Elanji News

27/05/2026

ഇലഞ്ഞി വള്ളിക്കാവുങ്കൽ കുടുംബയോഗ വാർഷികം സംഘടിപ്പിച്ചു

26/05/2026

സ്കൂട്ടറിൽ ഇടിക്കാതിരിക്കാൻ വെട്ടിച്ച സ്വകാര്യ ബസ് അപകടത്തിൽപ്പെട്ടു.

കൂത്താട്ടുകുളം കോഴിപ്പിള്ളി മൂവാറ്റുപുഴ റോഡിൽ ഹൈസ്കൂൾ ഗ്രൗണ്ടിന് സമീപമാണ് അപകടം ഉണ്ടായത്. കൂത്താട്ടുകുളം മൂവാറ്റുപുഴ റോഡിൽ സർവീസ് നടത്തുന്ന മറിയം ബസ് ആണ് അപകടത്തിൽപ്പെട്ടത്. ബസ് കൂത്താട്ടുകുളം ഭാഗത്തേക്ക് വരുമ്പോൾ മറ്റൊരു വാഹനത്തെ മറികടന്നെത്തിയ സ്കൂട്ടർ ബസ്സിന് നേരെ എത്തുകയായിരുന്നു. ബസ് ഡ്രൈവറുടെ സമയോചിതമായ ഇടപെടൽ മൂലം വൻ ദുരന്തമാണ് ഒഴിവായത്. ബസ് വെട്ടിച്ചു മാറ്റിയതിനാൽ ബസിന്റെ പിൻഭാഗത്തായാണ് സ്കൂട്ടർ ഇടിച്ചത്. സ്കൂട്ടറിന് മുകളിൽ കൂടി ബസ് കയറി ഇറങ്ങിയെങ്കിലും സ്കൂട്ടർ യാത്രക്കാരായ രണ്ട് യുവാക്കൾ പരിക്കേൽക്കാതെ അത്ഭുതകരമായി രക്ഷപ്പെടുകയായിരുന്നു. ബസ് പിഡബ്ല്യുഡിയുടെ സംരക്ഷണഭിത്തിയിൽ ഇടിച്ചുനിന്നതിനാൽ മറിഞ്ഞില്ല. ബസിൽ ഉണ്ടായിരുന്നവർ നിസ്സാര പരിക്കുകളോടെ രക്ഷപ്പെട്ടു.

26/05/2026

മന്ത്രി മോൻസ് ജോസഫിന് അഭിനന്ദനങ്ങൾ അറിയിച്ച വിസാറ്റ്

26/05/2026

മുത്തോലപുരത്തെ മഴക്കാല പൂർവ്വ ശുചീകരണ പ്രവർത്തനങ്ങൾക്ക് തുടക്കമായി.

​ഇലഞ്ഞി: മുത്തോലപുരം 5 ആം വാർഡിലെ മഴക്കാല പൂർവ്വ ശുചീകരണ പ്രവർത്തനങ്ങൾക്ക് തുടക്കമായി. വാർഡുതല ശുചീകരണ പ്രവർത്തനങ്ങളുടെ ഔദ്യോഗിക ഉദ്ഘാടനം ഇലഞ്ഞി ഗ്രാമപഞ്ചായത്ത് പ്രസിഡന്റ്‌ കെ.ജി ഷിബു നിർവഹിച്ചു. വാർഡ് മെമ്പർ ഡോജിൻ ജോൺ ചടങ്ങിൽ അധ്യക്ഷത വഹിച്ചു.
​പഞ്ചായത്തിന്റെ പരിധിയിൽ വരുന്ന മുഴുവൻ റോഡുകളുടെയും ഇരുവശങ്ങളും ഓടകളും വരും ദിവസങ്ങളിൽ വൃത്തിയാക്കുമെന്ന് ഉദ്ഘാടന പ്രസംഗത്തിൽ പ്രസിഡന്റ്‌ അറിയിച്ചു. ഗതാഗതത്തിനും കാൽനടയാത്രക്കാർക്കും ബുദ്ധിമുട്ടുണ്ടാക്കുന്ന രീതിയിൽ അപകടകരമായി റോഡിലേക്ക് നിൽക്കുന്ന മരങ്ങളും ശിഖരങ്ങളും വെട്ടിമാറ്റും. ഇതിനുപുറമെ, കൊതുക് ജന്യ രോഗങ്ങൾ തടയുന്നതിന്റെ ഭാഗമായി പഞ്ചായത്തിലെ എല്ലാ വീടുകളിലും ആവശ്യമായ പ്രതിരോധ നടപടികൾ സ്വീകരിക്കുമെന്നും അദ്ദേഹം വ്യക്തമാക്കി.
​ബ്ലോക്ക്‌ പഞ്ചായത്ത്‌ മെമ്പർ ജിൻസി സജിമോൻ, കുടുംബശ്രീ പ്രവർത്തകർ, മഹാത്മാഗാന്ധി ദേശീയ ഗ്രാമീണ തൊഴിലുറപ്പ് തൊഴിലാളികൾ, ഹരിതകർമ്മ സേന അംഗങ്ങൾ തുടങ്ങിയവർ ശുചീകരണ പ്രവർത്തനങ്ങളിൽ പങ്കെടുത്തു.

25/05/2026

ബസ്സും ബൈക്കും കൂട്ടിയിടിച്ച് ബൈക്ക് യാത്രക്കാരന് പരിക്ക്.
പിറവം: പിറവം മുല്ലൂർപടിക്കും ദേവിപടിക്കും ഇടയിൽ ബസ്സും ബൈക്കും കൂട്ടിയിടിച്ച് ബൈക്ക് യാത്രക്കാരന് ഗുരുതര പരുക്ക്.
നെച്ചൂർ വലിയ മറ്റത്തിൽ ബോണി ഷാജി (40) ആണ് പരുക്ക്. ഇന്ന് രാത്രി 9.20 ഓടെയാണ് അപകടം സംഭവിച്ചത്. കെ എഫ് സി ഷോപ്പിൽ നിന്നും റോഡിലേക്ക് ഇറങ്ങിയ ബൈക്കാണ് അപകടത്തിൽ പെട്ടത്. ബൈക്കിൽ ഇടിക്കാതിരിക്കാൻ വെട്ടിച്ച സ്വകാര്യ ബസ് സമീപത്തെ ട്രാൻസ്ഫോർമറും തകർത്താണ് നിന്നത്. പരുക്കേറ്റ ബൈക്ക് യാത്രക്കാരനെ പിറവത്തെ സ്വകാര്യ ആശുപത്രിയിൽ പ്രാഥമിക ചികിത്സയ്ക്ക് ശേഷം കോലഞ്ചേരി മെഡിക്കൽ കോളജിലേക്ക് മാറ്റി.

25/05/2026

24/05/2026

ഇലഞ്ഞി ലയൺസ് ക്ലബ്ബ് - കെ. ചിറ്റിലപ്പിള്ളി ഫൗണ്ടേഷൻ ഭവന പദ്ധതി: ഏഴാമത്തെ ഭവനത്തിന്റെ താക്കോൽദാനം നിർവഹിച്ചു.

24/05/2026

പിറവത്ത് മന്ത്രിക്ക് ഉജ്ജ്വല സ്വീകരണം നൽകി

23/05/2026

രാമപുരത്ത് കെഎസ്ആർടിസി ബസ്സും ലോറിയും തമ്മിൽ കൂട്ടിയിടിച്ച് നിരവധി പേർക്ക് പരിക്ക്

കൂത്താട്ടുകുളത്തു നിന്നും പാലായ്ക്ക് പോകുന്ന കെഎസ്ആർടിസിയും,എതിർ ദിശയിൽ എത്തിയ ലോറിയും തമ്മിലാണ് കൂട്ടിയിടിച്ചത്.ലോറി ഡ്രൈവർ കെഎസ്ആർടിസി ഡ്രൈവർ ബസ് യാത്രക്കാർ തുടങ്ങി നിരവധി പേർക്ക് പരിക്കുണ്ട്

രാമപുരം ഗവൺമെൻറ് ആശുപത്രി പാലാ ജനറൽ ആശുപത്രി എന്നിവിടങ്ങളിലേക്ക് പരിക്കുപറ്റിയവരെ മാറ്റി

23/05/2026

ഭാരതീയ ജനതാ പാർട്ടി ഇലഞ്ഞി പഞ്ചായത്ത് കമ്മിറ്റിയൂടെ നേതൃത്വത്തിൽ എസ്എസ്എൽസി പരീക്ഷയ്ക്ക് ഫുൾ എ പ്ലസ് നേടിയ ഇലഞ്ഞി പഞ്ചായത്തിലെ വിദ്യാർത്ഥികളെ ആദരിച്ചു,ബിജെപി സംസ്ഥാന സമിതി അംഗം എം എൻ മധു ഹർഷ് ഹരിദാസ് ചിറക്ക കുന്നേലിന് മൊമെന്റോ നൽകിക്കൊണ്ട് ആദരിക്കൽ ചടങ്ങ് ഉദ്ഘാടനം ചെയ്തു.ആനന്ദ് എം ആർ , മരങ്ങാട്ട് ,ജൂവൽ ഷിബു (പ്രശസ്ത സിനിമ ടെലിഫിലിം സംവിധായകനും ബിജെപി സഹയാത്രികനുമായ ഷിബു കൊട്ടാരത്തിന്റെ മകൾ)ശ്രീലക്ഷ്മി ശ്രീജു മടുക്ക,തുടങ്ങി നിരവധി വിദ്യാർത്ഥികളെ ആദരിച്ചു.പഞ്ചായത്ത് കമ്മിറ്റി പ്രസിഡൻറ് ഷൈബി തോമസിന്റെ നേതൃത്വത്തിൽ നടന്ന പരിപാടിയിൽ ബിജെപി പിറവം മണ്ഡലം പ്രസിഡൻറ് അരുൺ മാമലശ്ശേരി,ജനറൽ സെക്രട്ടറി പി എസ് അനിൽകുമാർ,വൈസ് പ്രസിഡൻറ് പ്രതീഷ് ടി ,ഒബിസി മോർച്ച മണ്ഡലം പ്രസിഡൻറ് അജിമോൻ കുറുമ oത്തിൽ,പഞ്ചായത്ത് കമ്മിറ്റി ജനറൽ സെക്രട്ടറി അജിമലയിൽ, യുവമോർച്ച ഭാരവാഹി ആകാശ് എം തുടങ്ങിയവർ സംബന്ധിച്ചു.