्छ? जताभावि निर्माण गर्ने कार्य बन्द भएको हुनुपर्छ।"
चुनावी राजनीति जनताको इच्छा अनुसार हुन्छ भन्दै थापाले फेरि भने, "मान्छेलाई उक्साएर राजनीति गर्नु हुन्न। हात हाले पछि ठीक काम गर्नुपर्छ। आफ्नो टीआरपी बढाउनु मात्र राजनीति गर्नुहुन्न। चुनाव लड्नु होस। चुनाव जित्नुहोस। हाम्रो ठाउँमा बस्नुहोस्।
पहाडमा प्रजातन्त्र छ। पहाडमा सबैलाई बोल्न सक्ने वातावरण यही अनित थापाले बनाइदिएको हो। अहिले पहाडमा खुलेर बोल्न, विरोध गर्नु पाउँछ। यहि प्रजातन्त्र स्थापित गर्नु हामी राजनीतिमा आएका हौं। तपाईहरु भिजन देखाएर राजनीति गर्नुहोस। चुनाव जितेर मेरो ठाउँमा बस्नुहोस्।
हार स्वीकार गर्नु सक्नु पर्छ। यसपाली म हार्दा खेरी मैले प्रेसमा आएर नै हार स्वीकार गरेको हुँ। जो सांसद भए उहाँलाई बधाई पनि दियौं। राजु विष्ट पहाडको सांसद हुन्। हामीले मान्नु नै पर्छ। विरोध गरेर हुँदैन।"
नयाँ पार्टीहरू खोलिने हल्ला लाई उनले कटाक्ष गर्दै भने, "पार्टी खोल्नु होस। एउटा नेताले तीनवटा पार्टी खोल्दा पनि हुन्छ। कस्तो राजनैतिक संस्कार आयो। अध्यक्षले राजीनामा दिन्छ अनि पार्टी खोल्छ। चुनाव लड्नुहोस्। जनताले भोट दियो भने ठीक ओहदामा राख्नेछ।"
बीजीपिएम म्यान्डेट पाएर सत्तामा बसेको पार्टी हो भन्दै उनले भने, "हामीलाई कसैले कुर्सीमा राखेको होइन। हामीलाई जनताले चुनावमा जिताएर सत्तामा बसेका हौ। पञ्चायतमा हामीले म्यान्डेट पाएका हौं। हामीले म्यान्डेट पाएर कुर्सीमा बसेका हौ। तपाईहरु पनि म्यान्डेट लिएर आउनुहोस।
विरोध गरेर कुनै गाउँ घरको बाटो बनिने छैन। रचनात्मक हुनुहोस। सकारात्मक राजनीति गर्नुहोस।
विपक्ष चाहिन्छ तर विपक्षी भयो भन्दैमा जे पायो त्यो चाहिँ बोल्नु हुँदैन। विपक्षीको धर्म निभाउनु होस। कसैलाई गाली नगरी पनि राजनीति गर्नु सकिन्छ भन्ने संस्कार मैले नै बसाएको छु। यति गर्दा पनि सारै चुपचाप बस्नु हुन्छ जस्तो लागेन। नियम कानुन पनि पालन गरेको हुनुपर्छ। पहाड बचाउनु हो भने नियम कानुन अनुसार चल्नु नै पर्छ। मैले पनि त्यो नियम पालन गर्नु नै पर्छ।"
आज अनित थापाले गोर्खाल्याण्ड क्षेत्रीय प्रशासन, इन्जिनियरिङ विभागको देखरेखमा हुने मुर्दाहट्टीदेखि हावा घर सिद्राबङ जलविद्युत आयोजनासम्मको विद्यमान सडक मर्मतकार्यको शिलान्यास कार्यक्रम मा उपस्थित थिए।
मर्मत कार्य जम्मा (१.७० +४.७०) = ६.४० किलोमिटर लम्बाइ रहनेछ । पहिलो १.७० किलोमिटर बाटोमा २५ एमएम बाक्लो मास्टिक ओछ्याइने छ। रहल बाटो ६ इन्च बाक्लो सिमेन्ट कंक्रीट रहनेछ। यो बाटोले कोइराले,आर्य चिया बगान अन्तर्गत गैरी गाँउलाई जोड्नेछ।
