Troilokya Nath

27/08/2025

ফটো হেনো মেইন।
😭😭😭
মোকনো বাৰু তহতে এনেকুৱা কৰিব লাগেনে। Ganguli, এইটো কাৰ কাম।

23/08/2025

বহুত দিন ঘৰত খোৱা নাছিলোঁ।
খোৱাত এনেই মামাতকৈ ভালেই আছিলোঁ।
আজি বজাই দিলোঁ।

22/08/2025

মাননীয় মুখ্যমন্ত্ৰী আৰু প্ৰধানমন্ত্ৰী ডাঙৰীয়ালৈ আজি চিঠি এখন লিখিলোঁ। মোৰ এটা সৰু সমস্যাৰ সমাধান বিচাৰি। সমস্যাটো হৈছে মই স্কুললৈ অহা যোৱা কৰোঁতে বিকট দুৰ্গন্ধ পাইছোঁ। বাটত । লৰা ছোৱালী দুটাৰ নাক দুটা বন্ধ কৰি দিব নোৱাৰোঁ। এদিন নহয় সদায়। আৰু এই দুর্গন্ধ মোৰ ইচ্ছাৰ অবিহনে মোক দিয়া হৈছে।
মই চিঠিত লিখিছোঁ যে এই দূৰ্গন্ধ জানি বুজি সৃষ্টি কৰা হৈছে। এই দুৰ্গন্ধ সৃষ্টি কৰাত জনা বুজা শিক্ষিত মানুহৰ লগতে স্থানীয় প্ৰশাসনো জড়িত। কিয়নো যি স্থানত এই দূর্গন্ধ আছে সেই স্থানত পুৱাৰ পৰা নিশালৈকে দুজনকৈ পুলিচ থাকে। স্থানীয় প্ৰশাসনিক বিষয়া সকলে এই দুৰ্গন্ধ সৃষ্টিৰ কাৰণ জানে। প্ৰমাণ হিচাপে মই ফটো কেইখনমান লগত দিছোঁ।
মই চিঠিত এই কথা লিখিবলৈ পাহৰা নাই যে, চৰকাৰী বা বেচৰকাৰী দল সংগঠন অথবা বিধায়ক মন্ত্ৰীয়ে এই কৰ্দয্যময় পৰিবেশ নেদেখাকৈ থকা নাই। ওচৰতে মুকলিকৈ খাদ্য বস্তু বিক্ৰী কৰে। খাওঁতাইও খাই। ফটো দিছোঁ।
মই চিঠিত লিখিছোঁ , এই পথটো নিৰ্মাণ হোৱা দিন ধৰি বৰ্তমানলৈকে সদায় এই স্থানত জাবৰ পেলোৱা হয়। পথটো জাবৰ পেলাবৰ বাবে নিশ্চয় দিয়া নাই। মই মন্ত্ৰী বিমল বৰা ডাঙৰীয়াৰ কথা লিখিছোঁ। তেখেতে বিভিন্ন সময়ত এই পথটো নিৰ্মাণত হোৱা সমস্যা, সেই বিলাকৰ সমাধান আৰু এই পথৰ প্ৰয়োজনীয়তাৰ কথা ভাষণত কয়। বহুত সময় কয়। মই নিজেই বহুবাৰ শুনিছোঁ। তেখেতে এই জাবৰ দেখিছে বুলি মই জনাইছোঁ(!) পথ আমাক লাগে। কিন্তু এই কৰ্দয্যময় পথতকৈ পূৰ্বৰ সেউজীয়া বাগিছা বেছি স্বাস্থ্যকৰ।
মই চিঠিৰ জৰিয়তে তেওঁলোকৰ পৰা জানিব বিচাৰিছোঁ যে টিংখাং সমজিলাৰ জাবৰ নিষ্কাষণ যন্ত্ৰ কেইটা কত বহালে। লগতে অনুৰোধ কৰিছোঁ যে টিংখাং সমজিলাত দুবিঘা হলেও মাটি এই যাবৰ খিনিৰ নামত আবণ্টন দিবলৈ।(কোৱা শুনিছোঁ জাবৰ পেলাবলৈ ঠাই নাই চৰকাৰৰ।)
মই চিঠিত লিখিছোঁ যে স্থানীয় প্ৰশাসন অথবা উন্নয়ন সমিতি বা ব্যৱসায়িক সন্থা আদিক কলে সমস্যা বেছি হয়। ইজনে সিজনৰ কথা কয়। আৰু দুদিনৰ পাছত জাবৰৰ দমটো দুগুণ ডাঙৰ হয়। তাৰমানে থু... ল । পালিটো।
মোদী ডাঙৰীয়াৰ স্বচ্ছতা কেৱল আনুষ্ঠানিকতা হয় এনে স্থানত। ৰঙা দলিচাৰে ঢাকিলে চাফা নহয়।
শেষত লিখিছোঁ,
তাতে কুকুৰ এটা মৰিল। দুৰ্ভগীয়া। গাহৰি নাইবা গৰু মৰা হলে চিন্তা কৰিব লগা নাছিল। কুকুৰে টনা আজুৰা কৰি শেষ কৰিলেহেতেন। এতিয়া বেছেৰা কুকুৰ মৰিল । কোনে টানে, কোনে আজুৰে। দুৰ্গন্ধ ।
বি.দ্ৰ.- (মোক দুদিনৰ পাছত দুজনমানে সুধিব তোৰ চিঠিৰ উত্তৰ পালিনে বুলি। এটা কুটিল হাঁহি মাৰি। মই তেতিয়া গৌৰবেৰে বুকু দুই ইঞ্চি ডাঠ কৰি নপুংসকক চোৱাৰ দৰে চাই কম, ওপৰত যদি মানুহ আছে উত্তৰ মোক নিদিলেও হব। আৰু যদি ...)
#জাতী়তাবাদী

18/08/2025

ৰঙিয়াত আখৰাৰ আজি অষ্টম দিন।
াসমহোৎসৱ #অংকীয়াভাওনা

16/08/2025

সম্পূৰ্ণকৈ চাবলৈ তলৰ link ত click কৰক # # #👇https://youtu.be/5LFskqGSf0I?si=ytKCvZUnPNtqgYBP
https://youtu.be/5LFskqGSf0I?si=ytKCvZUnPNtqgYBP
https://youtu.be/5LFskqGSf0I?si=ytKCvZUnPNtqgYBP

15/08/2025

আজিৰ পৰা সাত আঠ বছৰ মান আগলৈকে শুনিলো, স্বাধীনতা আন্দোলনৰ জীৱন্ত ঘটনাৱলী। বৌটিৰ মুখেৰে। সৰুতে শুনিলো ককাৰ মুখেৰে। গাঁৱে গাঁৱে বৌতিহতে শাৰী শাৰী হৈ জ্যোতি বিষ্ণুৰ গান গায় গায় এবেলা খোজ কাঢ়ি গৈ যোৰহাটত গণ সমাবেশত অংশ লৈছিল গৈ। ওখ বাঁহেৰে সজা চাঙৰ ওপৰত গান্ধীজীক দেখিছিল। ভাষণ শুনিছিল। বুকুত এপথাৰ সাহস বান্ধি এমুঠি কেঁচা বুট চোবাই চোবাই আকৌ খোজ কাঢ়ি ঘৰ আহি পাইছিল এন্ধাৰ বেলি। ৰাতি আকৌ চুবুৰীত মিটিং। পতাকা সাজিব লাগে, গান শিকিব লাগে। কত কাম। পিছদিনা পুৱাই আকৌ ওলাল "বন্দে মাতৰম"।
আৰু ককা...
ককা জীৱনৰ শেষ সময়লৈকে গান্ধীজীৰ আদৰ্শৰে থাকিল। নিজে কটা কপাহী কাপোৰৰ বাদে একো পিন্ধা নেদেখিলোঁ। আমাকো শিকালে, সূতা লবলৈ, পাজি বনাবলৈ, গছৰ পৰা কপাহ আনি গুটি গুচাই নেউঠনিত লোৱালৈকে সকলো। ভাগে ভাগে আনি দিছিল সৰু সৰু পিতলৰ তাকুৰী। স্বাধীনতা আন্দোলনৰ আগৰণুৱা ব্যক্তি আছিল। সেই বাবেই হয়তো বিনোৱা জীৰ দৰে চিৰ নমস্য ব্যক্তিৰ পদধুলা পৰিছিল আমাৰ ঘৰত। তিনি চামুচ গাখীৰ খাই গৈছিল। গৌৰৱ কৰোঁ তাকে লৈ মই। আৰু আজীৱন গৌৰৱ কৰি যাম। ককাই আন্দোলন কৰি জেলতে পাৰ কৰিছিল বহু সময়। জেলতে লগ পাইছিল বহু বৰেণ্য ব্যক্তি। স্বাধীনতাৰ পাছতো ককা ৰাজহুৱা হৈয়ে থাকিল।
শঙ্কৰদেৱ সেৱাশ্ৰম খুলিব বিচাৰিছিল শিক্ষিত যুৱ সমাজৰ বাবে। যুৱক যুৱতীৰ বাবে কপাহী কাপোৰৰ কাৰখানা। ধেই মেচিন আনিলে। বুকুৰ কামিহাৰো ভাঙিলে। তথাপিও ৰৈ নিদিলে। বেপাৰী বনিকে দখল কৰিলে মাটি। ২৬ বছৰ কৰ্টলৈ অহা যোৱা...
হেমভাই ডাঙৰীয়াৰ বৰ প্ৰিয় আছিল ককা ।
আগতে স্বাধীনতা দিৱস বা গণৰাজ্য দিৱসৰ দিনা আমাৰ বৰ ভাল লাগে ঘৰত থাকি। ৰাতিপুৱাই আৰ্মি আহে। ঘৰৰ সকলোকে বাহিৰলৈ মাতে। শাৰী পাতি থিয় হবলৈ কয়। ঘৰৰ জ্যেষ্ঠ জনক গামোচা পিন্ধাই আৰু আমাক সকলোকে salute কৰে। মিঠাই দিয়ে। বুকুখন চাৰি ইঞ্চি মান বহল হৈ যায়। এইখন মোৰ দেশ।
এতিয়া ককা নাই। বৌতিও নাই। সেই দিনো নাই।
এতিয়া পইছাৰ যুগ। ককা আৰু বৌতিয়ে যিটো আমাৰ কাৰণে থৈ যোৱা নাই , আৰু আমিও যিটো কেতিয়াও বিচৰা নাই - টকা, পইচা, মাটি, সম্পত্তি।
ককা আৰু বৌটিয়ে আমালৈ থৈ গল এসাগৰ সাহস, এসাগৰ গৌৰৱ।
আজিকালি স্বাধীনতা দিৱস বা গণৰাজ্য দিৱসটো পইছাৱালা দুজনমানকহে বিশিষ্ট অতিথিৰ আখনত দেখো। যাবলৈ মন নাযায়।
সেয়ে ঘূৰি ফুৰো। অৰঙে দৰঙে। বুকুৰ মাজতে সেই গৌৰৱ, সেই সাহস সযতনে সাঁচি।
বন্দে মাতৰম।

14/08/2025

"পঢ়ে পঢ়াই ৰুৱে পান।
সেই লোকে নিছিন্তে আন।।"
নামনিৰ ফালে এইবুলি কয় । সৰুৰে পৰা বৌতিৰ (আইতা) মুখত শুনিলো -
"আদা পানৰ খেতি কৰিবা।
লংকাৰ বনিজ হাততে পাবা।।"
এইবিলাক অসমৰ লোক জীৱনত প্ৰচলিত বচনৰ সাৰ মৰ্ম কষ্টোসহিষ্ণু, ধৈৰ্য্যশীল, উন্নতিৰ সপোন দেখাজনে বুজি পাব। খেতিৰ প্ৰতি মোৰ হেঁপাহ আছে। পিছে সময়ৰ নাটনি। প্ৰিয় বন্ধু, ছাত্ৰ, ভাতৃপ্ৰতিম কমলে কৰিছে খেতি। মই কলো, " মানুহেহে মৰম নুবুজে কমল। ইহঁতে মৰম বিচাৰে।। মৰম দিবা। তোমাৰ হাতৰ পৰশতে লহপহকৈ উঠিব।" তাৰ ইচ্ছা ময়ো অকণমান মৰম দিব লাগে।
দিলোঁ, হিয়া উজাৰি,
ভাল হওক।
ভাল হওক।
ভাল হওক।।

13/08/2025

শিকাই থাকোতেই মানুহ হেৰাই যায়।
কি হব ganguli।

13/08/2025

মই কিয় গৌৰৱ কৰোঁ আধাৰ জাতীয় বিদ্যালয়ক লৈ।
📍মই বৰ্তমানলৈকে দেখাপোৱা অসমৰ একমাত্ৰ বিদ্যালয় আধাৰ জাতীয় বিদ্যালয়, য'ত প্ৰতি গৰাকী ছাত্ৰ ছাত্ৰীয়ে অসমৰ স্বাভিমান সত্ৰীয়া নৃত্যৰ অন্যতম অংশ মাটি আখৰা কৰিব পাৰে। মাটি আখৰা বিদ্যালয়ৰ নিত্য নৈমিত্তিক কাৰ্যসূচীৰ দৰে হৈ আহিছে। যাৰ বাবে প্ৰতি গৰাকী ছাত্ৰ ছাত্ৰীৰ স্বাস্থ্য সুন্দৰ হৈছে। নিৰোগী হৈছে। বিদ্যালয়ৰ শিক্ষা সম্পূৰ্ণ কৰি ওলাই যোৱা ছাত্ৰ ছাত্ৰী সকল বৰ্তমানলৈকে আকৰ্ষণীয় স্বাস্থ্যৰ অধিকাৰী হৈ আছে।
📍মই বৰ্তমানলৈকে দেখাপোৱা অসমৰ একমাত্ৰ বিদ্যালয় আধাৰ জাতীয় বিদ্যালয়, য'ত প্ৰতি গৰাকী ছাত্ৰ ছাত্ৰীয়ে মহাপুৰুষ শঙ্কৰদেৱ আৰু মাধৱদেৱ ৰচিত নাট ঝুমুৰা সম্পূৰ্ণকৈ পৰিৱেশন কৰিব পাৰে। বিদ্যালয়ত অঙ্কীয়া ভাওনা প্ৰতি বছৰে ছাত্ৰ ছাত্ৰী সকলে অতি কমেও দুখন কৰিব লাগে। যোৱা পোন্ধৰ বছৰত ইয়াৰ ব্যতিক্ৰম হোৱা নাই।
📍মই বৰ্তমানলৈকে দেখাপোৱা অসমৰ একমাত্ৰ বিদ্যালয় আধাৰ জাতীয় বিদ্যালয় য'ৰ প্ৰতি গৰাকী ছাত্ৰ ছাত্ৰীয়ে জ্যোতিপ্ৰসাদ আগৰৱালা, বিষ্ণুৰাভা, পাৰ্বতিপ্ৰসাদ বৰুৱা ,ভূপেন হাজৰিকাৰ গীত, কবিতা গাব পাৰে। চিৰস্মৰণীয় ব্যক্তি সকলৰ অৱদান খিনিৰ আচৰণ বিদ্যালয়ে নৈতিক দায়িত্ব বুলি পালন কৰে।
📍মই বৰ্তমানলৈকে দেখাপোৱা অসমৰ একমাত্ৰ বিদ্যালয় আধাৰ জাতীয় বিদ্যালয় য'ত সৰস্বতী পূজাৰ দিনা গ্ৰন্থ অধ্যয়ন, বিশ্বকৰ্মা পূজাৰ দিনা সাঁতুৰি, বটালি, আদিৰ ব্যৱহাৰিক জ্ঞান দিয়া হয়।
📍মই বৰ্তমানলৈকে দেখাপোৱা অসমৰ একমাত্ৰ বিদ্যালয় আধাৰ জাতীয় বিদ্যালয়, য'ত ছাত্ৰ ছাত্ৰীক স্ব-নিয়ন্ত্ৰণৰ পাঠ দিয়া হয় ব্যৱহাৰিক অনুশীলনেৰে।
📍গ্ৰন্থ সম্পাদনা, প্ৰাচীৰ পত্ৰিকা, চিত্ৰকলা, সাহিত্যৰ বিভিন্ন দিশত( কবিতা, প্ৰবন্ধ, গল্প আদি) ছাত্ৰ ছাত্ৰীক ব্যৱহাৰিক জ্ঞানেৰে আগবঢ়াই নিয়া হয়। যাৰ ফলত ছাত্ৰ ছাত্ৰী সকলে সম্পাদনা কৰি উলিয়াই প্ৰতি বছৰে গ্ৰন্থ।
📍মই বৰ্তমানলৈকে দেখাপোৱা অসমৰ একমাত্ৰ বিদ্যালয় আধাৰ জাতীয় বিদ্যালয় য'ত পঞ্চম শ্ৰেণলৈকে মাটিআখৰা, বৰগীত/শাস্ত্ৰীয় সঙ্গীত বাধ্যতামূলক ভাৱে শিকোৱা হয়।
📍 শিল্পী দিৱস, ৰাভা দিৱস, শিক্ষক দিৱস আদি অনুষ্ঠিত হয় যদিও গুৰু জয়ন্তী বিদ্যালয়ৰ অন্যতম আড়ম্বৰ পূৰ্ণ অনুষ্ঠান। নৃত্য, গীত, নাট, ভাওনাৰ জৰিয়তে উৎসৱমুখৰ হয় প্ৰতিটো অনুষ্ঠান। আধ্যাত্মিক জ্ঞানে সুচৰিত্ৰ গঠনত সহায় কৰে। যোৱা পোন্ধৰ বছৰত ইয়াৰ ব্যতিক্ৰম হোৱা নাই।
📍মই বৰ্তমানলৈকে দেখাপোৱা অসমৰ একমাত্ৰ বিদ্যালয় আধাৰ জাতীয় বিদ্যালয় যি বিদ্যালয়ে দাঁতি কাষৰীয়া প্ৰত্যেক খন গাঁৱৰ সাংস্কৃতিক বিকাশৰ বাট মুকলি কৰিছে।
📍বিদ্যালয়ৰ বৌদ্ধিক আন্ত:গঠনি অতি উন্নত। এই বিদ্যালয়ত অধ্যয়ন সম্পূৰ্ণ কৰি ওলাই যোৱা কোনো ছাত্ৰ ছাত্ৰী বৰ্তমানলৈকে অধ্যয়ন বিমুখী অথবা কৰ্ম বিমুখী হোৱা নাই
মই বিদ্যালয় খন ভালপোৱাৰ আৰু বহু কাৰণ আছে। বিদ্যালয়ৰ প্ৰাকৃতিক পৰিবেশ, কাম কৰাৰ স্বাধীনতা, নিয়মানুবৰ্তিতা, সময়ানুবৰ্তিতা, সদায় নতুনৰ চিন্তা, সকলোৰে চিন্তাক গুৰুত্ব প্ৰদান ইত্যাদি ইত্যাদি।
মই ভাল পাওঁ আধাৰ জাতীয় বিদ্যালয়ক। ❤️❤️❤️
#আধাৰ_জাতীয়_বিদ্যালয়

11/08/2025

❤️❤️❤️
#আধাৰ_জাতীয়_বিদ্যালয় #অংকীয়াভাওনা #

10/08/2025

ভাওনাৰ যুদ্ধৰ গীত এটি নিজৰ অনুভৱেৰে গাই চালোঁ।
#অংকীয়াভাওনা
াসমহোৎসৱ

09/08/2025