27/08/2025
'ഓണം ഓണാക്കാം' എടപ്പാള്‍ ബ്യൂട്ടി സിൽക്സിൽ ഓണം ഓഫറിന് തുടക്കമായി
എടപ്പാൾ: വസ്ത്ര വില്‍പ്പന വിപണിയില്‍ 101 വർഷത്തെ പാരമ്പര്യമുള്ള ബ്യൂട്ടി സിൽക്‌സില്‍ ഓണം ഓഫറിന് തുടക്കമായി. .'ഓണം ഓണാക്കാം' എന്ന ക്യാമ്പയിനുമായി ആരംഭിച്ച ഓഫർ ആഗസ്റ്റ് 26 മുതൽ സെപ്റ്റംബർ 4 വരെ നീണ്ടു നിൽക്കും.
ഓരോ പർച്ചേസിനും ഉപഭോക്താക്കൾക്ക് സമ്മാന കൂപ്പൺ നൽകും. ദിവസവും നറുക്കെടുപ്പ്, വിജയികൾക്ക് വില പിടിപ്പുള്ള സ്മാർട്ട് ഫോൺ സമ്മാനമായി നൽകും.
സമ്മാന പദ്ധതിയുടെ ഉദ്ഘാടനം വട്ടംകുളം ഗ്രാമ പഞ്ചായത്ത് പ്രസിഡന്റ് എം. എ. നജീബ് നിർവഹിച്ചു.
ബ്യൂട്ടി സിൽക്‌സ് ഗ്രൂപ്പ് ചെയർമാൻ മുബാറക് അധ്യക്ഷത വഹിച്ചു. വ്യാപാരി വ്യവസായി ഏകോപന സമിതി ജനറൽ സെക്രട്ടറി എം ശങ്കരനാരായണന്‍ എന്ന മണി ആദ്യ ദിവസത്തെ നറുക്കെടുപ്പ് നടത്തി. അസീസ്, വേലപ്പൻ, ഹസ്സൻ ഫിറ്റ് വെല്‍, റഫീഖ്, മുഹ്സിൻ, ജനറൽ മാനേജർ സി വി അബൂബക്കർ എന്നിവർ സംസാരിച്ചു. മാനേജിങ് ഡയറക്ടർ ഹിലാൽ സ്വാഗതവും മാനേജർ ഗഫൂർ നന്ദിയും പറഞ്ഞു.
ഓട്ടോറിക്ഷ തൊഴിലാളികൾ, ബസ് ജീവനക്കാർ, ചുമട്ട് തൊഴിലാളികൾ എന്നിവർക്ക് ഓണക്കോടി വിതരണം ചെയ്തു. വീട്ടമ്മമാരുടെ നേതൃത്വത്തില്‍ തിരുവാതിരയും അരങ്ങേറി.
