Affini Media and Communication-አፊኒ ሚዲያ እና ኮሙኒኬሽን

  • Home
  • India
  • Delhi
  • Affini Media and Communication-አፊኒ ሚዲያ እና ኮሙኒኬሽን

Affini Media and Communication-አፊኒ ሚዲያ እና ኮሙኒኬሽን Affini is an independent media aiming to deliver intellectual ideas and alternative ways to create a

የቀድሞው የኬንያው ጠቅላይ ሚኒስትር ራይላ ኦዲንጋ ከዚህ ዓለም በሞት ተለዩ የቀድሞው የኬንያው ጠቅላይ ሚኒስትር ራይላ ኦዲንጋ ባደረባቸው የልብ ሕመም በ80 ዓመታቸው ከዚህ ዓለም በሞት መለ...
15/10/2025

የቀድሞው የኬንያው ጠቅላይ ሚኒስትር ራይላ ኦዲንጋ ከዚህ ዓለም በሞት ተለዩ

የቀድሞው የኬንያው ጠቅላይ ሚኒስትር ራይላ ኦዲንጋ ባደረባቸው የልብ ሕመም በ80 ዓመታቸው ከዚህ ዓለም በሞት መለየታቸው የተሰማው የሕክምና ክትትል ላይ ከነበሩት አገረ ሕንድ ነው።

ሸርጣኖች (Crabs) በባልዲ ውስጥ 🦀ይህ ታሪክ ሰዎች እርስ በእርስ መረዳዳትን ትተዉ አንዱ ሌላውን ለመጣል ሲመርጥ የሚከሰተውን የጋራ ውድቀት የሚያሳይ ኃይለኛ ምሳሌ ነው።===========...
12/10/2025

ሸርጣኖች (Crabs) በባልዲ ውስጥ 🦀
ይህ ታሪክ ሰዎች እርስ በእርስ መረዳዳትን ትተዉ አንዱ ሌላውን ለመጣል ሲመርጥ የሚከሰተውን የጋራ ውድቀት የሚያሳይ ኃይለኛ ምሳሌ ነው።
==========================
🦀 ታሪኩ

አንድ ዓሣ አጥማጅ የያዛቸውን ሸርጣኖች በባል ውስጥ ያስቀምጣቸዋል። አንድ ሸርጣን ለመውጣት ሲሞክር እና ጠርዙ ላይ ሲደርስ፣ ሌሎቹ ተባብረው ወደ ላይ ከመውጣት ይልቅ፣ የሚወጣውን ወደ ውስጥ መልሰው ይጎትቱታል። የሚገርመው፣ ሸርጣኖቹ ተባብረው ቢሆን ኖሮ ሁሉም በቀላሉ ማምለጥ ይችሉ ነበር። ነገር ግን በቅናትና በመጎተት ምክንያት ማንም እንዳያመልጥ ያደርጋሉ፣ እናም ሁሉም ተጠምደው ይቀራሉ።

💡 የታሪኩ ትምህርት

ይህ ታሪክ በቤተሰብ፣ በሥራ ቦታ፣ በማህበረሰቦች ወይም በአገሮች ውስጥ ሊከሰት የሚችል የቅናት እና የደህንነት ማጣት አስተሳሰብን ያሳያል። ብዙውን ጊዜ “የክራብ አስተሳሰብ” ተብሎ የሚጠራ ሲሆን፣ በሚከተሉት ሐረጎች ይጠቃለላል፡

🧠"እኔ ማግኘት ካልቻልኩ፣ አንተም ማግኘት አትችልም።" ❌
🧠"እኔ መውጣት ካልቻልኩ፣ አንተንም ወደ ታች እጎትታለሁ።" 👇
ይህ አስተሳሰብ የጋራ እድገትን ያቆማል።

⚙️ ከታሪኩ በስተጀርባ ያሉ ንድፈ ሐሳቦች
የክራብ አስተሳሰብ (Crab Mentality) የጋራ ውድቀትን የሚያስከትል የማህበራዊ ባህሪ ችግር ነው።

🧠የማህበራዊ ንፅፅር ንድፈ ሐሳብ: ሰዎች ስኬታቸውን ከሌሎች ጋር በማነፃፀር ይለካሉ። ሌላው ሲያድግ፣ የራሳቸው ዋጋ እንዳነሰ ስለሚሰማቸው፣ እኩል ለመሆን ወደላይ ከመውጣት ይልቅ ሌላውን ወደ ታች ይጎትታሉ።

🧠የዜሮ-ድምር አስተሳሰብ: የሌላ ሰው ስኬት የእኔ ኪሳራ ነው የሚል የተሳሳተ እምነት አለ። በእውነቱ፣ እድገት የዜሮ-ድምር አይደለም—የአንድ ሰው እድገት ሌሎችን የማንሳት አቅም አለው። ⬆️
🧠የታል ፖፒ ሲንድሮም: ጎልተው የሚታዩ ሰዎች በቅናት ወይም ቂም ምክንያት ጉዳት ይደርስባቸዋል። ✂️

⚠️ በእውነተኛው ዓለም ያሉ ምሳሌዎች
ይህ አስተሳሰብ በተለያዩ ደረጃዎች ይታያል፡

🧠በማህበረሰብ ውስጥ ጎበዝ ሰዎች “ራስህን እንደማን ነው የምታስበው?” በሚል ተሳልቆ ይደርስባቸዋል።

🧠በድርጅቶች ውስጥ ፈጠራ ያላቸው ሰራተኞች የራሳቸውን ቦታ እና ተጽዕኖ ማስጠበቅ በሚፈልጉ ባልደረቦች ወይም መሪዎች ይጠቃሉ።

🧠በአገሮች ውስጥ: ስኬታማ የተሃድሶ ጅምሮች ድጋፍ ከማግኘት ይልቅ ይተቻሉ፣ ይህም እድገትን ያጓትታል። 🐌

🌍 የክራብ አስተሳሰብ ተፅዕኖ በብሔራዊ ደረጃ

“አገሮች በድህነት ምክንያት አይወድቁም—በክራብ ተፅዕኖ ምክንያት አገርን ሊያነሱ የሚችሉት በማይቻሉት ሰዎች ወደ ታች ሲጎተቱ ግን ይወድቃሉ፡ ።” 👇

🌟 አማራጩ፡ ንስር አስተሳሰብ 🦅

እንደ ሸርጣኖች መጎተትን ከመምረጥ ይልቅ፣ እንደ ንስር መሆን የጋራ ስኬትን ለመገንባት መንገድ ነው።

🧠ሌሎችን ወደ ታች ከመጎተት ይልቅ አንሳቸው። ⬆️ ከፍ ብለህ ብትበርም፣ ሌሎች እንዴት እንደሚወጡ አስተምራቸው። 📚 የአንተ ስኬት የሌላ ሰውን ውድቀት እንደማይጠይቅ ተረዳ—የጋራ ድል ይቻላል።

💬 ጥቅሶች (የማነሳሳት ቃላት)
🧠“ሻማ ሌላ ሻማ ሲያበራ ብርሃኑን አያጣም።” — ጄምስ ኬለር
🧠“ሌሎችን በማንሳት እንደግ።” — ሮበርት ኢንገርሶል

🧭 የመሪነት ትምህርት 🔨

እውነተኛ መሪዎች ቅናትን ወደ ጉልበት፣ ፉክክርን ወደ ትብብር ይቀይራሉ። የእውነተኛ መሪዎች ግብ ሁሉም በአንድ ላይ እንዲያመልጥ የሚያስችል ድጋፍ ሰጪ ማህበረሰብ መፍጠር ነው።
@የአፍሪካ ልህቀት ማዕከል

በዛሬው ዕለት የተመረቀው የገጠር የኮሪደር መንደር በሀዲያ ዞን በሌሞ ወረዳ በዱባንቾ ቀበሌ ገጽታ በፎቶ።
10/10/2025

በዛሬው ዕለት የተመረቀው የገጠር የኮሪደር መንደር
በሀዲያ ዞን በሌሞ ወረዳ በዱባንቾ ቀበሌ ገጽታ በፎቶ።

በኢትዮጵያ የመጀመሪያው የአፍሪካ ነጻ የንግድ ቀጣና ግብይት ሥርዓት በዛሬው ዕለት ተጀምሯል፡============================በማስጀመሪያ መርሐ ግብሩ በም/ጠቅላይ ሚኒስትር ማዕረግ...
09/10/2025

በኢትዮጵያ የመጀመሪያው የአፍሪካ ነጻ የንግድ ቀጣና ግብይት ሥርዓት በዛሬው ዕለት ተጀምሯል፡
============================
በማስጀመሪያ መርሐ ግብሩ በም/ጠቅላይ ሚኒስትር ማዕረግ የዴሞክራሲ ሥርዓት ግንባታ ማስተባበሪያ ማዕከል ኃላፊ እና የብልጽግና ፓርቲ ም/ፕሬዚዳንት አደም ፋራህ፣ የትራንስፖርትና ሎጂስቲክስ ሚኒስትር አለሙ ስሜ (ዶ/ር) እና የንግድና ቀጣናዊ ትስስር ሚኒስትር ካሳሁን ጎፌ (ዶ/ር) ተገኝተዋል፡፡

ካሳሁን ጎፌ (ዶ/ር) በዚህ ወቅት እንዳሉት ÷ የአፍሪካ ነጻ የንግድ ቀጣና ግብይት የኢትዮጵያን ወጪ ንግድ ከማሳለጥ ረገድ ከፍተኛ ሚና ይጫወታል፡፡

ከዚህ ባለፈም ለኢትዮጵያን ንግድ ዘርፍ መስፈንጠር ጉልህ አስተዋጽኦ እንደሚያበረክት አስገንዝበዋል፡፡

ግብይቱ መጀመሩን አስመልክቶ ሥጋ፣ አትክልትና ፍራፍሬ እንዲሁም ቡና፣ የጥራጥሬ ምርቶችና የቅባት እህሎች በኢትዮጵያ አየር መንገድ ካርጎና በየብስ ትራንስፖርት አማካይነት ወደ ኬንያ፣ ሶማሊያ እና ደቡብ አፍሪካ ተልከዋል፡፡

«የዕውቀት ሁሉ መሠረት መምህርነት»[የመምህራንን ቀን በሚመለከት የአፊኒ ምልከታ]======================፤==========አፊኒ መሰከረም 28 ቀን 2018 ዓ.ም ሀዋሳ የዛሬው ዕ...
05/10/2025

«የዕውቀት ሁሉ መሠረት መምህርነት»
[የመምህራንን ቀን በሚመለከት የአፊኒ ምልከታ]
======================፤==========
አፊኒ መሰከረም 28 ቀን 2018 ዓ.ም
ሀዋሳ
የዛሬው ዕለት October 5 ዓለምአቀፍ የመምህራን ቀን ሆኖ ውሏል። ዕለቱ በዓለምአቀፍ ደረጃ መምህራንን ለማክበርና በህብረተሰቡ ውስጥ ስላላቸው ወሳኝ ሚና ግንዛቤን ለማሳደግ ታልሞ በተለያዩ ክንውኖች ይከበራል።

በዓለም አቀፍ ደረጃ ለመምህራን የሚሰጠው ክብር እና ደረጃ፤ እንደየሀገሩ የሚለያይ ሲሆን፥ ብዙውን ጊዜ የአንድን ሀገር ባህላዊ እሴት እና የትምህርት መዋዕለ ንዋይ የሚያንፀባርቅ ሲሆን ይታያል። እንደ ደቡብ ኮሪያ፣ ሲንጋፖር እና ጃፓን ባሉ በብዙ የምስራቅ እስያ ሀገራት፥ መምህራን ከዶክተሮች ወይም ሳይንቲስቶች ጋር ሲነፃፀሩ በባህላዊ መልኩ በጣም ትልቅ ክብር አላቸው። ይህ አክብሮት ምሁራንን እና ትምህርትን በሚያከብሩ ባህላዊ ወጎች ላይ የተመሰረተ ነው።

በብዙ የአውሮፓ ሀገራትም እንዲሁ መምህራን ከፍተኛ ማህበራዊ ደረጃ እና ጠንካራ የህዝብ ክብር ያገኛሉ። በጠንካራ ብቃቶች፣ በጥሩ የስራ ሁኔታዎች እና በማህበራዊ መሠረት ተደግፈው እንደ ባለሙያ አስፈላጊውን ክብር ያገኛሉ።

በአንጻሩ በሀገራችን ኢትዮጵያ የመምህርነት ሙያ “ክቡር ሙያ” ተብሎ ቢጠራም፥ መምህራን እንደ ዝቅተኛ ክፍያ፣ ከፍተኛ የስራ ጫና እና የህዝብ የገንዘብ ድጋፍ እጦት ያሉ ፈተናዎች ስለሚያጋጥሟቸው፥ “ክቡር ሙያ” የሚለው መጠሪያ ስም ብቻ ሆኖ ቀርቷል።

በሀገራችን የመምህርነት ሙያ የፖለቲካ ሥርዓቱ በተቀየ ቁጥር ክብሩ ከግዜ ወደጊዜ እየተሸረሸረ፤ ተፈላጊነቱም እያሽቆለቆለ መጥቷል።

ይኼም የሚያሳየው መምህራን የዕውቀት ሁሉ መሠረት ሆነው፤ ለራሳቸው ሳይኖሩ ዕድሜያቸውን ዜጋ በመቅረጽ እያሳለፉ፣ ራሳቸው ማኖር የማይችሉበት ኢኮኖሚያዊ ሁኔታ ባለመፈጠሩ ነው።
ለአብነት ያኸል በቂ የሆነ ክፍያ አለማግኘት፤ የጤና መድህን፤ የመኖሪያ ቤት ዕድል ባለማግኘታቸው ያገራችን መምህራን ከሌላው ሰራተኛ በተለየ መልኩ የሚበደሉበት ሆኗል።

እንደ ሲዳማ ክልል ስናይ፣ የመምህራንን ሙያና ክህሎት ለማሻሻል ይኼ ነው የሚባል የሥልጠናና የትምህርት ዕድሎችን ከማመቻቸት አኳያ ሰፊ ክፍተቶች ያሉ ሲሆን፥ ክልሉ ዜጋውን በዕውቀት የመቅረፅ አደራ እየተወጣ ባለው መምህር ላይ ከመስራት ይልቅ፤ ገፅታ የመገንባት ሥራ ላይ ተጠምዷል።

ሌላው በሲዳማ ክልል በመምህራን ላይ እየተከናወነ ያለ አስከፊው ነገር፥ በዚህ ኑሮ ውድነት ዜጋን በዕውቀት የመቅረፅ አደራ እየተወጡ ያሉ የመምህራን ደመወዝን ያለፍቃዳቸው መቁረጥ ነው።
ያሰባሰብናቸው ተዓማኒ መረጃዎች እንደሚያስረዱን፥ “የብልጽግና ሕንፃ ይገነባል” በሚል አሳማኝ ባልሆነ ምክንያት እና ያለመምህሩ ፍቃድ፡ በተለያዩ የሲዳማ ወረዳወች የመምህራን ደመወዝ በኃይል እየቆረጠ ያለው የሲዳማ ብልፅግና፣ “ለምን ይቆረጥብኛል?” ብሎ የመብት ጥያቄ የሚያነሳ መምህር፤ ለህይወቱ የሚፈራበት ክልል ሆኗል።

መንግስት የሠራተኛውን የኑሮ ጫና ለማቃለል፤ ደመወዝተኛውን የመደገፍ ሥራ በሚሰራበት በዚህ ወቅት፥
የሲዳማ ብልፅግና ከፌዴራል ብልፅግና በተፃረረ መልኩ፥ ዜጋን የመጨቆን ተግባር፣ ከሞራልም ከህግም ተገቢነት ካለመኖሩ ባሻገር የወንጀል ተግባር መሆኑን ያሳያል።

በአጠቃላይ መምህራን በመርህ ደረጃ በዓለም አቀፍ ደረጃ የሚመሰገኑበት ሙያ ባለቤት ሲሆኑ፥ ዜጋን በእውቀት የመቅረፅ አደራ በመወጣታቸው ምሁራዊ ክብርና ተገቢ ቦታ ልሰጣቸው ያስፈልጋል።

ለራሳችሁ ሳትኖሩ ዜጋን በእውቀት፤ በጥሩ ስነምግባርና በሀገር ፍቅር የመቅረፅ አደራና ሞራላዊ ግዴታ እየተወጣችሁ ያላችሁ የሀገራችን እንቁ መምህራን፥ እንኳን ለቀናችሁ አደረሳችሁ እንላለን።

አፊኒ_ሚዲያና_ኮሙኒኬሽን

ትኩስ እና እውነተኛ መረጃዎችን ለማግኘት ይከታተላሉ
ዩቲዩብ:https://youtube.com/channel/UCzxVCZUtW-XmosukNkCXZEA
telegram:https://t.me/affinimedia

አዲሱን የተሸከርካሪ ሰሌዳ የመቀየር ሥራ ከሁለት ወራት በኋላ ይጀመራል ተብሏል።=====================የትራንስፖርት እና ሎጂስቲክስ ሚኒስቴር ባወጣው የተሽከርካሪ ሰሌዳ ለውጥ መመሪ...
05/10/2025

አዲሱን የተሸከርካሪ ሰሌዳ የመቀየር ሥራ ከሁለት ወራት በኋላ ይጀመራል ተብሏል።
=====================

የትራንስፖርት እና ሎጂስቲክስ ሚኒስቴር ባወጣው የተሽከርካሪ ሰሌዳ ለውጥ መመሪያ መሠረት አዲሱ የተሸከርካሪ ሰሌዳ የመቀየር ሥራ ከሁለት ወራት በኋላ እንደሚጀመር በሚኒስቴሩ የትራንስፖርት አገልግሎት እና ቁጥጥር ዘርፍ አማካሪ አቶ አሰፋ ሀዲስ #ለአሐዱ ተናግረዋል።

ከዚህ በፊት የተመዘገቡ ተሽከርካሪዎች የቀድሞውን ሠሌዳ በመመለስ አዲስ የተሸከርካሪ የመለያ ቁጥር ሠሌዳ እንዲወስዱ የማድረግ ሥራ እንደሚሰራ አመልክተዋል።

በኢትዮጵያ የተሽከርካሪዎች የመለያ ቁጥር ሰሌዳ አይነቶችና ምልክቶች መወሰኛ እና የአገልግሎት አሰጣጥ መመሪያ 1050/2017 ሆኖ መጽደቁ ይታወሳል።

በመመሪያው መሰረት አሁኑ በሥራ ላይ ያሉ የተሽከርካሪ ሰሌዳዎች ላይ የሚቀመጠው የተለያዩ ክልሎች እና የከተማ አስተዳደሮች መለያዎች ተመሳሳይ መለያ እንዲኖራቸው ያስገድዳል።

በሀገሪቱ የሚመዘገቡ ሁሉም ተሸከርካሪዎች የሚለጥፉት የመለያ ቁጥር ሠሌዳ ላይ ፤ የኢትዮጵያ ካርታ እንዲሁም ኢትዮጵያ ባጸደቀችው ዓለም አቀፍ ስምምነት መሠረት የተሰጣትን ሀገራዊ ልዩ ምልክት “ ETH “ እና “ ኢት “ የሚል የግእዝ ፊደላት እና የላቲን ፊደላት ይዘት እንዲኖረው ይደረጋል።

መመሪያው አሁን በሥራ ላይ ያሉ የተሽከርካሪ ሰሌዳዎች ላይ የሚቀመጠውን የተለያዩ ክልሎች እና የከተማ አስተዳደሮች መለያዎችን አላካተተም።
#ለአሐዱ

ሕልፈተ ዜናወጣት ዶ/ር ደራራ ቢዲሶ ቦሮጄ በአሜሪካ ሀገር ባልታወቁ ሰዎች በተተኮሰበት ጥይት ሕይወቱ ማለፍ ተገለፀ ። ወጣቱ ዶ/ር ዳራራ ቢዲሶ በቅርቡ Vanderbilt University ...
05/10/2025

ሕልፈተ ዜና

ወጣት ዶ/ር ደራራ ቢዲሶ ቦሮጄ በአሜሪካ ሀገር ባልታወቁ ሰዎች በተተኮሰበት ጥይት ሕይወቱ ማለፍ ተገለፀ ።

ወጣቱ ዶ/ር ዳራራ ቢዲሶ በቅርቡ Vanderbilt University ላይ specialized ዶክተር ሆነው በVanderbilt University Medical ውስጥ እያደረ እየሰራ ባለበት በአክራሪዎች በተተኮሰባቸው ጥይት መገደላቸው ታውቋል ።

አባቱ ከልጅነት እስከ ሕይወተ ህልፈቱ ድረስ ጨቋኝ ሥርዓቶችን ከተማሪዎች አብዮት ጀምሮ እስከ ትጥቅ ትግል የታገለ የጀግናው ታጋይ አየለ(ብድሶ) ቦሮጄ ልጅ ነወ።

ያልተኖረ ወጣትነት ፣ እንጀራ ፈልጋ በወጡበት በሰው አገር ድንገት ሰቀጠፈ ማየት ልብ ሰባሪ መራር ሃዘን ነው።

ፈጣሪ ለወዳጅ ዘመድ እና ለመላው ሲዳማ ህዝብ መጽናናትን እንድሰጥ እንመኛለን !

‎የሐዋሳ ከተማ አስተዳደር ሹምሽር በተመለከተ የአፊኒ ደሰሳ‎***************//****************‎አፊኒ መስከረም 24 ቀን 2018 ዓ.ም. ሐዋሳ‎ሰሞኑን የአመራር ግምገማ ሲ...
04/10/2025

‎የሐዋሳ ከተማ አስተዳደር ሹምሽር በተመለከተ የአፊኒ ደሰሳ
‎***************//****************
‎አፊኒ መስከረም 24 ቀን 2018 ዓ.ም.
ሐዋሳ
‎ሰሞኑን የአመራር ግምገማ ሲያደርግ የከረመው የሲዳማ ብልፅግና፥ የሀዋሳ ከተማ ከንቲባን ጨምሮ የክልሉ ፕላን ልማት ቢሮ፣ መንገድና ትራንስፖርት ቢሮ ኃላፊ እንዲሁም ሌሎችንም ገምግሞ ከሥልጣናቸው በማንሳት፥ የተማሩና ልምድ ያላቸው፤ አዳዲስ የለውጥ አመራር ይመጣሉ ተብሎ ሲጠበቅ፤ ራሳቸውን በራሳቸው ቦታ ቦታቸውን በመቀያየር የይስሙላ ግምገማውን አጠናቋል።
‎
‎በየጊዜው የአመራር ሹም ሽር የሚደረግባት፤ በተለይም ሲዳማ ክልል ከሆነ ወዲህ አራተኛ ከንቲባ በዛሬው ዕለት የተሾመላት ሐዋሳ፣ የቀድሞውን የሲዳማ ክልል እንስሳትና የአሳ ሃብት ቢሮ ኃላፊ አቶ ተክሌ ጆንባን የከተማው ከንቲባ ተደርጎ ሲሾም፣ ከተማዋ በከተማ አመራርነት እና ስትራቴጂካል ከተማዋን የሚመጥን ከንቲባ የማግኘት ቀውስ ውስጥ የምትገኝ ትመስላለች።
‎
‎ ሁለት ዓመት ከአንድ ወር በሀዋሳ ከተማ ከንቲባነት የቆዩት እና ከተማዋን በመልካም አስተዳደር፤ በመሠረተ ልማት ወደኃላ በማስቀረት እንዲሁም በሌብነት ተገምግመው ከሥልጣናቸው የተሰናበቱት አቶ መኩሪያ መርሻዬ፤ በመንፈሳዊ ጉባኤ ላይ ቀርበው ሥልጣናቸውን እንደ መለኮታዊ ይሁንታ «ሶስት ወር ስድስት ወር፤ አንድ ዓመት ሁለት አይመራም ሲሉ እየመራሁኝ አለሁ...» ባሉ በሳምንቱ፣ ወንበራቸውን ለአቶ ተክሌ ጆንባ አስረክበዋል ።
‎ ...
‎
‎በአንድ ፖለቲካ ስርዓት ውስጥ ያሉ መሪዎችን ደጋግሞ መቀየር ከፍተኛ አሉታዊ መዘዞችን ሊያስከትል ይችላል። ይህም የፖሊሲ አለመረጋጋት፣ የኢኮኖሚ አለመረጋጋት፣ የሜጋ ፕሮጀክቶች እንዲረሱ እንዲሁም የተጀመሩት ኤንዲቋረጡ፣ የተቋማት መዳከም እና የህዝብ አመኔታ ያሳጣል።
‎
‎ እንደ ሀዋሳ ከተማ ፈጣን የኢኮኖሚ ዕድገት የማስመዝገብ ዕድል ኖሯቸው፡ ከትምህርት፤ ከፖለቲካ አቅምና ልምድ ያካበቱ አመራሮችን በማጣት፡ የምቹ አመራር ቀውስ ውስጥ የወደቀችው ሀዋሳ ከተማ፥ በበላይ አመራሩ ፍቃድና ይሁንታ፡ የእንስሳት ሃብት ልማት ቢሮ ኃላፊ ከንቲባ ተደርጎባታል።
‎
‎አዲሱ ተሿሚ፡ ከዚህ ቀደም የከተማ አመራርነት ልምድና ክህሎት የነበራቸው ባይሆንም፥ ለሰየሟቸው ለበላይ አመራር አካላት ተወዳጅነትን ለማትረፍና ለሥርዓቱ ተገዢ የመሆን ሚና የመወጣት ሥራቸውን የሚሰሩ ይሆናል።
‎
‎ እንደ ሀገር ብሎም እንደ ክልል መዋቅራዊ ማሻሻያ ተሃድሶ እንደሚያስፈልግ የሚታመን ቢሆንም፥ በተለይም እንደሲዳማ ክልል የህዝቡን ሥነልቦናና የመልማት ፍላጎት ታሳቢ ያደረገ ሥርነቀል የአመራር ለውጥና ተሃድሶ ያስፈልጋል።
‎
‎የኢኮኖሚና የቱሪዝም ማዕከልነቷ ከጊዜ ወደጊዜ እየተሸረሸ የመጣባት ሀዋሳ ከተማ፤ የከተማ ነዋሪዎቹን የመሠረተ ልማት ጥያቄ ከመመለስ ይልቅ፤ ከጊዜ ወደጊዜ በቀደምት አመራሩ ብርቱ ትጋት ተሰርቶና ተገንብቶ የመጣውን ጠብቆ ማቆየት እንኳን ተስኗት፤ ከጊዜ ወደጊዜ እየወደመ መጥቷል። ይህም የአመራሩ ውድቀት ማሳያ ሆኗል።
‎
‎በኢትዮጵያ የከተሞች ደረጃ ቀዳሚ ተርታ ላይ የማትጠፋው እና የውብ እና አረንጋዴነት መገለጫ ሆና የሰነበትችው ሀዋሳ ከተማ፤ የከተሞችን የዕድገትና የመልማት ፖሊሲ ያጠናና የሚተገበር ብርቱ አመራር በመፈለግ ላይ ትገኛለች።
‎
‎ በሲዳማ ክልል እንደ ፖለቲካ ሥርዓቱ እና ሽግግሮችን እንዴት እንደሚተዳደሩ፣ እንደ ፈጠራ እና መታደስ ያሉት ላይ አንዳንድ አሉታዊ ተጽእኖዎች በእርግጥ ሊኖሩ ይችላሉ ። ወቅቱ የሚፈልገውን የፖለቲካ በመተግበር ህዝቡ የሚፈልጋቸውንና የሚጠይቃቸውን ጥያቄዎችን በመፍታት፣ ህዝቡን ያማከለ ቅቡልነት ያለው የአመራር ሥርዓት መፍጠር ያስፈልጋል።

‎
‎

አፊኒ_ሚዲያና_ኮሙኒኬሽን

ትኩስ እና እውነተኛ መረጃዎችን ለማግኘት ይከታተላሉ
ዩቲዩብ:https://youtube.com/channel/UCzxVCZUtW-XmosukNkCXZEA
telegram:

አዲሱ የመንግስት ሰራተኞች የደሞዝ ስኬል ሰንጠረዥ ይፋ ተደርጓል።
02/10/2025

አዲሱ የመንግስት ሰራተኞች የደሞዝ ስኬል ሰንጠረዥ ይፋ ተደርጓል።

ሕልፈተ ዜና ========================በኩባ የኢትዮጵያ ፌዴራላዊ ዲሞክራሲያዊ ሪፐብሊክ ልዩ መልዕክተኛ እና ባለሙሉ ስልጣን አምባሳደር የነበሩት ክቡር አምባሳደር አየለ ሊሬ ጅጃሞ...
22/09/2025

ሕልፈተ ዜና
========================
በኩባ የኢትዮጵያ ፌዴራላዊ ዲሞክራሲያዊ ሪፐብሊክ ልዩ መልዕክተኛ እና ባለሙሉ ስልጣን አምባሳደር የነበሩት ክቡር አምባሳደር አየለ ሊሬ ጅጃሞ፣ መስከረም 10 ቀን 2018 ዓ.ም. በድንገት ከዚህ ዓለም በሞት በመለየታቸው ታውቋል።

ክቡር አምባሳደር አየለ ሊሬ ለረጅም ጊዜ በውጭ ጉዳይ ሚኒስቴር በባለሙያነትና በተለያዩ የአመራር ደረጃ ያገለገሉ ሲሆን እስከ ህልፈታቸው ድረስ በኩባ ሀቫና የኢ.ፌ.ዲ.ሪ.ኤምባሲ በተጨማሪ ባርባዶስ፣ ዶሚኒካን ሪፐብሊክ፣ ኒኳራጓ፣ሴንት ቪንሰንት እና ግራናሪስ፣ ሴንት ኪትስ እና ኔቪስ እንዲሁም ባሃማስን ሸፍነው ሀገራቸውን በታማኝነት እና በላቀ ብቃት ሲያገለግሉ ቆይተዋል።

የኢ.ፌ.ዲ.ሪ የውጭ ጉዳይ ሚኒስቴር በድንገተኛ ህልፈታቸው የተሰማውን ጥልቅ ሀዘን ፣ገልጾ ለቤተሰቦቻቸው፣ ለወዳጅ ዘመዶቻቸው እና ለሥራ ባልደረቦቻቸው መጽናናትን ተመኝቷል ።

የክቡር አምባሳደር አየለ ሊሬ የቀብር ሥነ- ስርዓት የሚፈፀምበትን ጊዜ እና ቦታ በቀጣይ የምናሳውቅ መሆኑን በአክብሮት እንገልጻለን።

ሕዳሴ ግድብን ለመጎብኘት ፍላጎት ላላቸው ጥሪ ተደርጓል ===================================ጠቅላይ ሚኒስትር ዐቢይ አሕመድ (ዶ/ር) በታላቁ የኢትዮጵያ ሕዳሴ ግድብ ምረቃ...
20/09/2025

ሕዳሴ ግድብን ለመጎብኘት ፍላጎት ላላቸው ጥሪ ተደርጓል
===================================

ጠቅላይ ሚኒስትር ዐቢይ አሕመድ (ዶ/ር) በታላቁ የኢትዮጵያ ሕዳሴ ግድብ ምረቃ ሥነ-ሥርዓት ላይ ባደረጉት ንግግር ሕዳሴ ግድብ የሁሉም ኢትዮጵያውያን አሻራ ያረፈበት እንደመሆኑ ሁሉም ሊጎበኘው ይገባል ብለው እንደነበር ይታወሳል።

በዚሁ መሠረት ግድቡን መጎብኘት የሚፈልጉ ቡድኖች እና ተቋማት ከሰኞ መስከረም 12 ቀን 2018 ዓ.ም ጀምሮ መመዝገብ እንደሚችሉ የቱሪዝም ሚኒስትር ሰላማዊት ካሳ አስታውቀዋል።

ይህም የአንድ ቀን የደርሶ መልስ ጉብኝት እንደሚሆን ጠቁመው፤ ፍላጎቱ ያላቸው ዜጎች በባለ 50 ሰው ቡድን በመደራጀት በኢትዮጵያ አየር መንገድ በኩል መስተናገድ እንደሚችሉ ገልጸዋል።

ለወደፊቱ በሕዳሴ ግድብ ዙሪያ ለቱሪስቶች አስፈላጊ የሆኑ መሠረተ ልማቶችን ለማሟላት እንደሚሠራም አመላክተዋል።

ለጊዜው ግን ፍላጎቱ ያላቸው ድርጅቶች በጉብኝቱ በመሳተፍ ምርት እና አገልግሎታቸውን ማቅረብ እንደሚችሉ ተናግረዋል።

ታላቁ የኢትዮጵያ ሕዳሴ ግድብን የማየት አጋጣሚ ያገኙ በርካታ የሀገር ውስጥ እና የውጭ ዜጎች ግድቡ ሊጎበኝ የሚገባው ግዙፍ ፕሮጀክት ስለመሆኑም በተለያዩ ጊዜያት ገልጸዋል።


አፊኒ_ሚዲያና_ኮሙኒኬሽን

ትኩስ እና እውነተኛ መረጃዎችን ለማግኘት ይከታተላሉ
ዩቲዩብ:https://youtube.com/channel/UCzxVCZUtW-XmosukNkCXZEA
telegram:https://t.me/affinimedia

የአዲስ አበባ አሁናዊ ገጽታ በከፊል !
18/09/2025

የአዲስ አበባ አሁናዊ ገጽታ በከፊል !

Address

Delhi
1234

Telephone

+251996858227

Website

Alerts

Be the first to know and let us send you an email when Affini Media and Communication-አፊኒ ሚዲያ እና ኮሙኒኬሽን posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Affini Media and Communication-አፊኒ ሚዲያ እና ኮሙኒኬሽን:

Shortcuts

Share

Category