09/06/2025
၂၀၂၂ ခုနှစ် ဂျွန်လ။
Budapest မှာ ရေထဲ အလှသရုပ်ဖေါ်ကူးခတ်တဲ့
the World Championships ပြိုင်ပွဲမှာ
မက္ကဆီကိုဖွါး အမေရိကန်နိုင်ငံသူ Anita Álvarez ဟာ
ပြစ်မျိုးကင်းစင် သရုပ်ဖေါ်ကူးခတ်ပြနေတယ်။
သူ့ကဏ္ဍ ပြီးသွားပြီ၊ လက်ခုပ်သံတွေလည်း ညံလို့။
ဒါပေမဲ့ သူမ ရေပေါ် ပေါ်မလာဘူး။
အမှန်တော့ သူမ မေ့မျောသွားတာ။
ခန္ဓာကိုယ်ဟာ ရေပေါ်တချက်ပေါ်လာပြီး
တဖြေဖြေးပြန်မြုပ်သွားတယ်။
တဖြေးဖြေးနစ်မြုပ်သွားတာ ရေကန်အောက်ခြေအထိပဲ။
ဒါပေမဲ့ ဘယ်သူမှ သတိမထားမိကြဘူး။
အားပေးကြည့်ရှုနေတဲ့ ပရိဿတ်တွေ သတိမထားမိသလို
ဒိုင်တွေကလည်း သတိမထားမိကြဘူး။
သူမ ဆက်ဖျော်ဖြေနေတုန်း လို့ထင်ကြပြီး
အားလုံး လက်ခုပ်တီးပေးနေကြတယ်။
ဒါပေမဲ့ သတိထားမိသူ တဦးတော့ရှိတယ်။
အဲဒါက သူမကိုလေ့ကျင့်ပေးတဲ့သူ
သူမရဲ့coach ဖြစ်သူ Andrea Fuentes ပါ။
သူမက Anita အကြောင်း ကောင်းကောင်းသိနေတယ်။
အချိန်ဘယ်လောက်ကြာရင် ရေပေါ်ပြန်ရောက်ရမယ်
ဆိုတာ တိတိကျကျသိတယ်။
ခုလည်း Andrea ရဲ့နှလုံးသားထဲကကို သိနေတယ်၊
Anita တခုခုတော့မှားနေပြီ။
နှစ်ခါ ပြန်မစဉ်းစားတော့ပဲ
အင်္ကျီအဝတ်အစားအပြည့် ရှူးဖိနပ်စီးလျှက်
ရေထဲကို ဒိုက်ထိုးပြီး ရေကန်အောက်ခြေအထိ
တောက်လျှောက်ကူးသွားတယ်။
Anita ကိုတွေ့တာနဲ့ ခါးကိုသိုင်းဖက်ပြီး
ရေပေါ်ကို ပြန်ကူးတက်လာခဲ့တယ်။
သူမ Anita အသက်ကို ကယ်လိုက်နိုင်တယ်။
ဒါ တကယ့်အဖြစ်အပျက်တခုပါ။
အဲဒိီကနေ စဉ်းစားစရာတွေ ရှိလာတယ်။
သင့်အမူအယာကိုကြည့်ပြီး
သင် အဆင်ပြေနေသလား မပြေဘူးလား
သတိထားမိတဲ့သူ ဘယ်သူရှိမလဲ၊
သင့်ကို တိတိကျကျသတိထားမိတဲ့သူ ရှိရဲ့လား။
သင် ပြုံးနေရင်တောင်မှ
အတွင်းစိတ်မှာ ဘာဖြစ်နေသလဲ သိတဲ့သူ ရှိသလား။
သင်ရေနစ်နေပြီး
ရေပေါ်ပြန်ကူးခတ်တက်နိုင်တဲ့အား မရှိတော့တဲ့အခါ
ဘယ်သူက တုန့်နှေးမှုမရှိပဲ
ရေထဲဒိုက်ထိုးဆင်း ကယ်မလဲ။
ပိုအရေးကြီးတဲ့အချက်က
သင်ကရော တယောက်ယောက်အတွက်
အဲလိုသတိထားပေးမယ့်သူ ကယ်တင်ပေးမယ့်သူ
ဖြစ်နိုင်မလား။
သင်ချစ်ရပါတယ် ဆိုတဲ့သူတယောက်အတွက်
ရေနစ်နေတာ သတိထားမိတဲ့အခါ
ဒိုက်ထိုးဆင်းပြီး ဆယ်ယူလာတဲ့သူ ဖြစ်နိုင်မလား။
ဒါမှမဟုတ်
ဘာဖြစ်လို့ ဖြစ်မှန်းမသိပဲ လက်ခုပ်တီးကောင်းတုန်း
ဆိုတဲ့သူများ ဖြစ်နေမလား။
အမှန်တော့ ကျုပ်တို့အားလုံးလိုအပ်တာက
ကျုပ်တို့ကို ကြည့်နေကြတဲ့သူတွေ မလိုပဲ
သတိထားပေးနေတဲ့သူတွေ လိုအပ်နေတာပါ။
ကျုပ်တို့ အရှူံးပေးလုပြီ ဆိုတာသိပြီး
ဝင်တားပေး ဝင်ကယ်ပေးတဲ့သူတယောက်ယောက်
ရှိနေဖို့ပါပဲ။
Interesting World မှဖတ်ယူသည်။
