https://www.facebook.com/share/19aTvqgEGM/

Serofero Dainik, Bhir Gaon Bijanbari, Darjeeling (2026)

11/10/2026

आरएसए लंगुरदाङ गोल्डकपको क्वार्टर फाइनलमा

मजुवा: आरएसए रेलिङ लंगुरदाङ गोल्डकप पाँचौँ संस्करणको उत्कृष्ट आठमा प्रवेश गरेको छ।
दिनेस राईको सभापतित्वमा सम्पन्न खेलको प्रमुख अथिति समाज सेवक देवकुमार भण्डारीको उपस्थितिमा सम्पन्न पाँचौं संस्करणको पाँचौं खेलमा अन्य विशिष्ट अतिथिहरूको उपस्थिति रहेको थियो। आज भएको पहिलो चरणको पाँचौं खेल आरएसए रेलिङ बनाम बीएसके सिलगढी माझ रोमाञ्चक भिडन्त भयो। आरएसए रेलिङले 1 को विरूद्ध 3 गोल गरेर विजयी बन्दै उत्कृष्ट आठमा प्रवेश गरेको छ भने बीएसकेलाई प्रतियोगिताबाट विदा गराएको छ।
दर्शकहरूले खचाखच रहेका आजको प्लेयर्स अफ द म्याचको उपाधि प्रवेश रोय आरएसए रेलिङका खेलाडीलाई चयन गरियो।
दार्जीलिङ,सिलगढी, सिक्किम लगायत छिमेकी राष्ट्र नेपालको लगायत उत्कृष्ट 16 दलहरूले सहभागिता जनाएको लंगुरदाङ गोल्डकप पाँचौं संस्करण यस प्रतियोगिता विजयी दललाई आकर्षक ट्रफी सहित नगद 2 लाख 50 हजार तथा उपविजेता दललाई नगद 2 लाखको पुरस्कार प्रदान गरिने आयोजक समितिले जनाएको छ। लंगुरदाङ खेल मैदानमा सम्पन्न ए डिवीजन सेवेन साइडको यस गोल्डकप फुटबल प्रतियोगिता लगातार रूपमा पाँचौं संस्करणको रूपमा भइरहेको आजका खेल प्रमुख निर्णायक शिसम मगर, सहायक रेफ्री सोनाम गुरूङ अनि फुर्जिङ लेप्चा साथै फोर्थ अम्पायर सौरभ चाम्लिङ अनि म्याच अफिसियलमा भरत चाम्लिङ रहेको थियो।

10/10/2026

अरुणाचल प्रदेशको परम्परागत संस्कृति र प्राकृतिक वातावरण संरक्षण गर्न किरेन रिजिजूको जोड

केन्द्रीय संसदीय कार्य तथा अल्पसङ्ख्यक मामिलामन्त्री किरेन रिजिजूले अरुणाचल प्रदेशमा पर्यटन प्रवर्द्धन, पूर्वाधार विकास र समृद्धि हासिल गर्दै राज्यको परम्परागत संस्कृति तथा प्राकृतिक वातावरण संरक्षण गर्नुपर्नेमा जोड दिएका छन्। नयाँ दिल्लीमा शिव कुणाल वर्माद्वारा लिखित तीन खण्डको पुस्तक ‘अरुणाचल : द स्याप रन पेरिनियल’ विमोचन कार्यक्रममा बोल्दै उनले राज्यको सांस्कृतिक विविधता, ऐतिहासिक सम्पदा र पर्यटन सम्भावनाको चर्चा गरे। उनले दुर्गम सीमावर्ती क्षेत्रमा सडक तथा यातायात सम्पर्क विस्तारले स्थानीय समुदायलाई विकासको लाभ पुर्‍याइरहेको उल्लेख गर्दै अरुणाचल प्रदेशको विकास देशका लागि पनि महत्त्वपूर्ण रहेको बताए।

10/10/2026

पाँचौं वार्षिक निःशुल्क स्वास्थ्य शिविर – २०२६ शिविर सञ्चालन हुने

कालेबुङ: सुशान्स कराँते-डो एकेडेमीले ११ अक्टोबर २०२६ का दिन कालेबुङको लाभास्थित गिटकोलबोङ बस्तीको गिटबिओङ प्राथमिक विद्यालयमा 'पाँचौं वार्षिक निःशुल्क स्वास्थ्य शिविर – २०२६' को आयोजना गर्ने भएको छ। बिहान १०:०० बजेदेखि सुरू हुने यस शिविरको उद्देश्य सामुदायिक स्वास्थ्य चेतना अभिवृद्धि गर्नु तथा यस क्षेत्र र छिमेकी गाउँका बासिन्दाहरूलाई सुलभ स्वास्थ्य सेवा उपलब्ध गराउनु हो।

यो स्वास्थ्य शिविर कालेबुङ जिल्ला अस्पताल, इन्डियन रेड क्रस सोसाइटी (कालेबुङ), जामगोङ कोङत्रुल आँखा केन्द्र, स्माइल डेन्टल केयर (कालेबुङ) र पशु स्रोत विकास विभाग (कालेबुङ) को सहकार्यमा आयोजना गरिनेछ।
शिविरमा सामान्य चिकित्सा (General Medicine), मधुमेह उपचार, स्नायु रोग (Neurology), दन्त चिकित्सा, नाक-कान-घाँटी (ENT) र आँखा उपचार लगायत विभिन्न विधाका विशेषज्ञ चिकित्सकहरूको टोली परामर्श सेवा प्रदान गर्न उपलब्ध रहनेछ।

शिविरमा निम्न चिकित्सक तथा विशेषज्ञहरूको उपस्थिति रहने कार्यक्रम छ:

- डा. स्वरूप खान – फिजिसियन तथा मधुमेह रोग विशेषज्ञ
- डा. अनिशा राई – दन्त चिकित्सक
- डा. डेनिशा लेप्चा – स्नायु रोग विशेषज्ञ (Neurologist)
- डा. धीरेन्द्र कुमार गुप्ता – नाक-कान-घाँटी (ENT) विशेषज्ञ
- डा. नवीन प्रधान – सामान्य चिकित्सक (General Physician)
- आँखा विशेषज्ञ – जामगोङ कोङत्रुल आँखा केन्द्र, कालेबुङ

यस वार्षिक पहल मार्फत, सुशान्स कराँते-डो एकेडेमीले खेलकुद र मार्सल आर्ट्सको क्षेत्रभन्दा बाहिर पनि सामाजिक उत्तरदायित्व र सामुदायिक कल्याणप्रतिको आफ्नो प्रतिबद्धतालाई निरन्तरता दिँदै आएको छ। यस पहलले रोग रोकथामसम्बन्धी स्वास्थ्य सेवालाई प्रोत्साहन गर्ने, सामान्य स्वास्थ्य समस्याहरूबारे चेतना बढाउने तथा ग्रामीण र दुर्गम क्षेत्रका मानिसहरूका लागि स्वास्थ्य परामर्श सेवा अझ सुलभ बनाउने लक्ष्य राखेको छ।

सामुदायिक सेवाको यस पहललाई सफल बनाउन सहयोग पुर्‍याउने सम्पूर्ण सहकार्यकारी संस्थाहरू, सहभागी चिकित्सकहरू, स्वास्थ्यकर्मीहरू र सहयोगी संस्थाहरूप्रति एकेडेमी हार्दिक आभार व्यक्त गर्दछ।

गिटकोलबोङ बस्ती, लाभा र वरपरका क्षेत्रका बासिन्दाहरूलाई यस शिविरमा सहभागी भई उपलब्ध स्वास्थ्य सेवाहरूको लाभ लिन हार्दिक आमन्त्रण गरिन्छ। मिति: ११ अक्टोबर २०२६
समय: बिहान १०:०० बजेदेखि
स्थान: गिटबोङ प्राथमिक विद्यालय, गिटकोलबोङ बस्ती, लाभा, कालेबुङ

आयोजक:
सुशान्स कराँते-दो एकेडेमी
कालेबुङ।

10/10/2026

पहाडको शैक्षिक विकास र एसएसके–एमएसके शिक्षकहरूको समस्या समाधानको माग गर्दै एबीआरएसएमद्वारा जीटीएका मुख्य सचिवलगायत अधिकारीहरूसँग भेटवार्ता

दार्जीलिङ: दार्जीलिङ पहाडका जल्दोबल्दो शैक्षिक समस्याहरूको समाधान, शैक्षिक व्यवस्थापनमा सुधार तथा समग्र शैक्षिक विकासका साथै एसएसके र एमएसके शिक्षकहरूको बाँकी वेतन शीघ्र भुक्तानीको माग गर्दै अखिल भारतीय राष्ट्रिय शैक्षिक महासंघ एबीआरएसएम, दार्जीलिङ जिल्ला समितिको एक प्रतिनिधिमण्डलले जीटीएका उच्चपदस्थ अधिकारीहरूसँग भेटवार्ता गरी लिखित ज्ञापनपत्र बुझाएको छ।
एबीआरएसएम दार्जीलिङ जिल्ला समितिका अध्यक्ष सञ्जीव दाहालको नेतृत्वमा गएको प्रतिनिधिमण्डलले जीटीएका मुख्य सचिव स्मृतिरञ्जन मोहन्ती (आइएएस), जीटीए शिक्षा विभाग दार्जीलिङ जिल्लाका डीआई (एसई) लक्षणा गोलेसिक्तसँग भेट गरी पहाडको शैक्षिक क्षेत्रसँग सम्बन्धित विभिन्न महत्त्वपूर्ण मुद्दाहरू उठाएको हो। भेटवार्ताका क्रममा शैक्षिक समस्याहरूको समाधान, व्यवस्थापनलाई प्रभावकारी बनाउने उपाय तथा समग्र शैक्षिक विकासका लागि आवश्यक कदमहरूबारे छलफल भएको बताइएको छ।

यसै क्रममा जीटीएअन्तर्गत कार्यरत माध्यमिक शिक्षा केन्द्र एमएसके तथा शिशु शिक्षा केन्द्र एसएसकेका शिक्षकहरूको केही महिनादेखि भुक्तानी हुन नसकेको वेतनको समस्यालाई प्रतिनिधिमण्डलले विशेष प्राथमिकताका साथ उठाएको थियो। शिक्षकहरूको आर्थिक कठिनाइलाई ध्यानमा राख्दै बाँकी वेतन दशैँअघि नै भुक्तानी गर्न आवश्यक पहल गरिदिन माग गर्दै सम्बन्धित अधिकारीहरूलाई लिखित ज्ञापनपत्रसमेत बुझाइएको छ।

प्रतिनिधिमण्डलका अनुसार, अधिकारीहरूसँग सबै विषयमा सौहार्दपूर्ण वातावरणमा छलफल भएको थियो। विभागीय अधिकारीहरूले उठाइएका मुद्दाहरूमा सकारात्मक पहल गर्ने आश्वासन दिएको जनाउँदै महासंघले निकट भविष्यमा शैक्षिक समस्याहरूको समाधान तथा शिक्षकहरूको वेतन भुक्तानीका दिशामा ठोस सकारात्मक परिणाम प्राप्त हुने आशा व्यक्त गरेको छ।

10/10/2026

जीटीए खारेजको मागमा लालकोठी घेराउ : अदेखा गरिए जनता लिएर आउने जीएसपी-को चेताउनी

जीटीए खारेजको माग गर्दै शुक्रवार गोर्खाल्याण्ड संग्राम पार्टी (GSP) ले दार्जीलिङमा र्‍याली निकाल्दै जीटीए कार्यालय लालकोठी घेराउ गऱ्यो। यसैबीच, पार्टी कार्यकर्ताहरूले दार्जीलिङ र कालेबुङमा जीटीए खारेजीको मागमा पोस्टरिङ तथा विरोध प्रदर्शनसमेत गरेका छन्।
पश्चिम बंगाल सरकारले २५ सेप्टेम्बरदेखि जीटीएमा प्रशासक राखेर पुनः सञ्चालनमा ल्याएपछि GSP सड़कमा ओर्लिएको पार्टी सूत्रले जनाएको छ।
यसैबीच, पत्रकारहरूसित बोल्दै पार्टी प्रमुख सञ्जय थुलुङले यदि आफूहरूको मागमाथि अदेखा गरिएको खण्डमा भोलिको दिनमा जनता लिएर आउने चेताउनीसमेत दिए।

09/10/2026

हाम्रो जनताको आवाज स्पष्ट छ—गोर्खाल्याण्ड।

आज अध्यक्ष प्रा. महेन्द्र पी. लामाको नेतृत्वमा गोर्खाल्याण्ड एपेक्स कमिटीले केन्द्र सरकारका वार्ताकारको नेतृत्वमा रहेको राज्य र केन्द्र सरकारको उच्चस्तरीय समितिसमक्ष जनताको यो आकाङ्क्षा स्पष्ट रूपमा राख्यो। १७ वटा राजनीतिक दल र नागरिक समाजका प्रतिनिधिहरूको उपस्थितिले हाम्रो सामूहिक आवाजलाई थप बल दियो।

सम्पूर्ण जनतालाई भन्न चाहन्छु—आशा कायम राखौँ। अगाडिको यात्रामा धैर्य, दृढता र एकता चाहिन्छ। आजको भेटले हामीलाई आशाको आधार दिएको छ। हाम्रा मतभेदभन्दा जनताको साझा सपना ठूलो हुनुपर्छ।

आउनुहोस्, एकअर्काप्रतिको विश्वास र दृढ सङ्कल्पका साथ अघि बढौँ। गोर्खाल्याण्ड हाम्रो जनताको आशा हो। यो आशालाई एउटै आवाज बनेर अघि बढाउनु हामी सबैको जिम्मेवारी हो।

09/10/2026

प्रेस विज्ञप्ति_

लामो समयदेखि विवादमा रहेको कालेबुङ जिल्लाअन्तर्गतको मिसनहिल चिया बगानको पूजा बोनसको समस्या समाधान भएको छ। श्रमिक संगठन र बगान व्यवस्थापन बिच आज भएको छलफलपछि श्रमिकहरूलाई कुल २० प्रतिशत पूजा बोनस दिने सहमति भएको हो।राज्य सरकारले केही साता अघि चिया श्रमिकहरूका लागि २० प्रतिशत पूजा बोनस दिने सम्बन्धमा अधिसूचना जारी गरेको थियो।अधिकांश चिया बगानका मालिकहरूले उक्त निर्णय अनुसार श्रमिकहरूलाई बोनस वितरण गरिसकेका छन् भने केही बगानले आगामी दिनमा बोनस वितरण गर्ने तयारी गरेका छन्। तर,मिसनहिल चिया बगान व्यवस्थापनले २० प्रतिशत बोनस तत्काल दिन नसक्ने अडान लिएपछि बगानमा असन्तुष्टि र अशान्तिको वातावरण सिर्जना भएको थियो।समस्या समाधान गर्न आज कालेबुङ जिल्ला अतिरिक्त श्रमायुक्तको कार्यालयमा श्रमिक संगठन र बगान व्यवस्थापनबीच महत्वपूर्ण बैठक सम्पन्न भयो। दिउँसो १२ बजेदेखि शुरु भएको बैठक करिब ४ बजेसम्म चलेको थियो।बैठकमा इन्डियन गोर्खा जनशक्ति फ्रन्ट अन्तर्गतको श्रमिक संगठन हाम्रो हिल तराई डुवर्स चियाबारी श्रमिक संघका केन्द्रीय अध्यक्ष डी.के. गुरुङलगायत अन्य श्रमिक नेताहरूको सहभागिता रहेको थियो।
बाँकी ५ प्रतिशत दीपावली अघि नै पूरा बोनस दिने सहमति
बैठकमा बगान व्यवस्थापन पक्षले शुरुमा १२ प्रतिशत बोनस १० अक्टोबरभित्र दिने र बाँकी ८ प्रतिशत सन् २०२७ को मार्च महिनामा दिने प्रस्ताव राखेको थियो।तर, श्रमिक संगठनले उक्त प्रस्तावको विरोध गर्दै सरकारले घोषणा गरेको २० प्रतिशत बोनस श्रमिकहरूले पाउनुपर्ने अडान राखेको थियो।त्यसपछि व्यवस्थापन पक्षले १५ प्रतिशत बोनस १० अक्टोबरभित्र र बाँकी ५ प्रतिशत दीपावली अघि नै दिने प्रस्ताव अघि सारेको थियो।उक्त प्रस्तावमा बैठकमा सहभागी सबै पक्ष सहमत भएपछि विवाद समाधान भएको श्रमिक संगठनका केन्द्रीय अध्यक्ष डी.के. गुरुङले जानकारी दिए।गुरुङका अनुसार बैठकमा मिसनहिल चिया बगानले राज्य सरकारले जारी गरेको २० प्रतिशत पूजा बोनस सम्बन्धी निर्देशन पालना नगरेको विषय पनि आफूहरूले गम्भीर रूपमा उठाएका थिए।
बन्द चिया बगान सञ्चालन गर्न माग
अध्यक्ष गुरुङले बन्द अवस्थामा रहेका चिया बगानका श्रमिकहरूको समस्यालाई पनि आफ्नो संगठनले निरन्तर उठाउँदै आएको बताए।उनका अनुसार बन्द चिया बगानका श्रमिकहरूलाई सरकारले राहत स्वरूप खाद्यान्न उपलब्ध गराउनुपर्ने माग संगठनले गर्दै आएको थियो। त्यसैको परिणाम स्वरूप गत महिना सरकारले बन्द चिया बगानका श्रमिकहरूलाई खाद्यान्न वितरण गरेको उनले बताए।अब बन्द अवस्थामा रहेका चिया बगानहरूलाई अविलम्ब पुनः सञ्चालन गर्नुपर्ने माग संगठनले अघि सारेको गुरुङको भनाइ छ।
आलुबारी–फूलबारी र पान्दमबारे चिन्ता
गुरुङले बन्द चिया बगानका विषयमा छलफल र बैठकहरू भइरहे पनि समस्या समाधान हुनुको सट्टा थप चिया बगान बन्द भएको दाबी गरे।उनका अनुसार आलुबारी–फूलबारी चिया बगान अहिले बन्द अवस्थामा रहेको र त्यहाँका श्रमिकहरूले आफ्नो पारिश्रमिक तथा अन्य सुविधा कहिले पाउने भन्ने स्पष्ट नभएको अवस्था छ। त्यसैगरी,पान्दम चिया बगान पनि केही समय बन्द रहेपछि अहिले नयाँ मालिकले सञ्चालनको जिम्मेवारी लिएको भए पनि त्यहाँका श्रमिकहरूले पूर्ण बोनस पाउने हुन् कि होइनन् भन्ने विषयमा अझै अन्योल रहेको गुरुङले बताए।श्रमिकहरू माथि अन्याय वा शोषण गर्ने बगान व्यवस्थापन विरुद्ध सरकारले आवश्यक कारवाही गर्नुपर्ने माग गर्दै आए पनि अहिलेसम्म प्रभावकारी कारवाही नभएको गुरुङको आरोप छ।यसैबीच, मिसनहिल चिया बगानका श्रमिकहरूले अब १० अक्टोबरभित्र १५ प्रतिशत र दीपावली अघि बाँकी ५ प्रतिशत गरी कुल २० प्रतिशत पूजा बोनस पाउने भएका छन्।

डीके गुरूङ
अध्यक्ष
केन्द्रीय समिति
हाम्रो हिल त
राई डुवर्स चियाबारी श्रमिक संघ
दार्जीलिङ।

09/10/2026

आज भारतीय गोर्खा प्रजातान्त्रिक मोर्चाका एक टोलीले केन्द्र सरकारद्वारा नियुक्त गरिएका इन्टरलक्युटर श्री पंकज कुमार सिंहज्यूको निमन्त्रणामा उनी सँग दार्जीलिङको एउटा होटलमा भेटघाट गर्यो। टोलीमा आलोक कान्तमणी थुलुङ, सतिश पोख्रेल अनि बारुद थापा रहेका थिए।

इन्टरलक्युटर सँग भागोप्रमो अध्यक्ष अनित थापाको दोस्रो भेट हो। भेटघाटमा गोर्खाको दीर्घकालीन मांग माथि धेरै चर्चा भएको बताएका छन। इन्टरलोक्युटर पक्षले पनि समस्यालाई बुझ्न धेरै प्रश्नहरु गर्नुभयो। भेटको उहाँहरुले पनि यहाँको वास्तविकता बुझाइ दिएका छौं। हामीलाई क्षेत्रीयताको महत्व किन छ भन्ने विषयमा उहाँलाई अवगत गराएको छु। पहाडको जनताको आकांक्षा के रहेको छ त्यो विषय माथि मैले जोड दिएर आफ्नो तर्क राखे।

जीटीए मैले त्याग गरिसकेको छु। त्यसैले अहिले डायलग ओपन भएको छ। यस डायलगले यहाँको जनताको आकांक्षा पूरा हुने केही प्रदान गर्छ भन्ने मैले विश्वास राखेको छु।

जीटीए मैले त्याग गरिसकेको छु त्यसैले त्यसमाथि म बोल्ने छुइन। जीटीए खारिज गर्छु भनेर नेताहरुले भनिसकेका छन् अब कहिले गर्ने हुन् त्यो पर्खेर बसेको छु।

गोर्खाल्याण्डको निम्ति जीटीए बाधा हो भनेका थिए। त्यसैले जनताले गोर्खाल्याण्डको निम्ति बिजेपीलाई विजयी पनि बनाए। अब गोर्खाल्याण्ड दिनु बिजेपीको ठूलो जिम्मेवारी बन्छ। मेरो जिम्मेवारी भनेको गोर्खाल्याण्डको बाधा जीटीएलाई छोड्नु थियो। त्यो मैले छोडिसकेको छु। अबको जिम्मेवारी बीजेपी अनि गठबन्धनको ठूलो छ। हामी गोर्खाल्याण्डको समर्थनमा छौँ। तर जिम्मेवारी गठबन्धनले निभाउनुपर्छ।

जीटीए सभामा पारित गरिएको गोर्खाल्याण्डको प्रस्ताव अनरेकर्ड सरकारलाई पठाइएको छ तसर्थ इन्टरलक्युटरलाई त्यो प्रस्तावको दस्तावेज बुझाइएन।

08/10/2026

हिमाली शालोम चर्चमा पास्टर लुका सुब्बाको अर्डिनेसन कार्यक्रम सम्पन्न

मजुवा: हिमाली शालोम चर्चअन्तर्गत आयोजित विशेष कार्यक्रममा पास्टर लुका सुब्बाको अर्डिनेसन कार्यक्रम सम्पन्न भएको छ। कार्यक्रममा विभिन्न मण्डलीका सेवक, अगुवा, पास्टर तथा विश्वासीजनहरूको उल्लेखनीय सहभागिता रहेको थियो।
कार्यक्रममा पास्टर साइमन मुखिया (गैरी गाऊ) सुजाता सुब्बा, प्रिस्किला मुखिया,गीता सुब्बा,पास्टर रूबेन सुब्बा, एडोन सुब्बा,

डिकन दीपक सुब्बा तथा डिकन जेरोम राई लगायत विभिन्न मण्डलीका सेवक तथा अगुवाहरूको गरिमामय उपस्थिति रहेको थियो। साथै, हिमाली शालोम चर्चअन्तर्गतका विभिन्न मण्डलीका पास्टर, अगुवा, युवा तथा विश्वासीजनहरूको पनि उल्लेखनीय सहभागिता रहेको थियो।
कार्यक्रमको प्रारम्भमा उपस्थित सम्पूर्ण आमन्त्रित अतिथि, पास्टर तथा अगुवाहरूलाई खादा तथा ब्याजद्वारा सम्मानपूर्वक स्वागत गरिएको थियो। त्यसपछि हिमाली शालोम चर्चका युवा भाइ क्षितिज राईद्वारा उपस्थित सम्पूर्ण अतिथि, पास्टर, अगुवा तथा विश्वासीजनहरूलाई हार्दिक स्वागत गरिएको थियो।
कार्यक्रमको दोस्रो चरणमा हिमाली शालोम चर्चका युवाहरूको नेतृत्वमा आराधना तथा कोरस गीतहरू प्रस्तुत गरिए। आराधनाका माध्यमबाट सम्पूर्ण मण्डली परमेश्वरको उपस्थितिमा प्रवेश गर्दै कार्यक्रमलाई अझ आध्यात्मिक तथा आनन्दमय बनाइएको थियो।
त्यसपछि कार्यक्रमको मुख्य तथा विशेष क्षणका रूपमा पास्टर लुका सुब्बाज्यूको अर्डिनेसन कार्यक्रम सम्पन्न भयो। उहाँलाई अर्डिनेसन गर्ने महत्वपूर्ण जिम्मेवारी हिमाली शालोम चर्चका वरिष्ठ पास्टर धुर्व जोना राईले निर्वाह गर्नुभएको थियो। सो अवसरमा उहाँलाई खादा ओढाई सम्मान तथा शुभकामना प्रदान गरिएको थियो।
अर्डिनेसन कार्यक्रमले एक सेवकलाई औपचारिक जिम्मेवारी प्रदान गर्ने कार्य मात्र नभई विभिन्न मण्डलीहरूबीचको प्रेम, एकता, सहकार्य तथा प्रभुको सेवामा एकसाथ अघि बढ्ने प्रतिबद्धतालाई समेत थप बलियो बनाएको सहभागीहरूले बताएका छन्।
कार्यक्रमको अन्त्यमा हिमाली शालोम चर्च, सिङ्बुङ डेराको तर्फबाट कार्यक्रममा उपस्थित सम्पूर्ण पास्टर, डिकन, अगुवा, विभिन्न मण्डलीका प्रतिनिधिहरू, युवा तथा सम्पूर्ण विश्वासीजनहरूप्रति हार्दिक धन्यवाद तथा कृतज्ञता व्यक्त गरिएको जानकारी दिएको छ।

08/10/2026

प्रेसविज्ञप्ति_

"अध्यक्ष बिमल गुरुङको नेतृत्वमा इन्टरलोकुटर पंकज कुमार सिंह अनि गृह मन्त्रालयको टोलीसँग महत्वपूर्ण बैठक सम्पन्न"

दार्जीलिङ: गोर्खा जनमुक्ति मोर्चा अध्यक्ष श्री बिमल गुरुङको नेतृत्वमा पार्टीको प्रतिनिधिमण्डलले आज दार्जीलिङमा भारत सरकारद्वारा नियुक्त इन्टरलोकुटर श्री पंकज कुमार सिंह अनि गृह मन्त्रालयको टोलीसँग महत्वपूर्ण बैठक सम्पन्न गरेको छ। बैठकमा भारत सरकारका एमएचए जोइन्ट सेक्रेटरी अनि पश्चिम बंगाल सरकारका गृहसचिवको उपस्थिति रहेको थियो।
बैठकका क्रममा विशेषगरी तराई अनि डुवर्स क्षेत्रसँग सम्बन्धित ३९६ मौजा, ११ जातगोष्ठीलाई जनजातिको दर्जा दिनुपर्ने, सीमा सम्बन्धी संवैधानिक समाधान लगायतका महत्वपूर्ण विषयहरूमा विस्तृत छलफल भएको थियो। गोर्खा जनमुक्ति मोर्चाको प्रतिनिधिमण्डलले तराई तथा डुवर्स क्षेत्रका विभिन्न समस्या, जनसरोकारका विषय साथै लामो समयदेखि उठ्दै आएका जनताको मुद्दाहरूलाई बैठकमा प्राथमिकताका साथ प्रस्तुत गरेको थियो। साथै, पहाड, तराई र डुवर्ससँग सम्बन्धित विषयहरूलाई समग्रतामा लिएर दीर्घकालीन समाधानको प्रक्रिया अघि बढाउन आवश्यक संवाद, पहल तथा राजनीतिक प्रक्रियाका विषयमा समेत छलफल भएको थियो।

बैठकलाई गोर्खा जनमुक्ति मोर्चाले पहाड, तराई तथा डुवर्सका जनताका विषयहरूलाई सरकारसमक्ष प्रस्तुत गर्दै समाधानको दिशामा संवादलाई निरन्तरता दिने महत्वपूर्ण पहलका रूपमा लिएको छ।

गोर्खा जनमुक्ति मोर्चा
केन्द्रीय कार्यालय
सिंहमारी, दार्जीलिङ्

Serofero Dainik

11/10/2026

10/10/2026

10/10/2026

10/10/2026

10/10/2026

09/10/2026

09/10/2026

09/10/2026

08/10/2026

08/10/2026

Address

Telephone

Website

Alerts

Shortcuts

Share

Category

Listing takedown request