News24 Edappal, News 24, Edapal (2026)

26/05/2026

എടപ്പാൾ : ശുകപുരം ഇല്ലത്ത് വളപ്പിൽ മണികണ്ഠൻ ഭാര്യ പ്രേമലത (56) അന്തരിച്ചു . സഹോദരങ്ങൾ. പത്മനാഭൻ , സരസ്വതി, സതീദേവി (പരേത ) ജനാർദനൻ , രാജലക്ഷ്മി (പരേത ) സംസ്കാരം ബുധനാഴ്ച്ച രാവിലെ 9 മണിക്ക് വീട്ടുവളപ്പിൽ.

25/05/2026

രമേശ് ചെന്നിത്തലയുടെ പിറന്നാൾ ആഘോഷം.
എടപ്പാൾ സഹായിലെ അന്തേവാസികൾക്കൊപ്പം

എടപ്പാള്‍: ആഭ്യന്തരമന്ത്രി രമേശ് ചെന്നിത്തലയുടെ പിറന്നാൾ ആഘോഷംഎടപ്പാൾ മണ്ഡലം യൂത്ത് കോൺഗ്രസ് കമ്മിറ്റിയുടെ നേതൃത്വത്തിൽ എടപ്പാൾ സഹായിലെ അന്തേവാസികൾക്കൊപ്പം ആഘോഷിച്ചു .
ജില്ലാ കോൺഗ്രസ് ജനറൽ സെക്രട്ടറി ഇ.പി. രാജീവ് ഉദ്ഘാടനം ചെയ്തു.
മണ്ഡലം പ്രസിഡണ്ട് അബിൻ പൊറുക്കര അദ്ധ്യക്ഷത വഹിച്ചു. മണ്ഡലം കോൺഗ്രസ് പ്രസിഡൻറ് എസ്. സുധീർ ,ആഷിഖ് പൂക്കറത്തറ, സി.കെ. അലി കോലളമ്പ്, ഷാജു കുട്ടത്ത് സൂറൂർ കോലൊളമ്പ് സുഷന്ത് എം.എസ്, രതീഷ് ഉദിനിക്കര,ഷെനീജ് ,പീതാംബരൻ, രതീഷ് വിവി, വിശാഖ് സി.ടി.സഹായി സെക്രട്ടറി മുരളി മേലെപാട്ട്
എന്നിവർ നേതൃത്വം നൽകി.
രമേശ് ചെന്നിത്തല വീഡിയോ കോൾ ചെയ്ത് അന്തേ വാസികളുമായി സംസാരിച്ചു.

24/05/2026

എടപ്പാള്‍ : കാലടി ഗ്രാമ പഞ്ചായത് മെമ്പറും സി.പി.എം.നേതാവുമായ കെ.രവിയെ (60) വീട്ടില്‍ മരിച്ച നിലയില്‍ കണ്ടെത്തി.
വാർഡ് 12 വെറൂര്‍ വാര്‍ഡിനേയാണ് കെ.രവി പ്രതിനിധീകരിച്ചിരുന്നത്.

23/05/2026

അയിലക്കാട് ആണ്ട് നേർച്ചക്ക് തുടക്കമായി

എടപ്പാൾ: അയിലക്കാട് മസ്ജിദിൽ അന്ത്യവിശ്രമം കൊള്ളുന്ന അ സ്സൈഖ് സഈദ് സിറാജുദ്ദീൻ ഖാദിരി അവർകളുടെ 69-ാമത് ആണ്ട് നേർച്ച മേയ് 29,30 ദിവസങ്ങളിൽ നടത്തുമെന്ന് അയിലക്കാട് പള്ളി ഭാരവാഹികൾ വാർത്താസമ്മേളനത്തിൽ അറിയിച്ചു. മെയ് 21ന് മഹല്ല് പ്രസിഡണ്ട് കെ.വി സെക്കീർ പതാക ഉയർത്തിയതോടെ നേർച്ചയോടനു ബന്ധിച്ചുള്ള വിവിധ പരിപാടികൾക്ക് ഇവിടെ തുടക്കമായി. നവീകരിച്ച മഖാമം തുറന്നു മസ്ജിദ് ഇമാം എം.ടി അബൂബക്കർ ദാരിമിയുടെ നേതൃത്വത്തിൽ പ്രാർത്ഥന നടത്തി. തുടർന്ന് മെയ് 22 ന് ദിക്ർ ഹൽഖ വാർഷിക. വും 23ന് മജ്‌ലിസുനൂർ സദസ്സും നടന്നു.

29ന് നടക്കുന്ന അനുസ്മരണ സമ്മേളനം മഹല്ല് കമ്മിറ്റി പ്രസിഡണ്ട് കെ.വി സക്കീറിന്റെ അധ്യക്ഷതയിൽ പാണക്കാട് സയ്യിദ് മുനവ്വറലി ശിഹാബ് തങ്ങൾ ഉദ്ഘാടനം നിർവഹിക്കും. മഹല്ല് കമ്മിറ്റി ജ.സെക്രട്ടറി കെ.ഹസ്സൻ സ്വാഗതവും മഹല്ല് ഖത്തീബ് എം.ടി അബൂബക്കർ ദാരിമി മുഖ്യപ്രഭാഷണവും നടത്തും.

മെയ് 30ന് അന്നദാനവും
വൈകീട്ട് ഖുർആൻ സദസ്സും രാത്രിയോടെ ദിക്റ് ദുആയും തുടർന്ന് പ്രാർത്ഥന സദസ്സും നടക്കും.

പത്രസമ്മേളനത്തിൽ
കെ.വി സെക്കീർ, കെ.ടി ഹൈദരലി, ,കെ.വി ഹംസ, പി.പി അലിഹാജി തുടങ്ങിയവർ പങ്കെടുത്തു.

04/05/2026

നിയമസഭാ തെരഞ്ഞെടുപ്പില്‍ മലപ്പുറം ജില്ലയില്‍ നിന്നും വിജയിച്ചവരും അവരുടെ
ഭൂരിപക്ഷവും

1.) മലപ്പുറം പി.കെ. കുഞ്ഞാലിക്കുട്ടി( 85327)
2.) തിരൂരങ്ങാടി പി.എം.എ. സമീര്‍( 63387)
3.) കോട്ടയ്ക്കല്‍ ആബിദ്ഹുസൈന്‍ തങ്ങള്‍ (62638)
4.) മഞ്ചേരി എം.റഹ്മത്തുള്ള (57887)
5.) കൊണ്ടോട്ടി ടി.പി. അഷ്‌റഫലി (56017)
6.) നിലമ്പൂര്‍ ആര്യാടന്‍ ഷൗക്കത്ത് (54851)
7.) വള്ളിക്കുന്ന് ടി.വി.ഇബ്രാഹിം (51289)
8.) വണ്ടൂര്‍ എ.പി.അനില്‍കുമാര്‍ (47939)
9.) മങ്കട മഞ്ഞളാംകുളി അലി (45609)
10.) ഏറനാട് പി.കെ.ബഷീര്‍ (41289)
11.) പെരിന്തല്‍മണ്ണ മജീദ് കാന്തപുരം (32431)
12.) വേങ്ങര കെ.എം.ഷാജി (30325)
13.) താനൂര്‍ പി.കെ.നവാസ് (27131)
14.) തിരൂര്‍ കുറുക്കോളി മൊയ്തീന്‍ (24137)
15.) തവനൂര്‍ വി.എസ്. ജോയ് (14647)
16.) പൊന്നാനി കെ.പി.നൗഷാദ് അലി (13267

20/04/2026

ബ്യൂട്ടി സിൽക്‌സ് 'കല്യാണ രാവ്' വെഡിങ് ഫെസ്റ്റ്. വിജയികൾക്ക് സമ്മാനങ്ങൾ വിതരണം ചെയ്തു

എടപ്പാള്‍: 105 വർഷത്തെ സേവന പാരമ്പര്യമുള്ള ബ്യൂട്ടി സിൽക്‌സ് ഒരുക്കിയ കല്യാണ രാവ് വെഡിങ് ഫെസ്റ്റിനോടനുബന്ധിച്ച് സംഘടിപ്പിച്ച നറുക്കെടുപ്പിലെ വിജയികൾക്കുള്ള സമ്മാനവിതരണവും ലോഗോ പ്രകാശനവും എടപ്പാളില്‍ നടന്നു.
വട്ടംകുളം പഞ്ചായത്ത് പ്രസിഡന്റ് ഷാജി മോൾ നറുക്കെടുപ്പ് നടത്തി.
വട്ടംകുളം നെല്ലിശ്ശേരി സ്വദേശി അബ്ദുൽ ബാസിതിന് ആണ് നറുക്കെടുപ്പില്‍ ഒന്നാം സമ്മാനം ലഭിച്ചത്‌ .
ഇന്ത്യയിലെ പ്രമുഖ നഗരങ്ങളിൽ നിന്നും നെയ്ത്തുശാലകളിൽ നിന്നും നേരിട്ടെത്തിച്ച മികച്ച സാരികൾ, ചുരിദാറുകൾ, കോട്ടൺ വസ്ത്രങ്ങൾ എന്നിവയുടെ ഉത്സവമായ 'കോട്ടണ്‍ കാര്‍ണിവലിന്റെ' ലോഗോ പ്രകാശനം ചങ്ങരംകുളം എസ്.ഐ. നസിയ നിർവ്വഹിച്ചു.
ഫെസ്റ്റിന്റെ ഭാഗമായി സംഘടിപ്പിച്ച ചിത്രരചനാ മത്സരത്തിൽ എൺപതോളം വിദ്യാർത്ഥികൾ പങ്കെടുത്തു. മത്സരത്തില്‍ ഒന്നാം സ്ഥാനം നേടിയ വിജയിക്ക് ആയുർ ഗ്രീൻ ഹോസ്പിറ്റൽ ഡയറക്ടർ ഡോ. ഫാത്തിമയും രണ്ടാം സമ്മാനം ബ്യൂട്ടി ഗ്രൂപ്പ് ചെയർമാൻ മുബാറക്കും മൂന്നാം സമ്മാനം എക്സിക്യൂട്ടീവ് ഡയറക്ടർ ഹിലാൽ മുബാറക്കും വിതരണം ചെയ്തു. മത്സരത്തിൽ പങ്കെടുത്ത മൂന്ന് വയസ്സുകാരൻ വരച്ച ചിത്രത്തിന് ഷോറൂം ജനറൽ മാനേജർ നസീം പ്രത്യേക സമ്മാനം നൽകി. ചിത്രരചനാ മത്സരത്തിന് മുരുകേഷ് നേതൃത്വം നൽകി. മത്സരത്തിൽ പങ്കെടുത്ത എല്ലാ കുട്ടികൾക്കും ബ്യൂട്ടി സിൽക്‌സ് സ്റ്റാഫ് അംഗങ്ങൾ ചേർന്ന് സമ്മാനങ്ങൾ നൽകി.
ചടങ്ങിൽ മുൻ പഞ്ചായത്ത് പ്രസിഡന്റ് നജീബ്, മജീദ് കഴുങ്ങിൽ, എടപ്പാൾ പഞ്ചായത്ത് സ്റ്റാൻഡിങ് കൗൺസിൽ അംഗം കെ.വി.എം ലൈസ് എന്നിവർ ആശംസകൾ നേർന്നു. വ്യാപാരി വ്യവസായി ഏകോപന സമിതി പ്രസിഡന്റ് പ്രകാശൻ, ട്രഷറർ ഹസൻ, സെക്രട്ടറി മണി, യൂത്ത് വിങ് ഭാരവാഹികളായ ബൈലേഷ്, മുഹ്‌സിൻ, മിഥുൻ എന്നിവരും എടപ്പാൾ പ്രസ് ക്ലബ് ഭാരവാഹികളായ സുരേഷ് ഇ നായര്‍,റഷീദ് കുഞ്ഞിപ്പ, ഇ.വി.അനീഷ്,ശ്രീജിത് എടപ്പാള്‍ ,പ്രശാന്ത്, ഗിരീഷ്, ദാസ്, സജ്ജിത് എ നാഗ്,അബ്ദുള്‍ ഖാദര്‍ എന്നിവരും പങ്കെടുത്തു.
ബ്യൂട്ടി സിൽക്സ് ചെയർമാൻ മുബാറക്ക്, എക്സിക്യൂട്ടീവ് ഡയറക്ടർ ഹിലാൽ, മാനേജർ ഗഫൂർ, ജനറൽ മാനേജർ നസീം എന്നിവരും സ്റ്റാഫ് അംഗങ്ങളും പരിപാടികൾക്ക് നേതൃത്വം നൽകി.

10/04/2026

എടരിക്കോട്ട് ബസ് ഗുഡ്സ് ഓട്ടോയിലിടിച്ച് ദമ്പതികള്‍ മരിച്ചു.
മരിച്ചത് തമിഴ്‌നാട് സ്വദേശികളായ ഇളയ രാജ (48) ഭാര്യ സരസ്വതി (45) എന്നിവര്‍.
ആക്രി സാധനങ്ങൾ കയറ്റി വരുന്ന ഇവരുടെ ആപ്പ ഓട്ടോയില്‍ ബസ് ഇടിച്ചാണ് അപകടം .
അപകടത്തിന്റെ സി.സി. ടിവി ദൃശ്യം.

10/04/2026

പദ്മരാജന്‍ ഇത്തവണയും എത്തി.
തോല്‍ക്കണമെന്ന പ്രാര്‍ത്ഥനയുമായി

എടപ്പാള്‍ :തെരഞ്ഞെടുപ്പുകളില്‍ മത്സരിക്കുകയും തോല്‍ക്കുവാനായി ക്ഷേത്രങ്ങളിലെത്തി പ്രാര്‍ത്ഥിക്കുകയും പൂജകള്‍ ചെയ്യുകയും ചെയ്യുന്ന പദ്മരാജന്‍ പെരുമ്പറമ്പ് ശ്രീ മഹാദേവ ക്ഷേത്രത്തിലെത്തി പ്രാര്‍ത്ഥിച്ചു.
ഇലക്ഷന്‍ കിങ് എന്ന പേരില്‍ അറിയപ്പെടുന്ന പദ്മരാജന്‍
തമിഴ്നാട് നിയമസഭാ തെരഞ്ഞെടുപ്പില്‍ പെരുമ്പൂർ മണ്ഡലത്തിൽ നിന്നുമാണ് മത്സരിക്കുന്നത്. 254-ാം മത്സരത്തില്‍ പദ്മരാജന്റെ മുഖ്യ എതിരാളി പ്രമുഖ സിനിമ താരവും തമിഴ് ദ്രാവിഡ പാർട്ടിയുടെ പ്രസിഡണ്ട്‌ കുടിയായ വിജയ് ആണ്. ഏറ്റവും അധികം തെരഞ്ഞടുപ്പുകളിൽ മത്സരിച്ച് ഗിന്നസ് വേൾഡ് റെക്കോർഡ് സ്വന്തമാക്കിയ ഏക വ്യക്തിയാണ് പദ്മരാജന്‍. നിരവധി പ്രധാനമന്ത്രിമാര്‍, രാഷ്‌ട്രപതിമാര്‍, മുഖ്യമന്ത്രിമാർ തുടങ്ങിവരോട് മത്സരിച്ച് തോറ്റിട്ടുണ്ട്. നിർണായക തെരഞ്ഞെടുപ്പുകളില്‍ മത്സരിക്കുമ്പോൾ പെരുമ്പറമ്പ് ശ്രീ മഹാദേവ ക്ഷേത്രത്തിൽ ദർശനം നടത്തുക പതിവാണ്. ക്ഷേത്രത്തിൽ എത്തിയ പദ്മരാജനെ മുൻ ശബരിമല മാളികപ്പുറം മേൽശാന്തിയും പെരുമ്പറമ്പ് ശ്രീ മഹാദേവ ക്ഷേത്രം മേൽശാന്തിയുമായ പി.എം. മനോജ്‌ എമ്പ്രാന്തിരി ആദരിച്ചു. ഭഗവൽ പ്രസാദവും കൈമാറി.

09/04/2026

മലപ്പുറം ജില്ലയിലെ മണ്ഡലങ്ങളിലെ
നിലവിലെ വോട്ടിംഗ് ശതമാനം

07/04/2026

നിയമസഭാ തെരഞ്ഞെടുപ്പ് .
പ്രചാരണത്തിന് ചെലവിടുന്നത് കോടികള്‍

എടപ്പാള്‍ : നിയമസഭാ തെരഞ്ഞെടുപ്പിന്റെ പ്രചാരണത്തിന് രാഷ്ട്രീയ പാര്‍ട്ടികള്‍ ചെലവഴിക്കുന്ന ഭീമമായ തുകയുടെ സ്രോതസ് എവിടെ നിന്നാണെന്നത് സംബന്ധിച്ച് കൃത്യമായ അന്വേഷണം വേണമെന്നാവശ്യം ഉയരുന്നു.
പോസ്റ്റര്‍,നോട്ടീസ്,ഫ്ളക്സ് ബോര്‍ഡ്,ഹോര്‍ഡിംഗ്സ്,സിനിമാ തിയേറ്റര്‍ തുടങ്ങിയവയിലൂടെയുള്ള പരസ്യ പ്രചാരണത്തിനൊപ്പം
ദൃശ്യ,പത്ര മാധ്യങ്ങളിലും സാമൂഹ്യ മാധ്യമങ്ങളിലും വലിയ തുകക്കാണ് സ്ഥാനാര്‍ത്ഥികളുടെ പേരിലും മുന്നണികളുടെ പേരിലും വ്യാപകമായി പ്രചാരണ പരസ്യങ്ങള്‍ നടക്കുന്നത്.
ഓണ്‍ലൈന്‍ മീഡിയകള്‍, വ്ളോഗര്‍മാര്‍, പ്രാദേശിക ചാനലുകള്‍ തുടങ്ങിയവക്ക് ഈ തെരഞ്ഞെടുപ്പ് സീസണ്‍ വലിയ തോതില്‍ പണം സമ്പാദിക്കാനുള്ള അവസരമാണ് ലഭിച്ചത്.
നിയമസഭ തിരഞ്ഞെടുപ്പ് പ്രചാരണത്തിന് ഒരു സ്ഥാനാര്‍ഥിക്ക് ചെലവാക്കാവുന്ന പരമാവധി തുക 40 ലക്ഷം രൂപയാണെന്നിരിക്കെയാണ് കോടികള്‍ സംസ്ഥാനത്ത് പരസ്യ പ്രചാരണത്തിന് മത്സരാര്‍ത്ഥികളും മുന്നണികളും ചെലവഴിക്കുന്നത്.
തെരഞ്ഞെടുപ്പ് വേളയില്‍
അമ്പതിനായിരം രൂപ യാത്രക്കിടയില്‍ കൈവശമുണ്ടെങ്കില്‍ അതിന്റെ ഉറവിടം വ്യക്തമാക്കേണ്ട നാട്ടിലാണ് പരസ്യ പ്രചാരണത്തിന് യാതൊരു നിയന്ത്രണവുമില്ലാതെ പണം ഒഴുക്കുന്നതെന്നതും ചര്‍ച്ച ചെയ്യപ്പെടേണ്ടതാണ്.

05/04/2026

എടപ്പാളിലെ മഹിമ ജ്വല്ലറി ഉടമ സുബ്രഹ്മണ്യൻ അന്തരിച്ചു

എടപ്പാൾ : സബ്സ്റ്റേഷന് സമീപം താമസിക്കുന്ന എടപ്പാളില്‍ മഹിമ ജ്വല്ലറി നടത്തി വന്നിരുന്ന വെറൂര്‍ തട്ടാരപുരക്കല്‍ സുബ്രഹ്മണ്യൻ (69) ഹൃദയാഘാതം മൂലം അന്തരിച്ചു.
ഭാര്യ വിജയലക്ഷ്മി.
മക്കൾ സുജിത്, ശ്രുതി, സിന്ധു.
മരുമകൻ . സുബി. സംസ്കാരം നാളെ(തിങ്കളാഴ്ച്ച ) ഈശ്വരമംഗലം പൊതുശ്മശാനത്തിൽ .

News24 Edappal

26/05/2026

25/05/2026

24/05/2026

23/05/2026

04/05/2026

20/04/2026

10/04/2026

10/04/2026

09/04/2026

07/04/2026

05/04/2026

Address

Telephone

Website

Alerts

Contact The Business

Shortcuts

Share

Category