Karbi Anglong News Agency

Karbi Anglong News Agency

| Pini AmohorKarbi Anglong ahempi Diphu Rongsopi ahithi angbong mate krongthom kachetok along " JAMBILI ATHON" amohor.
03/08/2026

| Pini Amohor

Karbi Anglong ahempi Diphu Rongsopi ahithi angbong mate krongthom kachetok along " JAMBILI ATHON" amohor.

| NewsFlashKarbi akhei ke Chorkli chophijo a*o lasi non India adetpi armu kalakha Census along Hindu, Honghari alar "B...
02/08/2026

| NewsFlash

Karbi akhei ke Chorkli chophijo a*o lasi non India adetpi armu kalakha Census along Hindu, Honghari alar "BARITHE" pu kethap dunsi keme; Karbi Kurpho Amei

Indian adetpi along non paipai acheklo angbong armu kalakhiji aphan Economic Census 2027 pangdak tanglo, la*o along karbi akhei atumke Dhorom amen kopilo kachethap dunpo pusi chethanpre, aphrang phrangke Hindu pusi chetok dunlo, bonta Karbi atumke chorkli chophiju a*o lasi Hindu pu alar Honghari pusi chetok nangji pu atum tado, lapen karbi atumke Hemphu a*o apotsi Hemphu Nim si chetok nangji p**a klanglo.
La*onthotsi halapu Karbi Kurpho Amei penke karbi akhei atumke hako phisar phusar pen nonp**a chorkli chophiju penloksi kaboche, lapen sining recho mate Barithe arnam aphansi kethenai arnam pusi kroilo lasi non India adetpi along armu kelakha mate Economic Census along Karbi akheike Barithe pusi chetok dun nangji pusi Karbi Kurphu Amei pen pangdak pon.

| BREAKING Assam Govt. atum pen kedeng pon "Siksha Khetra" Scheme along ke ehum School along Bang 30 kecharli osomar d...
02/08/2026

| BREAKING

Assam Govt. atum pen kedeng pon "Siksha Khetra" Scheme along ke ehum School along Bang 30 kecharli osomar do nangji. Bang 30 kacharli osomar kave School atum aphan ke along kaprek katerek mate kanghapji alam do. Diphu LAC angkang alongta hum 87 School amen keklang pon.

| NewsFlashDiphu LAC angkang Bang 30 charli osomar kave LP school Thanbang,SMC atum MLA Niso Terangpi angbong lam chep...
02/08/2026

| NewsFlash

Diphu LAC angkang Bang 30 charli osomar kave LP school Thanbang,SMC atum MLA Niso Terangpi angbong lam chepachoi amei kangni.

Diphu Lorulangso Rangsina Sarpo Auditorium Hall along Karbi Anglong Primary Teacher Association atum pen patirpi pon si Diphu Legislative Assembly Constituncy angkang LP school along bang 30 charli osomar kave an Thanbang lapen SMC lapen Diphu LAC MLA Niso Terangpi angbong lam chepachoi amei kangni.

La*o amei kepado nangkok ke Diphu LAC Angkang 87 LP School along ke bang 30 charli osomar ave lapen non Assam Govt. Atum pen akimi scheme mate ""Siksha khetra"pu kedeng pon do, la*o scheme ke Assam angkang along Bang 30 students kave LP school an ke inghap pon pu deng pon lo.

Sitame MLA Niso Terangpi kedamtang Assam Legislative Assembly Budget Session kedo ahut Karbi Anglong mate Sixth Schedule angkang along ke pajok pon nangji athe, population sitame aphai jum chet lapen rong sitame kachehelo ajak ding oh, la*o along jongsi bang 30 students kave LP school karbi anglong tame inghap lap ji p**e netum karbi anglong ke kaprek school kepale dunji aphan ke siksak p*k ji pu lamthe jai dun lo.

La*o ateng si pini Diphu Rangsina Sarpo Auditorium Hall along Diphu LAC angkang 87 LP school Thanbang, SMC atum phan hang si mei pado lo, ladak LP school Thanbang lapen SMC atum lamthe chepaklang dun ke ehin tovar kave, network kave , osomar atum document kave, lapen Private school adung arei kepado oh ajok govt. School along nang kepadun aphai jum hek lo.

kevangji lang aningkan pen ke un an pen LP School along tame bang 30 students abat kepado ponji aphan Thanbang lapen SMC Meiphu atum MLA Niso Terangpi aphan lamchak pipon . Sonsi LP school Thanbang atum phan BLO, Cluster Resource Centre Coordinator(CRCC) lahai along pen pajok pon lote School tame than pon long po, athe ladak school ehum along enut athanbang si ke ong p**a lamthe paklang dun.

Lapu MLA Niso Terangpi sitame kenangsot an Tovar,Dolong lapen school ahem lapen puthot school bang Karbi Anglong aphan non mat ke la*o "Siksha khetra" Scheme pen pajok dun lo. Lasi kevangji lang arni kemesen aphan si klem dam po p**a pherangke angno nengje pon.

| UpdateNon malom Karbi akhei mate Cho arkli chophijo atum pen India Armu kalakha along Nim mate Dhorom amen kachetok ...
02/08/2026

| Update

Non malom Karbi akhei mate Cho arkli chophijo atum pen India Armu kalakha along Nim mate Dhorom amen kachetok dunji aphan pupen kepaklang pon Hemphu, Barithe lapen Honghari songthom dolo la*o Angbong pen kevangji niphai 3 arni Ronghang Rongbong Rong Arak Karbi Recho ahin pen Honghari p**e tokdun pet lonang pu Tokjir aloh pen pachinini pon po.
Lapen Karbi Recho kepachini ateng pen Kekroipetji aphan tame Karbi Recho pen Choningri pon.

| BREAKING Pinap mate Paipai niphai 3 arni Ronghang Rongbong rong arak along Karbi akhei mate Cho arkli pheju atum Det...
02/08/2026

| BREAKING

Pinap mate Paipai niphai 3 arni Ronghang Rongbong rong arak along Karbi akhei mate Cho arkli pheju atum Detpi arpu kelakhaji along nim amen kachetok dunji amen Karbi Recho pen pangdak pon.

Karbi Anglong ahempi Diphu Rongsopi adunghet kedo Serlongjon Karbi Kurpho Hemtun along alir alon pen kesom pon "SIRVOM...
02/08/2026



Karbi Anglong ahempi Diphu Rongsopi adunghet kedo Serlongjon Karbi Kurpho Hemtun along alir alon pen kesom pon "SIRVOMU" akumlin.

| Sports Paipai niphai 3 arnikangsam porphai 4 pen Ingdeng 135 Durand Cup along Karbi Anglong Morning Star FC pen FC 1...
02/08/2026

| Sports

Paipai niphai 3 arnikangsam porphai 4 pen Ingdeng 135 Durand Cup along Karbi Anglong Morning Star FC pen FC 1 atum angbong Indira Gandhi Athletic Stadium Guwahati along pathu pon po.

| BREAKNGKedamtang Paipai 1 arni Rorinthepi Out Post keparlo Uttar Borbil ahithi ahavar along Longle alam ajoine pen H...
02/08/2026

| BREAKNG

Kedamtang Paipai 1 arni Rorinthepi Out Post keparlo Uttar Borbil ahithi ahavar along Longle alam ajoine pen Harilal Mazumdar apo apok'et Khadiram Mazumdar aphan nopak pen apran en' det.

Tongsekot pen Police phan birta pisi adim aklong along Police atum pale dunsi doan a*onta Police atum pensi cheparideng ponlo.

| BREAKINGPini Paipai niphai 1 arni Generation for Green a NGO atum pen Dongmukak ahavar along lang kethe ahut kesung ...
01/08/2026

| BREAKING

Pini Paipai niphai 1 arni Generation for Green a NGO atum pen Dongmukak ahavar along lang kethe ahut kesung kepho dun arat atum aphan kesung pen masap'o kepajok dunji aphan kecho a*on lapen mek kejang ji aphan chitim alan haihui pi pajir pon. keso ke'un atum aphanta seh lang ponsi dovai daro pajir pon.

Address

Diphu
Karbi Anglong
782460

Telephone

+918133067991

Website

Alerts

Be the first to know and let us send you an email when Karbi Anglong News Agency posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Karbi Anglong News Agency:

Shortcuts

Share

Category