Chinland News, H No-16 S/F, Block-D , Mahindra Park, Uttam Nagar, West Delhi (2026)

07/06/2026

ပလက်ဝမြို့နယ်မှာ AA ရဲ့ စစ်မှုထမ်း ဖမ်းဆီးမှုကြောင့်ဘဂ်လားဒေ့ရှ်ဘက် ထွက်ပြေးသွားသည့် လခူမီး (ချင်း) လူမျိုးများကို ဘဂ်လားစစ်တပ်က စောင့်ရှောက်ပေးထား

ဇွန်လ ၇ ရက်၊ ၂၀၂၆ ခုနစ်။
ချင်းပြည်နယ်၊ ပလက်ဝမြို့နယ်တွင် အာရက္ခတပ်တော် ULA/AA ၏ စစ်မှုထမ်း ဖမ်းဆီးမှုကြောင်း ခူမီးလူမျိုး ၄၇ ဦး ဘဂ်လားဒေရှ်နိုင်ငံ ဘက် ထွက်ပြေးကြပြီး ၎င်းတို့ကို ဘဂ်လားဒေ့ရှ် နယ်ခြားစောင့်တပ် BGB က ကာကွယ်စောင့်ရှောက်ပေးကြောင်းသိရသည်။

အဆိုပါ ခူမီးလူမျိုးများသည် ပလက်ဝမြို့နယ် ရှင်မဒိန်ကျေးရွာနှင့်အကူဝကျေးရွာတို့မှ ဖြစ်ပြီးအာရက္ခတပ်တော် AA က ပြီးခဲ့သည့် ရက်ပိုင်းက တစ်အိမ်တစ်ဦးနှူန်းဖြင့် တက်အိမ်တက်ဆင်း စစ်မှုထမ်းဖမ်းဆီးမှုကြောင့် ယခုကဲ့သို့ထွက်ပြေးရခြင်းဖြစ်သည်။

အခုရက်ပိုင်း ULA/AA က ပလက်ဝမြို့နယ်မှာ စစ်မှုထမ်းဖို့ လူတွေဖမ်းဆီးမှုလုပ်တယ်။ အဲဒါကြောင့် လူတွေကဘေးလွတ်ရာကို ထွက်ပြေးကြတာပါ၊ တိုက်ပွဲဖြစ်တာ မဟုတ်ဘူးဟု ဒေသခံတစ်ဦးက ပြောသည်။

07/06/2026

😱CPU/CPA(ချင်းပြည်သူ့အစည်းအရုံး) တာဝန်ရှိသူတွေက ရွာသူရွာသားတွေအတတ်နိုင်ဆုံးပါဝင်ပေးကြဖို့ ထပ်ပြီးတိုက်တွန်းနေတာ တွေ့ရပါတယ်။ တာဝန်ရှိတဲ့ အကြီးကဲ တွေဟာ ရွာသူရွာသားတွေမှာ ဘာဝင်ငွေမှမရှိတာ မေ့နေကြမယ်နော်။

မြေပြင်ပြည်သူတွေက အွန်လိုင်းပြည်သူတွေနှင့် နိုင်ငံခြားရောက်ပြည်သူတွေထက် ပိုပင်ပန်းရတယ်။ ဘာလို့လဲဆိုတော့ ထောက်ပို့ ထမင်းချက်ကအစ ဝင်ငွေမရှိတဲ့ ပြည်တွင်းပြည်သူတွေက ၅ ထောင်ရှိရင် ၅ ထောင်၊ ၁သောင်း လုံးဝအပြည့်အဝပါဝင်ကြတယ်။ ပြည်သူကို ကြည့်ရင် မင်းတို့ တာဝန်ရှိသူတွေကတောင် ပြည်သူတွေကို သနားသွားနိုင်ပါတယ်။

အောင်ပွဲတွေရတဲ့ တစ်နေ့ ပထမ အောင်ပွဲလို့မျိုး ပြည်သူတွေကို မမေ့ပြစ်ကြဖို့ ပြောချင်ပါတယ်။ ပန်းတိုင်ရောက်လို့ ထမင်းလက်ဆုံစားရင် ပြည်သူတွေကို မမေ့ကြပါနဲ့။

ပထမ အောင်ပွဲမှာဆို အစ်ကိုယ်ဖြစ်သူကမရှိမဲ့ရှိမဲ့စုဆောင်းပြီး CDF ကို သိန်း ၁၀၀ ထောက်ပံ့တယ်။ ၁ လမကြားဘူး။ တော်လှန်ရေးသမားအချင်းချင်း CDF က အဲ့ဒီလူရဲ့ညီရှိနေတဲ့ ချင်းအမျိုးသားတပ်မတော်- CNA စခန်းကို သွားပစ်ကြတယ်။ သူတို့က ငါ့ညီကို ပစ်ဖို့ ငါက ကျည်ဆံတွေ ထည့်ပေးလိုက်တာကို ဆိုပြီး အများကြီးရင်ဖွင့်ခဲ့တယ်။ ဒါပေမဲ့ အဲ့ဒီချိန်က CNA ရဲဘော်လေးတွေက စခန်းစွန့်ခွာပေးလိုက်လို့ ထိခိုက်မှုမရှိခဲ့ဘူး။ ဒီလိုနဲ့ CDF တွေက အကြီးကြယ်အောင်ပွဲခံခဲ့ကြတယ်။

အဲ့မှာ အချင်းချင်းတွေ ပစ်လို့ အောင်ပွဲတွေ ခံခဲ့တဲ့သူတွေ တစ်ချို့ဟာ အခုလက်ရှိမှာ စစ်ကောင်စီ စသ်မြေပြင်မှာ ဒဏ်ရာတွေရကြတယ်။ ပြည်သူတွေပျော် မနေပါဘူး။ ဘယ်သူက ပစ်မိန့်ပေးပြီး ဘယ်သူက ဦးဆောင်ခဲ့တယ်ဆိုတာ နာမည်၊ ရွာ၊ နေရပ်၊ လိပ်စာ၊ မှတ်ပုံတင် နံပတ်က အစ ဒီလူတွေကို သူတို့သားသမီးခတ်ရောက်တဲ့အထိ ကလဲ့စားခြေမယ်ဆိုပြီး အချက်လက်အပြည့်စုံလာပို့ကြတယ်။

ဒါပေမဲ့ အခုတော့ အားလုံးက ရန်သူ့တိုက်ခိုက်မှုကို ခံနေပြရတဲ့အတွက် ဘယ်မြေပြင်ပြည်သူမှ အချောင်မခိုပါဘူး။ အားလုံးကအနီးစပ်ဆုံး ရှေ့တန်းရဲဘော်တွေကို အတတ်နိုင်ဆုံး ထောက်ပို့ပေးနေပါတယ်။ အပေါ်က ပြောခဲ့တလိုပဲ အောင်ပွဲရလို့ ပန်းတိုင်ရောက်ကြတဲ့အချိန် လက်ဆုံထမင်းဝိုင်းမှာ ပြည်သူတွေကို သတိရပေးကြပါနော်။

လက်ရှိဒဏ်ရာရနေတဲ့ ရဲဘော် ညီလေးလည်းနောက်နောင်ဘယ်သူက ပစ်မိန့်ပေးပေး ကိုယ်လူမျိုးအချင်းချင်း ပစ်ခတ်ရမဲ့ အမိန့်မျိုးကို လက်မခံဖို့တိုက်တွန်းရင်းနဲ့ ဒဏ်ရာတွေ အမြန်သက်သာပြီး တောင်ပိုင်းအတွက်ထဲမဟုတ်ပဲ ချင်းတစ်မျိုးသားလုံးအတွက် အကြိုးရှိတဲ့ တော်လှန်ရေးရဲဘော်ကောင်းဖြစ်ပါစေ။

ပြည်သူအသံက ပြည်သူ့အသံပဲမို့ တင်းပေးလိုက်ရတာဖြစ်ပါတယ်။ မကျေနပ်ရင်လည်း ကိုယ်ပြည်သူတွေအပေါ် ဘာတွေအမှားလုပ်ခဲ့မိလည်းဆိုတာအသေးစိတ်ပြန်တွေးပြီး အမှားကို အမှန်ပြင်ပြီး တစ်မျိုးသားလုံး ချင်းတပ်မတော်တစ်ခုတည်းဖြင့်နဲ့စည်းစည်းလုံးလုံးရပ်တည်နိုင်ကြပါစေ။🙏🙏🙏

07/06/2026

ဟားခါး- ထန်တလန်ကြား တိုက်ပွဲတွင် စစ်ကောင်စီတပ်ဖွဲ့ဝင် ၁၀ ဦးခန့် သေဆုံး၊ လေကြောင်းပစ်ကူကြောင့် ချင်းပူးပေါင်းတပ်ဖွဲ့ C3 တောင်ကုန်းမှ ခေတ္တဆုတ်ခွာပေးခဲ့ရ

ဇွန်လ ၇ ရက်။
ချင်းပြည်နယ်၊ ဟားခါးမြို့မှ ထန်တလန်မြို့ဘက်သို့ စစ်အင်အားနှင့် လက်နက်ခဲယမ်းများ ဖြည့်တင်းရန် စစ်ကြောင်းထိုးလာသည့် စစ်ကောင်စီတပ်နှင့် ချင်းတော်လှန်ရေးပူးပေါင်းတပ်ဖွဲ့ (CC) တို့အကြား ၂ ရက်ကြာ ဖြစ်ပွားခဲ့သော တိုက်ပွဲအတွင်း စစ်ကောင်စီဘက်မှ ၁၀ ဦး သေဆုံးပြီး ဒဏ်ရာရရှိသူ အများအပြားရှိခဲ့ကြောင်း ရှေ့တန်းသတင်းရင်းမြစ်များထံမှ သိရသည်။

အဆိုပါ ဟားခါး- ထန်တလန်လမ်းပိုင်း တိုက်ပွဲအတွင်း စစ်ကောင်စီဘက်က ထိခိုက်သေဆုံးမှုများပြားလာပြီးနောက် ဂျက်ဖိုက်တာ၊ ဒရုန်းနှင့် လက်နက်ကြီးပစ်ကူများကို အပြင်းအထန် အသုံးပြုလာသောကြောင့် ချင်းတော်လှန်ရေးပူးပေါင်းတပ်ဖွဲ့(CC) က ၎င်းတို့ ထိန်းချုပ်ထားသည့် စစ်ရေးအရ အလွန်အရေးပါသော C3 တောင်ကုန်းမှ ဇွန်လ ၆ ရက် ညနေပိုင်းတွင် ခေတ္တနောက်ဆုတ်ပေးခဲရသည်။

စစ်ကောင်စီစစ်ကြောင်းသည် ဇွန်လ ၃ ရက် ညနေပိုင်းက ဟားခါးမြို့အခြေစိုက် ခလရ (၂၆၆) တပ်ရင်းမှ မော်တော်ယာဉ် ၄ စီး၊ စစ်အင်အား ၂၅၀ ခန့်ဖြင့် လက်နက်ခဲယမ်းများ သယ်ဆောင်ကာ ထန်တလန်မြို့ဖက်သို့ ထွက်သွားခဲ့ခြင်း ဖြစ်သည်။

07/06/2026

မင်းတပ်မြို့နှင့် ကန်ပက်လက်မြို့တို့ကို အကြမ်းဖက်စစ်တပ်က ပြင်းပြင်းထန်ထန် ဆက်တိုက် ဗုံးကြဲတိုက်ခိုက်

ဇွန်လ ၇ ရက်။
ချင်းပြည်နယ်၊ မင်းတပ်မြို့နှင့် ကန်ပက်လက်မြို့တို့ကို အကြမ်းဖက်စစ်တပ်က ပြင်းပြင်းထန်ထန်ဆက်တိုက် ဗုံးကြဲတိုက်ခိုက်နေကြောင်း ဒေသတွင်းသတင်းအရင်းအမြစ်မှ သိရသည်။

ယနေ့ ဇွန်လ ၇ ရက်နေ့ နံနက် ၁ နာရီ ဝန်းကျင်တွင် မင်းတပ်မြို့တစ်နေရာကို နေပြည်တော်လေတပ်က တက်လာသည့် ဂျက်ဖိုက်တာ ၂ စီးဖြင့် ပေါင် ၅၀၀ ဗုံး၂ လုံးကြဲချတိုက်ခိုက်ခဲ့ပြီး လူနေအိမ် ၁၀ လုံးကျော် ပျက်စီးသွားကာ အရပ်သားပြည်သူ ထိခိုက်မှုရှိ/မရှိ မသိရသေးပေ။

ဆက်လက်၍ နံနက် ၁၀ နာရီ ၄၇ မိနစ် နှင့် ၅၄ မိနစ်ဝန်းကျင်တွင်လည်း တံတားဦးလေတပ်မှ တက်လာသည့် ဂျက်ဖိုက်တာ ၂ စီးဖြင့် မင်းတပ်မြို့ တစ်နေရာကို ၂ ကြိမ်၊ ဗုံး ၄ လုံးကြဲချတိုက်ခိုက်သွားကြောင်း သိရသည်။

ထို့အပြင် ယမန်နေ့ ဇွန်လ ၆ ရက်နေ့ နံနက် ၇ နာရီ၊ ၇ နာရီ ၅ မိနစ်၊ ၇ နာရီ ၄၅ မိနစ်နှင့် ၇ နာရီ ၄၉ မိနစ်တို့တွင် မင်းတပ်မြို့ အရှေ့ခြမ်းကို နေပြည်တော်အေလာလေတပ်မှ တက်လာသည့် ဂျက်ဖိုက်တာ ၂ စီး ဖြင့် ၄ ကြိမ် ဗုံး ၈ လုံး ကြဲချတိုက်ခိုက်ခဲ့ကြောင်း သိရသည်။

ကန်ပက်လက်မြို့တစ်နေရာကိုလည်း ဇွန်လ ၆ ရက်နေ့ နေ့လည်း ၁၂ နာရီခန့်တွင် ရှမ်းတဲလေတပ်မှ တက်လာသည့် Mig-29 ဂျက်ဖိုက်တာတစ်စီးဖြင့် ၂ ကြိမ်တိုက်ခိုက်သွားကြောင်း သိရသည်။

07/06/2026

မင်းဟာ တော်လှန်ရေးသမား မှန်ရင် ပြည်သူ့အသံကို နားထောင်ရမယ်။

နာမထောင်ချင်ဘူးလို့ ပြောလို့မရဘူး။
တော်လှန်ရေးသမားစစ်မှန်ရင် ပြည်သူ့အသံနားထောင်ရမယ်။

CPU / CPA / CC /CNA / CNF / CDF ချင်းလူမျိုးမှန်ရင် ပြည်သူ့အသံနားထောင်ရမယ်။

ပြည်သူတွေရဲ့ပါစပ်ကို ပိတ်ပြီး တော်လှန်ရေးလုပ်လို့မရဘူး။ ပြည်သူ့အသံ နားထောင်ရတယ်။

07/06/2026

#ဓာတ်ပုံသတင်း ချင်းပြည်နယ်၊ ဟားခါးမြို့ နှင့် မလမ်းမြို့ရှိ ဒေသခံတိုင်းရင်းသား ပြည်သူများအတွက် စစ်ကောင်စီအစိုးရက ထောက်ပံ့ပစ္စည်းများနှင့် ပြန်လည်ထူထောင်ရေးပစ္စည်းများ ထပ်မံပို့ဆောင်ခဲ့ကြောင်း စစ်ကောင်စီသတင်မီဒီယာများက ထုတ်ပြန်ဖော်ပြထားပါတယ်။

07/06/2026

ရန်သူတွေ ဆိုပေမယ့် အဖမ်းခံရပြီဆိုရင် စစ်အုပ်စုတွေလို တော်လှန်ရေးတပ်တွေက မယုတ်မာပါဘူး၊ လူလူခြင်းစာနာစိတ်ထားတယ်။ ကျနော်တို့တွေ တော်လှန်တာက အကြမ်းဖက်စစ်အာဏာရှင်တွေပါ။

07/06/2026

ချင်းတောင်ပိုင်းစစ်မြေပြင်ကရဲဘော်တွေအတွက် ပြည်သူတွေရဲ့ လှူဒါန်းပစ္စည်းတွေရှေ့ တန်းပို့ဆောင်
တိုက်ပွဲ ဆက်ပြင်းထန်နေဟု ချင်းတပ် CPU အသိပေး

‌ဇွန်လ ၇ ရက်၊ ၂၀၂၆ ခုနစ်။
ချင်းပြည်နယ်တောင်ပိုင်းက မင်းတပ်နဲ့ ကန်ပက်လက်မြိုနယ်တွေမှာ ချင်းပြည်သူ့တပ်မတော် (CPU/CPA)၊ မဟာမိတ်ပူးပေါင်းတပ်တွေနဲ့ အာဏာသိမ်းစစ်တပ်အကြား ထိတွေ့တိုက်ပွဲ ဆက်လက်ပြင်းထန်နေကြောင်း CPU/CPA အထွေထွေအတွင်းရေးမှူး ဆလိုင်းယောမာန်က အသိပေးပါတယ်။

ချင်းတောင်ပိုင်းမှာ စစ်တပ် ထိုးစစ်ခုခံနေတဲ့ တော်လှန်ရေးရဲဘော်တွေရဲ့ လိုအပ်ချက်တွေ ဖြည့်ဆည်းဖို့ ပြည်သူလူထုတွေ လှူဒါန်းတဲ့ အခြေအနေတွေကို ဆလိုင်း‌ေယာမာန်က လူမှုကွန်ရက်မှာ ရေးသားဖော်ပြရာမှာအခုလိုအသိပေးထား

06/06/2026

မင်းတပ် - ကန်ပက်လက်မြို့နယ်တွင်း တိုက်ပွဲများဆက်လက်ပြင်းထန်နေ၊ CPU အဖွင့်ဝင် CDF-Daai ရဲဘော် Salai Lwin Soe ကျဆုံး

ဇွန်လ ၇ ရက်။
ချင်းပြည်နယ်၊ မင်းတပ် - ကန်ပက်လက်မြို့နယ် နဲ့ မကွေးတိုင်းအစပ်တွင်း တိုက်ပွဲများ ဆက်လက်ဖြစ်ပွားနေပြီး ချင်းတော်လှန်ရေးတပ်ဖွဲ့ဝင် CDF- Daai ရဲဘော် Salai Lwin Soe ကျဆုံးခဲ့ကြောင်း ယမန်နေ့ ဇွန်လ ၆ ရက်တွင် ဒေသခံသတင်းရင်းမြစ်ထံမှ သိရပါတယ်။

ဒေသခံသတင်းရင်းမြစ်များ၏ ပြောကြားချက်အရ စစ်ကောင်စီတပ် အင်အား ၂၀၀၀ ခန့်သည် ဆောမြို့ဘက်သို့ တပ်ဆုတ်သော်လည်း ချင်းပြည်နယ်အစပ် ကို ထိုးစစ်ဆင်လုပ်နေကြောင်း၊ ဒေသခံတော်လှန်ရေးတပ်ဖွဲ့များနှင့် ဆက်တိုက်ထိတွေ့တိုက်ပွဲများ ဖြစ်ပွားနေခြင်းဖြစ်ကြောင်း ပြောဆိုခဲ့ပါသည်။

06/06/2026

ချင်းပြည်တောင်ပိုင်းကို ထိုးစစ်ဆင်လာသည့် စစ်ကောင်စီတပ် စစ်ကြောင်းကို ချင်းတော်လှန်ရေးတပ်(CPU/CPA)များက ဗျူဟာကျကျ တုန့်ပြန်တိုက်ခိုက်မှုကြောင့် စစ်တပ်ဘက်မှ သေဆုံးမှု များပြားနေ

ဇွန်လ ၆ ရက်။
ချင်းပြည်တောင်ပိုင်းကို ထိုးစစ်ဆင်လာသည့် စစ်ကြောင်းကို ဗျူဟာကျကျ တုန့်ပြန်တိုက်ခိုက်နေပြီး စစ်ကောင်စီတပ်သားအများအပြား သေဆုံးနေသော်လည်း နောက်ထပ် နှစ်လသုံးလခန့်ကြာမှ အောင်ပွဲအဖြေထုတ်နိုင်မည်ဖြစ်ကြောင်း CPU-CPA မှ အထွေထွေအတွင်းရေးမှူး ဆလိုင်းယောမာန်က ပြောကြားသည်။

ယနေ့ ဇွန်လ ၆ ရက် နံနက်ပိုင်း ချင်းညီနောင်အတွက် အထူးရံပုံငွေရှာဖွေပွဲ - CB/CPU-CPA စစ်ဒေသများအတွက် အရေးပေါ် ရန်ပုံငွေပွဲတွင် ၎င်းကယင်းကဲ့သို့ ထည့်သွင်းပြောဆိုထားသည်။

"အရင်တုန်းကလို ပြောက်ကျားနဲ့တိုက်ရတာမဟုတ်တော့ဘူး။ လုံးဝရှေ့မတိုးနိုင်အောင် ကာကွယ်ရတယ်။ သူတို့က ပတ်ကျော်ဖို့၊ ပတ်လှည့်ဖို့ ဗျူဟာက ရှောင်ကွင်းသွားလာဖို့ ဗျူဟာကျ လုပ်တော့ ကျနော်တို့လည်း ဗျူဟာကျ ပြန်တုန့်ပြန်တဲ့ အပိုင်းတွေရှိတယ်။ တစ်ချို့နေရာတွေမှာ နည်းနည်းနောက်ဆုတ်ပေးလိုက်ရလို့ ကျနော်တို့က ရှုံးသွားတာမဟုတ်ဘူး။ စစ်ကောင်စီကို နည်းနည်းတွန်း ထုတ်လိုက်နိုင်လို့ ကျနော်တို့အောင်ပွဲရတာ မဟုတ်သေးဘူး။ ဒီအောင်ပွဲက နောက်နှစ်လသုံးလ လောက်ကြာမှ ကောင်းကောင်းသတ်မှတ်နိုင်မှာဖြစ်တယ်။ လောလောဆယ်မှာ ကျနော်တို့ ပြန်ရသွားတယ်။ သူတို့နည်းနည်းရသွားတယ်ဆိုတာက ဘာမှ မဟုတ်သေဘူး" ဟု CPU/CPA အထွေထွေအတွင်းရေးမှူး ဆလိုင်းယောမာန်က ပြောကြားသည်။

Chinland News

07/06/2026

07/06/2026

07/06/2026

07/06/2026

07/06/2026

07/06/2026

07/06/2026

07/06/2026

06/06/2026

06/06/2026

Address

Telephone

Website

Alerts

Contact The Business

Shortcuts

Share