SUNMOON ASAM

02/03/2026

#ইণ্টাৰ_গাৰ্ডেন_ফুটবল_প্ৰতিযোগিতা
■লক্ষ্মী গ্ৰুপৰ আদাবাৰী টি এষ্টেটৰ খিতাপ দখল
■চেপন, ২মাৰ্চঃ উজনিৰ চেপন ফুটবল খেলপথাৰত লক্ষ্মী গ্ৰুপ ইণ্টাৰ গাৰ্ডেন ফুটবল টুৰ্ণামেণ্টৰ চূড়ান্ত খেলত লক্ষ্মী গ্ৰুপৰ আদাবাৰী টি এষ্টেটে খিতাপ দখল কৰিছে।
এক শতিকাৰো অধিক সময়ৰ উত্তৰাধিকাৰৰ সৈতে জড়িত লক্ষ্মী গ্ৰুপে ক্ৰীড়াক্ষেত্ৰখনক গতিশীলতা প্ৰদান কৰাৰ উদ্দেশ্যে বিগত প্ৰায় ১৮ বছৰ ধৰি ইণ্টাৰ গাৰ্ডেন ফুটবল প্ৰতিযোগিতা আয়োজন কৰি আহিছে। কেণ্ডুগুৰি টি এষ্টেট আৰু আদাবাৰী টি এষ্টেটৰ মাজত অনুষ্ঠিত চূড়ান্ত খেলখনৰ নিৰ্ধাৰিত সময়ৰ শেষত ৩-৩ ব্যৱধানত ড্ৰ হোৱাৰ পিছত পেনাল্টি শ্বুট-আউটত কেণ্ডুগুৰি টি এষ্টেটক ৫-৪ গ'লত পৰাস্ত কৰি আদাবাৰী টি এষ্টেটে চেম্পিয়ন হিচাপে পৰিগণিত হয়। কেণ্ডুগুৰিয়ে দ্বিতীয়াৰ্ধত এক দৃঢ় প্ৰত্যাৱৰ্তন কৰিছিল, প্ৰথমাৰ্ধৰ পৰা ৩-১ ব্যৱধানত পিছ পৰিও মেচখন টাই-ব্ৰেকাৰলৈ আগবঢ়াই নিবলৈ সক্ষম হৈছিল।
সামৰণি অনুষ্ঠানত লক্ষ্মী গ্ৰুপৰ অধ্যক্ষ দীপংকৰ চেটাৰ্জী আৰু পৰিচালন সঞ্চালক ৰুদ্ৰ চেটাৰ্জীৰ লগতে জ্যেষ্ঠ গণ্যমান্য ব্যক্তি আৰু এষ্টেট প্ৰতিনিধিসকল উপস্থিত থাকে।

20/02/2026

■বিধায়ক চক্ৰ গগৈৰ হাতত পাশুপাত!
■ এইবেলি খোৱাঙত কোনে পাব বিজেপিৰ টিকট?
■সাংবাদিক কুশল খনিকৰৰ পডকাষ্টত খোৱাঙৰ বিধায়ক চক্ৰধৰ গগৈ

14/02/2026

উত্তৰপূৰ্বাঞ্চলৰ প্ৰথমটো জৰুৰীকালীন পথ এয়াৰ ষ্ট্ৰীপ মুকলি কৰিলে প্ৰধানমন্ত্ৰী নৰেন্দ্ৰমোডীয়ে

14/02/2026

মৰাণৰ ৰ আকাশত যুদ্ধ বিমান ৰাফেল চুখয় অৱতৰণ

07/02/2026

■ ড° বুলজিৎ বুঢ়াগোহাঁইলৈ শ্ৰেষ্ঠ শিক্ষাবিদৰ সন্মান
■গুৱাহাটী, ৭ ফেব্ৰুৱাৰীঃ ৰাজ্যখনৰ এগৰাকী আগশাৰীৰ কেৰিয়াৰ পৰামৰ্শদাতা আৰু অসম ডন বস্ক’বিশ্ববিদ্যালয়ৰ যান্ত্ৰিক অভিযান্ত্ৰিক বিভাগৰ মুৰব্বী ড° বুলজিৎ বুঢ়াগোহাঁইলৈ আগবঢ়োৱা হৈছে বিশেষ সন্মান ।
● ড° বুলজিৎ বুঢ়াগোহাঁইক প্ৰদান কৰা হৈছে শ্ৰেষ্ঠ শিক্ষাবিদৰ বঁটা।
●‘অংকুৰম’ স্বেচ্ছাসেৱী সংগঠনে প্ৰদান কৰিছে এই বঁটা ● শ্ৰীমন্ত শংকৰদেৱ কলাক্ষেত্ৰত ৪ ফেব্ৰুৱাৰী, ২০২৬ত বঁটাটি প্ৰদান কৰা হয়।
ইয়াৰবাবে বিভিন্নজনে ড° বুঢ়াগোহাঁইলৈ শুভেচ্ছা জনোৱাৰ লগতে ‘চানমুন অসম’ৰ তৰফৰ পৰাও থাকিল অলেখ শুভকামনা আৰু অভিনন্দন…

03/01/2026

#নতুন_অসমীয়া_গীত ূলিত
■গুৱাহাটী, ৩ জানুৱাৰীঃ নতুন বছৰৰ আৰম্ভণিতে সংগীতপ্ৰেমী সকলৰ বাবে এটি বিশেষ উপহাৰ হিচাপে আজি (৩।১।২০২৬) ইউটিউব চেনেল ‘Srishti Sonic’ ত মুক্তি লাভ কৰিলে ‘শৰতৰ পদূলিত (Xorotor Podulit)’ শীৰ্ষক এটি নতুন গীত । গীতটিত কন্ঠদান কৰিছে সৃষ্টি(জুলিকা) বৰফুকনে । এসময়ৰ যোৰহাট জে বি মহাবিদ্যালয়ৰ মহিলা শাখাৰ শ্ৰেষ্ঠ তথা আন্তঃমহাবিদ্যালয় পয্যায়ত সন্মান লাভ কৰিবলৈ সক্ষম হোৱা সৃষ্টি এগৰাকী আইনৰ স্নাতক । মনময়ুৰী, সপোনৰ মৰমী, সোণাৰু'৯৯ বিহুগীত আৰু যাদু, কিয় অঞ্জালী আদি শ্ৰব্য কেছেটৰ জৰিয়তে ইতিমধ্যে শ্ৰোতাৰ মাজত নিজ স্থান দৃঢ় কৰিছে । সংগীতৰ বিশাৰদ সৃষ্টিয়ে বৰগীতৰ চৰ্চাও অব্যাহত ৰাখিছে । যোৰহাট এফ এম ৰেডিঅ’ৰ যোগেদি বহুকেইটা গীত সম্প্ৰচাৰ হোৱাৰ উপৰিও বিভিন্ন চেটেলাইট চেনেলত অনুস্থান সম্প্ৰচাৰ হৈছে । পূবৰ্তে জুবিন গাৰ্গৰ সৈতে কন্ঠদান কৰা ‘তুমি কোন দূৰণিৰ’ গীতটিৰ জৰিয়তে সমাদৰ লাভ কৰা সৃষ্টি বৰফুকনৰ এইবাৰ একক কণ্ঠত মুক্তি লাভ কৰিছে ‘শৰতৰ পদূলিত’ । এই গীতটিৰ কথা, সুৰ আৰু ভিডিঅ' কনচেপ্ট অনুপ বৰুৱাৰ আৰু গীতটি সংগীতেৰে সজাই তুলিছে পল্লব তালুকদাৰে । গীতটিৰ বাদ্যযন্ত্ৰীসকল হৈছে ৰাজা বৰুৱা, জীৱন্ত অপূৰ্ব আৰু সুভংকৰ হাজৰিকা । গীতটিৰ মিক্সিঙৰ কাম কৰিছে কৰ্ণেলে ৷
গীতটিৰ ভিডিঅ'টিত অভিনয় কৰিছে জনপ্ৰিয় অভিনেত্ৰী তথা কথক নৃত্যশিল্পী মেঘৰঞ্জনী মেধি আৰু দিপাংকৰ গায়নে । নৃত্যৰ কৰিঅ’গ্ৰাফী কৰিছে মেঘৰঞ্জনী মেধি আৰু বৰ্ণালী কলিতাই। ভিডিঅ' পৰিচালনা কৰিছে সমীন দাসে আৰু ভিডিঅ' সম্পাদনা কৰিছে মানস কাশ্যপে । পোষ্টাৰ ডিজাইন ৰিতুপৰ্ণ বৰাৰ, ক্যালিগ্ৰাফী অনুপ দত্তৰ, মেকআপ হীৰক দাসৰ। নতুন বছৰৰ আৰম্ভণিতে মুক্তি লাভ কৰা ‘শৰতৰ পদূলিত’ গীতটি সংগীতপ্ৰেমীসকলে আদৰি ল’ব বুলি সংশ্লিষ্ট সকলোৱে আশা প্ৰকাশ কৰিছে ।

31/12/2025

#স্বাগতম_২০২৬লৈ #শুভেচ্ছা_আপোনালোকলৈ

06/12/2025

■জালুকবাৰী উচ্চতৰ মাধ্যমিক বিদ্যালয়ত কেৰিয়াৰ সজাগতা সভা সম্পন্ন
■পঢ়া-শুনা পৃথিৱীৰ আটাইতকৈ সহজ কাম- ড° বুলজিৎ বুঢ়াগোহাঁই
■গুৱাহাটী, ৬ ডিচেম্বৰঃ অসম ডন বস্ক’বিশ্ববিদ্যালয় প্রযুক্তিবিদ্যা বিদ্যালয়ৰ যান্ত্ৰিক অভিযান্ত্ৰিক বিভাগৰ উদ্যোগত ৬ ডিচেম্বৰ পুৱা ৯.৩০ বজাত জালুকবাৰী উচ্চতৰ মাধ্যমিক বিদ্যালয়ত এখন কেৰিয়াৰ সজাগতা সভা আয়োজন কৰা হয়। উক্ত সভাত ৰাজ্যখনৰ এগৰাকী আগশাৰীৰ কেৰিয়াৰ পৰামৰ্শদাতা আৰু অসম ডন বস্ক’বিশ্ববিদ্যালয়ৰ যান্ত্ৰিক অভিযান্ত্ৰিক বিভাগৰ মুৰব্বী ড° বুলজিৎ বুঢ়াগোহাঁই আৰু সহকাৰী অধ্যাপক তাপসজ্যোতি কলিতা সমল ব্যক্তি হিচাপে উপস্থিত থাকে। ড°বুঢ়াগোহাঁয়ে হাইস্কুল শিক্ষান্ত পৰীক্ষাত উত্তীৰ্ণ হোৱাৰ পাছত শিক্ষাৰ্থীসকলে অধ্যয়ন কৰিব পৰা আই.টি.আই.ৰ বিভিন্ন ট্রেড আৰু পলিটেকনিকৰ তিনি বছৰীয়া বিভিন্ন ডিপ্লমা পাঠ্যক্রমৰ বিষয়ে আলোচনা কৰে। লগতে শিক্ষাৰ্থীসকলে উচ্চতৰ মাধ্যমিকত শাখা তথা বিষয়বোৰ নিৰ্বাচন কেনেকৈ কৰিব লাগে আৰু উচ্চতৰ মাধ্যমিকৰ কলা, বিজ্ঞান , বাণিজ্য শাখা বা বৃত্তিমুখী শিক্ষা গ্রহণ কৰি নিজৰ দক্ষতা প্রকাশ কৰিব পাৰিলে শিক্ষাৰ্থীসকলে কিদৰে সুন্দৰ কেৰিয়াৰ গঢ়িব পাৰে সেই বিষয়ে বিষদ ব্যাখ্যা ড° বুঢ়াগোহাঁয়ে আগবঢ়ায় । পঢ়া-শুনা পৃথিৱীৰ আটাইতকৈ সহজ কামবোৰৰ এটা বুলি তেওঁ উল্লেখ কৰে। শিক্ষাৰ্থীসকলক ‘পাখি মেলা সপোন’ৰ দৰে অনুপ্ৰেৰণামূলক গ্ৰন্থ পঢ়িবৰ বাবে ড°বুঢ়াগোহাঁয়ে আহ্বান জনায়। বিভিন্ন প্রতিযোগিতামূলক পৰীক্ষা তথা নিযুক্তিৰ বাবে আয়োজন কৰা সাক্ষাৎকাৰবোৰত সাধাৰণ জ্ঞানৰ প্রয়োজনীয়তাৰ বিষয়ে তেওঁ উল্লেখ কৰে । ড°বুলজিৎ বুঢ়াগোহাঁয়ে প্ৰতি শনিবাৰে বিয়লি ৬বজাৰৰ পৰা ৯বজালৈ ফোনযোগে (৯৪৩৫১৮৮৬৩০) বিনামূলীয়াকৈ আগবঢ়োৱা কেৰিয়াৰ পৰামৰ্শৰ বিষয়ে অৱগত কৰে । জালুকবাৰী উচ্চতৰ মাধ্যমিক বিদ্যালয়ৰ অধ্যক্ষা চৰিফা আৰা আহমেদ আৰু আন শিক্ষক-শিক্ষয়িত্ৰীসকল উপস্থিত থকা কৰ্মশালাখনত আনজন সমল ব্যক্তি তাপসজ্যোতি কলিতাই অসম ডন বস্ক’বিশ্ববিদ্যালয়ত অধ্যয়ন কৰিব পৰা বিভিন্ন পাঠ্যক্রমৰ বিষয়ে আলোচনা কৰে ।

17/11/2025

অনন্য জুবিনৰ মোৰ মা

10/11/2025

■ডনবস্ক’ বিশ্ববিদ্যালয়ৰ উদ্যোগত
‘আনলক ইয়ৰ ফিউচাৰ, অপচনছ আফ্টাৰ গ্ৰেজুৱেচন’ শীৰ্ষক কেৰিয়াৰ কাউন্সেলিং আলোচনা চক্ৰ সম্পন্ন
■গুৱাহাটী, ১০ নৱেম্বৰঃ অসম ডনবস্ক’ বিশ্ববিদ্যালয় স্কুল অৱ টেকন’লজীৰ মেকানিকেল ইঞ্জিনিয়াৰিং বিভাগ আৰু কেৰিয়াৰ গাইডেন্স চেলৰ যৌথ উদ্যোগত ‘আনলক ইয়ৰ ফিউচাৰ, অপচনছ আফ্টাৰ গ্ৰেজুৱেচন(Unlock Your Future: Options After Graduation)’ শীৰ্ষক এখন কেৰিয়াৰ কাউন্সেলিং আলোচনা চক্ৰ ১০ নৱেম্বৰত অনুষ্ঠিত হৈ যায়। । আলোচনা চক্ৰখনত সমলব্যক্তি হিচাপে উপস্থিত থাকে অসম ডনবস্ক’ বিশ্ববিদ্যালয়ৰ মেকানিকেল ইঞ্জিনিয়াৰিং বিভাগৰ মুৰব্বী তথা কেৰিয়াৰ গাইডেন্স চেলৰ চেয়াৰমেন ড° বুলজিৎ বুঢ়াগোহাঁই। তেওঁ অভিযান্ত্ৰিক বিভাগৰ বিভিন্ন শাখাত স্নাতক ডিগ্ৰী সম্পূৰ্ণ কৰাৰ পাছত শিক্ষাৰ্থীসকলৰ বাবে উপলব্ধ বিভিন্ন কেৰিয়াৰৰ সুযোগৰ ওপৰত আলোকপাত কৰে। ড° বুলজিৎ বুঢ়াগোহাঁয়ে অভিযান্ত্রিক সেৱা পৰীক্ষা (Engineering Services Examination) আৰু গ্রেজুৱেট এপটিটিউড টেষ্ট ইন ইঞ্জিনীয়াৰিং (Graduate Aptitude Test in Engineering ) পৰীক্ষাৰ বিষয়ে আলোচনা কৰে আৰু প্ৰস্তুতিৰ কৌশলৰ বিষয়ে মতামত দাঙি ধৰে । তেওঁ চাকৰিৰ সাক্ষাৎকাৰৰ বাবে কেনেকৈ প্ৰস্তুতি চলাব লাগে সেই বিষয়তো বিশদভাৱে আলোচনা কৰে। লগতে শিক্ষাৰ্থীৰ আগ্ৰহ আৰু লক্ষ্য অনুসৰি স্নাতকোত্তৰ অধ্যয়নৰ পথ নিৰ্বাচনৰ ক্ষেত্ৰতো মূল্যৱান দিশ-নিৰ্দেশনা প্ৰদান কৰে। ব্যক্তিত্বৰ লগতে নিজৰ ৰাপবোৰে শিক্ষাৰ্থীসকলক সঠিক কেৰিয়াৰ বাছনি কৰাত কেনেদৰে পথ প্ৰদৰ্শন কৰিব পাৰে সেই বিষয়েও ড° বুলজিৎ বুঢ়াগোহাঁয়ে আলোকপাত কৰে। এই কেৰিয়াৰ কাউন্সেলিং আলোচনা চক্ৰখনে শিক্ষাৰ্থীসকলক ভবিষ্যৎ কেৰিয়াৰ পৰিকল্পনা কৰিবলৈ প্ৰেৰণা যোগায়।

04/11/2025

https://youtu.be/uhc8SpMbwdg?si=JAr4e5Am-QRaBd09

#জীৱনীমূলক_গ্ৰন্থ #অভিনন্দন_গ্ৰন্থ াজসেৱক মণিমাণিক গগৈৰ জীৱন-দৰ্শন সন্দৰ্ভত এখন গ্ৰন্থ প....

29/10/2025

■ডন বস্ক’বিশ্ববিদ্যালয়ৰ উদ্যোগত কেৰিয়াৰ কাউন্সেলিং অধিবেশন সম্পন্ন
■গুৱাহাটী, ২৯ অক্টোবৰঃ অসম ডন বস্ক’ বিশ্ববিদ্যালয়, টাপেচিয়া কেম্পাছৰ ৰসায়ন বিজ্ঞান বিভাগে ‘সতৰ্কতা সজাগতা সপ্তাহ ২০২৫’ৰ অংশ হিচাপে ২৯ অক্টোবৰত “সতৰ্কতা – আমাৰ ভাগ-বতৰা দায়িত্ব” শীৰ্ষক কেৰিয়াৰ কাউন্সেলিং অধিবেশনৰ আয়োজন কৰে। অসম ডন বস্ক’ বিশ্ববিদ্যালয়ৰ ৰসায়ন বিজ্ঞান বিভাগৰ সহকাৰী অধ্যাপিক ড° পল্লবী বৰাই আঁতধৰা অনুষ্ঠানটিত অসম ডন বস্ক’ বিশ্ববিদ্যালয় স্কুল অৱ টেকন’লজীৰ মেকানিকেল ইঞ্জিনিয়াৰিং বিভাগৰ সহকাৰী অধ্যাপক তথা কেৰিয়াৰ পৰামৰ্শদাতা ড° বুলজিৎ বুঢ়াগোহাঁই সমল ব্যক্তি হিচাপে উপস্থিত আছিল। ড° বুঢ়াগোহাঁয়ে ভাষণত পদাৰ্থ বিজ্ঞান, ৰসায়ন বিজ্ঞান আৰু গণিতৰ উচ্চ শিক্ষাৰ সুযোগৰ বিষয়ে অন্তৰ্দৃষ্টি প্ৰদান কৰে আৰু বৰ্তমানৰ শৈক্ষিক আৰু পেছাদাৰী পৰিৱেশত আন্তঃশাখা শিক্ষণৰ মূল্যৰ ওপৰত গুৰুত্ব আৰোপ কৰে। তেওঁ ইউ পি এছ চি আৰু ৰাজ্যিক অসামৰিক সেৱা অধীনৰ প্ৰতিযোগিতামূলক পৰীক্ষাৰ বাবে প্ৰস্তুতিৰ ক্ষেত্ৰতো নিৰ্দেশনা আগবঢ়ায়, লগতে বৰ্তমানৰ উদ্যোগৰ প্ৰয়োজনীয়তা, দক্ষতা বৃদ্ধি আৰু উদ্যোগীকৰণৰ সম্ভাৱনাৰ ওপৰত আলোকপাত কৰে। ড° বুঢ়াগোহাঁয়ে শিক্ষাৰ্থীসকলক তেওঁলোকৰ ব্যক্তিগত শক্তিক চিনি পাবলৈ আৰু তেওঁলোকৰ চখ আৰু আগ্ৰহক অৰ্থপূৰ্ণ কেৰিয়াৰ পথলৈ ৰূপান্তৰিত কৰাৰ সম্ভাৱনাসমূহ অন্বেষণ কৰিবলৈ উৎসাহিত কৰে। এই অধিবেশনত বিশ্ববিদ্যালয়খনৰ স্নাতক আৰু স্নাতকোত্তৰ উভয় শিক্ষাৰ্থীয়ে সক্ৰিয় অংশগ্ৰহণ কৰে। লগতে ড°বুঢ়াগোহাঁয়ে জনায় যে আগ্রহী শিক্ষাৰ্থীসকলে প্ৰতি শনিবাৰে সন্ধিয়া ৬বজাৰৰ পৰা ৯ বজালৈ ফোনযোগে (৯৪৩৫১৮৮৬৩০) বিনামূলীয়া কেৰিয়াৰ পৰামৰ্শ গ্রহণ কৰিব পাৰে। অধিবেশনখনৰ সামৰণিত ৰসায়ন বিজ্ঞান বিভাগৰ সহকাৰী অধ্যাপক ড°সুভাষীস ৰায়ে ধন্যবাদ জ্ঞাপন কৰে ।