29/08/2025
এইচ ডি এফ চি বেংকৰ গ্ৰামীণ ট্ৰাষ্টৰ উদ্যোগত, গোগামুখ স্পৰ্টছ্ একাডেমী আৰু গোগামুখ ক্ৰীড়া সন্হাৰ সহযোগত শুকুৰবাৰে দিনৰ প্ৰায় ১১ মান বজাত গোগামুখ মহাবিদ্যালয় খেল পথাৰত সমগ্ৰ দেশৰ দৰে গোগামুখতো ৰাষ্ট্ৰীয় ক্ৰীড়া দিৱস পালন কৰা হয়।ৰাষ্ট্ৰীয় ক্ৰীড়া দিৱস উপলক্ষে আজি শুক্ৰবাৰে ছোৱালী আৰু ল’ৰা শাখাৰ মাৰাথান দৌৰ প্ৰতিযোগিতা অনুষ্ঠিত কৰা হয়।উক্ত মাৰাথান দৌৰ প্ৰতিযোগিতা উদ্ধোধন কৰে ধেমাজি জিলাৰ আয়ুক্ত ৰাহুল সুুৰেশ জাভিৰে ৷আয়ুক্ত গৰাকীক সহযোগ কৰে মেডিচাইন স্পেইলিষ্ট ডাঃ উত্তম পেগু, ধেমাজি জিলা ক্ৰীড়া বিষয়া মৃদুল দত্ত আৰু HDFC বেংকৰ গ্ৰামীণ ট্ৰাষ্টৰ ক্ষেত্ৰ উন্নয়ন বিষয়া ধৰণী পায়েঙে ৷ উল্লেখযোগ্য যে মাৰাথান দৌৰ প্ৰতিযোগিতাত দুই শতাধিক খেলুৱৈয়ে অংশগ্ৰহণ কৰে ।খেলত প্ৰথম স্থান পোৱা লৰা ছোৱালী ক ৫০০০, দ্বিতীয় স্থান পোৱা লৰা ছোৱালী ক ৩০০০ ,
তৃতীয় স্থান পোৱা লৰা ছোৱালী ক ২০০০ টকা আৰু মান পত্ৰ সৈতে বটা প্ৰদান কৰা হয় বুলি জানিবলৈ দিয়ে।
Gogamukh live #গোগামুখ
