04/12/2024
تمہاری زلف میں پہنچی تو حسن کہلائی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کہتے ہیں کہ جن کے مکان شیشے کے ہوتے ہیں وہ دوسرے کے گھروں پر پتھر نہیں پھینکتے اور جو ایسا کرتے ہیں ان کوانتہائی احمق،بیوقوف،گاودی ،بلاوجہ اپنا نقصان اٹھانے والااورعاشقی میں عزت سادات؟ گنوانے والا کہا جاتا ہے۔یہی کچھ آج کے بعض نام نہاد منہج کے ٹھیکیدار کرتے نظرآتے ہیں اورلطیفہ یہ ہے کہ بہت سارے بےسواد،کم عقل، جاہل مطلق،بے دال کے بودم،بے ف کے فخر ،سفہاء الاحلام اور حدثاء الاسنان بلکہ گندم نما جوفروش لوگ اس نام نہاد منہج کے ٹھیکیدار کی ہاں میں ہاں ملانے ، اس کے ہر غلط تصرف اور بیان کوجسٹی فائی کرنے اور اس کی ہربات کو پہاڑی کا وعظ گردانتے نہیں تھکتے۔حتیٰ کہ اس کے گوز کی بدبو کو بھی مشک وعنبر سمجھتے ہیں۔ لاحول ولاقوۃ الاباللہ
اگر ایسی بات نہ ہوتی تو ایک اندھ بھکت منہج کے ٹھیکیدار ادارہ میں کسی تبرائی کی صدارت کی توجیہ بایں طور نہیں کی جاتی کہ اس منہجی مدرسے کا طالب علم 32کریٹ کا سونا ہے ،اس کے اوپرکسی کا اثر نہیں ہوسکتا۔جب نابالغ طلبا32کریٹ کا سونا ہوسکتا ہے تو پورے ہندوستان کا اہل حدیث جس نے پوری عمر عقیدہ ومنہج کی پاکیزہ کیاری میں زندگی بسر کی ہے اور کتاب وسنت کے سائے میں بال سفید کئے ہیں ،وہ اس قدرکھوٹا سونا ہیں کہ ایک سرکاری مولوی کی تقریر سے ان کے عقیدہ ومنہج کے اندر فساد وبگاڑ آجائے اور اس فساد وبگاڑ کی اصلاح کیلئے خطبہ جمعہ جیسی عظیم الشان عبادت کا سہارا لیا جائے؟ ہائے ہوئے کس درجہ فقیہان حرم بے توفیق
غالب نے کہا تھا
تمہاری زلف میں پہنچی تو حسن کہلائی
وہ تیرگی جو میرے نامہ سیاہ میں تھی
وہ شخصی ادارہ جس کے اندر ایک چڑیا بھی بلا اجازت پر نہیں مارسکتی ہو،وہاں کسی غیرمنہجی کا بطور صدر مجلس ورود ہوجائے اور صرف ورود ہی نہیں ہو بلکہ اسے ورود مسعود ثابت کرنے کیلئے پروگرام کی رپورٹ سوشل میڈیا پر ڈالی جائے اورواہ واہی لوٹنے کی کوشش کی جائے،پھر جب اسکی وضاحت طلب کی جائے تو عذرگناہ بدتر ازگناہ کے قبیل سے یوں کی جائے کہ قبلہ منہجیان کو اس کا علم نہیں تھا۔ ہائے اس سادگی پہ کون نہ مرجائے اے خدا
کسی نے قبلہ منہجیان کے فیس بک اکاونٹ پر خوب حق بیانی کی(جسے فوراً ڈلیٹ کردیا گیا) کہ یہ کوئی پہلا واقعہ نہیں ہے ۔ یہ تبرائی ادیب چار سے پانچ مرتبہ اس منہجستان میں تشریف لاچکے ہیں اور ان کے علاوہ بھی متعدد ائمہ معاندین منہج مثلاً پروفیسر شفیق عالم خان ندوی،اشعری،سہروردی سے لیکر عمر گوتم تک اس دارالعلوم میں آکر منہج پڑھا چکے ہیں ۔اسی کو کہتے ہیں شیخ کے نقشِ قدم یوں بھی اور یوں بھی۔۔۔۔۔۔۔۔۔۔۔
اگر انکی سلفیت و منہجیت یہی ہے تو ان کو کوئی حق نہیں پہنچتا کہ
زید پٹیل ، کفایت اللہ سنابلی ،سرفراز فیضی، ڈاکٹر عبیدالرحمن مدنی وغیرہ سلفي آئیکونس کی منہجیت کے بارے میں اُپدیش دیتے پھریں۔ابا حضور بھی بڑے منہجی مشہور تھے لیکن اس کے علاوہ بھی ان کی (۔۔۔) مشہور تھی۔سچ کہا ہے کسی نے:
اگر ہمیں مکتب ہمیں ملا
کار طفلاں تمام خواہد شد
ادارہ میراث میں ملا ہے ۔ادارہ چلاؤ اور خوش رہو،بڑوں کا احترام کرو،چھوٹوں پر شفقت کرنا سیکھو اور سکھاؤ،کسی کے پھٹے میں پاؤں ڈالنا دانشمندی اور ادارہ کے مفاد میں نہیں ہے۔
باتیں بہت ہیں ۔عقلمنداں را اشارہ کافی است.....
لام قاف منہجی
منقول
