15/10/2025
रिम्बिक–लोधोमा क्षेत्रमा बाढी पीडित अझै ओझेलमा, सभासद नोर्दन शेर्पाको स्थलगत निरीक्षण
रिम्बिक, लोधोमा — अघिल्लो हप्ता आएको भीषण बाढी र पहिरोबाट प्रभावित क्षेत्रहरूमा अहिले पनि थुप्रै परिवारहरू ओझेलमै परिरहेका छन्। ढिलाइ भए पनि आफ्नो कर्तव्य निर्वाह गर्दै क्षेत्रीय सभासद नोर्दन शेर्पा टोलीसहित आईतबार प्रभावित बस्तीहरूको अवलोकनका लागि पुगेका छन्।
निरीक्षणका क्रममा सभासद शेर्पाले स्यांबो गाउँस्थित रणमान रुचुवालको घर पुगे, जसको घर पूर्ण रूपमा क्षतिग्रस्त भई बस्न अयोग्य बनेको छ। उक्त घर बाढी र पहिरोले भत्काउँदा परिवार अहिले अस्थायी टहरामा बस्न बाध्य भएको छ।
सभासद शेर्पाले प्रभावित परिवार रुचालको घर पुनर्निर्माणका समय जे जति लाग्ने सामग्रीहरु बन्दोबस्त गरिदिने प्रतिबद्धता जनाएका छन्।
स्थानीयवासीहरूले भने अझै पनि कतिपय गाउँ र बस्तीहरूमा उद्धार तथा राहत नपुगेको गुनासो गरेका छन्। उनीले पंचायतलाई यथाशीघ्र स्थलगत मूल्याङ्कन गरी राहतको व्यवस्था गर्न आग्रह गरेका छन्।
