10/06/2025
❤ #ফলাফল
উত্তৰণ, প্ৰজ্ঞা প্ৰয়াসী মঞ্চত অনুষ্ঠিত কৰা "দেৱালী বিশেষ ফটো প্ৰতিযোগিতা"২০২৪ত সৰ্বাধিক ৪৭গৰাকী প্ৰতিযোগীয়ে যোগদান কৰি প্ৰতিযোগিতাখনৰ জেউতি চৰাইছিল ।
যিহেতু প্ৰতিযোগিতা গতিকে সুবিচাৰেৰে আমালৈ ফলাফল আগবঢ়ালে, #আঞ্চলিক_দন্ত_চিকিৎসা_মহাবিদ্যালয়_গুৱাহাটীৰ_এণ্ডডন্টিকচ্_বিভাগৰ_মুৰব্বী_অধ্যাপিকা_শ্ৰদ্ধাৰ_ডাঃ(ডঃ) #ৰুবী_কটকী_বাইদেউৱে।
জন্মসূত্রে গুৱাহাটীৰ ৰাজগড় নিবাসী ড: ৰুবী কটকীৰ পিতৃ প্রয়াত #ললিত চন্দ্ৰ কটকী আৰু মাতৃ স্বর্গীয়া #বাসন্তী কটকী। বর্তমান আঞ্চলিক দন্ত-চিকিৎসা মহাবিদ্যালয়ত বিভাগীয় মূৰব্বী অধ্যাপিকাৰূপে কার্যনির্বাহ কৰি থকা ড: কটকীয়ে ২০০৯ চনত গুৱাহাটী বিশ্ববিদ্যালয়ৰ পৰা #ডক্টৰেট_ডিগ্রী লাভ কৰে। #শ্ৰীমন্ত_শংকৰদেৱ_স্বাস্থ্যবিজ্ঞান_বিশ্ববিদ্যালয়ৰ, দন্তস্বাস্থ্য বিভাগৰ ডীন হিচাপে দায়িত্বৰত ডা: কটকীয়ে বিগত সময়ছোৱাত বিভিন্ন বিষয়ত ভালেমান গুৰুত্বপূৰ্ণ লেখা প্রকাশ কৰিছে। ' #আমাৰ অসম', 'খবৰ', 'এদিনৰ সংবাদ', 'দৈনিক বাতৰি', 'দৈনিক জনমভূমি', 'দৈনিক অসম', 'নিয়মীয়া বার্তা', 'সাদিন', 'অসম বাণী' আদি বাতৰিকাকত আৰু আলোচনীত দাঁতৰ ৰোগ আৰু পৰিচৰ্যা বিষয়ক লেখাৰ উপৰি বিভিন্ন বিষয়ত সুখপাঠ্য ৰচনা লিখি পাঠকৰ মন জয় কৰিবলৈ সক্ষম হৈছে। কেৱল এগৰাকী দন্ত চিকিৎসক হিচাপেই নহয়, ডা: কটকীয়ে সুলেখিকা হিচাপেও ইতিমধ্যে সুনাম অর্জন কৰিছে। #ডাঃকটকীৰ বৰ্তমানলৈকে প্রকাশিত #গ্রন্থসমূহ হ'ল:
১/ 'আমাৰ দুপাৰি দাঁত' (২০০৮)
২/ 'দাঁত আৰু সৌন্দর্য' (২০০৯)
৩/'জীৱনৰ স্নেপশ্বট(২০১১)
৪/পাখি লগা মন' (২০১১)
৫/ 'যমল' (হোমেন বৰগোহাঞিৰ লগত যুটীয়াভাবে, ২০১১)
৬/'তপত জুৰি' (২০১২)
৭/'একুৰি চিকিৎসকৰ একুঁকি গল্প' (সম্পাদনা গ্রন্থ, ২০১৩)
৮/ 'মানুহ, প্রকৃতি আৰু কিছু নষ্টালজিয়া' (২০১৫)
৯/দাঁতৰ কথা, দাঁতৰ দিহা(২০১৭)
১০/আন্দোলন(উপন্যাস)(২০২০)
১১/দুখৰ আঁৰৰ সুখ(২০২১)
১২/ ‘অকণিৰ কবিতা’(২০২১)
১৩/আঞ্চলিক দন্ত-চিকিৎসা মহাবিদ্যালয়ৰ প্ৰতিষ্ঠাপক অধ্যক্ষ ড: বি.আৰ ভূঞা সম্পাদিত গ্ৰন্ঠ আৰু
১৪/'সন্তানৰ দাঁতৰ যতন কেনেদৰে ল’ব’( শিশুৰ দাঁতৰ যতন)(২০২৫)।
#উল্লেখযোগ্য যে 'আমাৰ দুপাৰি দাঁত', 'দাঁত আৰু সৌন্দর্য' আৰু ‘দাঁতৰ কথা, দাঁতৰ দিহা’ নামৰ দন্ত চিকিৎসা সম্পকীয় গ্রন্থৰ বাবে ড: কটকীয়ে ২০০৯, ২০১৪ আৰু ২০২৪ চনত অসম লেখিকা সন্থাৰ বিশেষ বঁটা লাভ।তাৰোপৰি ২০২৪ চনৰ চেপ্তেম্বৰ মাহত, ডিব্ৰুগড়ত অনুষ্ঠিত #লেখিকা_সন্থা, অসমৰ দ্বিবাৰ্ষিক অধিবেশনত ড: কটকীৰ ‘অকণিৰ কবিতা’ পুথিখনে #বিশেষ বটা লাভ কৰে।
বাইদেউৰ বহুমূলীয়া সময় আমাক দি সুক্ষ্ম বিচাৰেৰে ফলাফল আগবঢ়াই দিয়াৰ বাবে তেখেতলৈ আমাৰ #ভক্তিভৰা সেৱা আৰু কৃতজ্ঞতা জনালোঁ।
প্ৰতিযোগিতাখনৰ স্থানপ্ৰাপ্ত সকলক আন্তৰিক অভিনন্দন আৰু অংশগ্ৰহণকাৰী শুভাকাংক্ষী সদস্যবৃন্দক কৃতজ্ঞতা জ্ঞাপন কৰিছোঁ। প্ৰতিযোগিতাখন সফল কৰি তোলা প্ৰতিগৰাকী উত্তৰণৰ সদস্যৰ ওচৰত চিৰকৃতজ্ঞ হৈ ৰ'লো।
#বৰ্ণালী_তামুলী🙏
পৰিচালিকা
দেৱালী বিশেষ ফটো প্ৰতিযোগিতা
"উত্তৰণ প্ৰজ্ঞা প্ৰয়াসী মঞ্চ " অসম
চিন্তামনি মহন্ত
গোট প্ৰশাসক🙏
১১.০৬.২০২৪
