13/10/2026
Dhule News | निवडणूक आयुक्त ज्ञानेश कुमार यांच्या बडतर्फीच्या मागणीसाठी धुळ्यात सर्वपक्षीय आंदोलन...
-
देशभरात ईव्हीएम हटावच्या मागणीसाठी सुरू असलेल्या आंदोलनाचा एक भाग म्हणून आज धुळे जिल्हाधिकारी कार्यालयासमोर विविध राजकीय पक्ष आणि संघटनांनी एकत्र येत निदर्शने केली. निवडणूक आयुक्त ज्ञानेश कुमार यांनी ईव्हीएमच्या माध्यमातून मतदानाची चोरी करून लोकशाहीचा खून केल्याचा गंभीर आरोप आंदोलनकर्त्यांनी केला आहे. या संदर्भात एका वृत्त संस्थेच्या पत्रकारांनीही उघड केलेले अहवाल असल्याचा दावा आंदोलकांनी केला असून, ज्ञानेश कुमार यांना तातडीने बडतर्फ करावे अशी मागणी केली आहे. जोपर्यंत निवडणूक आयुक्तांना हटवले जात नाही किंवा ते राजीनामा देत नाहीत, तोपर्यंत हे आंदोलन सुरूच राहील, असा इशारा देण्यात आला आहे. या आंदोलनात 'ईव्हीएम हटाव, देश बचाव', 'वोट चोर गद्दी छोड' अशा घोषणा देण्यात आल्या असून, डॉक्टर बाबासाहेब आंबेडकर, महात्मा जोतीराव फुले आणि छत्रपती शिवाजी महाराज यांचा जयघोष करत लोकशाही आणि संविधान वाचवण्याची शपथ घेण्यात आली.
̶ ̶ ̶ ̶ ̶
-
