https://www.facebook.com/109415538053303/

Zomi Hornbill Media, 4th Street, Dimapur (2025)

07/09/2025

Zogam, Cikha Pilsinna Sang Innpi 2009-2025

Photos credit: Star view

07/09/2025

Powerball 1.8 B

07/09/2025

Powerball 1.8 Billions

07/09/2025

Kawl thusuak
Tuma k*m 20 lai pawl in zong tua hunlai a Kawl galkap mangpa ahi TS ki mudah mahmah hi
Kei bang zingsang kathawh sim phial in "Bang cih leng hihpa sibaih ding hiam?" cih ngaihsut masak in kanei pahpah khazel hi. Amah si leh aman ziau ding khawng kasa mawk hi.
Khat vei Kawlte thusuak nei khat tawh ka ki hoho leh ama'n: "Hih pa sipak deklo ding hi: k*m 93/94 d**g bang nungta ding hi" hong cimawk hi. Ka tha hong dahtuam peuhmah a, "K*m tua zahzah nungta kei venteh aw: thau veh aw" ka cisim giugiau pong hi.

Peuh tuapa' hong thugen aman ding dan hithong e maw. Tu'n bel ama' sih leh sihloh awlmawh zo nawn hetkei bek veng in.

2021 k*m gam buai khit deuh in zong Kawl thusuak nei khat in men Ong Lai in k*m 12 uk ding hi ciphiau mawk hi

Tua bel tuni d**g ka umzo nai mahmah tuan sam kei hi.

"Topa’ khut sungah k*mpipa om a, lo sunga tui lak bangin a deihna peuhah hei kawikawi thei hi."
Paunak 21 : 1

Shalom to Myanmar

Mung Laan Thang
Yangon

C&P
Photo Crd: Awnlai

07/09/2025

Kawlgam Alumlet Den August Kha

2025 k*m August kha 31 ni d**g hong tonpih ih biak Pasian' min phat ing
Kawlgam tangthu ah August kha sung in gam kikhelna ding thu lianpi piang thei gige hi

Ih theihtheihsa 88 buaina zong 8 mal 4 kici a tua pen 8.8.88 (1988 k*m August kha ni 8 ni) agenna ahi hi
88 buaina hang in mipi' deih bang in apailian samloh hang Kawlgam nakpi in kikhel hi. Kong kikhakcipna pan in kong teng kihong in mipi zong ih mit keuhkhia hi. Nakpi in khantohna piang veve sam hi.

2011 k*m August Kha
2010 k*m in tulaitak a k*mbei ciang a kitelna kibawl ding adeihlo mi tampi a om dan bang lian mah in tua hunlai in zong kitelna adeihlo mi tampi om kawmkal ah bawl veve uh hi. Kei bang vote kakhia vet kei hi. Tua kitelna tungtawn in USDP in k*mpi hong sem in k*mpi lubawk mun ah U Thein Sein hong tu hi.

August 18
2011 k*m August kha 18 ni in U Thein Sein in thautawi khempeuh tawh kiho nuam ing ci in hong tangko khia giap ahih man in linglawng mahmah hi. Nung-et kik leng hih vai ah tuni ciangciang amah mah alawhcing pen hiphot hi.

August 19
1988 k*m buaina khit a kipan Aung San leh atanu Aung San Su Kyi te' man (photo) peuhmah thuneite' media te ah kisuak ngeilo hi. K*mpi zumte hita leh mipi tawh kisai munte ah zong ki mukha ngeilo hi.
Ahizong in 2011 k*m August kha 19 ni in U Thein Sein in Aung San Su Kyi a k*mpi zum ah sam in hoihtak akiho khit uh teh Aung San' photo mai ah anih un dingkhawm in man akizaihna uh TV pan in hong suahsak mawk ciang in mipi in lamdang sa in ki lungdam mahmah hi
Hih August 19 ni makai tenih kimuhna in Kawlgam tangthu hong khel takpi a, amai k*m kiallap kitelna ah Aung San Su Kyi leh NLD zong lutta uh a, Hluttaw hong tung uh hi
Hih huhau in gam khantohna nakpi in piang a, American k*mpi Barrack Obama bang U Thein Sein in k*mpi asep sung Kawlgam nih vei tak hong pai liang hi. 1962 k*m pan tuni d**g U Thein Sein in k*mpi asep sung gam khangto pen hi. Vanmanh pek 1 zong khanglo hi. Dollar manh bang kiamlua ahih man in mihau pawlkhat akap liang uh ahi hi.

2024 August
2023 k*m October 27 ni in gal hat Three Brotherhood te in "1027 Operation" cih thulu tawh galsim hong kipan uh a khuapi honkhat la uh hi. Mipi lawp sak mahmah zo hi. K*m bei lam ciang in Sen in kho ahih man in gal kidona hong tawlnga phot uh hi.
2025 k*m June kha 25 ni in "1027 Phase 2" ci in galdona hong kipan kik leuleu uh a, amasa sang in zong hong hatzaw lai uh hi.

August 3
Galdona hong zom toto uh a, August ni 3 ni in Kawl galkapte' phualpi khat a omna lah ahi khuapi lian mahmah khat lah ahi Lashio khuapi nangawn hong lata uh hi. Tuatak ciang in Kawl galkap k*mpi atuk petmah ding in kigen ziahziahta a, mi tampi zong patau gawp in dollar khekmanh bang $ 1 ciang in Ks 7000 val nangawn hong tungto man hi.

August 14
Patauhna nam tuamtuam a om laitak August kha 14 ni in Sen te' gamdang vuanzi Wang Yi hong pai vinghvengh in Naypyitaw ah Min Aung Hlaing tawh hong kimu uh hi. Sen in Min Aung Hlaing panpih ding ahihna hong tangko khia hi.
Tua ni a kipan dollar khekmanh hong kiamsuk pah hiaihiai a, k*m khat aphak khit tuni d**g $ 1 ciang in Ks 5000 nuai ah om paisuak hi.

2025 August
2024 k*m August kha Wang Yi ong paikhit a kipan Kawlgam ah gal kidona alian lua om nawnlo hi. 2025 k*m March kha 28 ni a zinlinna hang in zong Ming Aung Hlaing gamdang tawh akizopna nakpi in khangto hi.

August 20
1027 Operation thulu tawh galdona a kizang avui atang teng apia UWSA in August kha 20 ni in thu lamdang mahmah khat hong tangko khia hi.
August 20 ni in UWSA in akizolhpih ahi TNLA, MNDAA, leh SSPP te sam in "Gal dona ding avui atang leh asum apai a kipan panpihna himhim kong piazo nawnkei ding uh hi" ci in gen hiau uh hi
Agen behna vuah Sen te'n nakpi in pressure hong pia uh hi, bank a ka sumkholte uh hong matsak uh hi, ka makaite uh pawlkhat zong hong matsak uh hi, UWSA akiphuat khiat zawh tulaitak hamsatna alianpen katuahkhak laitak uh hi cingeu uh hi.

Hih thu pen khangno thautawi tading in thanem huai mahmah thu khat hong suak hi.

Man Phot Ta Hi
2021 khit gam buaina hang a hong piangkhia Spring Revolution pen amanta hiphot hi. Mipi' deihna bang in hong pai samloh hang in ih gam bel hong kikhel veve ding hi. Khangnote in ahun omlai in na mailam ding uh kikhual lel le uh cin hoihzaw tham ding hi. Eiteng ih va kitot thapaih laizang ding pen nak haivai khe mahmah hi.

2026 August
2025 k*m December 28 ni a kipan gambup kitelna hong kipan ding a, 2026 k*m January kha beima in hong man ding hi.
2026 k*m March kha ciang in k*mpi thak ding vai hong ginngaih mahmah tading a, April kha pan in k*mpi thak leh Hluttaw thak hong omta ding hi
Kitelna akibawl theihlohna munte thautawite' khutsung mah ah omlai phot ding in kitelna a om theih khit teh buaima dinmun tungkik thei pan ding hi.
Chin State bang ah USDP in demsawm veve ahih man in kitelna agelna bang un apiantheih taktak kei leh USDP te'n luakmang lel ding uh hi. "Akidem dang a om kei leh akidem penpen in auto a angah" ahi hi.

Bangbang hileh 2026 k*m August kha ciang in ih gam ading thuhoih hong pian ding lam en hang ei maw.

Ki-it diamdiam ni aw.

Shalom !!!

Mung Laan Thang
Yangon
C&P

Photo credit: Online

07/09/2025

Masuh Product Shampoo
Sept7,2025

Masuh in Muksanza, mitkhuza leh a tuamtuam bek hilo in, Samsopna nangawn bawlta hi. Zomi sungah hidan Product i neih pen Zomite ki angtang mahmah hi.

A vante zong quality hoih mahmah hi. Na lei ziahziah un kisik om hial kiak.

Photo credit: Masuh

07/09/2025

PATE NI KIZANG
Sept7,2025

Australia tungsa Zomite’n tuni Sept7,2025 Sunday ni pen PATE NI in zang cih thutut kingah hi. A cuamcuam hizel.

06/09/2025

Khasiat huai Numei no nihte tuahsiatna, Tuikiatna
Sep 6, 2025

Lia, Nuam Lam Cing leh Lia, Cing San Nuam te lawmta Mi 3 tuzing sang nai 7 kiim in, Munlai pan in, Carmel mual ah thungending in pai uhhi. Saikhua khen SeKyi tui kanding kithawi a, alawmkhat pen in Tuilau ahihman, Tan gam lo himah leh, hih tuikia tegeel in, tui hongtanphei vua leh upmawh sangin tui na tamzaw ahihman tui in tai pah hi.

A lawm nu 1 tui tangam lo ahihman, amah suakta in, Innlam ah ciah in, avai te agentak teh, Sun nai1 kim a kipan, Khuasung mi te leh, meltheih tanau te kithuah in, mi pawlkhat kiseh in, zon kipan a, Khat pen Sekyi lei khang lam ah, kimu in, zoto kipuak pah himah leh, anuntakna kihonkhia zolo a, akhatzaw pen, SEKYI lei saklam ah, Suangtum in nakhak ahihman, aluang kimu kha hi. Adah akap khempeuh Topan honghehnepsakta hen..

Video credit: Ztv, Zomi Post

06/09/2025

AA In Paletwah ah Thautawi dang lut ding phal nawnlo
Sept6,2025

Zakhai Galkap AA in Chin State huam, Paletwah Myone sungah Zakhai galkap AA simloh/cihlohthautawi dang lutding, om ding phal nawnlo ci-in LAI suah uh hi. Thautawi dang alut om teitei leh kap ding hi ung cih pulak beh hi.

Paletwa bel apaipai hita ei. Kuate thusiamna hiam cih ki dotdot kul nawnlo hi.

Zogam lam zong kuate thusiamna na tawh CNF/A in nuamsa mahmah in zalen takin omin, Mipite tungah a ut zahzah siah kai/d**g in Zune, thaikap in Numei tawh nuamsa mahmah lel uh hi.

Ref: AA Spokesperson

06/09/2025

Dahpih mahmahna
Sept6,2025

Tuni Sept6,2025 zingsang in Munlaiveng pan Numei no 3 Carmel mualkah ding in pai uh aa Lampi ah Tuikhang na khangin kan zolo uh ahihmanin, Numei no nih in Mual hong liamsan uh hi.

Lia Lam Cing ( K*m -10 )
Pamin - Pa Zel Suan Khual
Numin - Nu Cing Ngaih Sian
Pawlpi - Munlai Tuiphum Pawlpi

Lia Cing San Nuam
Pamin -
Numin - Nu Zen Khan Dim
Pawlpi - Munlai UPC

06/09/2025

Tutung Kitel Zia Ding(MYANMAR ELECTION)
Sept6,2025

Tuk*m 2025 bei kuan December 28 ni in Kawlgam ah part 1 kitelna om ding hi.

Koi teng ah kitelna om ding
Khuapi-uk (Township) 102 ah kitelna om masa ding hi. Kawlgam ah khuapi-uk 330 om ahih man in sehthum suah sehkhat ah kitelna a om masa phot ding ahi hi. Khuapi 102 sung ah akihel khalo khuapi dangte ah zong 2026 k*m January kha sung in kitelna ki zomto lai ding hi. Azenzen in kitelna aki bawl theihlohna khuapi a omlai leh hong kahthak ding k*mpi thak in kalhelh kitelna (by-election) bawl toto ding hi

Zogam koi teng ah kitelna om ding
December 28 ni akibawl masa ding kitelna pen Hakha district sung leh Tedim district sung ah kibawl ding hi. Chin State ah khuapi 9 om lak ah khuapi 2 ah akibawl masa ding ahi hi. Khuapi dangte ah zong bawl ding in ngimna om veve hi.

FPTP leh PR
Tutung kitelna ah FPTP leh PR system kizang khawm ding ahih man in MMP= Mix Member Proportion system kici hi.
FPTP cih pen First-Past-The-Post cihna hi a zote in avek a luak cihna hi. Abeisa hunlai a kitelnate ah akizang den system ahi hi.
PR pen Proportional Representation cihna hi a, FPTP dan in azo penpen in buluah lo in vote ngahzah tawh kituak in hawm diamdiam ding cihna hi.

Chin State in MP bangzah nei ding
Pyithut Hluttaw (ပြည်သူ့လွှတ်တော်) ah MP 9 om ding hi (Khuapi khat ah MP khat ta hi)
Ahmyothar Hluttaw (အမျိုးသားလွှတ်‌တော်) ah MP 12 kingah ding hi. (ပြည်နယ် leh တိုင်း teng in 12 ta akikim in ahawm diamdiam ahi hi)
Pyine Hluttaw (ပြည်နယ်လွှတ်တော်) ah MP mi 18 kingah ding hi. (Khuapi khat in 2 ta ngah hi)
Tua ahih man in Chin State bup in MP himhim 39 kingah hi.

MP bangci hawm
Chin State sung ah district 6 om ahih man in Ahmyothar Hluttaw ading MP 12 lak ah 6 pen district 1 ah khat kipia hi. 6 cianlai hi.
Pyine Hluttaw MP ding khuapi khat in 2 ta ngah in Pyithut Hluttaw MP ding 1 ta ngah hi
Ahmyota Hluttaw MP acianlai 6 teng PR system tawh vote ngahzah tungtawn in akihawm ding ahi hi. Pyine Hluttaw MP ding khuapi khat in 2 ta akingah lak ah 1 pen FPTP system tawh kitel ding a, adang khat pen PR system tawh kitel ding hi.

Tedim District ah MP bangzah
Tedim leh Tonzang pan FPTP tawh kitel ding MP 5 hiding a, tuateng pen Ahmyothar Hluttaw 1, pyithut Hluttaw 2 (khuapi khat ah khatta), pyine Hluttaw ah zong 2 (khuapi khat ah khatta mah) ahi hi.

PR MP Bang Zah
Chin State bup ah Ahmyothar Hluttaw MP ding 6 PR tawh kitel ding a, Pyine Hluttaw MP ding 9 PR tawh kitel ding hi. Hih PR teng pen atuam in vote piakkul nawnlo ding a, FPTP te' vote ngahzah tungtawn in PR akigawm ding ahi hi.

Zomi te'n FPTP tawh kuangluite hoihtak tha ih piak nak leh PR pan in zong MP honkhat kingah beh thei lai ding hi.

: Zomi National Party(ZNP) Page Likes, Follows, Share sak un maw. 👇👇
👉👉https://www.facebook.com/profile.php?id=61579753243433&mibextid=wwXIfr&mibextid=wwXIfr

Mailam ah aban zomto zel ni.
C&P

06/09/2025

BREAKING NEWS Sept6,2025
Lamka to Imphal
Imphal To Lamka Bus Service taipah tading cih thutut kingah,

Ahizongin, mi tuangding maw tuanglo ding cih bel kigen thei lo hi. Pawlkhatte genna Su***de Bus tai dek maw cih gen uh..

Crd.

Zomi Hornbill Media

07/09/2025

07/09/2025

07/09/2025

07/09/2025

07/09/2025

07/09/2025

07/09/2025

06/09/2025

06/09/2025

06/09/2025

06/09/2025

06/09/2025

Address

Website

Alerts

Shortcuts

Share

Category