08/09/2026
ကပစ စက်ရုံများအနီးထိ ရခိုင့်တပ်တော် - AA ပူးပေါင်းတပ်များ ထိုးဖောက်တိုက်ခိုက်နေ
စက်တင်ဘာလ ၈ ရက်။
ပဲခူးတိုင်းအနောက်ခြမ်း၊ ပန်းတောင်းမြို့နယ် မသုန်ကျေးရွာအနီးတွင် စက်တင်ဘာလ ၅ ရက် နံနက်ပိုင်းက ရခိုင့်တပ်တော် (AA) နှင့် ပူးပေါင်းတပ်များက စစ်တပ်စခန်းများအနီးအထိ ထိုးဖောက်တိုက်ခိုက်ခဲ့ပြီး တိုက်ပွဲများ ပြင်းထန်ခဲ့ကြောင်း ဒေသတွင်းသတင်းရင်းမြစ်များထံမှ သိရသည်။
တိုက်ပွဲအတွင်း စစ်တပ်ဘက်မှ ကပစ - ၁၆ နှင့် ကပစ-၉ တို့မှ လက်နက်ကြီးများဖြင့် ပစ်ကူပေးခဲ့သည့်အပြင် လေကြောင်းမှလည်း စစ်ကူတိုက်ခိုက်မှုများ ပြုလုပ်ခဲ့ကြောင်း သိရသည်။
စစ်ရေးလေ့လာသူများကမူ ကပစ စက်ရုံနယ်မြေများအနီးသို့ တော်လှန်ရေးတပ်များ ပိုမိုနီးကပ်လာခြင်းသည် စစ်တပ်၏ စက်ရုံလုံခြုံရေးနှင့် ထောက်ပံ့ပို့ဆောင်ရေး လမ်းကြောင်းများအပေါ် ဖိအားများ တိုးလာစေနိုင်ကြောင်း သုံးသပ်ထားသည်။
