News Fast Karbi Anglong

News Fast Karbi Anglong Media

30/05/2026

SK, Mandal,ARO atum det le tangka pen longle kejor kali, non ke Karbi Anglong Rong Asar Amei atum pen keche kebe a*o aphan longle patta kaselam ji along No Objection Certificate(NOC) tangkal pen pi dun det pusi Borjan Development Committee atum pen pherangke amei kangni ahut lam paklang

APDCL pen Diphu angkang Current kaselam bom ajok June 1 pen 3 an adap 6 pen 9 an Current inghap ponji pusi rat phan pach...
30/05/2026

APDCL pen Diphu angkang Current kaselam bom ajok June 1 pen 3 an adap 6 pen 9 an Current inghap ponji pusi rat phan pachini

30/05/2026

Kechengsi aphong Women Karbi Student Association (WKSA) klembang do-an chetongsarsi Umrangso along Get Together ajaimek kepaman,

30/05/2026

Nilip Borpung Tarapung arat KAAC CEM Dr. Ronghang aphan kachoro.

30/05/2026

Joba Terang pen MLA & KAAC CEM Dr.Tuliram Ronghang lapen Robert Timung aphan pherangke amei pen kachoro alamthe pajir pon.

29/05/2026

Borjan Development Committee pen methang asaihem along pherangke amei kangni pon.

Aru niphai 29 arni Borjan constituency angkang Borjan Development Committee (BDC) Hidipi methang asaihem along porphai kethom apor malom pen Borjan Development Committee(BDC) Meiphu Krist Rongphar, dunmeiphi Kalpona Tissopi lapen Chandra Timung kongchunbang Horoh Tokbi Organising Secretary Harsing Tisso rap chunbang Mongal Kro Horbong kathar dunmeiphu Kalamsing Terang dihin rimbang

Klembang Ganesh Bhujel Binut Teron Harsing Ronghang pen chenglok klembang doan chitong sarsi Pherangke amei kangni pon,
Dudu colony along don pharo sose mumchom akhei atum hem chikim etlo lapen naga atum tame arlo arlo pen poisa pisi kam paklem pu kejongpon lapen Karbi anglong Rong anglong rong asar amei (KARAA) atum aphan choningji pon rong asar ke jongponme sita NOC abang pipon pe det nangji kalite mo kejutsi ke eli karbi si sung nangkok ji lapen NOC tame chohang dam nangkok ji pusi lamthe jongpon lapen Khatkhati havar alom Tila bosti keshiram bosti along Rong asar kebat ponke matha pame pensi bat pon nangji pusi jongpon lapen la*on ke Borjan Development Committee ahin pen ke chedon dun thekthe Lasi prapjin pen chipakengji aphan choningri pon. Kara gaon long kathar adak along wall kangtui along school amen pen longle kacherai lapen kaike ta ingkir hetke ahokpet aron ateng kali lasi bangso aphuthak prapjin pen klardak Rat athengno lam vanji p**a ningje.

29/05/2026

Indian constitution det kachari aron alo along ketok ang
Article 244(A) methang kachari ajakong kachelonglerek ajok
ASDC,KSA,ASDC Youth Front lapen KNCA chelang petpen K/A angkang atok ano inglong longjon kengpen Longmarch kedam ajaimek kedeng.

ASDC,KSA,ASDC Youth Front lapen KNCA chelang petpen karbi akhei apharman Indian constitution along ketok ang Article 244(A) Hemprek pini arni anta nangkipipedet ajoine K/A Angkangpi LONGMARCH akeng pen kedam ajaimek kedengpon

Kengpen kedam kachesong nisirkep plengtanglo
No.108. Bokajan LA Const. Angkang Sarupathar Const. Ahavar along nanglelo songha atum kaningjeke Hemprek mate Article 244(A) K/A akhei longri apharman jongsi prapjin pen nangpachunpi thekthe pulote kachisong la an sosesi ingthurpon nangkopo. phurun phli angdeng Longmarch keng pen dambom ahut Hemprek longletik netum sangse lapen ASDC,KSA,ASDC YF lapen KNCA achithe padingnang pu hang taram ponsi rat aphan amek paphrang pon

Bangso Longmarch kejapon ASDC Y/F Meiphu Gulson Bey, KSA Meiphu Jemson Timung, ASDC premson Bey, KSA VP Mandal Inghi lapen kaprek kaprek ASDC a*ongja atum tame cherap dun pusi Sarupathar Ahavar along kele ahut ASDC lamjai sarpo Danial Teron ningje.

29/05/2026

Karbi kurusar Chingrum amei(KKCA) pen Hidipi weekly market asaihem along pherangke amei kangni pon.

Aru achiklo niphai 28 arni 21 no. Borjan constituency keparlo Hidipi Weekly market asaihem along Karbi kurusar Chingrum amei(KKCA) atum pen Borjan havar aphan se karkli amen kecharli ponji mate seke kepi ponji aputhak Pherangke amei kangnipon abirta nangle, bangso Pherangke amei kangni pon along Tiripi KKCA Meiphu Dhonsing Teron lapen welson Tisso kongchunbang anparta Dunmeiphu Raju Bey lapen Dihin rimbang Kolomsing Engleng Dillai aro ok kehai ketok aro Hidipi aro Rongagora aro atum pensi ingni ponlo.

Borjan constituency angkang kedoan an aron barim chorkli chophejo atum phan an seke kepi ponji aphan non kevangji paipai achiklo Niphai 28 lapen 30 Hidipi havar malomsi paman ponji pusi nengje pon lapen chorkli chophejo atum ovemi atum aphan se amen lapen kopi ahutsi vo bi en nangji lapen chojun than theli karkli pen chenglok kecharli longji mate se ketam kethek etji aphan charli apor longji lapen charli ninghang atum an ke charli dunlongji lapen ningkan kre-pho kepar anke charli longji pusi pherangke along pachinipon seke kecharli ninghang do pulte Dillai aro lapen Hidipi aro keparlo an atum along humri pon nangpo p**a than
bangso seke kepiji lake nini apharman lasi mesen pen chipachun ji aphan Tirikam sengponsi meiphu Semson Engti lapen Dunmeiphu Loren kro adunthu Rensing Timung aphansi kongchunbang arpu pek ponlo lapen kedo adim haihui tame chingki chingvai ponbomlo p**a ningje.

Borjan pen Harsing Teron report newsfast karbi Anglong

29/05/2026

Teron chingrum amei ahinpen rong arak Ronghang rongbong along Rongbang sok thon amei kepaman.

West karbi anglong rong arak ronghang rongbong along teron chingrum mate teron nok-hum atum pen rongchecho lindok ahem along rongbang sok thon amei kepadopon abirta nangle.
bangso amei along teronchingrum along Dun meiphu Rupsing Teron ahinpen mei chari ponsi teron lindokpo Dhonsing Teron, lapen
Bidisar Ex MLA Rupsing Teron, rubber board chairman Chotra sing Teron, lapen alohisarpo amanpen karbi Recho Longsing Ronghang chetong dun pen mei ardi chipidun rinti, lapen non kevangji asengkan pen ke atarik arni pathik pon si Rongbang sok thon abang ke bi pon po. lapen Teron kedo an atum ke menu chepi dun vek nangji pusi pachini Pon lapen ongdung alam the cheparai pon.

28/05/2026

le ingthok te emahang chero pu asarlamthe a*onsi kechokche aphan jong lote methang amonit chero klok, tangka kapathe ajok Dokmoka ah Town along alongle keche arideng kele alamki aphuthak pura tarpangthek ketarpon.

27/05/2026

Timung arong along RCC adolong kekim bom adim along KAAC Agriculture Board chairman Mohon Tisso kahumri dam

Address

Sangkur Anglong, Near JNV, Diphu.
Diphu
782460

Telephone

+918638050407

Website

Alerts

Be the first to know and let us send you an email when News Fast Karbi Anglong posts news and promotions. Your email address will not be used for any other purpose, and you can unsubscribe at any time.

Contact The Business

Send a message to News Fast Karbi Anglong:

Shortcuts

Share

Category