Karbi Anglong News Agency

Karbi Anglong News Agency

Golaghat District along kedo ningkan pharo sose Dheswor Ingti Kathar Karbi arong Pini arni ta KAAC pen kahumri dam pen ...
31/05/2026



Golaghat District along kedo ningkan pharo sose Dheswor Ingti Kathar Karbi arong Pini arni ta KAAC pen kahumri dam pen kerap lapuson kave pin arong along non hetjong Assam Assembly Election along Golaghat District Khumtai LAC pen kehaidun MLA Mrinal Saikia MLA keman pen Karbi arong klimsomar atum loh kecharli kedam kevang kahelo kisung kepajok ponji aphan akejoi pen klimsomar atum aphan Bi Cycles hum 20 sose lapen Ehum Battary System Scooty akejoi pen Prity Kilingpi aphan kepi pon.

Bangso aphuthak MLA Mrinal Saikia aphan Rong arat lapen Prity Kilingpi atum kachoro pon.

Karbi Anglong arlo non ke Ove-kimi atum tame Beha-Bepar ahin Paphrang Dun si Methang akeng charjab rinti bomlo. lasonsi...
31/05/2026


Karbi Anglong arlo non ke Ove-kimi atum tame Beha-Bepar ahin Paphrang Dun si Methang akeng charjab rinti bomlo. lasonsi West Karbi Anglong Rongkhang Constituency keparlo Borthal ahithi adunghet Borthal Tovar Kokthom pen Tengkeralangso Adak Tengkeralangso Longkir Teron abong Sumsi Teron pen Millik Car Wash ingpu ponsi tebok terai arat atum aphan isi Joike pen Hemkonglong kecham ponji aphan varsai kepipon.

Diphu pen Dhasiri kacheleng atovar jasemet Diphu Town pen KM 2/3 anbak ajak kahelo WELCOME TO DIPHU pu atarpangthek aru...
31/05/2026



Diphu pen Dhasiri kacheleng atovar jasemet Diphu Town pen KM 2/3 anbak ajak kahelo WELCOME TO DIPHU pu atarpangthek arum pen amat Diphu Rongsopi keter ke'er kethu Kanem'ui (Garbage) kevar kecheng.

Madule bangso atovar cheleng pusitame lake thek kang longji pima kamenthu Kanem'ui angnim anghoi ke. Laso aphuthak Cheroktok arat atum pen masap ajak kahelo chet adim mate tovar pen helochet alongle var dam asonte pusi choningri pon tame pado. Athe laso Garbage pen ajok kaphere akeso Monit aphan do. Lasi Cheroktok arat atum pen kahelo chet ason kevar damji aphan choningri Diphu Municipal Board aphan aphong aphong choningri padolo sitame lahai kachoningri ateng pen klemkle det ason pusi Cheroktok arat atum ningje pon.

Ahok tema lahai keter ke'er kethu kanem'ui ke var vek nangpo bonta sitame tovar pen masap so helochet mate Welcome to Diphu pupen amat kechengphit ke lata isi kachelangno dak ason pusi tovar kacheleng arat atum pen chethan pon.

Amreng MAC Constituency kaparlo Doyangmukh along kedo kopili aroi pen lang vungsi Hawaipur, Kheroni PGR arlo lang kelo ...
31/05/2026



Amreng MAC Constituency kaparlo Doyangmukh along kedo kopili aroi pen lang vungsi Hawaipur, Kheroni PGR arlo lang kelo longji aphansi bangso leave Irrigation Channel simar ponlo. Bonta bangso leave irrigation pen majitso ahidi along ansi lang long chot lang pu akoi kipi pen Kheroni Irrigation dept. asor pu ansi ning joino lo irrigation cannel keme/kaheno chichinine si PGR arlo kedo atum cannel anta paheno thaisi nok, chainong aan abap, chainong kekok laanparata arnam kardom adim lahaisi semar ronglo.

Lasi labangso aphuthak PGR/VGR Kache song arat atum adim along an humri dam pen KAAC along kachari pon atum aphan prapjin pen Irrigation, Forest lapen Revenue Asaikam atum aphan adim aklong along an kahumri damji aphan choningri pon.

Diphu Municipal Board keparlo Srikangnep WardNo-4 Thong Teron arong amekar Hornat Ingti ahem kaheno lap ajok jo parni k...
31/05/2026


Diphu Municipal Board keparlo Srikangnep WardNo-4 Thong Teron arong amekar Hornat Ingti ahem kaheno lap ajok jo parni kedo kethak akesung.

Hornat Ingti alangli non enutvet si kaboche kedamtang apor ahut alangli ahem arit ingcho klong bonta kopai kelangno alangli achor Kt. Sika Tokbipi bangso apirthe pen chevoi pijui lo. Achor kachevoi ahut an alanglitum asomar bangpli sopinso dolo. Sitame asomar atum aphan alangli adon arap atumsi lana lahon pilo bonta alangli Ning keduk nikeoi pen jok lapuson si ahem ave arit ave pen jo arni pangthang dun nangkok lo.

Lasi alangli non enut vet kaboche ahut jo parni kecho kejun phan hanru, theng chojor cholangsi chepangreng'eh lo. hapu kedo kethak ahem kedam tang apor hut Rong asor pen rap lo bonta ahem non heno thulap ajok do athai ave detlo. lasi Ning keme parpik atum alangli phan rap tha pusi hadak arong rat atum pen choningri pon.

Ingdeng 8 Karbi Rong Asar Amei atum Dillai along ketalon pon. Bangso ketalon along Alohi aman pen CEM mate MLA Dr. Tulir...
31/05/2026

Ingdeng 8 Karbi Rong Asar Amei atum Dillai along ketalon pon. Bangso ketalon along Alohi aman pen CEM mate MLA Dr. Tuliram Ronghang chetong dunsi Rong asar atum Traditional Village Development Council aphuthak Kesengji aphan Sorkar pen Notification nang pale etlo bonta kilik kedo kok ajok klem longle detlo. Lasi non kevangji Vosik (June) Achiklo ke Sengpon vek po pusi Dr. Tuliram Ronghang pen ningje pon.

Angparta Karbi Rong asar atum bangso apirthe pen ha chok kachevai tang atum aphan CEM Relief Fund pen kerap pipon po p**a lamchak pitekang angparta KRAA atum asaihem kikim ji aphanta Kuti isi sose pen kekim ponji aphanta lamchak pi tekang.

Pini bangso amei along PM,MLA,EM lapen Karbi Rong asar atum chetong dunsi mesen pen mei pechun pon.

BJP atum MLA kilik ahut kehai vote kelong ke-ong angpar non kevangji MAC kilik ahut vote kelong kepaong thuji aphan pup...
30/05/2026



BJP atum MLA kilik ahut kehai vote kelong ke-ong angpar non kevangji MAC kilik ahut vote kelong kepaong thuji aphan pupen BJP atum APHLC, HSDF, CONGRESS armu atum aphan BJP ahemtun along kevan dode sangse lo.

Lasonsi Aru niphai 30 arni Diphu Langkung Habe Audorium Hall along APHLC, CONGRESS, HSDF pen bang 700 sose atum BJP along kachepaok dun.

Nonhet Jong Assam Assembly along Karbi Anglong lapen Dimahaso arat akar'ih Article 244 (A) kepachunji aphan pupen pherere therak repin pen CEM mate MLA Dr. Tuliram Ronghang Lamthe jaidunlo laso pen ajok Ning kangsam lapen BJP aratchari kedo ahutsi Hemprek ke chunpo pu Ning chethesi nelitum Congress, APHLC, HSDF pen che'o si BJP along nang chepaok dunlo pusi chethan pon.

APHLC aratchari atum Drama pusi pudunlo bonta Assam Assembly alongke Drama lapuson kali lo lapen kejui kali lo. Drama pu kepu atumsi Hemprek kar'ih ah atumlo jongsi Hemprek aning kehang mate Hemprek palong daprang nangji p**e BJP along APHLC, CONGRESS, HSDF lapen prekjam aratchari ta vangnon klem rapet nang hang rapet nang pusi CEM mate MLA Dr. Tuliram Ronghang mei along lamthe Jai pon.

Khatkhati Police Station keparlo National Highway-39 arai parking angkang Sagar Complex along ehum dang throk truck NL ...
30/05/2026


Khatkhati Police Station keparlo National Highway-39 arai parking angkang Sagar Complex along ehum dang throk truck NL 07 AA 4921 abang aphi kapacherui ahut ahum Bike AS 05 J 5265 Khatkhati pen Bokajan anat kedam abom ahut laso truck pen chetong der lo. Kachetong ahir kangtangrak ajok Bike kevek Lapen kachethap dun bang hini atum ta ahir ingtangrak pen areng ahu solo. Bang hini areng ahu keso atum aphannta Tongsekot pen Khatkhati Asha Multi-Speciality Hospital along an seh kelang ji aphan ponlo. bonta kopai kelang no bang hini atum atum arong chevoi jui lo.

Apran kedam jui atum Karlitang Sonjun Sherung arta ingkoi ra hini Lapen Karlitang Ganesh Hazarika arta ningian kre kretroksi bang hini ta khatkhati asor pusi pangthek pon.

Khatkhati raikom saiki atum birta kelong pen adim aklong pale dunsi cheparideng ponsi sai aron ateng pen klem pon.

KAAC pen PGR/VGR aphuthak kachingvai ponthuji aphan non kevangji niphai 2 arni kehot.Kedamtang aru 20 arni PGR/VGR aphut...
30/05/2026

KAAC pen PGR/VGR aphuthak kachingvai ponthuji aphan non kevangji niphai 2 arni kehot.

Kedamtang aru 20 arni PGR/VGR aphuthak keklem kedam koan Angdeng si kele ma lapen kopi Angdeng si kedo ma laso aphuthak nikep Angbong KAAC pen nang pachini nangji pu Karbi Tangte Karbi pu kachesong atum pen KAAC along loh pidam lo. Laso ateng pensi KAAC pen Karbi Tangte Karbi kachesong atum pen kachingki kachingvai thuji aphan non kevangji niphai 2 arni kachingvai ponji aphan arni kehot pon.

Halabangso kachingvaiji arni elitum Karbi akhei kehang ateng pen chun po pusi ningthelo. Angparta laso kachingvai along Karbi akhei atum nang kachetong dun un an atum nangchetong dun pet non pusi pini Pherangke amei kepha ahut pherangke amei along pen nang pachini dun.

Angparta laso kachingvai along nang chetong dun pet un'eh atum sitame hem pen nang kachesong angthek nang chepaklang dun non pusi pherangke amei along pen Litsong Rongphar pen choningri pon.

Lobson Kr. Mech aphan pangthek thek atum apran armut det.Kedamtang Aru niphai 28 arni ajo apor malom Rongtheang (A) ame...
29/05/2026



Lobson Kr. Mech aphan pangthek thek atum apran armut det.

Kedamtang Aru niphai 28 arni ajo apor malom Rongtheang (A) amekar Kt. Lobson Kr. Mech aphan Lurulangso DAV lake along kethitang arpum kelong pon.

Hapu Kt. Lobson Kr.Mech ahem asor tum pen kepachini ateng ke komatne atumsi ketheng kechok pen apran karmut lasi laso aphuthak ahokpet akangsai long nangji pu kehang ateng pen Raikom saikhi atum pen keri tarlip pon pado lo.

Bonta Birta ketok bom apor ahut anke kopi koson pen ne apran kedam klardak abirta longle lang.

Address

Diphu
Karbi Anglong
782460

Telephone

+918133067991

Website

Alerts

Be the first to know and let us send you an email when Karbi Anglong News Agency posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Karbi Anglong News Agency:

Shortcuts

Share

Category