07/08/2025
मिरिकमा नेपाली भाषा दिवस बृहत् रूपमा मनाइने तयारी
मिरिक, अगष्ट ७ — नेपाली भाषा र साहित्यको संरक्षण र प्रवर्द्धनका लागि मिरिकमा ३३ औँ नेपाली भाषा दिवस भव्य रूपमा मनाउने तयारी गरिएको छ। कार्यक्रम आगामी २० अगस्तदेखि नै विविध कार्यक्रमका साथै अभियानको रुपमा ३३ औँ नेपाली भाषा दिवस मनाइने जानकारी प्राप्त भएको छ।यस सप्ताह व्यापी कार्यक्रमको आयोजनाबारे आज मिरिकको अडिटोरियममा एक सभाको आयोजना पनि गरिएको थियो।सभाको अध्यक्षता २३ नम्बर समष्टिका सभासद ध्रुव बम्बजनले गरेका थिए भने २५ नम्बर समष्टि सभासद अरुण सिगचीको पनि उपस्थिति रहेको थियो।सभाको संचालन मिरिकका जनसम्पर्क अधिकारी विवेक गोलेले गरेका थिए।सभामा मिरिकका विभिन्न साहित्यिक संगठन,भाषा-साहित्यसँग सम्बन्धित व्यक्तिहरु, शिक्षण संस्थास लगायतको उपस्थिति रहेको थियो।सभाको शुरुमा नारी साहित्यकार उर्मिला घिसिङको निधनमा दुई मिनटको मौनधारण गरेर सुचारु भएको सभामा उपस्थित व्यक्तिहरुले छलफल गरेका थिए।सोही छलफल पश्चात् ३३ औँ नेपाली भाषा दिवस कार्यक्रम आयोजनाको निम्ति समिति गठनको प्रक्रिया प्रमुख संयोजक मिलन राईको नेतृत्वमा गरियो।जसमा अध्यक्षमा डा.कमला तामाङ,उपाध्यक्ष केशाङ लामा,सचिव अजित वियोगी,सह-सचिव ज्ञानेन्द्र गुरुङ,कोषाध्यक्ष एस बी गजमेर,संयोजक मनोहर शर्मा,प्रमुख सल्लाहकार राजबहादुर राई,संरक्षक सभासद ध्रुव बम्जन,सभासद मिलेस राई,सभासद अरुण सिगची,सभासद परेश तिर्की,विवेक गोले चयन भए भने मिरिकका विभिन्न साहित्यिक संस्था,प्रतिष्ठान क्लब,पत्रीका-परिवारहरुबाट प्रतिनिधिहरु समावेश गरिएको छ।
उक्त गठित समितिका सचिव अजित विश्वले पत्रकारहरुसितको साक्षात्कारमा बताए -'यस कार्यक्रम सूचना अनि संस्कृति विभाग गोर्खाल्याण्ड क्षेत्रीय प्रशासन मिरिकको तत्त्वाधानमा र ३३ औँ नेपाली भाषा दिवस समितिको संयुक्त संयोजनमा सप्ताह व्यापी भाषा दिवस कार्यक्रम मात्र नभएर अभियानको रुपमा गर्ने निश्चय गरेको बताए। मूल कार्यक्रम २४ अगस्तको दिन मिरिकको गोपाल योञ्जन प्रेक्षागृहमा गरिने उनले बताए।यस अवसरमा विविध सांस्कृतिक कार्यक्रम,वाक्पटुता, स्वरचित कविता वाचन प्रतियोगिता, वार्ता,भाषा सङ्ग्रामीहरुलाई सम्मानसहित अन्य विविध कार्यक्रमहरु समायोजन गरिने बताएका छन्।
समितिका सचिवका अनुसार, “नेपाली भाषा हाम्रो मौलिक पहिचान हो। यसको संरक्षण र प्रवर्द्धन हरेक पुस्ताको दायित्व हो। यो दिवस मनाउनुले गहिरो अर्थ राख्दछ। २० अगस्त सन् १९९२ मा भारतीय संविधानको आठौँ अनुसूचीमा नेपाली भाषा समावेश गरिएको थियो। त्यसयता भारतभरीका नेपाली भाषी समुदायले यो दिनलाई भाषा अधिकार र पहिचानको प्रतीकका रूपमा मनाउँदै आएको उनले बताए।
यता कार्यक्रमका संयोजक मनोहर शर्माले पनि यस वर्ष मिरिकमा मनाइन लागिएको नेपाली भाषा दिवसले विशेष उत्साह र सहभागिता ल्याउने विश्वास गरिएको बताए। यसले नयाँ पुस्तालाई भाषा, साहित्य र संस्कृतिप्रतिको प्रेम र उत्तरदायित्व महसुस गराउने अपेक्षा गरिएको छ।यसैले शर्माले सबै जनमानसलाई उक्त कार्यक्रमको दिन उपस्थिति जनाएर आफ्नो भाषाप्रतिको महत्व र गरिमालाई लोकप्रति साझा गरिदिने आह्वान गरे।आजको यस सभामा स्थानीय विद्यालयहरू, साहित्यकार, शिक्षक, कलाकार, पत्रकार, समाजसेवी, तथा नेपाली भाषा प्रेमीहरूको उल्लेखनीय उपस्तिथिति रहेको थियो।
