01/09/2025
गोजमुमोको दुई दिने कर्मी सभा सम्पन्न !
गोर्खा जनमुक्ति मोर्चा केन्द्रिय समितिको तत्वधानमा मालिधुरा कञ्चनजङ्गा पाठशालाको कार्यक्रम हलमा केन्द्रिय समिति सदस्य लगायत दार्जीलिङ पहाडको ४५ वटै समष्ठिका प्रतिनिधिहरू तराईका प्रतिनिधि एव डुवर्सका प्रतिनिधिहरूलाई आफ्नो क्षेत्रमा संगठनको वर्तमान स्थिति , अहिले सम्मको उपलब्धि अनि दुर्बलता विषयलाई लिएर प्रतिवेदन प्रस्तुति हेतु दुई दिने सांगाठानीक कार्यक्रमलाई "कर्मी सभा" नाममा सम्पन्न गरियो !
३० अगष्ट २०२५ शनिबार ११ बजे देखि शुरू गरिएको दुई दिने कार्यक्रम तीन चरण गरेर सम्पन्न गरिएको थियो पहिलो चरणको कार्यक्रमको सभाध्यक्ष मोर्चा उपाध्यक्ष सम्माननीय श्रीमान आर० पी० वाईवा थिए भने दोस्रो चरणको सभाध्यक्ष मोर्चा महासचिव श्रीमान रोशन गिरिले अभिभार समहालेका थिए अनि दोस्रो (अन्तिम) ३१ अगष्ट २०२५ आइतबारको कार्यक्रमको सभाध्यक्ष मोर्चा अध्यक्ष श्रीमान बिमल गुरुङ ज्युले समहालेका थिए !
दिउँसो ११ बजे देखि रात्रीको ७:३० बजे सम्म समपन्न भएको शुरूवाति दिनको कार्यक्रम पूर्ण रूपमा समष्टि प्रतिनिधिहरूलाई आफ्नो भनाई राख्दै संगठनको निम्ति भावी रणनिति बारे बोल्ने मौका दिएका थिए भने दोस्रो दिनको कार्यक्रम केन्द्रिय समितिको तर्फबाट भावी रणनिति केन्द्र सरकारको प्रस्ताव साथै अब हामीले गर्नुपर्ने राजनैतिक कार्यक्रमहरू बारे कुराहरू प्रस्तुत गरे !
गोर्खा जनमुक्ति युवा मोर्चाको तर्फबाट भने केन्द्रिय समिति, समष्ठि प्रतिनिधि, पार्टीका सम्पूर्ण भातृ संगठन समक्ष केन्द्र भाजपा सरकारले राखेको बी० टी०आर० बोडोल्याण्ड प्रादेशिक क्षेत्र (Bodoland Territorial Region ) बारे ब्यापक चर्चा गर्दै आफ्नो कुराहरू कार्यक्रममा प्रस्तुत गरे
दुई दिनको उक्त कार्यक्रममा मोर्चा प्रतिनिधिहरू धेरै उत्साह अनि जोश लिएर कार्यक्रमलाई सफल बनाउन एव केन्द्र समितिको रणनिति बारे चासो लिएर सुन्नको निम्ति उपस्थित थिए ! धेरै कुराहरूको छलफल पश्चात केन्द्रिय समितिले पनि ठोस निष्कर्षको निम्ति भविष्यमा कठोर राजनैतिक कदमहरू अघि बडाएर लैजाने रणनीतिहरू तयार पारे !
कार्यक्रमको अन्त्यमा मोर्चा अध्यक्ष श्रीमान बिमल गुरुङ द्धारा यो दुई दिनको राजनैतिक कार्यक्रमलाई धेरै उत्साहको साथमा सफल भनाएकोमा सबैलाई धन्यवाद ज्ञापन गरे साथै भविष्यमा गोर्खा जातिको निम्ति फेरि पनि एक भएर पूर्ण लगन अनि मेहनतको साथ अघि आउने आवहन गरे ।
