https://www.facebook.com/152861208691029/

Chinland Express, A-1/A-28, Chanakya Place, part-2, Uttam Nagar, West Delhi, Delhi (2025)

Q: What is the address?

A-1/A-28, Chanakya Place, Part-2, Uttam Nagar, West Delhi

21/11/2025

အချစ်ဆိုသည်မှာ…🫶🏻🥰

21/11/2025

ဖားကန့် နှင့် ရေတာရှည်တွင် စစ်တပ်က လက်နက်ကြီးဖြင့် ပစ်ခတ်မှု အသက် ၂ နှစ်အရွယ် ကလေးငယ် ၁ ဦး အပါအဝင် ပြည်သူ ၂ ဦးသေဆုံး

ရန်ကုန်၊ နိုဝင်ဘာ ၂၁

ကချင်ပြည်နယ်၊ ဖားကန့်မြို့နယ်၊ ဆိပ်မူရွာကို အကြမ်းဖက် စစ်တပ်က လက်နက်ကြီးဖြင့် ပစ်ခတ်တိုက်ခိုက်ခြင်းကြောင့် အသက် ၂ နှစ်အရွယ် ကလေးငယ် ၁ ဦး သေဆုံးခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ ပြောဆိုသည်။

နိုဝင်ဘာလ ၂၀ ရက်နေ့ ည ၁၁ နာရီ ၂၅ မိနစ်ခန့်မှ စတင်ပြီး ဖားကန့်မြို့နယ်၊ ဆိပ်မူရွာကို အကြမ်ဖက် စစ်တပ်က လက်နက်ကြီးများဖြင့် ပစ်ခတ် တိုက်ခိုက်ခဲ့ခြင်းဖြစ်ကြောင်း သိရသည်။

အကြမ်းဖက် စစ်တပ် ပစ်ခတ်သော လက်နက်ကြီးများသည် ဆိပ်မူရပ်ကွက် ၁ နှင့် ရပ်ကွက် ၃ ကို ကျရောက် ပေါက်ကွဲခဲ့ပြီး အသက် ၂ နှစ်အရွယ် ချိုသန့်လွင်ဆိုသောကလေးငယ်မှာ ဝမ်းဗိုက်ကို ကျည်ထိမှန်ကာ သေဆုံးခဲ့ကြောင်း သိရှိရသည်။

"စစ်ခွေးတွေက မနေ့ညပိုင်းက လက်နက်ကြီးတွေနဲ့ ပစ်ခတ်တိုက်ခိုက်တာ ဆိပ်မူရွာ ရပ်ကွက် ၁ နဲ့ ရပ်ကွက် ၃ ထဲကို ကျရောက်ပါပေါက်ကွဲပြီး အသက် ၂ နှစ်အရွယ်ကလေးငယ်တစ်ဦး ဝမ်းဗိုက်ထိမှန် သေဆုံးသွားတယ်။ ထိခိုက်ဒဏ်ရာရရှိသူတွေလည်းရှိတယ်လို့ သိရတယ်" ဟု ဒေသပြည်သူ တစ်ဦးကပြောဆိုသည်။

ဖားကန့်တွင် စစ်တပ်၏ လက်နက်ကြီးပစ်ခတ်မှုကြောင့် ဒဏ်ရာရရှိသူများမှာ အသက် ၆၂ နှစ်အရွယ် ဒေါ်ညို၊ အသက် ၃၂ နှစ်အရွယ် ကိုထွန်းသူ၊ အသက် ၃၅ နှစ်အရွယ် မပြုံးပြုံးနှင့် အသက် ၄၅ နှစ်အရွယ် မဌေးဌေးမာတို့ဖြစ်ကြောင်း သိရှိရသည်။

အလားတူ ပဲခူးတိုင်း၊ ရေတာရှည်မြို့နယ်၊ သဖန်းဇင်ရွာကိုလည်း စစ်တပ် ပစ်ခတ်သော လက်နက်ကြီးကျည် ကျရောက်ပေါက်ကွဲပြီး ပြည်သူ ၁ ဦးသေဆုံးခဲ့ကြောင်း ဒေသပြည်သူများက ရန်ကုန်ခေတ်သစ် သတင်းဌာနထံသို့ပြောဆိုသည်။

နိုဝင်ဘာလ ၂၁ ရက်နေ့ ညပိုင်းတွင် ရေတာရှည်မြို့နယ်၊ သဖန်းဇင်ရွာကို အကြမ်းဖက် စစ်တပ်က တိုက်ပွဲဖြစ်ပွားခြင်းမရှိဘဲ လက်နက်ကြီးများဖြင့် ပစ်ခတ် တိုက်ခိုက်ခဲ့ကြောင်း၊ အကြမ်းဖက် စစ်တပ် ပစ်ခတ်သော လက်နက်ကြီးကျည်သည် သဖန်းဇင်ကျေးရွာတွင် နေထိုင်သော ဦးမြသိန်း နေအိမ်ပေါ် ကျရောက်ပေါက်ကွဲခဲ့ပြီး အိမ်ရှင် ဦးမြသိန်း ပွဲချင်းပြီး သေဆုံကော ၎င်း၏ အမျိုးသမီးဖြစ်သူ အပါအဝင် ပြည်သူ ၄ ဦး ပြင်းထန်ဒဏ်ရာရရှိခဲ့ကြောင်း သိရသည်။

"ရေတာရှည်မြို့နယ်၊ ဆွာမြို့ အရှေ့ဘက် သဖန်းဇင်ကျေးရွာကို စစ်ခွေးတွေက လက်နက်ကြီးနဲ့ ပစ်လို့ သေဆုံး ဒဏ်ရာရမှုတွေရှိတယ်။ လောလောဆယ်သိရတာတော့ သေဆုံးတာ ၁ ဦးရှိတယ်။ ဒဏ်ရာရတာ ၄ ဦးရှိတယ်လို့ သိရတယ်။ တိုက်ပွဲဖြစ်ပွားခြင်းမရှိဘဲနဲ့ ပစ်ခတ် တိုက်ခိုက်တာပါ" ဟု ဒေသပြည်သူတစ်ဦးက ပြောဆိုသည်။

လက်ရှိချိန်တွင် သဖန်းဇင်ရွာမှ ပြည်သူများ အပါအဝင် အနီးအနားရှိ ကွမ်းအုံရွာ ၊ လေးအိမ်စု ရွာမှ ပြည်သူများလည်း ဘေးလွတ်ရာထွက်ပြေးတိမ်းရှောင်နေရပြီး အကြမ်းဖက် စစ်တပ်ကလည်း မြေပြင်မှ စစ်ကြောင်းထိုးရန် လုပ်ဆောင်နေကြောင်း သိရသည်။

21/11/2025

ရုပ်ရှင်လောကကို လွှမ်းမိုးထားတဲ့ ခရိုနီရွှေမန်းနဲ့ မတည့်တာကြောင့် ဘယ်သူမှ အဖက်မလုပ်ရဲတဲ့ သံသာမိုးသိမ့်ကို လက်တွဲခေါ်ပေးခဲ့တဲ့ ဟိန်းဝေယံ 🥰

သံသာမိုးသိမ့်နဲ့ ဟိန်းဝေယံအတွက် အားပေးစကားလေးတွေ ပြောပေးခဲ့ကြပါအုံး...

20/11/2025

မြန်မာနိုင်ငံတွင် စားနပ်ရိက္ခာ မလုံလောက်မှု “စိုးရိမ်ဖွယ် အမြင့်မားဆုံး” နေရာတစ်ခုအဖြစ် ဆက်လက်သတ်မှတ်ခံရပြီး မြန်မာကလေးငယ် ၁ သန်းကျော် နေရပ်စွန့်ခွာ ထွက်ပြေးနေရ

ရန်ကုန်၊ နိုဝင်ဘာ ၂၀

မြန်မာနိုင်ငံတွင် စားနပ်ရိက္ခာ မလုံလောက်မှုအတွက် “စိုးရိမ်ဖွယ် အမြင့်မားဆုံး” နေရာတစ်ခုအဖြစ် သတ်မှတ်ခံထားရကြောင်း ကမ္ဘာ့စားနပ်ရိက္ခာဖူလုံရေးနောက်ဆုံးထုတ် အစီရင်ခံစာကို ကိုးကား၍ ကုလသမဂ္ဂလူသားချင်းစာနာမှုဆိုင်ရာညှိနှိုင်း‌ရေးရုံး (OCHA)က သတင်းထုတ်ပြန်သည်။

မြန်မာနိုင်ငံတစ်ဝန်း ပြည်နယ်နှင့်တိုင်းဒေသကြီးများစွာတွင် စစ်တပ်နှင့် လက်နက်ကိုင်အဖွဲ့မျိုးစုံတို့၏ ပဋိပက္ခများ ဆက်လက်ဖြစ်ပွားလျက်ရှိကြောင်း၊ နေ့စဉ်ဖြစ်ပျက်နေသည့် လက်နက်ကြီးပစ်ခတ်မှုများ၊ လက်နက်ကိုင်တိုက်ပွဲများနှင့် နေရာအနှံ့ တိုက်ပွဲဖော်ဆောင်မှုများကြောင့် အရပ် သားများ ထိခိုက်မှုနှင့် နေရာအနှံအပြားတွင် နေရပ်စွန့်ခွာ တိမ်းရှောင်ရမှုများ ဆက်လက်ဖြစ်ပေါ်နေကြောင်း၊ ဖြစ်ပွားနေဆဲပဋိပက္ခ၊ ရေကြီးရေလျှံခြင်းနှင့် ၂၀၂၅ ခုနှစ် မတ်လ၌ လှုပ်ခတ်ခဲ့သည့်ငလျင် အပါအဝင် အခက်အခဲများစွာ၏ အကျိုးဆက်များကို မြန်မာနိုင်ငံတစ်ဝန်းရှိ ပြည်သူများသည် ဆင့်ကဲ ရင်ဆိုင်နေရဆဲဖြစ်ကြောင်း OCHA က ဆိုသည်။

ကမ္ဘာ့စားနပ်ရိက္ခာဖူလုံရေးနောက်ဆုံးထုတ် အစီရင်ခံစာအရ မြန်မာနိုင်ငံသည် စားနပ်ရိက္ခာ မလုံလောက်မှုအတွက် “စိုးရိမ်ဖွယ် အမြင့်မားဆုံး” နေရာတစ်ခုအဖြစ် သတ်မှတ်ခံထားရဆဲဖြစ်ပြီး ရခိုင်ပြည်နယ်တွင်၊ အထူးသဖြင့် မောင်တောနှင့် ဘူးသီးတောင်မြို့နယ်တို့တွင် အဟာရပြည့်၀မှုဆိုင်ရာ အခြေအနေများမှာ လျင်မြန်စွာ ဆုတ်ယုတ်လာနိုင်ဖွယ်ရှိသည်ဟု ကုလသမဂ္ဂက ခန့်မှန်းထားသည်။

၂၀၂၅ ခုနှစ် နိုဝင်ဘာလအထိ နိုင်ငံတစ်ဝန်းတွင် ပြည်တွင်းနေရပ်စွန့်သူဦးရေ ၃ ဒသမ ၆သန်းရှိမည်ဟု ခန့်မှန်းထားပြီး အောက်တိုဘာလနှင့် နိုဝင်ဘာလဆန်းပိုင်းက တိုက်ပွဲများကြောင့် မိသားစုများစွာသည် ၎င်းတို့ နေအိမ်များကို စွန့်ခွာခဲ့ကြရပြီး လူသားချင်းစာနာမှုဆိုင်ရာ လိုအပ်ချက်များ ပိုမို များပြားလာခဲ့ကြောင်း သိရှိရသည်။

အခြားတစ်ဖက်တွင်လည်း မြန်မာနိုင်ငံအတွင်း ပဋိပက္ခများနှင့် ဘေးအန္တရာယ်များကြောင့် ကလေးငယ်ပေါင်း ၁ သန်းကျော်မှာ နေရပ်စွန့်ခွာ ရွှေ့ပြောင်းနေရသည်ဟု သြစတြေးလျ မြန်မာသံရုံးက ယနေ့ သတင်းထုတ်ပြန်သည်။

ယနေ့ နိုဝင်ဘာလ ၂၀ ရက်နေ့တွင် ကျရောက်သည့် ကမ္ဘာ့ကလေးများနေ့ ထုတ်ပြန်ချက်၌ သြစတြေးလျ မြန်မာသံရုံးမှ ဖော်ပြထားခြင်းဖြစ်သည်။

မြန်မာပြည်သူ ၃ သန်းခွဲကျော် နိုင်ငံတွင်းမှာ နေရပ်စွန့်ခွာ ရွှေ့ပြောင်းနေရပြီး ယင်းအထဲက ၃၀ ရာခိုင် နှုန်းနီးပါးသည် ကလေးငယ်များဖြစ်ကြောင်း UNICEF က ပြောဆိုထားသည်ဟု သြစတြေးလျ မြန်မာသံရုံးက ဆိုသည်။

“ကလေးငယ်တွေဟာ လူမှုအသိုက်အဝန်းရဲ့ အငယ်ဆုံးအဖွဲ့ဝင်တွေပါ။ မိမိတို့ အနေနဲ့ အနာဂတ်မှာပါဝင်မယ့် ကလေးငယ်တွေရဲ့ အရေးပါတဲ့ အခန်းကဏ္ဍကို အသိအမှတ်ပြုပြီး ပဋိပက္ခနဲ့ဘေး အန္တရာယ်ဖြစ်ပွားလေ့ရှိသော အခြေအနေတွေမှာ သူတို့ကြုံရတဲ့ စိန်ခေါ်မှုများစွာကို ထုတ်ဖော်လုပ်ဆောင်ဖို့လိုပါတယ်" ဟု သြစတြေးလျ မြန်မာသံရုံးက ပြောသည်။

ယနေ့ ကျရောက်သည့် ကမ္ဘာ့ကလေးငယ်များနေ့တွင် သြစတြေးလျနိုင်ငံသည် ဖွံ့ဖြိုးတိုးတက်ရေးနှင့် လူသားချင်းစာနာမှု လုပ်ငန်း အစီအစဉ်များမှတစ်ဆင့် မြန်မာနိုင်ငံမှ ကလေးငယ်များအား ဆက်လက် ပံ့ပိုးပေးသွားမည်ဟု ထပ်လောင်း ကတိပြုထားသည်။

“ဒီကမ္ဘာ့ကလေးများနေ့မှာ သြစတြေးလျဟာ မိမိတို့ရဲ့ဖွံ့ဖြိုးတိုးတက်ရေးနဲ့ လူသားချင်းစာနာမှုလုပ်ငန်း အစီအစဥ်တွေကတစ်ဆင့် မြန်မာနိုင်ငံရှိ ပဋိပက္ခဖြစ်ပွားရာနဲ့ ထိခိုက်လွယ်အသိုက်အဝန်းများရှိ ကလေးငယ်တွေအပါအဝင် ကလေးငယ်အားလုံးရဲ့ အခွင့်အရေးနဲ့ ကိုယ်စိတ်ကျန်းမာရေးတို့ကို ကာကွယ်ဖို့ရာထားရှိတဲ့ မိမိတို့ရဲ့ ကတိကဝတ်နဲ့ ကာလရှည်ပံ့ပိုးမှုတွေကို ထပ်လောင်းအတည်ပြုပါတယ်" ဟု ဆိုသည်။

ဗြိတိသျှအစိုးရကလည်း မြန်မာနိုင်ငံမှ ကလေးငယ်များအား ဆက်လက် ထောက်ပံ့ပေးမည်ဟု ယနေ့ ကမ္ဘာ့ကလေးများနေ့တွင် ထပ်မံ ကတိကဝတ်ပြုကြောင်း UK မြန်မာသံရုံးက ထုတ်ပြန်ထားသည်။

“ယနေ့ကျရောက်တဲ့ ကမ္ဘာ့ကလေးများနေ့မှာ ဗြိတိသျှသံရုံး ရန်ကုန်ဟာ မိတ်ဖက်အဖွဲ့အစည်းဖြစ်တဲ့ UNICEF နဲ့ မြန်မာနိုင်ငံအနှံ့ရှိ ကလေးများနဲ့အတူ ရပ်တည်ပါတယ်။ လုံခြုံပြီး ကျန်းမာတဲ့ဘဝဟာ ကလေးတိုင်းရဲ့ ရပိုင်ခွင့်ဖြစ်ပါတယ်။ ကလေးငယ်တိုင်း ပညာရေးအခွင့်အလမ်း၊ ကျန်းမာရေးအစောင့်အရှောက်၊ အာဟာရနဲ့ အကာအကွယ်များရရှိကာ ကျန်းမာတဲ့ပတ်ဝန်းကျင်မှာ ရှင်သန်နေထိုင်နိုင်ရန် ကူညီထောက်ပံ့ဖို့ မိမိတို့ အတူတကွ ကတိကဝတ်ပြုထားပါတယ်" ဟု ဆိုသည်။

ကလေးငယ်တိုင်းသည် ၎င်းတို့၏ အသံများ၊ စိတ်ကူးများကို ဖော်ထုတ်ပြောဆိုခွင့် ရှိသည့်အပြင် ကလေးအခွင့်အရေးများကိုလည်း အပြည့်အဝ ရရှိခံစားခွင့် ရှိရမည်ဟု ယနေ့ကျရောက်သည့် ကမ္ဘာ့ကလေးများနေ့တွင် UNICEF မြန်မာက ထုတ်ပြန်ထားသည်။

ကလေးငယ်များ၏ အသံများကို နားထောင်ရန် UNICEF မြန်မာကိုယ်စားလှယ် Mr Yasumasa Kimura က ကရင်ပြည်နယ်သို့ သွားရောက်ခဲ့သည်ဟု ဆိုသည်။

“ကလေးများနေ့မှာ အရေးကြီးဆုံးအရာဖြစ်တဲ့ ကလေးတွေရဲ့အသံကို နားထောင်ဖို့အတွက် ကရင်ပြည်နယ်ကို သွားရောက်ခဲ့ပြီး ကျောင်းပြန်တက်ဖို့ အခက်အခဲရှိခဲ့တဲ့ ကလေးတွေ၊ နေရပ်စွန့်ခွာခဲ့ရတဲ့ ကလေးတွေနဲ့ တွေ့ဆုံခဲ့ပါတယ်။ ကလေးများကလည်း သူတို့ရဲ့ အိပ်မက်တွေနဲ့ အနာဂတ်အတွက် မျှော်မှန်းချက်တွေကို မျှဝေခဲ့ကြပါတယ်။ ကလေးတိုင်းဟာ သူတို့ရဲ့အသံတွေ၊ စိတ်ကူးတွေကို ဖော်ထုတ်ပြောဆိုခွင့်ရှိသည့်အပြင် ကလေးအခွင့်အရေးများကိုလည်း အပြည့်အဝ ရရှိခံစားခွင့် ရှိရပါမယ်" ဟု ထုတ်ပြန်ထားသည်။

ကလေးငယ်များသည် ၎င်းတို့၏ အခွင့်အရေးများကို အလေးထား ဖြည့်ဆည်းပေးမည့် ကမ္ဘာကြီးကို လိုချင်ကြကြောင်းနှင့် ကလေးငယ်များ၏ အသံကို နားထောင်ပေးပြီး အခွင့်အရေးများ သိရှိစေရန် ပြောပြပေးရန် လိုအပ်ကြောင်းလည်း UNICEF မြန်မာက ဆိုသည်။

မြန်မာနိုင်ငံမှ ကလေးငယ်များသည် ၎င်းတို့၏ မူလအခြေခံအခွင့်အရေးများ ရရှိရေးကို အဟန့်အတားဖြစ်စေသည့် အတားအဆီးများအား ရင်ဆိုင်ရာတွင် ထူးထူးခြားခြား ခံနိုင်ရည်ရှိလှကြောင်း သိသာထင်ရှားတွေ့ရှိရသည်ဟု ဂျာမနီ မြန်မာသံရုံးက ထုတ်ပြန်ပြောသည်။

“ကျွန်ုပ်တို့ဟာ မြန်မာနိုင်ငံမှာသာမက ကလေးသူငယ်ကာကွယ်စောင့်ရှောက်ရေးကို ပိုမိုအား ကောင်းလာစေဖို့၊ သင်ကြားရေးအခွင့်အလမ်းများချဲ့ထွင်ဖို့၊ ကလေးငယ်တွေရဲ့ အသံတွေကို ပိုမိုကြားရပြီး ကျန်းမာတဲ့ပတ်ဝန်းကျင်မှာ ရှင်သန်ကြီးထွားလာစေဖို့ လူ့အဖွဲ့အစည်းအသီးသီးနဲ့ ပူး ပေါင်းလုပ်ဆောင်လျက်ရှိပါတယ်" ဟု ဂျာမနီမြန်မာသံရုံးက ဆိုသည်။

UNICEF နှင့် ဂျာမနီအစိုးရ ပူးပေါင်းဆောင်ရွက်မှုဖြင့် ၂၀၂၄ ခုနှစ်တွင် ကမ္ဘာတစ်ဝှမ်းသို့ အမေရိကန်ဒေါ်လာ သန်း ၆၇၀ ကျော် လှူဒါန်းခဲ့ပြီး ဂျာမနီနိုင်ငံသည် UNICEF ၏ အဓိက အလှူရှင်နိုင်ငံများထဲမှ တစ်နိုင်ငံအဖြစ် ဆက်လက်တည်ရှိနေကြောင်းလည်း ထုတ်ပြန်ချက်တွင် အသိပေးထားသည်။

20/11/2025

ရွေးကောက်ပွဲမဲဆွယ်စည်းရုံးပွဲမှာ ပေးခဲ့တဲ့ ကတိကဝတ်တွေအတိုင်း အထမြောက်အောင် မဆောင်ရွက်နိုင်ရင် လက်သီးနဲ့ဆွဲထိုးလို့ရတယ်ဆိုပြီး ပြည်ထောင်စုကြံ့ခိုင်‌ရေးနဲ့ ဖွံ့ဖြိုး‌ရေးပါတီ(USDP)ရဲ့ ဥက္ကဋ္ဌ ဦးခင်ရီက ပြောလိုက်ပါတယ်။

“ကျွန်တော်ဖွင့်ပြောမယ်..ကျွန်တော့်မျက်နှာကြီးပြပြီး ဖွင့်ပြောတာ။ မဟုတ်ရင် မင်းသားကြီး(နေအောင်)ပြောသလို ဆွဲသာထိုးလိုက်တော့” လို့ ဦးခင်ရီက ဆိုပါတယ်။

ဒီသတင်းအပြည့်အစုံနဲ့ အတူ နိုဝင်ဘာ ၂၀ ရက် သတင်းများကို ဘီဘီစီရဲ့ တိုက်ရိုက်ထုတ်လွှင့်မှု ဒီလင့်ခ် https://www.bbc.com/burmese/live/cn090qnp901t ကိုနှိပ်ရုံနဲ့ ဝင်ရောက်ဖတ်ရှုနိုင်ပါတယ်။

#ဘီဘီစီမြန်မာပိုင်း #ရွေးကောက်ပွဲ #ကြံ့ခိုင်ရေးပါတီ #စစ်တပ် #ရွေးကောက်ပွဲကြေညာစာတမ်း

20/11/2025

နိုင်ငံတကာအနေဖြင့် ကျားဖြန့် နှိမ်နင်းရေးအတွက် ဆိုက်ဘာလိမ်လည်မှုများကို အားပေးနေသော မြန်မာစစ်တပ်နှင့်ပူးပေါင်းခြင်းမပြုဘဲ တော်လှန်ရေးအဖွဲ့များနှင့် ပူးပေါင်းရန် KNU တိုက်တွန်း

ရန်ကုန်၊ နိုဝင်ဘာလ ၂၀

မြန်မာနိုင်ငံနယ်စပ်တလျှောက်ဖြစ်ပွားနေသော ကျားဖြန့်နှိမ်နင်းရေးနှင့်ပတ်သက်၍ မြန်မာစစ်တပ် နှင့် ပူးပေါင်းဆောင်ရွက်ခြင်းမပြုဘဲ တော်လှန်ရေးအဖွဲ့အစည်းများနှင့် ပူးပေါင်း လုပ်ဆောင်ရန် ကရင်အမျိုးသားအစည်းအရုံး-KNU ဗဟိုက နိုင်ငံတကာအသိုက်အဝန်းကို နိုဝင်ဘာလ ၁၉ ရက်နေ့စွဲဖြင့် ထုတ်ပြန် တိုက်တွန်းလိုက်သည်။

ကေအဲန်ယူ-ကရင်အမျိုးသားအစည်းအရုံး (KNU) အနေဖြင့် မိမိတို့နယ်မြေများနှင့်ထိစပ်လျက်ရှိ သော နေရာများ၊ မြန်မာပြည်တွင်းမှ မြို့ကြီးများ၊ နယ်စပ်ဒေသတလျှောက်အပြင် ဒေသတွင်းတစ်ခု လုံး ၌ အလျင် အမြန် ပျံ့နှံ့လာသော ကြီးမားသည့် နိုင်ငံတကာဖြတ်ကျော် အွန်လိုင်းငွေလိမ်မှုလုပ်ငန်း များ ကိ အလွန် သတိထား၍ အနီးကပ် စောင့်ကြည့်နေကြောင်း အသိပေးထားသည်။

ကမ္ဘာတစ်ဝှမ်းရှိ ထောင်သောင်းများစွာသော လူပုဂ္ဂိုလ် များနှင့် မိသားစုများစွာသည် အဆိုပါလုပ်ငန်း များ ကြောင့် စိတ်ပိုင်းဆိုင်ရာ၊ ငွေကြေးပိုင်းဆိုင်ရာနှင့် ရုပ်ပိုင်းဆိုင်ရာတို့ ထိခိုက်နစ်နာမှုများ ဖြစ်ပေါ် နေရသည့်အတွက် အလွန်ထိတ်လန့်စိုးရိမ်ရပါကြောင်း KNU ဗဟိုက ပြောဆိုထားသည်။

အလွန်ရှုပ်ထွေးပြီး နက်နက်ရှိုင်းရှိုင်း အမြစ်တွယ်နေသည့် ကြီးမားသော နိုင်ငံဖြတ်ကျော် ရာဇဝတ် ကွန်ရက်များကို ဖြိုခွင်းဖျက်ဆီးရန်အတွက် ထိခိုက်ခံစားနေရသည့် နိုင်ငံများအားလုံးအပါအဝင်၊ ဥပဒေ စိုးမိုးရေး အဖွဲ့အစည်းများနှင့် သက်ဆိုင်ရာအဖွဲ့အစည်းများအကြား ခိုင်မာသော ကတိကဝတ်၊ အားကောင်းသော ခေါင်းဆောင်မှုနှင့် ပူးပေါင်းဆောင်ရွက်မှုဖြင့်သာလျှင် ထိရောက်အောင်မြင်နိုင် မည်ဟု ခိုင်မာစွာ ယုံကြည်ပါကြောင်း ဆက်လက်ပြောဆိုထားသည်။

ထို့ကြောင့် မိမိတို့ ကေအဲန်ယူ- ကရင်အမျိုးသားအစည်းအရုံးသည် အရှေ့တောင်အာရှဒေသရှိ အွန် လိုင်း ငွေလိမ်မှုလုပ်ငန်းများနှင့် ဆက်စပ်ရာဇဝတ်မှုများကို နှိမ်နင်းရေးအတွက် မကြာသေးမီက နိုင်ငံ တကာ၏ အောက်ဖော်ပြပါ ဖွဲ့စည်းထူထောင်မှုများနှင့် ကြိုးပမ်းဆောင်ရွက်မှုများကို ကြိုဆိုပြီး ထိုသို့ ဆောင်ရွက်မှုများတွင်လည်း တစိတ်တပိုင်းအဖြစ် ပါဝင်သွားမည်ဖြစ်ကြောင်း ကတိပြုထားသည်။

မြန်မာနိုင်ငံရှိ အွန်လိုင်းငွေလိမ်မှုတိုက်ဖျက်ရေးကိစ္စနှင့်ပတ်သက်၍ နိုင်ငံတကာ၏လှုပ်ရှားမှုသည် အစိုးရအချင်းချင်းဗဟိုပြုချဉ်းကပ်မှုပုံစံကိုစွဲကိုင်ပြီး မြန်မာစစ်တပ်နှင့်သာ ပူးပေါင်းမည်ဆိုပါက ထိ ရောက်အောင်မြင်နိုင်မှုမရှိသည့်အပြင် ပြည်သူလူထုအပေါ် မလိုလားအပ်သော ဆိုးကျိုးများ သက် ရောက်လာနိုင်ကြောင်း အသိပေးထားသည်။

အဘယ်ကြောင့်ဆိုသော် မြန်မာစစ်တပ်သည် ထိုအွန်လိုင်းငွေလိမ်မှုလုပ် ငန်းများ ဖြစ်ပေါ်လာရေးကို တစ်ဖက်တလှမ်းမှ အားပေးသကဲ့သို့ ၎င်းလုပ်ငန်းများမှ အကျိုးအမြတ်ရ ရှိနေသည့် အဖွဲ့အစည်း ဖြစ် နေသောကြောင့်ဖြစ်ကြောင်း၊ ထို့အပြင် မြန်မာစစ်တပ်သည် အွန်လိုင်း ငွေလိမ်မှုလုပ်ငန်းများကို နိုင်ငံ တကာနှင့်အတူ တိုက်ဖျက်မည်ဟုအကြောင်းပြ၍ ၎င်းတို့၏ နိုင်ငံတကာ သံတမန်ဆက်ဆံရေးများ ချဲ့ထွင်ရန်၊ ၎င်းတို့ အုပ်ချုပ်ရေး တရားဝင်မှုရရှိရန်နှင့် အင်အားအလွန်အကျွံ သုံးစွဲခြင်းအတွက် အခွင့်ကောင်းယူကာ ပြည်သူများအပေါ် ရက်စက်ကြမ်းကြုတ်မှုများ ဆက်လက်၍ ပိုမိုကျူး လွန်သွားမည်ကို စိုးရိမ်ပါကြောင်း ဆက်လက် အသိပေးထားသည်။

ထိုသို့ စိုးရိမ်မှုကြီးထွားလာစေသော အကြောင်းအရာနောက်ထပ်တစ်ခုမှာ မြန်မာစစ်တပ်နှင့်ကရင် နယ်ခြားစောင့်တပ်ဖွဲ့ (BGF) တို့ ပူးပေါင်းပြီး KK Park ရှိအွန်လိုင်းငွေလိမ်စင်တာများကို အင်အားသုံး ဖြို ခွင်းရာမှ ထွက်ပြေးလာသူများသည် KNU အုပ်ချုပ်ရေးနယ်မြေသို့ ရောက်ရှိလာကြောင်း၊ အထူး သဖြင့် ဒူးပလာယာခရိုင်နှင့် ဖားအံခရိုင်တို့သည် ဤပြဿနာကို လက်ငင်းကြုံတွေ့နေရကြောင်း KNU ဗဟိုက ပြောဆိုထားသည်။

ထိုရောက်ရှိလာသူများသည် အတင်းအကြပ်အဓမ္မစေခိုင်းခံရသူများ သို့မဟုတ် အွန်လိုင်းငွေလိမ်မှု လုပ်ငန်းများတွင် အောက်ခြေသာမန်ဝန်ထမ်းများသာဖြစ်သည်ဟု ယူဆရပြီး ရာဇဝတ်ဂိုဏ်းများ၏ တာဝန်ရှိ အကြီးပိုင်းပုဂ္ဂိုလ်များကို ကြိုတင်၍ လုံခြုံသောနေရာများသို့ ရွှေ့ပြောင်းထားပြီးဖြစ်သည် ကို ထွက်ပေါ်နေသည့်သတင်းများနှင့် ယှဉ်ထိုးကြည့်ပါက သိနိုင်ကြောင်း၊ ယခုကဲ့သို့အငယ်ပိုင်းနှင့် သာမန် ဝန်ထမ်းများကို အစီစဉ်တကျမဟုတ်ပဲ ဖြိုခွင်းနှင်ထုတ်ခြင်းသည် ပြဿနာ၏ အရင်းခံအ ကြောင်းရင်းကို ဖြေရှင်းနိုင် ခြင်းမရှိဘဲ နယ်စပ်ဒေသများတွင် မတည်ငြိမ်မှုများ ပိုမိုဆိုးရွာစေမည် သာဖြစ်ကြောင်း ထောက်ပြထားသည်။

KNU အနေဖြင့် နိုင်ငံဖြတ်ကျော် အွန်လိုင်းငွေလိမ်မှုကွန်ရက်များနှင့် ၎င်းနှင့်ဆက်စပ်ရာဇဝတ်မှုများ ဖြစ်သော လိမ်လည်မှုများ၊ ငွေကြေးခဝါချမှုများ၊ မူးယစ်ဆေးဝါးရောင်းဝယ်မှုများနှင့် လူကုန်ကူးမှုများ တို့ကို တိုက်ဖျက်သွားရန်နှင့် ပပျောက်သွားစေရန် ရည်ရွယ်ပြီး နိုင်ငံတကာနှင့် ဒေသတွင်းကြိုးပမ်းမှု များအား လုံးတွင် လေးနက်သောတာဝန်ယူမှု၊ ကတိကဝတ်ပြုမှုနှင့်အတူ တက်ကြွစွာအပြည့်အဝ ပူး ပေါင်း ဆောင်ရွက်သွားရန် အသင့်ရှိကြောင်း အတိအလင်းထုတ်ပြန်ကြေညာထားသည်။

ဤကဲ့သို့ ပြည်သူ၊ လူအများ၏လုံခြုံရေးကို ကြီးမားစွာခြိမ်းခြောက်နေသော ဤရာဇဝတ်လုပ်ငန်းများ တားမြစ်တိုက်ဖျက်ရေးကို ထိထိမိမိဦးစားပေးဆောင်ရွက်နိုင်ရန်နှင့် ထိုင်းနိုင်ငံနှင့်နိုင်ငံတကာ အဖွဲ့အ စည်းများ၏ ကြိုးပမ်းမှုတွင် ထိရောက်စွာ ကူညီပံ့ပိုးနိုင်ရန်အတွက် မိမိတို့ ကေအဲန်ယူ- ကရင်အမျိုး သား အစည်းအရုံး၏ အဆင့်မြင့်ခေါင်းဆောင်များပါဝင်သည့် အထူးအဖွဲ့တစ်ဖွဲ့ကို ဖွဲ့စည်းလိုက်ပြီး မြေပြင်ရှိ တာဝန်ရှိသူများနှင့် ချိတ်ဆက်ဆောင်ရွက်လျက်ရှိကြောင်း သိရသည်။

ကေအဲန်ယူ- ကရင်အမျိုးသားအစည်းအရုံး သည် ကောင်းမွန်သောအုပ်ချုပ်မှုကို မြှင့်တင်ရန်၊ လူ့ဂုဏ် သိက္ခာကို ကာကွယ်ရန်နှင့် မိမိတို့၏အုပ်ချုပ်မှုအောက်ရှိ နယ်မြေအားလုံးတွင် လုံခြုံရေးနှင့် တရား ဥပဒေ စိုးမိုးရေးကို ထိန်းသိမ်းစောင့်ရှောက်ရန် ကတိကဝတ်အား ခိုင်မာစွာဖြင့် ထပ်လောင်း၍ အ တည်ပြုပါကြောင်း၊ အွန်လိုင်းငွေလိမ်မှုစင်တာများ၊ လူကုန်ကူးမှုနှင့် နိုင်ငံဖြတ်ကျော် ရာဇဝတ်မှုများ သည် ဒေသတွင်း ငြိမ်းချမ်းရေးနှင့် တည်ငြိမ်ရေးကို မိမိတို့ရပ်ရွာအသိုက်အဝန်းများနှင့်အတူတကွ ဆက်စပ်ယှဉ်တွဲနေ ထိုင်နေကြသောအသိုက်အဝန်းများ၏ ကောင်းကျိုးချမ်းသာအတွက် ကြီးမား သော ခြိမ်းခြောက်မှုများ အဖြစ် ရှုမြင်ပါကြောင်း ထုတ်ပြန်ထားသည်။

အွန်လိုင်းငွေလိမ်စင်တာများထဲတွင် ပိတ်မိနေသည့် သို့မဟုတ် ထွက်ပြေးလာသည့် များစွာသော မြန်မာနိုင်ငံသားများ၊ ဒေသတွင်းမှရွှေ့ပြောင်းအလုပ်သမားများ၊ အခြားနိုင်ငံသားများကို ကယ်ဆယ် ရေး၊ မည်သူမည်ဝါသတ်မှတ်ရေးနှင့် ဘေးကင်းစွာနေရပ်ပြန်ပို့ရေးတို့အတွက် ညှိနှိုင်းကူညီမှုများစွာ လိုအပ်နေပြီး ယင်းလုပ်ငန်းများနှင့်အတူ အွန်လိုင်းငွေလိမ်မှုနှင့် အခြားဆက်စပ်ရာဇဝတ်မှုများကို ထိရောက်စွာ ကိုင်တွယ်ဖြေရှင်းနိုင်ရေးအတွက် ကရင်အမျိုးသားအစည်းအရုံးက နိုင်ငံ တကာအသိုင်း အဝိုင်းနှင့် ဒေသတွင်းမိတ်ဖက်အဖွဲ့အစည်းများထံမှ နည်းပညာနှင့် အကြံပေးပံ့ပိုး ကူညီမှုများ လိုအပ် သလို အပြုသဘောဆောင်သောဝေဖန်မှုများကို ကြိုဆိုပါကြောင်း အသိပေးထားသည်။

နိုင်ငံတကာသံတမန်အသိုင်းအဝိုင်းအနေဖြင့် လူကုန်ကူးခံရသူများနှင့် အွန်လိုင်းငွေလိမ်စင်တာများ တွင် အနိုင်ကျင့်အမြတ်ထုတ်ခံရသူများအား အကာအကွယ်ပေးရေးလုပ်ငန်းများ ဆောင်ရွက်ရာ တွင် မြန်မာ့ ဒီမိုကရေစီအရေးအတွက် တော်လှန်လှုပ်ရှားနေသော အုပ်ချုပ်ရေးဆိုင်ရာအဖွဲ့အစည်း များ၊ အခြား သက်ဆိုင်ရာအရပ်ဘက်အဖွဲ့အစည်းများတို့နှင့် ပူးပေါင်းဆောင်ရွက်ရန်ကေအဲန်ယူ-ကရင် အမျိုး သား အစည်းအရုံးက အလေးအနက် တိုက်တွန်းထားသည်။

ကျားဖြန့်လုပ်ငန်းများတွင် အတင်းအကျပ်စေခိုင်းခံရမှု သို့မဟုတ် အလွဲသုံးစားအနိုင်ကျင့်ခံရမှုများမှ ထွက်ပြေးလာသူများ အတွက် ခိုလှုံစရာများ၊ အရေးပေါ်ဝန်ဆောင်မှု များနှင့် အကာအကွယ်ပေးသည့် ယန္တရားများအပါ အဝင် နယ်စပ်တလျှောက်တွင် လူသားချင်းစာနာ ထောက် ထားမှုဆိုင်ရာ ကူညီပံ့ပိုးမှုများ အား ကောင်းစေရန်အတွက် နိုင်ငံတကာအသိုင်းအဝိုင်းမှ ဝိုင်းဝန်းကူညီပေးကြပါရန် ကေအဲန်ယူ- ကရင် အမျိုးသား အစည်းအရုံးက ဆက်လက် တောင်းဆိုထားသည်။

ဓာတ်ပုံ- အီးပီအေ။

20/11/2025

အမေရိကန်သမ္မတ ဒေါ်နယ်ထရမ့်နဲ့ ဘီလျံနာဘောလုံးသမား ခရစ္စတီယာနို ရော်နယ်ဒိုတို့ အိမ်ဖြူတော်က သမ္မတရုံးခန်းမှာ တွေ့ဆုံခဲ့ကြပါတယ်။

ရော်နယ်ဒိုက သူနဲ့ သူ့ရဲ့ အနာဂတ်ဇနီးလောင်းကို နွေးထွေးစွာဖိတ်ကြားကြိုဆိုပေးလို့ သမ္မတကြီးနဲ့ သမ္မတကတော်တို့ကို ကျေးဇူးတင်တယ်လို့ သူ့ရဲ့ လူမှုကွန်ရက်စာမျက်နှာမှာ ရေးထားပါတယ်။

''ကျွန်တော်တစ်ယောက်ချင်းစီတိုင်းမှာရှိတဲ့ အဓိပ္ပါယ်ရှိတဲ့အရာတွေနဲ့ ရေရှည်တည်တံ့ခိုင်မြဲတဲ့ ငြိမ်းချမ်းတဲ့ အနာဂတ်ကို တည်ဆောက်နိုင်ဖို့ မျိုးဆက်သစ်တွေကို အားပေးလက်ဆင့်ကမ်းဖို့ အသင့်ပါပဲ'' လို့လည်း ရော်နယ်ဒိုက ပြောထားပါတယ်။

ဘီလျံနာဘောလုံးသမားနဲ့ သမ္မတထရမ့်တွေ့ဆုံတာကို အိမ်ဖြူတော်ရဲ့ လူမှုကွန်ရက်မှာလည်းဖော်ပြထားပါတယ်။

ဒီ့မတိုင်ခင်က ဆော်ဒီအိမ်ရှေ့မင်းသား မိုဟာမက် ဘင် ဆယ်လ်မန် ကို အမေရိကန်သမ္မတ ဒေါ်နယ်ထရမ့်က ဧည့်ခံတဲ့ အိမ်ဖြူတော်ညစာစားပွဲမှာ ဘီလျံနာဘောလုံးသမား ခရစ္စတီယာနို ရော်နယ်ဒိုလည်း တက်ရောက်ခဲ့ပါတယ်။

ဆော်ဒီလိဂ်မှာကစားနေတဲ့ ရော်နယ်ဒိုဟာ ဆော်ဒီအိမ်ရှေ့မင်းသားရဲ့ အမေရိကန်ခရီးစဥ်မှာ ပါဝင်ခဲ့တာဖြစ်ပါတယ်။

#ဘီဘီစီမြန်မာပိုင်း #ဆော်ဒီအာရေဗျ #ခရစ္စတီယာရော်နယ်ဒို #ဒေါ််နယ်ထရမ့်

19/11/2025

မင်းသားလေးနဲ့ 🤭🙈💜

19/11/2025

ဟိန်းဝေယံရဲ့Dinner ပွဲညမှာဘဲ ကိုကိုအချစ်ဦး သီချင်းကို မျက်ရည်တွေနဲ့ သီဆိုခဲ့တဲ့ အဆိုတော် ဝိုင်းစုခိုင်သိန်း 😓💔

တစ်ဘက်က ပျော်လို့ တစ်ဘက်ကတော့ နာကျင်မှုတွေနဲ့...သူလည်း ခံစားနေရာမှာပေါ့နော်

19/11/2025

မင်းကင်း PDF မှ ဒုရင်းမှူး နဲ့ ရဲဘော် ၁၄ ဦးတို့မြင့်မြတ်စွာကျဆုံး🥀💔
-
စစ်ကိုင်းတိုင်း၊မင်းကင်းမြို့နယ်ပြည်သူ့ကာကွယ်ရေးတပ် တပ်ရင်း (၃) ကလေးခရိုင် အမှတ် (၉)တပ်ရင်းမှ ဒုတိယတပ်ရင်းမှူး နဲ့ ရဲဘော် ၁၄ ဦးတို့ဟာ ကချင်ပြည်နယ် ရှေ့တန်းတိုက်ပွဲ အသီးသီးမှာ မြင့် မြတ်စွာ ကျဆုံးခဲ့ တယ်လို့ MKPDF-3 ကထုတ်ပြန်အသိပေး.
-
ကျဆုံးရဲဘော်များ ကောင်းမွန်ရာ ဘုံဘ၀မှာ မြင့်မြတ် အေးချမ်းစွာ အနားယူကြပါ..😢🙏
စွန့်လွှတ် မှုများကို အစဉ်လေးစား ဦးညွတ် အလေးနီပြုပါတယ်.🫡

19/11/2025

ကရင်နီအမျိုးသားတိုးတက်ရေးပါတီ (KNPP)နဲ့ ကရင်အမျိုးသားအစည်းအရုံး(KNU) တို့က အမျိုးသားညီညွတ်ရေး အတိုင်ပင်ခံကောင်စီ (NUCC) ရဲ့ အဖွဲ့ဝင်အဖြစ်ပါဝင်မှုကနေ ယာယီရပ်ဆိုင်းလိုက်တယ်လို့ KNPP အထွေထွေအတွင်းရေးမှူး ခူးပလူးရယ်က ဘီဘီစီ ကို ပြောပါတယ်။

“ယာယီ ရပ်ဆိုင်းတယ်လို့ပဲ ရေးထားတယ်။ တိုက်ရိုက်ပဲ ယာယီရပ်ဆိုင်းလိုက်တယ်ဆိုတဲ့ ပုံစံမျိုးပဲ။ သူတို့ဆီကို စာပို့လိုက်တယ်။ KNU လည်း ထုတ်တယ်။ ကျွန်တော်တို့လည်း ထုတ်တယ်” လို့ ခူးပလူးရယ် ကပြောပါတယ်။

ဒီသတင်းအပြည့်အစုံနဲ့ အတူ နိုဝင်ဘာ ၁၉ ရက် သတင်းများကို ဘီဘီစီရဲ့ တိုက်ရိုက်ထုတ်လွှင့်မှု ဒီလင့်ခ် https://www.bbc.com/burmese/live/c0jdxlzj9lxt ကိုနှိပ်ရုံနဲ့ ဝင်ရောက်ဖတ်ရှုနိုင်ပါတယ်။

#ဘီဘီစီမြန်မာပိုင်း #ကရင်နီ

19/11/2025

မြန်မာနိုင်ငံမှာရှိတဲ့ KK Park လို အွန်လိုင်းလိမ်လည်မှုနေရာတွေကို တိုက်ဖျက်ဖို့အတွက် ပြောဆိုလာမှုရဲ့ နောက်ကွယ်မှာ Hidden Agenda နက်နဲတဲ့ လျှို့ဝှက်ရည်ရွယ်ချက် တစ်ခုရှိနေနိုင်တယ်လို့ စစ်ကော်မရှင်ပြောခွင့်ရ ဗိုလ်ချုပ်ဇော်မင်းထွန်းက ပြောပါတယ်။

KK Park လို အွန်လိုင်းလိမ်လည်ဂိုဏ်းနေရာတွေကို တိုက်ဖျက်ဖို့ အတွက် Royal Thai Police War Room Task Force နဲ့ အတူပူးပေါင်းဆောင်ရွက်ဖို့ ဘန်ကောက်ကို FBI အေးဂျင့်များစေလွှတ်ခဲ့တယ်ဆိုတာ အပါအဝင် မြန်မာကကျားဖြန့်ဂိုဏ်းတွေနဲ့ ပတ်သက်ပြီး အမေရိကန်ဘက်ပြောဆိုချက်တချို့ဟာ ရည်ရွယ်ချက် ရှိနိုင်တယ်ဆိုပြီး သူကပြောတာပါ။

ဒီသတင်းအပြည့်အစုံနဲ့ အတူ နိုဝင်ဘာ ၁၉ ရက် သတင်းများကို ဘီဘီစီရဲ့ တိုက်ရိုက်ထုတ်လွှင့်မှု ဒီလင့်ခ် https://www.bbc.com/burmese/live/c0jdxlzj9lxt ကိုနှိပ်ရုံနဲ့ ဝင်ရောက်ဖတ်ရှုနိုင်ပါတယ်။

#ဘီဘီစီမြန်မာပိုင်း #ကျားဖြန့် #မြဝတီ #အမေရိကန်

Chinland Express

21/11/2025

21/11/2025

21/11/2025

20/11/2025

20/11/2025

20/11/2025

20/11/2025

19/11/2025

19/11/2025

19/11/2025

19/11/2025

19/11/2025

Address

Telephone

Website

Alerts

Contact The Business

Shortcuts

Share

Category