Darjeeling ko Awaaz

Darjeeling ko Awaaz Darjeeling ko Awaaz is a news portal about the people of Hills of Darjeeling. It also deals with tourism, tea and all the beautiful people of Darjeeling.

This channel deals with topics like Development, Cultures, Music, Educations, Medicals, and Politics.

सिलगढीमा पहाडका विद्यार्थीमाथि आपत्तिजनक व्यवहारको, झ्ट्ट कारवाही हुनुपर्छ ||आज , ४ अगस्त २०२५ —सिलगढीको हाकिमपडा क्षेत्...
05/08/2025

सिलगढीमा पहाडका विद्यार्थीमाथि आपत्तिजनक व्यवहारको, झ्ट्ट कारवाही हुनुपर्छ ||

आज , ४ अगस्त २०२५ —सिलगढीको हाकिमपडा क्षेत्रमा एक पहाडी विद्यार्थीमाथि गरिएको आपत्तिजनक व्यवहारको घटनाले हाम्रो पहाड समुदायलाई गम्भीर रूपमा आहत बनाएको छ।

पीडितका अनुसार, केही व्यक्तिहरूले उनलाई "बिदेशी" भन्दै अपमानजनक - आपत्तिजनक अपशब्द प्रयोग गरेका भिडियो सामाजिक संजालमा घटनापछि पीडितले आफ्ना साथीसँग मिलेर सिलगढी प्रहरी चौकीमा एफआईआर दर्ता गराएका छन्।

यस घटनाले पहाड क्षेत्रका अभिभावकहरूमा छोराछोरीको सुरक्षाको विषयमा चिन्ता बढाएको छ।

हामी यस असामाजिक दोषीमाथि कडा कारबाही र शैक्षिक वातावरणमा सौहार्दता कायम राख्न माग गर्दछौं |||

सुदन गुरूङ गोर्खा //
सभापति, केन्द्रीय समिति सदस्य,
युवा कल्याण संगठन // सिलगढी भुतपुर्व नेपाली विधार्थी संघ //
Contact : +918617481522
Email @gmail.com

सिलगढी हाकिमपाडामा हाम्रो गोर्खा छोरी माथी भएको घटनाको भाजपा युवा मोर्चा घोर बिरोध जनाउँदछौ: सुपेन्द्र प्रधानहाकिमपाड़ा ...
04/08/2025

सिलगढी हाकिमपाडामा हाम्रो गोर्खा छोरी माथी भएको घटनाको भाजपा युवा मोर्चा घोर बिरोध जनाउँदछौ: सुपेन्द्र प्रधान

हाकिमपाड़ा सिलगढी स्थित हाम्री छोरी चेलीहरू शिक्षा आर्जन गर्न घरभाडामा बस्दा त्यँहाको बासिन्दाहरू जो उनीमाथि अभद्र व्यवहार गर्दै शारीरिक यातना गरेका छन्। "नेपाली नेपाल जा".... "तँ नेपालबाट आएको "विदेशी" जस्ता अपशब्दहरू भनेका छन्।
गोर्खा जातिमाथि गरेको अभद्र व्यवहारको दार्जीलिङ भाजपा युवा मोर्चा घोर विरोध जनाउँदछौ।

गोर्खा छोरीमाथि भएको अभद्र व्यवहार, शारीरिक यातना अनि विदेशी र दुश्चरित्र आदि लगाएको लाञ्छना जस्ता निन्दनीय घटनाप्रति घोर आपति जनाँउदै पुलिस प्रशासनले आरोपीहरूमाथि कड़ाभन्दा कड़ा सजायको मांग गर्दछौं।
कारण यस्ता आसामाजिक निन्दनीय व्यवहारले भोलि साम्प्रदायिक हिसां नफैलिएका होस्।

क्षेत्रिय प्रशासनले कठोर प्रशासनिक कदम चालेको हुनुपर्छ र दोषीलाई हिरासतमा लिई सम्पूर्ण गोर्खा जातिप्रति माफी मागेके हुनपर्छ।
सिलगडीका सम्पूर्ण गोर्खा दाज्यू भाईहरूलाई सतर्क रहने अवहान गर्दछु र विभिन्न राजनैतिक अनि सामाजिक संस्थाहरू एकमुष्टमा जवाब दिएको हुन पर्छ।
जुन हेपाई र अप शब्दहरूप्रयोग गरिएको छ यस पिड़ित छोरीमाथि अनि हाम्रो सम्पूर्ण जातिलाई नै विदेशीको लाञ्छाणा लागेको छ यो दाग अब मेटाउनु नै पर्छ सो कुनैपनि सभ्य समाजले यस्ता अन्याय सहन गर्न सक्तैन।

घटनाको गम्भीरतालाई लिँदै दार्जीलिङ पहाड सिलगढी तराई अनि डुवर्सका विभिन्न राजनैतिक दलहरूका नेतृत्वहरू , जात-गोष्ठीका प्रतिनिधिहरू, विभिन्न सामाजिक तथा विभिन्न वर्गका संघ संस्थाहरूले यस घटनाको विरोध गर्दै पश्चिम बङालका महामहिम राज्यपाल अनि माननीय मुख्यमन्त्रीलाई पत्राचार गरिदिने अनुरोध गर्दछु।
यो घटनालाई गोर्खाहरूले हल्का लिएका छैनन्। भोलि वृहत रूप धारण गर्न सक्दछ। आज हामी चुप्प बसेर यो दाग बडन दियौं भने यसले हाम्रो पूर्ण जातिलाई नै मास्ने काम गर्नेछ त्यसर्थ यस्ता निन्दनिय घटनाको छानबीन चाडै भएको हुन पर्छ नत्र भोलि गोर्खा जाति माथि लागेको विदेशीको आरोपको विरोधमा आक्रोस थाम्न सक्ने छैन।

सुपेन्द्र प्रधान
उपाध्यक्ष
भारतीय जनता युवा मोर्चा
दार्जीलिङ जिल्ला।

04/08/2025

IGJF पार्टीको श्रमिक सङ्गठन HHTDCSS को पुजा बोनस अभियान सम्पन्न।
पुजा बोनस अभियानको दोस्रो चरण आज बागडोगराको माटिगारामा TIPA र TIA लाई ज्ञापनपत्र बुझाएर सफलतापूर्वक सम्पन्न भयो।

ज्ञापनपत्रमा 2024-25 को लागि पूजा बोनस सम्बन्धी मुख्य मागहरू हाइलाइट गरिएको थियो र IGJF पार्टीको श्रमिक सङ्गठन प्रमुख डि के गुरुङको निर्देशन अनुसार प्रस्तुत गरिएको थियो।

दार्जिलिङ, तराई र डुअर्सका चिया बगानका मजदुरहरूका लागि एकताबद्ध समर्थन प्रदर्शन गर्दै सम्बन्धित अधिकारी र प्रतिनिधिहरू बिहान ११ बजे घटनास्थलमा भेला भएका थिए। नेतृत्वले चिया बगानका मजदुरहरूलाई उचित व्यवहार र आर्थिक न्याय सुनिश्चित गर्न आफ्नो प्रतिबद्धता दोहोर्‍यायो।

कार्यक्रमलाई सफल बनाउनको लागि सक्रिय सहयोग र ऐक्यबद्धताको लागि केन्द्रीय समितिले सबै सहभागीहरू र सरोकारवालाहरूलाई धन्यवाद ग्यापन गरेका छन्।
📞 डि के. गुरुङ - +91 70298 98064

04/08/2025

सिलगढीको हाकिमपडामा पहाडका विद्यार्थीमाथि आपत्तिजनक व्यवहार, स्थानीयहरू चिन्तित

सिलगढी, ४ अगस्त २०२५ —
आज दिउँसो सिलगढीको हाकिमपडा क्षेत्रमा पढाइको सिलसिलामा कोठा भाडामा लिएर बसिरहेका पहाड क्षेत्रका एक विद्यार्थीमाथि आपत्तिजनक व्यवहार गरिएको घटनाले सम्पूर्ण पहाडवासीहरूलाई गहिरो पीडा र चिन्तामा डुबाएको छ।

पीडित विद्यार्थीले बताएअनुसार, केही व्यक्तिहरूद्वारा उनलाई "बिदेशी" भन्दै अपमानजनक शब्द प्रयोग गरिनुका साथै लान्छना लगाइएको थियो। यस्ता शब्दहरूले न केवल एक विद्यार्थीको मनोबल घटाउँछ, तर समग्र पहाडको समुदायमाथि नै चोट पुर्‍याउँछ।

यस घटनापछि सम्बन्धित विद्यार्थी र उनका साथीसाथीहरू मिलेर सिलगढी पुलिस स्टेशनमा औपचारिक रूपमा FIR दर्ता गरेका छन्। घटनाको सत्यता पुष्टि गर्दै प्रहरीले आवश्यक अनुसन्धान सुरु गरेको जानकारी प्राप्त भएको छ।

यस घटनाले अहिले पहाडका आमाबाबुलाई गहिरो सोचमा डुबाएको छ –
"के हाम्रा छोराछोरीहरू पढ्नलाई सिलगढीजस्तो ठाउँमा सुरक्षित छन्?"

शैक्षिक कारणले पहाडका थुप्रै विद्यार्थीहरू हरेक वर्ष शहरतर्फ जाने गर्छन्। यस्तो अवस्थामा जातीय विभेदजस्तो व्यवहारले सामाजिक सौहार्दता र सद्भावमा गम्भीर असर पार्न सक्छ।

स्थानीय नागरिक समाज, विद्यार्थी संगठनहरू र अभिभावकहरूले प्रशासनसँग दोषीमाथि कडा कारबाहीको माग गर्दै शान्तिपूर्ण वातावरण सुनिश्चित गर्न आग्रह गरेका छन्।

04/08/2025

कहिले सम्म हामी राजनीतिक शोषणमा बस्ने।
अहिले सम्म हाम्रो गोर्खा जातीलाई सिर्फ आवश्वन दिने मात्रै नै काम भएको छ।
कहिले सम्म गोर्खा जाती फुटेर भोट ब्याङ्क मात्रै भईबस्ने?
कहिले सम्म गोर्खालाई आश्वासन मात्रै दिबस्ने।
भारतवर्षमा गोर्खाजातीले न्याय पाएको हुनुपर्छ।
गोर्खा जाती कहिले सम्म बिदेशी जस्तो शब्दको लालछाना लगाएर बस्ने?
गोर्खाल्याण्ड प्रेमी
सूरज दर्नाल।

04/08/2025

आजदेखि शहीदहरू को स्मृतिमा सालिक साथै वेदी निर्माण कार्यको शुरुवात गरियो।

सचेत युवा समूह

गुरु पद्मसम्भवको प्रतिमा स्थापना गरिनु मिरिक पर्यटन केन्द्रकाे पर्यटन विकासमा ठूलाे टेवा पुग्नेछ : अनित थापामिरिकमा गुरु...
04/08/2025

गुरु पद्मसम्भवको प्रतिमा स्थापना गरिनु मिरिक पर्यटन केन्द्रकाे पर्यटन विकासमा ठूलाे टेवा पुग्नेछ : अनित थापा

मिरिकमा गुरु पद्मसम्भवको प्रतिमा स्थापनाकाेलागि भूमी पुजा ।

मिरिक ४ अगस्त निसंं) साेमबार मिरिकमा गुरु पद्मसम्भवको प्रतिमा स्थापनाकाेलागि भूमी पुजा गरियाे। पाल्यूल ल्हाटुल रिन्पाेर्छेकाे मन्त्राेच्चारणकाे साथमा जीटीए मुख्य कार्यपाल अनित थापाले भुमि पुजा गरे।

यस अवसरमा जीटीएका कार्यकारी सभासद अरूण सिग्ची, सभासदहरू धुर्ब बम्जन, मिलेस राई, मिरिक नगरपालिका अध्यक्ष एलबी राई लगायत विभिन्न गुम्बाका प्रतिनिधिहरू उपस्थित थिए।

यस अवसरमा बाेल्दै जीटीए प्रमुख अनित थापाले मिरिक झील परिसरमा गुरु पद्म सम्भवको प्रतिमा स्थापना गरिनु मिरिक पर्यटन केन्द्रकाे पर्यटन विकासमा ठूलाे टेवा पुग्नेछ भने।तिनले गुरु पद्मसम्भवको प्रतिमा स्थापना राम्राेसित गर्न हामीले पनि साथ र सहयाेग गर्नुपर्छ भन्दै यसलाई बुद्धिष्टकाे मात्रै हाेइन सबैकाे सम्पत्ति मान्नपर्छ भने।

तिनले प्रतिमा स्थपनाकाेलागि माटाे जाँच गर्नु पनि आवश्यक रहेकाे बताँउदै मिरिकमा विगतमा झील हेर्न मात्रै मानिसहरू आँउथे भने अबउसाे गुरु पद्म सम्भवको प्रतिमा हेर्न पनि आउनेछ ।जसले यहाँकाे धार्मिक पर्यटन पनि विकसित बन्नेछ भने।

यस अवसरमा बाेल्दै सभासद धुर्ब बम्जनले मिरिककाे पर्यटन विकासकाे लागि पाल्यूल ल्हाटुल रिन्पाेर्छेलाई गुरु पद्म सम्भवकाे स्थपना मिरिक झील परिसरमा गरिदिने अनुराेध गरिएपछि प्रतिमा स्थपनाकाेलागि भुमि पूजा गरिएकाे जसले मिरिककाे पर्यटन विकासमा ठूलाे टेवा पुग्नेछ भने। कार्यक्रममा पाल्यूल ल्हाटुल रिन्पाेर्छेले प्रतिमा स्थपना र गुरु पद्म सम्भवकाे महत्त्वबारे विस्तृत जानकारी गराए।

यस भन्दा अघि जीटीए चीफ अनित थापालाई मिरिकमा भब्य स्वागत गरियाे भने थापाले पाल्यूल ल्हाटुल रिन्पाेर्छेकाे दर्शन पनि गरे। अर्काेतिर प्रतिमा स्थपनालागि मिरिक झील परिसरमा जारी तीन दिवसीय फुर्बा पुजाकाे समापन पनि साेमबार भयाे। समापनकाे दिन
पाल्यूल ल्हाटुल रिन्पोर्छेकाे वाहुलीबाट वाङ वितरण गरियाे।

गोरामुमो दार्जीलिङ सदर २ समष्टिको अध्यक्ष पदमा शिशिर राई चयन ।गोर्खा राष्ट्रिय मुक्ति मोर्चाले आफ्नो सांङ्ठ्निक बिस्तारल...
04/08/2025

गोरामुमो दार्जीलिङ सदर २ समष्टिको अध्यक्ष पदमा शिशिर राई चयन ।

गोर्खा राष्ट्रिय मुक्ति मोर्चाले आफ्नो सांङ्ठ्निक बिस्तारलाई तिब्रता दिदै पहाड अनि तराईमा सांङ्ठानिक सभाहरुको आयोजना आयोजना भइरहेको पार्टीका मिडिया सेल प्रभारी दिनेस साम्पाङले जानकारी दिएका छन् । यसैक्रममा गोरामुमो केन्द्रीय समिति प्रवक्ता वाई लामाको प्रमुख उपस्थितिमा गोरामुमो दार्जीलिङ ब्राञ्च कमिटी अन्तर्गत सदर २ समष्टिको सांङ्ठनिक सभा गोरामुमो केन्द्रीय समिति सदस्या श्रीमती मणिकला तामाङको अध्यक्षतामा सम्पन्न भएका छन् । सभामा संगठनलाई बिस्तार गर्नको निम्ति व्यापक छलफल गर्दै सदर २ को अध्यक्ष पदमा शिशिर राईलाई सर्वसम्मतिले चयन गरेका छन् । यसैगरी उपाध्यक्षमा मदन तामाङ , बिमल तामाङ , मुल सचिवमा उत्तम मुखिया , सहसचिवमा रबि प्रधान , प्रमुख सल्लाहकारहरुमा , मणिकला तामाङ , के बी गुरुङ ,अञ्जलि तामाङ चयन गरिएका छन् ।
यसैगरी ३० नम्बर वार्डको अध्यक्ष पदमा गोबिन्द दर्नाल , २३ नम्बर वार्डमा प्रकाश छेत्री , १४ नम्बर वार्डमा भीम थामी लाई चयन गरिएका छन् ।
चयन गरिएका सम्पुर्ण नयाँ प्रतिनिधिबर्गलाई वाई लामा द्वारा बधाई अनि शुभकामना दिदै नियुक्ति पत्र हस्तान्तरण गरेका छन् । पार्टीको सांङ्ठनिक बिस्तार अनि मजबुतीको निम्ति नयाँ प्रतिनिधिबर्गले पार्टीको सिद्धांत अनि अनुशासनमा रहेर कार्य गर्ने वाई लामाले दिशा निर्देश समेत दिएको दिनेस साम्पाङले जानकारी दिएका छन् ।

*भारतीय जनता पार्टी* दार्जीलिङ जिल्ला समिति।हाम्रो टोल,हाम्रो समाधान ममताको चुनावी कार्यक्रम मात्रै खरसाङ- ३ अगस्त, बंगा...
03/08/2025

*भारतीय जनता पार्टी*
दार्जीलिङ जिल्ला समिति।

हाम्रो टोल,हाम्रो समाधान ममताको चुनावी कार्यक्रम मात्रै

खरसाङ- ३ अगस्त, बंगाल विधान सभा चुनाव अर्को वर्ष हुँदैछ। बंगालको मुख्य मन्त्री आफ्नो पद जोगाउनु मरिहत्ते गर्दैछन्। यसको लागि जे जे गर्नु मन लाग्यो, सबै गर्नु चाहँदैछन्। अहिले "हाम्रो टोल,हाम्रो समाधान" नामको कार्यक्रम गाउँ गाउँमा बुथ बुथमा गर्ने र प्रत्येक बुथमा विकासको लागि १० लाखसम्म दिने घोषणा गरेका छन्। यो सबै ममता बेनर्जीको जनता लट्याउने चुनावी उपक्रम मात्रै हो। कुनै योजना हुने सम्भावना छैन।
यो योजनाको लागि मात्रै व्ययभार कमसेकम ९३ करोड ५० लाख लाग्छ। दार्जीलिङ पहाडमा अहिले मोठ ९३५ वटा बुथहरु छन्। यो बंगाल सरकारको निम्ति असम्भव विषय हो। यसैले यो कार्यक्रम सरकारको ढाँट कार्यक्रम हो।
यो भन्दा अघि बंगाल सरकारले ग्राम पञ्चायतहरु मार्फत द्वारे सरकार कार्यक्रम घरि घरि गरेर, ग्रामिण जनताको लागि नानाथरीका सौलियतहरु प्रदान गर्ने लोभ देखाउँदै अनगिन्ती फर्महरु भर्नु लगाए। तर खोइ जनताले के फायदा पाए ? बृद्ध भत्ता समेत धेरै पहाडबासीले पाउनु सकेका छैनन्। कतिजना बृदधभत्ताको आशैआशमा मरिसके। कतिजना गरीबको घर छैन। द्वारे सरकारले संग्रह गरेको आवेदन फर्महरु कहाँ छन् ? अत: अहिले हाम्रो टोल हाम्रो समाधान भनी गाउँ ठाउँमा जनताको घुईचो बनाएर निलो र सेतो ब्लुमको प्रचारप्रसार गर्नु मात्रै मूल उद्देश हो। पहाडको जनता सचेत हुनुपर्छ। यदि तृणमूल दलले नै सरकार गठन गरेको खण्डमा दार्जीलिङ पहाडले अझै पिडित हुनुपर्छ।

दीक्षा तामाङ,
सभानेत्री,
खरसाङ
मण्डल समिति,भाजपा
साथै
पञ्चायत समिति सदस्या,
खरसाङ पञ्चायत समिति।

दार्जिलिङ नगरपालिका 5 अनि 6 नम्बर वार्डबाट 71 परिवारले समाए भागोप्रमो को झण्डा ।BGPM पार्टी पहाडको भविष्य हो। हामी राजनै...
03/08/2025

दार्जिलिङ नगरपालिका 5 अनि 6 नम्बर वार्डबाट 71 परिवारले समाए भागोप्रमो को झण्डा ।

BGPM पार्टी पहाडको भविष्य हो। हामी राजनैतिक दल मात्र होइनौ तर पहाडको नयाँ सोच पनि हौ। अनित थापा

दार्जिलिङ ब्लुमफिल्ड ऋषिहाट समष्टि अन्तर्गत नगरपालिका क्षेत्रको 5 अनि 6 वार्डमा भारतीय गोर्खा प्रजातान्त्रिक मोर्चाको समर्थन कार्यक्रम सम्पन्न । केन्द्रिय अध्यक्ष अनित थापाको उपस्थितिमा महासचिव अमर लामाको बहुलीबाट लगभग 71 परिवारले पार्टीको झण्डा ग्रहण गरेका छन् ।

समर्थन सभालाई सम्बोधन गर्दै अनित थापाले भने-BGPM पार्टी पहाडको भविष्य हो। हामी राजनैतिक दल मात्र होइनौ तर पहाडको नयाँ सोच पनि हौ। हामी दलको अस्तित्वको लडाइँमा होइन, पहाडको अनि समाजको परिवर्तनको सङ्घर्षमा मैदानमा उत्रेका छौ।

थापाले भने चुनाव जित्ने हाम्रो रहर होइन। चुनाव जिताउने काम त जनताले गर्छ। उहाँहरूको सोचले चुनाव जिताउँछ। उहाँहरुले हाम्रो काम, व्यवहार, सोचलाई कसरी अनुभव गर्छन त्यसैको आधारमा हामीलाई भोट दिन्छन् या दिँदैनन्। त्यसैले चुनावमा जित्छु भनेर हामी काम गर्दैनौं तर हाम्रो कामले कसरी समाजको सेवा हुन्छ अनि व्यक्तिको सोचलाई परिवर्तन गर्छ, त्यो हाम्रो उद्देश्य हो। हाम्रो राजनीति समाज परिवर्तनको राजनीति हो, सत्ता मोहको राजनीति होइन।

उनले अझ भने हामी गाली गर्ने, आरोप लगाउने राजनीति गर्दैनौं। हाम्रो राजनीति व्यवहारिक अनि सकरात्मक राजनीति रहेको छ। हामी कसैले उक्साउँदैमा उक्सिन्दैनौं। हाम्रोमा पनि तातो रगत बग्छ तर ठण्डा दिमागले निर्णय लिन्छौ। फरक यही हो।

सबैलाई भारतीय गोर्खा प्रजातान्त्रिक मोर्चामा स्वागत छ।

राजनिति देखि माथी उठेर सर्वसाधारण द्धारा बाटोको सरसफाई कार्य !३ अगष्ट २०२५ लेबुङ फूबसेरिङ वर्तमान हाम्रो फूबसेरिङ चिया ब...
03/08/2025

राजनिति देखि माथी उठेर सर्वसाधारण द्धारा बाटोको सरसफाई कार्य !
३ अगष्ट २०२५ लेबुङ फूबसेरिङ
वर्तमान हाम्रो फूबसेरिङ चिया बगान लाई लेबुङ हुँदै दार्जीलिङ शहर संग जोडने बाटोको अवस्था दयनीय भइसकेको कारण आज सम्पूर्ण फूबसेरिङ वासिन्दाका सचेत युवाहरू मिलेर सामाजिक रूपमा बाटो साथै ड्रेनको सरसफाई एवं मर्मती कार्य सम्पन्न गरियो ।
वर्तमान पानी झरीको मौसम त्यहिमाथी बाटो छेऊ नाली सबै बुचिएको अवस्थाले मूल सडक नै पूर्ण रूपमा ध्वस्त भइसकेको थियो, त्यसर्थ आज सम्पूर्ण फूबसेरिङका सचेत युवाहरू द्धारा श्रमदान गरि लेबुङ एम० एस० देखि ओरालो ब्लक भएको नाली खोल्ने साथै एकदमै बिग्रिएको ठाउँहरूमा बाटो मर्मती गरियो!
आजको सरसफाई अभियानमा आफ्नो श्रमदान प्रदान गर्नु हुने सम्पूर्ण महानुभावहरूलाई हामी हृदय देखि धन्यवाद टक्राउँदा छौ !
वर्तमान जीर्ण भइसकेको यो लेबुङ देखि फूबसेरिङ सम्मको बाटोको अवस्था क्षेत्रीय जीटीए सरकार को सम्बन्धित निकाय समक्ष पनि पुगोस
आजको यो सफाई कार्य कुनै राजनिति रूपमा नभएर पूर्ण रूपमा सामाजिक भएको हुनाले कसैले पनि यसलाई राजनिति नगरिदिने हामी निवेदन गर्दछौ !

धन्यवाद 🙏

गोर्खाल्याण्ड आन्दोलनका शहीदरहरूको स्मृतिमा मूर्ति स्थापना कार्य।गोर्खाल्याण्ड आन्दोलनका ती विर शहीदहरू प्रति सम्मान जना...
03/08/2025

गोर्खाल्याण्ड आन्दोलनका शहीदरहरूको स्मृतिमा मूर्ति स्थापना कार्य।

गोर्खाल्याण्ड आन्दोलनका ती विर शहीदहरू प्रति सम्मान जनाउनको निम्ति इण्डियन गोर्खा जनशक्ति फ्रण्ट प्रमुख श्री अजय एडवर्ड्स हाल राजस्थानको एक ऐतिहासिक ढुंगा खानीमा मूर्ति निर्माण कार्यको निरीक्षणका लागि उपस्थित छन्। यस खानीमा हाम्रो आन्दोलनका वीर शहीदहरूको अति मर्मस्पर्शी र कलात्मक कलाकौशल मार्फत मूर्ति निर्माण भइरहेका छन्।

एडवर्ड्स भन्छन् "यी मूर्तिहरू अत्यन्त श्रद्धा र सटीक कलात्मक अभिव्यक्तिका साथ तयार पारिएका छन्। चाँडै यी मूर्तिहरू रेलिङ - कैजले समष्टिका स्थानीय युवा सङ्गठनको सहकार्यमा स्थापना गरिनेछ, जसले हाम्रो आन्दोलनको इतिहासलाई भावी पुस्ताबरूसम्म जीवित राख्नेछ।"

"यस अवसरमा, हामीले ख्यातिप्राप्त मूर्तिकारसँग पनि भेट गर्यौं, जसको परिवार पुस्तौँदेखि शिल्पकलामा समर्पित रहँदै आएको छ। विशेषगरी उहाँले कोलकाताको प्रतिष्ठित बिर्ला मन्दिरका सम्पूर्ण मूर्ति र भित्तेचित्रहरू निर्माणमा महत्वपूर्ण योगदान दिनु भएको थियो। उहाँको हातबाट बनेका कलाकृतिहरू केवल ढुंगा होइन, इतिहास दर्शाउने दस्तावेज हुन्।"

"हाम्रो आन्दोलन, हाम्रो इतिहास र शहीदरहरूको बलिदानलाई स्मृतिमा मात्र होइन, ढुंगामा उतारेर अमर बनाउने हाम्रो अभियान अब मूर्तरूप लिन थालेको छ। यसले भावी पुस्तालाई आफ्नो सहिदहरूको कथा बताइरहनेछ।

जय गोर्खा, जय गोर्खाल्याण्ड,
हाम्रो शहीद अमर रहोस्।।"

Address

Darjeeling
734101

Alerts

Be the first to know and let us send you an email when Darjeeling ko Awaaz posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Darjeeling ko Awaaz:

Share

Category

YouTube Channel - Darjeeling ko Awaz

Darjeeling ko Awaz has launched a YouTube channel - https://www.youtube.com/channel/UCGzQpAuF-A9eMlQhbE_ZWrw/ for its viewers. Now get all the latest news of Darjeeling from here.