09/10/2025
ആകാശവാണി ദേവികുളം നിലയം താൽക്കാലികാടിസ്ഥാനത്തിൽ
ബ്രോഡ്കാസ്റ്റ് അസിസ്റ്റൻറ്റ് ആകുന്നതിന് അപേക്ഷകൾ ക്ഷണിക്കുന്നു .
*പ്രക്ഷേപണം ചെയ്യുന്ന പരിപാടികൾ സംബന്ധിച്ച വിവരങ്ങൾ
പരിശോധിക്കുകയും രേഖപ്പെടുത്തുകയും ചെയ്യുക എന്നതായിരിക്കും
മുഖ്യ ഉത്തരവാദിത്തം. പരിപാടികളുടെ അവതരണം, ആഖ്യാനം ,
വാർത്ത വായന എന്നിവ ബ്രോഡ്കാസ്റ്റ് അസിസ്റ്റന്റിന്റെ ചുമതലകളുടെ
പരിധിയിൽ പെടുകയില്ല.
* അംഗീകൃത സർവകലാശാല ബിരുദം, മലയാളം, ഇംഗ്ലീഷ് ഭാഷകളിലുള്ള
പ്രാവീണ്യം, കംപ്യൂട്ടർ പരിജ്ഞാനം എന്നിവയാണ് അടിസ്ഥാന
യോഗ്യതകൾ. ലൈബ്രറി സയൻസിൽ അംഗീകൃത ബിരുദമുള്ളവർക്കും
അപേക്ഷിക്കാം .
* അപേക്ഷകർ ഇടുക്കി ജില്ലയിൽ സ്ഥിരതാമസക്കാർ ആയിരിക്കണം.
* പ്രായം 20നും 45നും ഇടയിൽ.
* പ്രക്ഷേപണകലയോടുള്ള താല്പര്യം, കല, സാഹിത്യം, സമകാലിക
വിഷയങ്ങൾ എന്നിവയിലുള്ള അഭിരുചി എന്നിവ അഭികാമ്യം.
* രാവിലെ 10 മണി മുതൽ രാത്രി 11 വരെയുള്ള പ്രക്ഷേപണത്തിൽ 7
മണിക്കൂർ 20 മിനുട്ട് ദൈർഘ്യമുള്ള ഷിഫ്റ്റുകളിൽ ഏതിലും ജോലി
ചെയ്യുവാൻ അപേക്ഷകർ സന്നദ്ധരായിരിക്കണം.
അഭിമുഖത്തിലൂടെയാണ് തെരഞ്ഞെടുപ്പ് നടത്തുക.
ഓൺലൈനായി അപേക്ഷിക്കുന്നവർ AKASHVANI DEVIKULAM SPICE FM എന്ന
ഫേസ്ബുക്ക് പേജിൽ പോസ്റ്റ് ചെയ്തിട്ടുള്ള ഗൂഗിൾ ഫോം ലിങ്ക് ക്ലിക്ക്
ചെയ്ത് അപേക്ഷാ ഫോം പൂരിപ്പിക്കുക .
https://forms.gle/Sjmav6YikiMiEcwD6
ഓഫ്ലൈനായി അപേക്ഷിക്കുന്നവർ വയസ്, വിദ്യാഭ്യാസ യോഗ്യത,
താമസസ്ഥലം എന്നിവ തെളിയിക്കുന്ന സാക്ഷ്യപത്രങ്ങൾ, ബയോഡേറ്റ
എന്നിവയോടൊപ്പം വെള്ളക്കടലാസിൽ തയ്യാറാക്കിയ വിശദമായ അപേക്ഷ
Station Director,
Akashavani Devikulam,
Idukki
PIN - 685613
എന്ന വിലാസത്തിൽ തപാലിൽ അയക്കുക. കവറിനു പുറത്ത് Selection Of
Broadcast Assistants 2025 എന്ന് രേഖപ്പെടുത്തിയിരിക്കണം . ഓൺലൈൻ , ഓഫ്ലൈൻ അപേക്ഷകൾ ലഭിക്കേണ്ട അവസാന തീയതി ഈ മാസം 31.
