01/05/2026
অত্যন্ত দুখ আৰু মৰ্মাহত হৃদয়েৰে জনাইছোঁ যে আমাৰ অতি মৰমৰ তথা শ্ৰদ্ধাৰ জামাল হক দাদা আৰু আমাৰ মাজত নাই। আজি আবেলি তেজপুৰ চিকিৎসা মহাবিদ্যালয়ত চিকিৎসাধীন অৱস্থাতে তেখেতে শেষ নিশ্বাস ত্যাগ কৰে (ইন্না লিল্লাহি ৱা ইন্না ইলাইহি ৰাজিউন)।
শোণিতপুৰ জিলা আমছু (AAMSU)-ত থকা সময়ছোৱাত তেখেতৰ সৈতে সুদীর্ঘদিন অতি ওচৰৰ পৰা একেলগে সাংগঠনিক জনসেৱা কৰাৰ সৌভাগ্য মোৰ হৈছিল। সেই দিনবোৰত তেখেতৰ পৰা লাভ কৰা অলেখ সাংগঠনিক অভিজ্ঞতা আৰু শিক্ষা মোৰ বাবে আছিল এক অমূল্য সম্পদ। য’তেই লগ পালে তেখেতে যি হাঁহিমুখীয়া ব্যৱহাৰেৰে কথা পাতিছিল আৰু সমাজৰ হৈ নিষ্ঠাৰে কাম কৰি যাবলৈ যি সাহস যোগাইছিল, সেয়া আজিও মোৰ মনত সজীৱ হৈ আছে।
আজিৰ পৰা দাদাৰ সেই মৰম আৰু দিহা-পৰামৰ্শবোৰৰ পৰা বঞ্চিত হ’ম যদিও তেখেতে দি যোৱা সাংগঠনিক আদৰ্শ আৰু শিক্ষা মই সদায় স্মৰণীয় কৰি ৰখাৰ চেষ্টা কৰিম। তেখেতৰ বিয়োগে আমাৰ সমাজৰ লগতে ব্যক্তিগতভাৱে মোৰ বাবেও এক অপূৰণীয় ক্ষতি কঢ়িয়াই আনিলে।
পৰম কৰুণাময় আল্লাহ তাআলাই তেখেতক জান্নাতুল ফিৰদৌস নসীব কৰক আৰু শোকসন্তপ্ত পৰিয়ালবৰ্গক এই দুখ সহিবলৈ শক্তি প্ৰদান কৰক।
#স্মৃতিচাৰণ #শ্ৰদ্ধাঞ্জলি #আমছু #বৰছলা
