06/09/2026
नयाँ व्यवस्थामा कुनै पनि हालतमा संविधान संसोधन गरेर पनि अनुसूचित जातिको निम्ति आरक्षण हुनै पर्छ भन्ने माग
आज दिनांक: 6 सितम्बर 2026 काे दिन दार्जीलिङ शहर स्थित भारतीय जनता पार्टी कार्यालयमा बिजेपी जिल्ला प्रवक्ता डा० नकुल छेत्रीको प्रमुख आतिथ्यमा भारतीय जनता पार्टी अनुसूचित जाति मोर्चाको जिल्ला समितिको एक जरूरी बैठक आयोजना गरियो। उक्त बैठक एससी मोर्चा जिल्ला अध्यक्ष श्री शन्त बहादुर रसाइलीको अध्यक्षतामा सम्पन्न भयो।
आजको बैठक जिल्ला समिति गठन भएपछिको पदाधिकारी अनि सदस्य माझ परिचय साटसाट मात्र नभई अनुसूचित जातिको हक अधिकार र गोर्खाहरुको हितमा जस्तो पनि स्थायी राजनैतिक, संवैधानिक व्यवस्था भएको खण्डमा अनुसूचित जातिकाे निम्ति अलगै संविधान पदत्त सहुलियत र आरक्षण हुनु पर्छ भन्ने माग विषयलाई लिएर आजको सभा आयोजना गरिएको जानकारी जिल्ला महा- सचिव श्री विनोद खातीले जानकारी दिनु भएको छ।
आजको सभा दार्जीलिङ, खरसाङ, कालेबुङ, मिरिक, सुकिया पोखरी, पोख्रियाबुङ, नागरी- धजे, सौरेनी, मञ्जु, टिङलिङ, फुवागडी, बिजनबारी, मरमा आदि ठाउँहरुबाट सदस्यहरू उपस्थित रहनु भएको थियोे। सभालाई कालेबुङबाट सचिव चन्द्र सेन खाती, विजय मंग्राती, भरत बराइली, दार्जीलिङबाट उप सभापति रिबेन घतानी, कृष्ण बर्मे, खरसाङबाट उपसभापति राजेश गजमेर, उपसभापति श्रीमती सुष्मा सिंह, मिरिकबाट महा सचिव विनोद खाती, सोरेनी मण्डल महासचिव हिमाल विश्व, सुखिया पोखरीबाट उप सभापति चन्द्र कुमार शंकर, अनि दार्जिलिङ जिल्ला बीजेपी पार्टीका प्रवक्ता डा० नकुल क्षेत्रीले आफ्नो सम्बोधन राख्नु भयो। 1988 देखि दार्जिलिङ जिल्लामा अनुसूचित जाति आफ्नो हक र अधिकार देखि वञ्चित रहेको। पहाडमा आएको पहिलेका व्यवस्थाले अनुसूचित जातिको संवैधानिक हक र अधिकार सुनिश्चित गर्न अनि 100 पोइन्ट रोष्टर लागु गर्नमा असमर्थ भएको तीतो सत्यलाई आजको सभामा सबैको सम्बोधनमा यी गुनासोहरु सुन्न पायौं। 40 वर्षको पहाडको शासन व्यवस्थाले अनुसूचित जातिको एकतालाई पनि छिन्न भिन्न बनाएर आरक्षणको प्रावधानबाट वञ्चित राखेको सत्यलाई उजागर गरे। सबैले अब उसो बीजेपी सरकारको शासनकालमा यी समुदायका मानिसहरूले आफ्नो अधिकार प्राप्त गर्ने छ अनि संवैधानिक व्यवस्थाको प्रारूप तयार गर्ने प्रक्रियामा अनुसूचित जातिका प्रतिनिधिहरूलाई पनि सहभागी गराउने मांग पनि गरिएको छ। अब प्रत्येक मण्डलले आ-आफ्नो क्षेत्रमा अनुसूचित जातिको स्थिति बुझेर जन कल्याणकारी कामहरुकाे निम्ति ब्लक, महकुमा शासक अनि जिल्ला शासकसँग चाँडै डेपुटेसन् दिएर जानकारी लिनु पर्ने पनि सभाले जानकारी गरायो। चाँडै बीजेपी एससी मोर्चाकाे प्रतिनिधि मण्डल गठन गरेर जिल्ला राज्य अनि केन्द्रका सम्बन्धित MP, MLA अनि मन्त्रीहरूलाई पत्रचार गर्ने पनि सभामा प्रस्ताव पारित भएको छ।
दार्जिलिङ, तराई-डुवर्स लाई लिएर गठन हुन् लागेको संवैधानिक व्यवस्थामा हाम्रो अनुसूचित जातिको जनसङ्ख्याकाे आधारमा सीट आरक्षित हुनु पर्ने माग गरिएको छ। अनि सम्बन्धित निकायलाई पत्राचार गर्ने छ।
विभिन्न मुद्दामा गहिरो बहस भएपछि सभापति श्रीमान शन्त बहादुर रसाइलीले एससी मोर्चा गठनको औचित्य अनि हामीले बीजेपी पार्टीसँग जातिको उन्मुक्तिको लागि ऐतिहासिक पहल हुने छ भन्ने विश्वास राख्दै सबै जात गोष्ठी विशेष कामी दमाई अनि सार्कीका दाजुभाइहरू एक भएर आफ्नो अधिकार खोज्न फुटेर होइन जुटेर अघि बढ्ने आव्हान गर्दै सबैलाई धन्यवाद दिँदै सभा बर्खास्त गर्नु भयो। आजको सभा जिल्ला समितिको महा सचिव कृष्ण बर्मेले सञ्चालन गर्नु भएको थियो। सभाकाे निचाेड भने अब हुने संवैधानिक समधान नयाँ व्यवस्थामा कुनै पनि हालतमा संविधान संसोधन गरेर पनि अनुसूचित जातिको निम्ति आरक्षण हुनै पर्छ भन्ने थियाे।
