https://www.facebook.com/563048404084773/

𝐆𝐨𝐫𝐤𝐡𝐚𝐥𝐚𝐧𝐝 𝐅𝐥𝐚𝐠 𝐂𝐚𝐦𝐩𝐚𝐢𝐠𝐧, Darjeeling (2025)

05/09/2025

■ आजको दिन हाम्रो लागि विशेष रह्यो, किनभने दार्जिलिङका सम्माननीय सांसद श्री राजु बिष्ट जीको उपस्थितिमा, भारतीय जनता युवा मोर्चा – दार्जिलिङ जिल्ला समिति प्रतिनिधिहरूले अत्यन्तै महत्वपूर्ण बैठक सम्पन्न गर्‍यो। यस बैठकमा युवाको भूमिका, संगठनात्मक मूल्यहरूको सुदृढीकरण, र दार्जिलिङमा युवा मोर्चाको भावी मार्गचित्रबारे गहन छलफल गरियो।

यस बैठकले पुनः पुष्टि गरेको छ कि अब समय आएको छ युवाले नेतृत्व गर्नुपर्ने, अझ ठूलो जिम्मेवारी वहन गर्नुपर्ने, र हाम्रो समाज र क्षेत्रको भविष्य निर्माणमा सक्रिय साझेदार बन्नुपर्ने। दार्जिलिङ जिल्ला बीजेवाईएमले स्पष्ट दृष्टिकोण र नयाँ संकल्पका साथ अगाडि बढ्ने अठोट लिएको छ।

आजदेखि हाम्रो प्रतिबद्धता यस्तो हुनेछ:
पार्टीको संवैधानिक ढाँचा र मूल्यहरूमा दृढ रहँदै युवालाई नेतृत्व गर्ने,
अनुशासित, केन्द्रित र जिम्मेवार संगठन निर्माण गर्ने,
हाम्रो युवा सदस्यहरूलाई जनताले भोगिरहेका समस्याहरूसँग प्रत्यक्ष संलग्न गराउने,
प्रत्येक छलफल र निर्णयमा युवाको आवाज सुनिश्चित गर्ने,
र सबैभन्दा महत्वपूर्ण, जनताको आवश्यकताहरू, आकांक्षाहरू र चासोलाई सम्बोधन गर्दै निरन्तर सेवा गर्ने।

हामी दृढ विश्वास गर्छौं कि युवा केवल भोलिका उज्यालो मात्र होइनन्, उनीहरू आजकै परिवर्तनका वाहक पनि हुन्। उनीहरूको ऊर्जा, सिर्जनशीलता र साहसलाई समाज सेवा र पार्टीका आदर्शहरू सुदृढ पार्न उपयोग गर्नुपर्छ। दार्जिलिङ बीजेवाईएमले यो अभियानलाई इमानदारी, समर्पण र उच्च जिम्मेवारीसहित अघि बढाउने संकल्प गरेको छ।

सम्माननीय सांसद श्री राजु बिष्ट जीसँगको आजको बैठकले हामीलाई नयाँ दिशा र आत्मविश्वास दिएको छ। हामी सबै एक परिवारको रूपमा एकताबद्ध भएर दार्जिलिङमा अझ सशक्त युवा मोर्चा निर्माण गर्ने छौँ भन्ने दृढ विश्वास लिएका छौँ। हामीलाई विश्वास छ कि यो युवाले अगुवाइ गरेको अभियानले जनताको सेवा, पार्टीको मजबुती र राष्ट्रको प्रगतिमा निर्णायक भूमिका खेल्नेछ।

सुपेन्द्र प्रधान
उपाध्यक्ष,
भारतीय जनता युवा मोर्चा
दार्जिलिङ जिल्ला

04/09/2025

■ दार्जिलिङ
४ सेप्टेम्बर,२०२५

■ अहिले घड़ी नानीहरूलाई कसैले लान खोजेको वा हराएको भन्ने कुराहरू आइरहेछन् । हिज बेलुकी मात्र एक अडियो मेसेजद्वारा कालेपोङको सौरेनी महाकाल डाॅड़ा अनि भालुखोपबाट नानीहरू लान खोजेको सुन्नमा आए - यस कुरामा कतिको सत्यता छ सो जान्न कालेम्पोङका मिडियाका साथीहरू अनि पुलिस प्रशासन कृपया घटना स्थलमा गई छानबीन गरिदिने अनुरोध गर्दछु ।

अस्तिको दिन दार्जिलिङमा एकजना नानी एउटा निजी स्कुलबाट घर नआएको खबर दार्जिलिङको एक निजी च्यानलले बताएका थिए - त्यसपछि यस बारे कुनै आधिकारिक पुष्टि नत घर पक्षले , न त स्कुल पक्षबाट आए - हिज बेलुकी एकजना बहिनीको fb page मा Found भनेर आयो - बुझ्न अति नै गाह्रो भयो ।

यी सबै घटनाहरू सत्य हुन कि हो हरे भनेका हुन् - यसमाथि जाँच्न पुलिस प्रशासन, मिडिया , समाज अनि जनप्रतिनिधिगण अघि आउनु नितान्त आवश्यक छ ।

म विशेष मिडियाका दाजु-भाई दिदी- बहिनी अनि साथी-भाईहरूलाई यी विषयहरूका सत्यतालाई जनमानसको अघि ल्याइदिने अनुरोध गर्दछु ।

विनय तामाङ
सभासद
गोर्खाल्याण्ड क्षेत्रीय प्रशासन

01/09/2025

■ दार्जिलिङ EPFO कार्यालयमा क्षेत्रीय आयुक्तको अभावमा समस्या, श्रमिक यूनियनको मागपत्र

■ हिल तराई डुवर्स प्लान्टेशन वर्कर्स यूनियनका सभापति जे. बी. राईको नेतृत्वमा आज यूनियनको टोलीले दार्जिलिङ जिल्लास्थित कर्मचारी भविष्य निधि संगठन (EPFO) कार्यालयमा क्षेत्रीय आयुक्तको नियुक्तिमा देखिएको रिक्तता तत्काल समाधान गर्न माग गर्दै औपचारिक पत्र बुझाएको छ।

यूनियनले पश्चिम बंगाल र उत्तर पूर्व क्षेत्रका सम्बन्धित EPFO कार्यालयहरूलाइ पत्र लेख्दै दार्जिलिङ कार्यालयमा छिटोभन्दा छिटो क्षेत्रीय आयुक्त नियुक्ति गर्न आग्रह गरेको छ।

मागपत्रमा ६ अप्रेल २०२५ देखिनै क्षेत्रीय आयुक्तको पद खाली रहेकाले श्रमिकहरूका गुनासो सुन्ने, समस्याहरू समाधान गर्ने तथा भविष्य निधिसम्बन्धी सेवा प्रवाहमा ठूलो समस्या आएको उल्लेख छ।

श्रमिक अधिकार तथा सेवामा थप अवरोध नआओस् भनेर युनियनले तत्काल रिक्त पदमा अधिकारी नियुक्ति गर्न सम्बन्धित निकायसँग अपिल गरेको छ।

30/08/2025

■ जोरबंगलो सुखिया खण्ड अन्तर्गत पुलुङदुङ गैरीगाउँमा समर्थन कार्यक्रम-
■ लगभग 66 घर परिवारले आई जी जे एफ-मा समर्थन जनाएँ।

■ आज दिनांक 30 अगस्त 2025-को दिन जोरबंगलो-सुखिया खण्ड अन्तर्गत पुलुङदुङ गैरीगाउँमा इण्डियन गोर्खा जनशक्ति फ्रण्टको समर्थन कार्यक्रम सम्पन्न भयो।उक्त गाउँका लगभग 66 घर परिवार आज आई जी जे एफ परिवारमा सामेल भएँ।उक्त समर्थन कार्यक्रम सुखिया खण्ड समितिका संयोजक दिनेश राई,जी पी संयोजक निश्चल राई,दावा शेर्पा राकेश सुन्दास लगायत कर्मठ पार्टी कार्यकर्ताहरुको नेतृत्वमा सुसम्पन्न भयो।उक्त कार्यक्रममा पार्टी प्रमुख अजय एडवर्ड्स,सी डब्ल्यू सी-का शीर्ष नेतृत्वहरु,सभासद्हरु,नगरपालिका पार्षदहरु,खण्ड समिति संयोजकहरु साथै अन्य युवा नेतृत्वहरुको उपस्थिति रहेको थियो।उक्त समर्थन कार्यक्रमको संचालन बिबेक गिरीले गरे भने कार्यक्रमको सभापतित्वको भार हसन राईले लिएका थिएँ।उक्त कार्यक्रममा समर्थक गाउँबासीहरुलाई सम्बोधन गर्दै सुखिया खण्डको संयोजक दिनेश राई,बिजनबारी खण्ड समितिको संयोजक भरत तामाङ,सी डब्ल्यू सी शीर्ष नेतृत्व एन बी खवास,अनि अन्तमा पार्टी प्रमुख अजय एडवर्ड्सले आफ्नो मन्तब्य पोखेँ।

30/08/2025

■ जोरबंगलो सुखिया खण्ड अन्तर्गत पुलुङदुङ गैरीगाउँमा समर्थन कार्यक्रम-
■ लगभग 66 घर परिवारले आई जी जे एफ-मा समर्थन जनाएँ।

■ आज दिनांक 30 अगस्त 2025-को दिन जोरबंगलो-सुखिया खण्ड अन्तर्गत पुलुङदुङ गैरीगाउँमा इण्डियन गोर्खा जनशक्ति फ्रण्टको समर्थन कार्यक्रम सम्पन्न भयो।उक्त गाउँका लगभग 66 घर परिवार आज आई जी जे एफ परिवारमा सामेल भएँ।उक्त समर्थन कार्यक्रम सुखिया खण्ड समितिका संयोजक दिनेश राई,जी पी संयोजक निश्चल राई,दावा शेर्पा राकेश सुन्दास लगायत कर्मठ पार्टी कार्यकर्ताहरुको नेतृत्वमा सुसम्पन्न भयो।उक्त कार्यक्रममा पार्टी प्रमुख अजय एडवर्ड्स,सी डब्ल्यू सी-का शीर्ष नेतृत्वहरु,सभासद्हरु,नगरपालिका पार्षदहरु,खण्ड समिति संयोजकहरु साथै अन्य युवा नेतृत्वहरुको उपस्थिति रहेको थियो।उक्त समर्थन कार्यक्रमको संचालन बिबेक गिरीले गरे भने कार्यक्रमको सभापतित्वको भार हसन राईले लिएका थिएँ।उक्त कार्यक्रममा समर्थक गाउँबासीहरुलाई सम्बोधन गर्दै सुखिया खण्डको संयोजक दिनेश राई,बिजनबारी खण्ड समितिको संयोजक भरत तामाङ,सी डब्ल्यू सी शीर्ष नेतृत्व एन बी खवास,अनि अन्तमा पार्टी प्रमुख अजय एडवर्ड्सले आफ्नो मन्तब्य पोखेँ।

29/08/2025

■ चुनाव आयोगमा गोरामुमो द्वारा आफ्नो पक्ष राखे ।

■ बिगत केही दिन अगि चुनाव आयोग द्वारा चुनाव सम्बन्धि गोरामुमोलाई २७ अगस्टको दिन एफिडेबिट बुझाउनु पर्ने थियो । गोरामुमो द्वारा सफिडेबिट बुझाए पछि आज गोरामुमो अध्यक्ष मन घिसिङ साथै गोरामुमो कानुनी सल्लाहकार अधिवक्ता सत्य शर्माको उपस्तिथिमा पश्चिम बंगाल चुनाव आयोग कार्यलयमा बैठक बस्यो । गोरामुमो द्वारा चुनाव सम्बन्धि सम्पुर्ण पक्षहरु चुनाव आयोग समक्ष राखे । चुनाव आयोगले हाम्रो पक्ष ध्यानपुर्वक सुनिदिएकोमा र हाम्रो पक्ष राख्नु दिएकोमा अध्यक्ष मन घिसिङ द्वारा धन्यवाद ज्ञापन गरेका छन् ।

28/08/2025

■ दार्जिलिङ हिल इन्स्टिच्युट अफ टेक्नोलोजी एन्ड म्यानेजमेन्ट कालेज दार्जिलिङ पहाडको निम्ति महत्वपुर्ण उपलब्धि हो ; दार्जिलिङ हिल युनिभर्सिटी जस्तो अव्यवस्थित चै नहोस् - विनय तामाङ

28/08/2025

■ GNLF पार्टीको युवा फ्रन्टको कालेबुङ क्षेत्रको ए जि एस सौभिक छेत्री दासले आई जी जे एफ-को प्रमुख संयोजक अजय एडवर्ड्सको हातबाट झण्डा ग्रहण गरी पार्टीमा समर्थन जनाएका छन्। बर्तमान समयमा अजय एडवर्ड्सको जनमुखी अनि युवामुखी बिचारधारा मन परेर IGJF -मा सामेल भएको भन्ने छेत्रीले बताएका छन्।

28/08/2025

■ बिमल गुरुङ अनि निरज जिम्बालाई किशोर प्रधानको सुझाव।
■ सांसद राजु बिष्टको वक्तव्य गोर्खा जनमुक्ति मोर्चाको राजनैतिक अभ्यासलाई लिएर गोर्खाल्याण्ड एक्टीभिष्ट समूहका सञ्योजकले आपत्ति सँगै प्रश्न अनि सुझाव राखेका छन्। संसद सत्र सकि सकेपछि एक महिनाभित्र हाम्रो राजनैतिक सुरक्षा अनि राष्ट्रीय पहिचानको समस्या कसरी समाधान हुन्छ? के यो आश्वासन चुनाउको लागी हो? सासंद राजु बिष्टलाई उनले प्रश्न राखेका छन्? यता गोर्खा जनमुक्ति मोर्चा अध्यक्ष बिमल गुरुङले पनि भाषणमा गोर्खाल्याण्ड भने पनि भित्र भित्रै अर्कै अभ्यास गरि रहेकोमा आपत्ति जनाएको छ। उनले गोर्खा जनमुक्ति मोर्चाका सक्षम युवाहरुलाई जातीय उत्थानको निम्ति काममा लगाए सबैको भलो हुने सुझाव राखेका छन्।

25/08/2025

गृहमन्त्रीले गोर्खाहरुको निम्ति राम्रो गृहकार्य गरेका छन् : बिधायक निरज जिम्बा

गोर्खा राष्ट्रिय मुक्ति मोर्चा द्वारा गोर्खा अकर्ड अनि गोर्खा नागरिकता स्पष्टीकरण दिवस पालन ।

गोर्खा राष्ट्रिय मुक्ति मोर्चा खर्साङ ब्राञ्च कमिटीको आयोजनामा आज खर्साङ बजार गोर्खा जनपुस्तकालयमा ३८वाँ गोर्खा अकर्ड अनि गोर्खा नागरिकता स्पष्टीकरण दिवस पालन गरेका छन् । ब्राञ्च कमिटी अध्यक्ष निमा लामाको अध्यक्षतामा सम्पन्न भएको समारोहलाई सविव छेत्रीले संचालन गरेका थिए । समारोहमा दार्जीलिङ बिधानसभा क्षेत्रका बिधायक एवं गोरामुमो केन्द्रीय समिति सेक्रेटरी जनरल निरज जिम्बाको प्रमुख अतिथिमा ,गोरामुमो संस्थापक अध्यक्ष सुवास घिसिङको तस्बिरमा दीप प्रज्वलन गरि कार्यक्रमलाई अगि बडाउदै गोरामुमो केन्द्रीय समिति सदस्यगण , गोरामुमो शीर्ष नेतृत्ववर्ग , सम्पुर्ण भ्रातृ संगठन लगायत गोरामुमो कार्यकर्ताहरुको व्यापक उपस्तिथि रहेको पार्टीका मिडिया सेल प्रभारी दिनेस साम्पाङले जानाकारी दिएका छन् ।
समारोहमा वक्ताहरुले गोर्खा नागरिकता स्पष्टीकरण विषय लिएर जानकारी गराउदै खर्साङ ब्राञ्च कमिटी कानुनि सल्लाहकार अधिवक्ता बिशाल लामाले भने, गोर्खा नागरिकता प्राप्त गर्नको निम्ति संस्थापक अध्यक्ष सुवास घिसिङको राजनैतिक दुरदर्शिताको कारण हो । भारत सरकारले हामीलाई नागरिकता प्रदान गरेर बरदान दिएको हो र बरदान ल्याउने गोरामुमो संस्थापक अध्यक्ष सुवास घिसिङ हुन् ।एचपीडब्लुयु केन्द्रीय समिति अध्यक्ष बि के राईले आफ्नो वक्तव्य राख्ने क्रममा भने , जति पनि कुराहरुले सुवास घिसिङले उठाएका थिए आज त्यो सबै उजागर हुदै जादैछ सत्य भएर जादैछ । राजनीति बिकासको निम्ति मात्र गरिन्दैन जातिको उत्थानको निम्ति पनि गर्नु पर्छ जुन सुवास घिसिङले गरेका थिए । सुवास घिसिङले भारत सरकार लाई गोर्खाहरुको नागरिकता विषय लिएर स्पष्ट पार्नु पर्छ भनेर भन्दा भारत सरकारले २३ अगस्ट १९८८ को दिन भारत सरकारले अधिसुचना जारि गरि गोर्खाहरु भारत देशको खाट्टि नागरिक हुन् भनेका हुन् ।
प्रमुख वक्ताको रुपमा बोल्दै बिधायक निरज जिम्बाले भने, भारत देशमा आजको दिन महत्त्वपूर्ण दिन हो २२ अगस्त अनि २३ अगस्ट १९८८ महत्त्वपुर्ण दिन हो । २२ अगस्त १९८८ को दिन गोर्खा अकर्ड भएको ऐतिहासिक दिन हो अनि भारतीय राजनीतिमा पनि महत्त्वपूर्ण दिन हो । यो खेलाइची विषय होइन भारत सरकारलाई सुवास घिसिङले घुडा टेकाएको दिन हो ।दार्जीलिङ गोर्खा हिल काउन्सिल गोर्खाहरुको एउटा खतियन हो बंगाल बाट चर्काएको हो भारतको संविधान अन्तर्गत धारा २४३(M) मा सुरक्षित छौँ यो सुवास घिसिङको योगदान हो ।२००७ मा जुन ब्याक्तीले बिरोध गरेका थिए आज उनै ब्याक्तीले गृहमन्त्रालयमा हामीले गल्ती गर्यौ छैटौं अनुसूची सहि थिएछ भनेर भन्दैछ । सुवास घिसिङले गोर्खाहरुको निम्ति सबै विषय एउटा ब्यवस्थित ढंगले निभाएका थिए । तर यहाँ बुझ्नु सकेन ।
अब समय टाढो छैन तपाईं र हाम्रो निम्ति राम्रै हुन्छ त्यो हाम्रै हुन्छ सुर्ताउनु पर्दैन । जसले बिगार्यो ऊनीहरुलेनै सहि हो भन्दैछ यो हाम्रो ठुलो जीत हो ।
अब बिजेपीको पनि समय आयो वार्ता मात्र गरेर हुदैन न्याय दिनु पर्छ । गृहमन्त्रीले गोर्खाहरुको निम्ति राम्रो गृहकार्य गरेका छन् । दिल्लीको धेरै कुरा छ अहिलेनै भन्नु हुदैन तर राम्रो छ । पार्टी अध्यक्ष मन घिसिङ र हामीले मिलेर एउटा पुल निर्माण गरेका छौं केवल गोर्खा जातिको उन्मुक्तिको निम्ति अरु कसैले गरेको छैन केवल गोरामुमोले आफ्नो भुमिका निभाउदैछ भनि बिधायक निरज जिम्बाले आफ्नो वक्तव्य राख्ने क्रममा भने ।

24/08/2025

■ दार्जीलिङ हिल तराई सिलगढी अनि डुवर्सका गोर्खाहरुको माटो-किपट क्षेत्रमा सम्पूर्ण जमीन को लेनदेन बेपारिहरुलाई बिशाल छेत्री को लाखेस।

आज नक्सलबारी अरुणोदय गोर्खा समाज मा २४' अगस्त २०२५ गोर्खा भाषा दिवस धूम धाम ले मनाइयो, साथै यस मञ्चबाट गोर्खा भाषा आयोग गठन समितिका अध्यक्ष बिशाल छेत्री ले समस्त भारत भारी छरिएर बसेका गोर्खा सन्तानहरुलाई स्वागत अनि आउहान गर्दे भने, सिलगढी गोर्खाहरुको माटो किपोटलाई जोगाउन संग्रक्षण गर्न हेतु आफ्नै गोर्खा सन्तानहरू माझ जमीन को किन बेच गरौं साथै आजको यस मञ्चबाट छेत्री तराई सिलगढी डुवर्स दार्जीलिङ पहाडमा सम्पूर्ण गोर्खा सन्तानहरूको मेजिरिटी बढाउन आवश्यक छ भनेका छन् ।

23/08/2025

■ विनय तामाङ,
भुतपुर्व प्रमुख/ वर्तमान सभासद,
गोर्खाल्याण्ड क्षेत्रीय प्रशासन,
दार्जिलिङ
२३ अगस्त,२०२५

■ गत २२ अगस्त,२०२५ को दिन जुन सहायक श्रम आयुक्त,उत्तर बंगाल क्षेत्र - द्वारा दार्जिलिङ पहाड तराई अनि डुवर्सका चियाबगानहरूका श्रमिक सन्तानहरूका निम्त एक Advisory जारी गरे - यसको म स्वागत गर्दछु ।

सहायक श्रम आयुक्त,उत्तर बंगाल क्षेत्रद्वारा २०% दिनुपर्ने Advisory जारी गरेपछि सबैले आ-आफ्नो तरिकालेले श्रेय लिने कोशिष गरे - श्रेय दिनेहरूपनि कम थिएन - राजनीतिको मैदानमा यस्ता कुराहरू सामान्य नै हुन् - कुनै नौलो र विचित्र कुरो होइन । २०२६ को चुनावलाई हेरेर गरिएको हो - भन्नेपनि कम थिएनन् ।

यदि हिज जारी गरेको Advisory अनुरूप २०% बोनस पाए अति नै सहराणीय हुनेछ - म आशा गर्छु यस्तै नै भएर जाओस् ।

यस लेखबाट म सम्पुर्ण राजनैतिक दलहरूका नेतृत्वहरू , श्रमिक संगठनहरूका नेतृत्वहरू , मिडिया अनि सोसियल मिडियाहरूमा सक्रिय हुने सबै महानुभावहरूलाई केही सन्देश अनि सतर्क रहने सुझावपनि राख्न चाहान्छु ।

हिजको Advisory लाई पढ़ेर खुशी त छौं तर साह्रै गदगद चै भइ नहालौं। श्रेय लिने र दिने साह्रै नै उत्तेजित भएर गरिहालेकोपनि राम्रो होइन - पछि फर्काउनु गाह्रो पर्ला ; कुन मुख देखाउनु ?

कुनैपनि विवादित विषयहरूमा सरकारले पदक्षेप गरे सरकारद्वारा यी चारवटा प्रशासनिक पहलहरूमध्ये कुनै एक गर्छन् -
१) Advisory अर्थात सल्लाह ;
२) Order अर्थात आदेश ;
३) Notification अर्थात अधिसुचना
अनि
४) Agreement अर्थात सम्झौता ।

१) Advisory अर्थात सल्लाह : मार्गदर्शन, सल्लाह वा सिफारिसहरू प्रदान गर्नु नै यसको मुल उद्देश्य हुन् । यो गैर-बाध्यकारी हुन्छ ; कुनै कानुनको शक्ति हुँदैनन् । यो Order अर्थात आदेश दिनुको सट्टा कार्यको मार्ग सूचित गर्न र सुझाव दिनको लागि मात्र हो । कानुनी रूपमा बाध्यकारी छैन। यस किसिमका Advisory अर्थात सल्लाह उदाहरण स्वरूप भलपैह्रो ,आँधीबेरी , मौसम,महामारी समयमा गैर-बाध्यकारी सल्लाह दिने जस्ता हुन् ।

२) Order अर्थात आदेश :
पालना गर्नुपर्ने आदेश, निर्देशन, वा निर्देशन जारी गर्नु यसको मुल उद्देश्य हो ।
यो Order अर्थात आदेश लागु गर्ने प्रशासनिक क्षमता कुनै अधिकारीद्वारा जारी गरिन्छ - जस्तै सरकार ,अदालत, कार्यकारी निकायहरू आदि । Order अर्थात आदेश कानुनी रूपमा बाध्यकारी हुन्छन् । Order अर्थात आदेशको पालना गर्न असफल भएमा कानुनी कार्यवाही वा जरिवाना वा जेल सजाय जस्ता कानुनी परिणामहरू हुन सक्छन्। उदाहरण स्वरूप अदालतको आदेश, सरकारको आदेश , कार्यकारी आदेश आदि । यी Order अर्थात आदेश सरकारी आज्ञा हुन् जुन सम्बन्धित सबैले पालना गर्नुपर्छ।

३) Notification अर्थात अधिसुचना :
औपचारिक रूपमा तथ्य, घटना वा परिवर्तनलाई सुचित गर्नु वा घोषणा गर्नु - यसको मुल उद्देश्य हुन् । यसको Notification अर्थात अधिसुचना - एक औपचारिक घोषणा हो तर यसको अधिकार कानुन वा नियमबाट नै प्राप्त भएको हुन्छ । Notification अर्थात अधिसुचना आफैंमा आदेश होइन तर यसले मानिसहरूलाई कानुनी रूपमा सान्दर्भिक तथ्य वा कार्यको बारेमा सचेत गराउँछ जसले सम्बन्धितहरूलाई असर गर्नसक्छन् । सुचित गरिएको Notification अर्थात अधिसुचना - कानून वा नियमका आधारमा बाध्यकारी हुन् ।
उदाहरण स्वरूप निष्कासनको कानुनी सुचना, सरकारी विभागद्वारा नयाँ नियमको सुचना वा कम्पनीको गोपनीयता नीतिमा परिवर्तनको बारेमा ग्राहकहरूलाई सुचना आदि । यसले सबै सम्बन्धित पक्षहरूलाई कानुनी तथ्य वा दायित्वको बारेमा औपचारिक रूपमा सचेत गराउनु हो ।

४) Agreement अर्थात सम्झौता :
सम्झौता दुई वा बढी पक्षहरू माझको व्यापक समझदारी हो अनि कानुनी रूपमा बाध्यकारी गरिने माध्यम हुन् । कानुनी सम्बन्धी प्रावधानहरू सिर्जना गर्न सकिने व्यवस्था हुन् । यदि कसैबाट सम्झौतालाई उल्लंघन गरे पक्ष वा पक्षहरूले कानुनको सहारा लिन सक्छन् ।
सम्झौताको उद्देश्य कानुनी हुॅदछ त्यसैले सार्वजनिक नीति विरुद्ध जान सक्ने कम सम्भावना रहन्छ ।

सहायक श्रम आयुक्तले जारी गरेको पत्र एक सल्लाह हुन् - आदेश , अधिसुचना वा सम्झौताका खेस्राहरू होइनन् ।अब हजुरहरू आफैले बुझन होस कि हिजको सरकारको पदक्षेप भनौ या हस्तक्षेप केवल Advisory अर्थात सल्लाह - सम्म मात्र सिमित रहेकोले कुनै यसको कानुनी वैधता छैन् ।

सरकारको हर आधिकारिक अथवा प्रशासनिक पत्रहरूलाई वा लेखाईहरूलाई पारखीले जाच्नु आवश्यक हुन्छ कारण सरकारको सबै आधिकारिक प्रशासनिक पत्रचारहरू अंग्रेजीमा नै प्रायः हुन्छन् - यसैले अंग्रेजीका एक एकवटा शब्द , वाक्य, विराम-चिन्हहरू (Punctuation) अनि अंग्रेजी व्याकरणलाई ध्यान दिनपर्छ ; सही अनुवाद गरेर अध्ययन गर्नपर्छ । जसले यी सरकारी Advisory, Order, Notification वा Agreement तयार पार्छन - उनीहरू परांगत I.A.S. नोकरशाही अधिकारीहरू हुन - उनीहरूलाई सजिल्लै लिनसकिन्न अनि हुदैनपनि। प्रशासनिक पदहरूमा बसेका हाम्रा जनप्रतिनिधिगण वा नेतृत्वहरूले यो जान्न नितान्त आवश्यक छ ।

Advisory अर्थात सल्लाह जारी गरी त हाल्यो भनेर अब सिरक ओड़ेर सुते - दशैको छेकमा समयपनि हातमा नभएको बेला हाम्रो चिया श्रमिक सन्तानहरूले ११% देखि १५% माझमा मात्र पाउॅला है ! पोहोर सालको रहल ४% पनि त्यसरी नै हराएको होइन ??

सतर्क रहनुहोला ! हामी बाठो छौ कस्तो ? चामल दिई पीठो साटी - यस्तो बाठो ।

𝐆𝐨𝐫𝐤𝐡𝐚𝐥𝐚𝐧𝐝 𝐅𝐥𝐚𝐠 𝐂𝐚𝐦𝐩𝐚𝐢𝐠𝐧

05/09/2025

04/09/2025

01/09/2025

30/08/2025

30/08/2025

29/08/2025

28/08/2025

28/08/2025

28/08/2025

25/08/2025

24/08/2025

23/08/2025

Address

Telephone

Website

Alerts

Contact The Business

Shortcuts

Share

Category