01/08/2026
♂ধেমাজিত প্ৰণালীগত সাৰ বিক্ৰী প্ৰক্ৰিয়াৰ আনুষ্ঠানিক শুভাৰম্ভণি
♂ শুকুৰবাৰে ধেমাজি জিলা প্ৰশাসন আৰু জিলা কৃষি বিভাগৰ উদ্যোগত ধেমাজি জিলা আয়ুক্তৰ কাৰ্যালয়ৰ সভাকক্ষত প্ৰণালীগত সাৰ বিক্ৰী প্ৰক্ৰিয়াৰ আনুষ্ঠানিক শুভাৰম্ভণি কৰে অতিৰিক্ত জিলা আয়ুক্ত মনালী ৰজকে। এতিয়াৰে পৰা কৃষকে ৰাসায়নিক সাৰ ক্ৰয় কৰিবলৈ- "Framework for Fertilizer Sale" নামৰ মোবাইল এপৰ জৰিয়তে আবেদন কৰিব লাগিব। আৰু নিজৰ খেতি মাটিত প্ৰয়োজন অনুসৰি কিমান পৰিমাণৰ ৰাসায়নিক সাৰ ব্যৱহাৰ কৰিব লাগিব সেইয়া মোবাইল এপে নিজে নিৰোপণ কৰিব আৰু সেই অনুসৰি সাৰ ক্ৰয় কৰিব পাৰিব। অনুষ্ঠানত কৃষি বিভাগৰ হৈ উপস্থিত থাকে জিলা কৃষি বিষয়া ৰবীন য়েইন, সহকাৰী কৃষি সঞ্চালক বদন লাহন, জিলা কৃষি তথ্য বিষয়া দেবমনি হাজৰিকা, মহকুমা কৃষি বিষয়া হৰেন বৰা আৰু জিলাখনৰ কেইবাটাও কৃষি চক্ৰৰ কৃষি উন্নয়ন বিষয়াসহ বিভাগৰ বহুকেইগৰাকী বিষয়া- কৰ্মচাৰী। আজিৰ এই অনুষ্ঠানত ধেমাজিৰ বিভিন্ন প্ৰান্তৰ বহুকেইগৰাকী কৃষকৰ লগতে বহু সংখ্যক সাৰৰ খুচুৰা বিক্রেতা প্ৰতিষ্ঠানৰ সত্বাধিকাৰীয়ে অংশগ্ৰহণ কৰে।
Himanta Biswa Sarma CMO Assam MyGov Assam Directorate of Information and Public Relations, Assam District Administration, Dhemaji Pradan Baruah
