Media in Truth

Media in Truth Contact information, map and directions, contact form, opening hours, services, ratings, photos, videos and announcements from Media in Truth, Media/News Company, Delhi.

Media In Truth 📰

Sach aur verified news platform

⚖️ Disclaimer: News available sources par adharit hai

📩 Email: [email protected]

Grievance Officer: Salman Ejaz Khan

Mannaekhelli se ek dil ko jhunjhod dene wali kahani samne aayi hai.Aarop hai ki demolition karwai ke dauran ek garib duk...
31/05/2026

Mannaekhelli se ek dil ko jhunjhod dene wali kahani samne aayi hai.

Aarop hai ki demolition karwai ke dauran ek garib dukandar ko lagbhag 15 lakh rupaye ka bhari nuksan hua tha.

Ghatna ko ek saal beet chuka hai, lekin aaj bhi dukandar apni zindagi mushkilon aur pareshaniyon ke beech guzarne par majboor hai.

Parivar ki rozi-roti par sankat mandra raha hai aur ab tak kisi bhi tarah ki madad ya rahat nahi milne ka aarop lagaya ja raha hai.

Sabse bada sawal ye hai ki aakhir is garib dukandar ki pukar kaun sunega?

Kya zimmedar adhikari is mamle par dhyan denge?

Ya phir ye parivar isi tarah sangharsh karta rahega?

Poora mamla jaanne ke liye video ko ant tak dekhiye aur apni rai comment me zarur batayein.

Media In Truth – Sach Ke Saath.

29/05/2026

Mannakhelli Government Hospital ke andar maujood Raghavendra Canteen ki safai vyavastha ko lekar gambhir sawaal khade ho rahe hain.

Aarop hai ki canteen ke aas paas gandagi ka ambar laga hua hai, jisse mareezon aur unke parijanon ko kaafi pareshani ka saamna karna pad raha hai.

Hospital jaise samvedansheel sthaan par safai aur swachhta sabse zyada zaruri hoti hai, lekin yahan ki tasveerein aur sthiti kuch aur hi kahani bayan kar rahi hain.

Sthaniya logon ne sambandhit adhikariyon se turant dhyan dene aur safai vyavastha sudharne ki maang ki hai.

Kya hospital prashasan is samasya par dhyan dega?

Aap bhi apni rai comment karke zarur batayein.

Media In Truth – Sach Ke Saath.

29/05/2026

Bidar City ke Old Adarsh Colony Railway Gate LC-44 ke samne ek hairan kar dene wali ghatna samne aayi.

Honda CB Unicorn bike me achanak aag lag gayi aur dekhte hi dekhte poori bike jal kar khaak ho gayi.

Bataya ja raha hai ki railway gate khulne ke baad bike rider ko aag ka ehsaas hua, jiske baad woh turant bike chhod kar door chala gaya.

Mauke par maujood logon ne aag bujhane ki koshish ki, lekin bike ko bachaya nahi ja saka.

Fire Brigade team bhi mauke par pahunchi, lekin tab tak bike puri tarah jal chuki thi.

Khushkismati se is ghatna me koi jani nuksan nahi hua.

Media In Truth – Sach Ke Saath.

28/05/2026

Bidar ke Ward Number 24 Bilal Colony me pichhle 2 dinon se electricity na hone ki wajah se local residents bahot zyada pareshan hain.

Local logon ka kehna hai ke kai baar KEB Department se contact karne ki koshish ki gayi lekin aarop hai ke official numbers ya to switch off the ya calls receive nahi kiye gaye.

Sabse badi baat ye hai ke Eid ke din bhi colony ke kai ghar andhere me doobe huwe nazar aaye.

Gharon me chote bachche, buzurg aur patients hone ki wajah se logon ko kaafi dikkat ka saamna karna pad raha hai.

Local residents ne aarop lagaya hai ke Bilal Colony me Prince Bakery ki wajah se baar baar electricity problem ho rahi hai kyunki bakery bahot zyada power consume kar rahi hai.

Residents ka kehna hai ke commercial use ke liye Prince Bakery ko alag transformer lena chahiye taaki residential area ke log pareshan na ho.

Bilal Colony ke log ab KEB Department se permanent solution ki demand kar rahe hain.

27/05/2026

Bidar me 26 May ko ek bada road accident hote hote tal gaya jab Bidar New Bus Stand se Ghodampalli jane wali Government Bus number KA38F0904 ka accident Ghodampalli ke SB Function Hall ke paas hua.

Jankari ke mutabik bus dopahar lagbhag 2:30 PM ko New Bus Stand se nikli thi aur lagbhag 3 baje ke aas paas ek 3 tyre Bajaj Maxima trolley wrong side se aane ki wajah se takkar ho gayi.

Eyewitness ke mutabik bus driver ne accident rokne ki puri koshish ki lekin trolley wrong side hone ki wajah se hadsa ho gaya.

Khushkismati se bus me safar kar rahe sabhi passengers safe hain aur kisi ko koi badi chot nahi aayi.

Trolley driver ko haath me halki si chot lagi hai aur auto ka glass toot gaya.

Is ghatna ne ek baar phir wrong side driving aur traffic safety ko lekar bade sawal khade kar diye hain.

Media In Truth ki taraf se sabhi se appeal hai ke traffic rules ka palan kare aur safe driving kare.

27/05/2026

Atal Bihari Vajpayee School mein 26 May ko ek bahot hi important aur shandar Triage Mock Drill ka ayojan kiya gaya.

Is mock drill mein Fire Service Team, Medical Team, Civil Defence aur Home Guard Department ne milkar hissa liya aur emergency situation mein logon ko kaise bachana hai iska live demonstration diya gaya.

Drill ke dauran logon ko bataya gaya ke agar kabhi school, hospital ya kisi bhi building mein aag lag jaye to panic nahi hona chahiye aur safely bahar kaise nikalna hai.

District Fire Officer MD Muzammil Patel, Fire Station Officer Naveen Babu P aur Home Guard Department ke Assistant Instructor Sharma Gouda ki leadership mein ye poora mock drill bahot hi successful tareeke se complete kiya gaya.

Media In Truth ki taraf se appeal hai ke Bidar ke sabhi schools aur hospitals mein aisi awareness mock drills regular honi chahiye taaki emergency ke waqt zyada se zyada logon ki jaan bach sake.

26/05/2026

Bidar ke Nayikaman se Chaubara jane wali road par Sedamkar Hospital ke samne do caron ke beech accident hone ki khabar saamne aayi hai.

Bataya ja raha hai ke Volkswagen Taigun car allegedly wrong side par khadi hui thi, isi dauran Hyundai i20 car wahan se guzar rahi thi aur dono gaadiyon ke beech takkar ho gayi.

Car driver ka aarop hai ke accident ke baad i20 car chalane wale driver Shrinivas ko hospital ke andar le jaakar gali galauj aur maarpeet ki gayi.

Sawal ye uth raha hai ke agar kisi ne drink and drive bhi kiya ho to kya kisi ko kanoon apne haath me lene ka haq hai...?

Police aur kanoon apna kaam karega ya log khud faisla karenge...?

Poore maamle ki nishpaksh jaanch ki maang uth rahi hai.

26/05/2026

Bidar ke Hyderabad Road par Prince Malla Robaro Noor College, Shahpur Gate ke pass Eid-ul-Adha ki namaz 28 May subah thik 6:30 baje ada ki jayegi.

Tamam momineen se guzarish hai ke waqt par pahunch kar namaz mein shirkat karein aur aman o sukoon ke saath Eid manayein.

Barish hone ki surat mein Eid-ul-Adha ki namaz Masjid-e-Ali mein ada ki jayegi.

Media In Truth ki taraf se tamam Musalmano ko Eid-ul-Adha ki dili mubarakbad.

Har Khabar Sach Ke Saath.

25/05/2026

Bidar City Corporation Commissioner Mukul Jain ne Old City ke Ward Number 10 aur Ward Number 11 ka daura kiya aur drainage aur water supply ki samasyaon ka jayza liya.

Is dauran unhone ilaqe ke logon se baat ki aur adhikariyon ko zaroori nirdesh diye.

Drainage problem, pani ki supply aur safai vyavastha ko lekar khas taur par inspection kiya gaya.

Media In Truth ki team ne ground report ke zariye poori jankari aap tak pahunchayi hai.

Aisi hi sach aur ground reality wali khabron ke liye Media In Truth ke sath jude rahe.

.

25/05/2026

Bidar mein pichhle 2 se 3 dinon se petrol aur diesel supply ko lekar logon mein panic ka mahaul dekhne ko mila. Kuch petrol pumps temporary band bhi nazar aaye jiske baad social media par kai fake aur misleading videos viral hone lagi.

Address

Delhi

Website

Alerts

Be the first to know and let us send you an email when Media in Truth posts news and promotions. Your email address will not be used for any other purpose, and you can unsubscribe at any time.

Shortcuts

Share

Category