31/10/2025
ખંભાળિયામાં રાષ્ટ્રીય એકતા દિવસની ઉજવણી નિમિત્તે 'રન ફોર યુનિટી'નું આયોજન..
રાષ્ટ્રીય એકતા દિવસ નિમિત્તે દેવભૂમિ દ્વારકા જિલ્લા વહીવટી તંત્ર દ્વારા ખંભાળિયા ખાતે 'રન ફોર યુનિટી'નું આયોજન કરવામાં આવ્યું હતું. સરદાર વલ્લભભાઈ પટેલની જન્મજયંતિને રાષ્ટ્રીય એકતા દિવસ તરીકે ઉજવવામાં આવે છે. આ દોડનો પ્રારંભ પ્રાંત અધિકારીશ્રીની કચેરીથી કલેક્ટરશ્રી રાજેશ તન્ના, જિલ્લા વિકાસ અધિકારીશ્રી એ.બી. પાંડોર અને પોલીસ અધિક્ષકશ્રી જયરાજસિંહ વાળા સહિતના મહાનુભાવોએ લીલીઝંડી આપીને કરાવ્યો હતો. જી.વી.જે. હાઈસ્કૂલ અને નગરનાકા જેવા વિવિધ સ્થળોએથી પસાર થઈને આ દોડ પાછી પ્રાંત અધિકારીશ્રીની કચેરીએ પૂર્ણ થઈ હતી. આ કાર્યક્રમમાં વિવિધ પદાધિકારીઓ, અધિકારીઓ, કર્મચારીઓ, શિક્ષકો, બાળકો અને નાગરિકો મોટી સંખ્યામાં સહભાગી થયા હતા. દોડ શરૂ કરતા પહેલાં ઉપસ્થિત સૌએ રાષ્ટ્રીય એકતા અને અખંડિતતાને કાયમ રાખવા માટેના એકતા શપથ લીધા હતા..
