Rethink Books

Rethink Books ਕਿਤਾਬਾਂ ਦੀ ਇਕ ਝੰਝੋੜ ਦੇਣ ਵਾਲੀ ਦੁਨੀਆ

ਖ਼ਾਮੋਸ਼ ਰਾਹਾਂ ਦੇ ਭੇਦਜਲਦ….
26/08/2025

ਖ਼ਾਮੋਸ਼ ਰਾਹਾਂ ਦੇ ਭੇਦ

ਜਲਦ….

ਸ਼ੁਰੂ ਵਿਚ ਚੁੱਪ ਸੀ, ਅਤੇ ਚੁੱਪ ਹੀ ਸਭ ਤੋਂ ਡੂੰਘੀ ਗੱਲ ਕਹਿ ਰਹੀ ਸੀ. ਜਿੱਥੇ ਹਵਾ ਵੀ ਰੁਕ ਕੇ ਸੁਣਦੀ ਹੈ, ਉੱਥੇ ਮੈਂ ਇਕ ਦ੍ਰਿਸ਼ ਦੇਖਿਆ: ਦੋ ਅ...
16/08/2025

ਸ਼ੁਰੂ ਵਿਚ ਚੁੱਪ ਸੀ, ਅਤੇ ਚੁੱਪ ਹੀ ਸਭ ਤੋਂ ਡੂੰਘੀ ਗੱਲ ਕਹਿ ਰਹੀ ਸੀ. ਜਿੱਥੇ ਹਵਾ ਵੀ ਰੁਕ ਕੇ ਸੁਣਦੀ ਹੈ, ਉੱਥੇ ਮੈਂ ਇਕ ਦ੍ਰਿਸ਼ ਦੇਖਿਆ: ਦੋ ਅਲੱਗ ਧਾਰਾਵਾਂ ਇਕ ਅਦ੍ਰਿਸ਼ਟ ਸਾਗਰ ਵਿਚ ਮਿਲ ਰਹੀਆਂ ਸਨ. ਇਕ ਪੱਛਮੀ ਹਵਾ ਦੀ ਤਰ੍ਹਾਂ, ਜੋ ਘਾਹ ਦੀ ਖੁਸ਼ਬੂ ਅਤੇ ਖੁੱਲ੍ਹੇ ਸਮੁੰਦਰ ਦੀਆਂ ਲਹਿਰਾਂ ਨਾਲ ਭਰੀ ਹੋਈ ਸੀ. ਦੂਜੀ ਪੂਰਬੀ ਪਵਣ ਵਾਂਗ, ਜਿਸ ਵਿਚ ਬੂੰਦਾਂ ਦੀ ਚਮਕ ਅਤੇ ਗੁਰੂ ਦੇ ਸ਼ਬਦ ਦਾ ਅੰਮ੍ਰਿਤ ਵਸਿਆ ਹੋਇਆ ਸੀ.

ਇਸ ਮਿਲਨ ਦੇ ਕੇਂਦਰ ਵਿਚ ਦੋ ਰੂਹਾਂ ਤੈਰ ਰਹੀਆਂ ਸਨ — ਇਕ ਵਾਲਟ ਵਿਟਮੈਨ ਦੀ, ਜੋ ਹਰ ਛੋਟੇ ਘਾਹ ਦੇ ਪੱਤੇ ਵਿਚ ਬ੍ਰਹਿਮੰਡ ਦੀ ਵਿਸ਼ਾਲਤਾ ਨੂੰ ਪੜ੍ਹਦਾ ਸੀ, ਅਤੇ ਦੂਜੀ ਪ੍ਰੋ. ਪੂਰਨ ਸਿੰਘ ਦੀ, ਜੋ ਪਾਣੀ ਦੀ ਇਕ ਬੂੰਦ ਵਿਚ ਅਕਾਸ਼ ਨੂੰ ਵੇਖਦਾ ਸੀ. ਉਨ੍ਹਾਂ ਦੇ ਸਰੀਰ ਵੱਖਰੇ ਸਨ, ਪਰ ਉਨ੍ਹਾਂ ਦੀਆਂ ਰੂਹਾਂ ਇੱਕੋ ਹੀ ਸੱਚ ਦੀ ਖੋਜ ਵਿਚ ਨਿਕਲੀਆਂ ਸਨ. ਇਕ ਨੇ ਖੁੱਲ੍ਹੇ ਆਕਾਸ਼ ਹੇਠ ਮਨੁੱਖ ਦੀ ਆਜ਼ਾਦ ਆਤਮਾ ਦਾ ਗੀਤ ਗਾਇਆ, ਦੂਜੇ ਨੇ ਗੁਰੂਆਂ ਦੀ ਧਰਤੀ ‘ਤੇ ਪ੍ਰੇਮ ਦੇ ਸੱਚ ਵਿਚ ਡੁੱਬ ਕੇ ਰੂਹ ਦੀ ਰੌਸ਼ਨੀ ਨੂੰ ਪਛਾਣਿਆ.

ਕਿਤਾਬ ਜਲਦ ਤੁਹਾਡੇ ਹੱਥ ਹੋਏਗੀ…in

ਤਹਿਮੀਨਾ ਦੁੱਰਾਨੀ ਦੀ ਆਤਮ-ਕਥਾ “ਮੇਰੇ ਆਕਾ” ਪਾਕਿਸਤਾਨੀ ਸਮਾਜ ਦੇ ਪਿਤਾ-ਪ੍ਰਧਾਨ ਢਾਂਚੇ, ਰਾਜਨੀਤਿਕ ਪਾਖੰਡ ਅਤੇ ਔਰਤਾਂ ਉੱਤੇ ਹੋਣ ਵਾਲੇ ਜ਼ੁਲਮਾ...
01/08/2025

ਤਹਿਮੀਨਾ ਦੁੱਰਾਨੀ ਦੀ ਆਤਮ-ਕਥਾ “ਮੇਰੇ ਆਕਾ” ਪਾਕਿਸਤਾਨੀ ਸਮਾਜ ਦੇ ਪਿਤਾ-ਪ੍ਰਧਾਨ ਢਾਂਚੇ, ਰਾਜਨੀਤਿਕ ਪਾਖੰਡ ਅਤੇ ਔਰਤਾਂ ਉੱਤੇ ਹੋਣ ਵਾਲੇ ਜ਼ੁਲਮਾਂ ਨੂੰ ਨੰਗਾ ਕਰਦੀ ਹੈ। ਜਿਸ ਦੇ ਰਾਹੀਂ ਦੁੱਰਾਨੀ ਨੇ ਆਪਣੇ ਪਤੀ, ਪ੍ਰਸਿੱਧ ਰਾਜਨੇਤਾ ਗ਼ੁਲਾਮ ਮੁਸਤਫ਼ਾ ਖ਼ਰ ਨਾਲ ਬੀਤੇ ਦੁਖਦਾਈ ਵਿਆਹੁਤਾ ਜੀਵਨ ਦੀ ਅੰਦਰੂਨੀ ਕਹਾਣੀ ਨੂੰ ਬਿਆਨ ਕੀਤਾ ਹੈ, ਜਿਹੜਾ ਕਿ ਨਾ ਸਿਰਫ਼ ਇਕ ਸਿਆਸੀ ਨੇਤਾ ਸੀ, ਬਲਕਿ ਇਕ ਜ਼ਾਲਮ, ਦਬਾਅ ਪਾਉਣ ਵਾਲਾ ਅਤੇ ਤਾਨਾਸ਼ਾਹ ਪਤੀ ਵੀ ਸੀ।

ਦੁੱਰਾਨੀ ਨੇ ਇਸ ਕਿਤਾਬ ਰਾਹੀਂ ਜਿਸ ਬਹਾਦਰੀ ਨਾਲ ਆਪਣੀ ਪੀੜਾ ਨੂੰ ਬਿਆਨ ਕੀਤਾ, ਉਸ ਨੇ ਨਾ ਸਿਰਫ਼ ਦੱਖਣੀ ਏਸ਼ੀਆ ਵਿਚ ਨਾਰੀਵਾਦੀ ਵਿਚਾਰਧਾਰਾ ਨੂੰ ਇਕ ਨਵੀਂ ਦਿਸ਼ਾ ਦਿੱਤੀ, ਸਗੋਂ ਪਾਕਿਸਤਾਨੀ ਰਾਜਨੀਤਿਕ ਅਤੇ ਸਮਾਜਿਕ ਸਚਾਈਆਂ ਨੂੰ ਵੀ ਵੰਗਾਰਿਆ।

ਇਹ ਕਿਤਾਬ ਸਿਰਫ਼ ਇਕ ਨਿੱਜੀ ਕਹਾਣੀ ਹੀ ਨਹੀਂ, ਬਲਕਿ ਪਾਕਿਸਤਾਨ ਵਿਚ ਸਿਆਸਤ ਅਤੇ ਜਾਤੀਵਾਦੀ ਜ਼ਿਮੀਂਦਾਰੀ ਰੀਤੀ-ਰਿਵਾਜ਼ਾਂ ਦਾ ਵੀ ਪਰਦਾਫਾਸ਼ ਕਰਦੀ ਹੈ। ਇਸ ਰਚਨਾ ਰਾਹੀਂ ਤਹਿਮੀਨਾ ਦੁੱਰਾਨੀ ਨੇ ਸਪਸ਼ਟ ਕੀਤਾ ਕਿ ਕਿਵੇਂ ਇਕ ਔਰਤ ਨੂੰ ‘ਇੱਜ਼ਤ’ ਦੇ ਨਾਂ ’ਤੇ ਘਰ ਦੀਆਂ ਚਾਰਦੀਵਾਰੀ ਵਿਚ ਕੈਦ ਕਰ ਦਿੱਤਾ ਜਾਂਦਾ ਹੈ, ਅਤੇ ਜਦੋਂ ਉਹ ਆਪਣੇ ਹੱਕਾਂ ਲਈ ਆਵਾਜ਼ ਉਠਾਉਂਦੀ ਹੈ ਤਾਂ ਸਮਾਜ ਉਸ ਨੂੰ ‘ਬਦਚਲਨ’ ਕਹਿ ਕੇ ਰੱਦ ਕਰ ਦਿੰਦਾ ਹੈ।

ਜਿਸ ਵਕਤ “ਮੇਰੇ ਆਕਾ” ਪਹਿਲੀ ਵਾਰ ਪ੍ਰਕਾਸ਼ਿਤ ਹੋਈ, ਉਸ ਵੇਲ਼ੇ ਇਸ ਨੇ ਨਾ ਸਿਰਫ਼ ਪਾਕਿਸਤਾਨ, ਸਗੋਂ ਦੁਨੀਆ ਭਰ ਅੰਦਰ ਇਕ ਵੱਡੀ ਹਲਚਲ ਪੈਦਾ ਕਰ ਦਿੱਤੀ ਸੀ, ਕਿਉਂਕਿ ਇਹ ਪਹਿਲੀ ਵਾਰੀ ਸੀ ਜਦੋਂ ਕਿਸੇ ਉੱਚ ਵਰਗ ਦੀ ਔਰਤ ਨੇ ਏਨੀ ਖੁੱਲ੍ਹ ਕੇ ਸੱਚ ਬੋਲਣ ਦੀ ਹਿੰਮਤ ਕੀਤੀ ਸੀ। ਇਹ ਕਿਤਾਬ ਅੱਜ ਵੀ ਉਨ੍ਹਾਂ ਬੁਨਿਆਦੀ ਸਵਾਲਾਂ ਨੂੰ ਜ਼ਿੰਦਾ ਰੱਖਦੀ ਹੈ ਜੋ ਪੁਰਸ਼-ਪ੍ਰਧਾਨ ਸਮਾਜ ਵਿਚ ਔਰਤ ਦੀ ਸਥਿਤੀ ਅਤੇ ਉਸ ਦੀ ਅਸਲ ਆਜ਼ਾਦੀ ਬਾਰੇ ਹਨ। ਮੈਨੂੰ ਉਮੀਦ ਹੈ ਕਿ ਪੰਜਾਬੀ ਪਾਠਕਾਂ ਲਈ ਇਹ ਕਿਤਾਬ ਇਕ ਮਹੱਤਵਪੂਰਨ ਲਿਖ਼ਤ ਸਾਬਤ ਹੋਏਗੀ।
~
ਡਾ. ਪਰਮਿੰਦਰ ਸਿੰਘ ਸ਼ੌਂਕੀ .in

ਇਹ ਪੁਸਤਕ ਸਿੱਖ ਬੀਬੀਆਂ ਦੀਆਂ ਅਣਸੁਣੀਆਂ ਕਹਾਣੀਆਂ ਨੂੰ ਲਿਖਤੀ ਅਤੇ ਜ਼ੁਬਾਨੀ ਇਤਿਹਾਸ ਰਾਹੀਂ ਦੁਨੀਆ ਸਾਹਮਣੇ ਲਿਆਉਂਦੀ ਹੈ. ਇਹ ਉਹ ਕਹਾਣੀਆਂ ਹਨ ...
30/07/2025

ਇਹ ਪੁਸਤਕ ਸਿੱਖ ਬੀਬੀਆਂ ਦੀਆਂ ਅਣਸੁਣੀਆਂ ਕਹਾਣੀਆਂ ਨੂੰ ਲਿਖਤੀ ਅਤੇ ਜ਼ੁਬਾਨੀ ਇਤਿਹਾਸ ਰਾਹੀਂ ਦੁਨੀਆ ਸਾਹਮਣੇ ਲਿਆਉਂਦੀ ਹੈ. ਇਹ ਉਹ ਕਹਾਣੀਆਂ ਹਨ ਜਿਨ੍ਹਾਂ ਨੂੰ ਮੁੱਖ ਧਾਰਾ ਦੇ ਇਤਿਹਾਸ ਅਤੇ ਰਾਜਨੀਤਿਕ ਵਿਸ਼ਲੇਸ਼ਣ ਵਿਚ ਜਾਂ ਤਾਂ ਅਣਡਿੱਠ ਕੀਤਾ ਗਿਆ ਜਾਂ ਦਬਾ ਦਿੱਤਾ ਗਿਆ. ਵਜ਼ੀਰ ਨੇ ਵਿਧਵਾਵਾਂ, ਜੇਲ੍ਹ ਕੱਟ ਚੁੱਕੀਆਂ ਮੁਟਿਆਰਾਂ, ਵਿਦਿਆਰਥਣਾਂ, ਖਾੜਕੂ ਪਰਿਵਾਰਾਂ ਦੀਆਂ ਬੀਬੀਆਂ, ਅਤੇ ਰਾਹਤ ਕੈਂਪਾਂ ਵਿਚ ਰਹਿੰਦੀਆਂ ਪੀੜਤਾਂ ਦੇ ਜੀਵਨ ਅਨੁਭਵਾਂ ਨੂੰ ਵਾਚਿਕ ਸੰਸਕਾਰ, ਸਮਾਜਿਕ ਸੰਦਰਭ ਅਤੇ ਨੈਤਿਕ ਇਮਾਨਦਾਰੀ ਨਾਲ ਦਰਜ ਕੀਤਾ ਹੈ. ਇਹ ਪ੍ਰਕਿਰਿਆ ਨਾ ਸਿਰਫ਼ ਇਤਿਹਾਸ ਦੀ ਪੁਨਰ-ਰਚਨਾ ਕਰਦੀ ਹੈ, ਸਗੋਂ ਸਿਆਸੀ ਅਤੇ ਸਾਂਸਕ੍ਰਿਤਿਕ ਢਾਂਚਿਆਂ ਦੀ ਭੂਮਿਕਾ ‘ਤੇ ਵੀ ਡੂੰਘਾ ਵਿਸ਼ਲੇਸ਼ਣ ਪ੍ਰਦਾਨ ਕਰਦੀ ਹੈ. .in

ਕਵਿਤਾਵਾਂ ਦੇ ਨਾਲ ਛੁਹਾ ਕੇ ਪਾਣੀ ਨੂੰ। ਇੱਕ ਦੋ ਘੁੱਟ ਪਿਲਾ ਕੇ ਦੇਖੀਂ ਹਾਣੀ ਨੂੰ। ਕੌਣ ਗੁਲਾਮਾਂ ਦੀ ਵਿਥਿਆ ਦਾ ਸਾਰ ਕਹੇ,ਦਿਲ ਦੇ ...
18/06/2025

ਕਵਿਤਾਵਾਂ ਦੇ ਨਾਲ ਛੁਹਾ ਕੇ ਪਾਣੀ ਨੂੰ।
ਇੱਕ ਦੋ ਘੁੱਟ ਪਿਲਾ ਕੇ ਦੇਖੀਂ ਹਾਣੀ ਨੂੰ।

ਕੌਣ ਗੁਲਾਮਾਂ ਦੀ ਵਿਥਿਆ ਦਾ ਸਾਰ ਕਹੇ,
ਦਿਲ ਦੇ ਤਖਤ ‘ਤੇ ਬੈਠੀ ਹੋਈ ਰਾਣੀ ਨੂੰ।

ਬੇਲੇ,ਥਲ,ਦਰਿਆ ਦੀ ਗਾਥਾ ਮੁੱਕੀ ਨਹੀਂ,
ਨਿੱਤ ਨਵੇਂ ਆ ਪਾਤਰ ਛੋਹਣ ਕਹਾਣੀ ਨੂੰ।

ਰੋਜ਼ ਉਨ੍ਹਾਂ ਦੀ ਬੇਪਰਵਾਹੀ ਚੰਗੀ ਨਹੀਂ
ਆਖੋ ਸ਼ੋਖ ਅਦਾਵਾਂ ਵਾਲੀ ਢਾਣੀ ਨੂੰ।

ਅੱਜ ਦੇ ਦੌਰ ‘ਚ ਵੀ ਪਰਭਾਸ਼ਿਤ ਕਰਨਾ ਹੈ,
ਆਪਾਂ ਗੁਜ਼ਰੇ ਵਕਤ ਦੀ ਗੱਲ ਪੁਰਾਣੀ ਨੂੰ।

ਦਿਲ ਦੇ ਕੋਨੇ ਵਿੱਚ ਅੰਗੜਾਈ ਭਰਦੀ ਹੈ,
ਕਿੱਦਾਂ ਰੋਕਾਂ ਮੈਂ ਚਾਹਤ ਮਰ ਜਾਣੀ ਨੂੰ।

ਅੱਜ ਵੀ ਖਾਬਾਂ ਨੂੰ ਸੰਧੂਰੀ ਕਰਦੀ ਹੈ,
ਕਿੰਝ ਭੁਲਾਵਾਂ ਤੇਰੀ ਸੰਗਤ ਮਾਣੀ ਨੂੰ।

~ਅਮਨਦੀਪ ਸਿੰਘ ਅਮਨ

Address

Delhi

Telephone

+919464895424

Website

Alerts

Be the first to know and let us send you an email when Rethink Books posts news and promotions. Your email address will not be used for any other purpose, and you can unsubscribe at any time.

Shortcuts

Share

Category