Kerala Times, Kerala Times, C/O Paul Karukappilly, Eranakulam (2025)

12/09/2025

പെരുമ്പാവൂർ : മുൻ മുഖ്യമന്ത്രി ഇ.കെ.നായനാർ

പെരുമ്പാവൂർ : മുൻ മുഖ്യമന്ത്രി ഇ.കെ.നായനാർ സ്നേഹത്തോടെ വിളിച്ചിരുന്നത് “തങ്കപ്പൻ” എന്ന്. പലവട്ടം തിരുത്തിയിട്....

11/09/2025

ജക്കാര്‍ത്ത ∙ ഇന്തോനേഷ്യയിലെ പ്രശസ്ത വിനോദസഞ്ചാര ദ്വീപായ ബാലിയില്‍ കനത്ത മഴയെ തുടര്‍ന്നുണ്ടായ വെള്ളപ്പൊക്കത്തില്‍ 14 പേര്‍ മരിച്ചു. കാണാതായ ആറുപേരെക്കായുള്ള തിരച്ചില്‍ തുടരുകയാണെന്ന് ദുരന്തനിവാരണ വിഭാഗം അറിയിച്ചു.

വെള്ളപ്പൊക്കത്തില്‍ വീടുകളും ഹോട്ടലുകളുമടക്കം നിരവധി കെട്ടിടങ്ങള്‍ വെള്ളത്തിനടിയിലായി. ഡെന്‍പാസര്‍, ജെംബ്രാണ, ഗിയാന്‍യാര്‍, ക്ലുങ്കുങ്, ബദുങ്, തബാനന്‍ തുടങ്ങിയ മേഖലകളില്‍നിന്ന് നൂറുകണക്കിന് പേരെ ഒഴിപ്പിച്ചു.

ദ്വീപിലെ അന്താരാഷ്ട്ര വിമാനത്താവളത്തിലെ പ്രവര്‍ത്തനം തടസ്സപ്പെട്ടു. പ്രധാന റോഡുകളിലെ ഗതാഗതവും നിലച്ചിട്ടുണ്ട്. ചില പ്രദേശങ്ങളില്‍ മണ്ണിടിച്ചിലുകളും റിപ്പോര്‍ട്ട് ചെയ്തു. നദികള്‍ കരകവിഞ്ഞൊഴുകിയതിനെ തുടര്‍ന്ന് ആളുകള്‍ ഒഴുകിപ്പോയപ്പോഴാണ് മിക്ക മരണങ്ങളും സംഭവിച്ചത്.

500 ലധികം പേരെ സ്‌കൂളുകളിലേക്കും പള്ളികളിലേക്കും മാറ്റിപ്പാര്‍പ്പിച്ചിരിക്കുകയാണ്. മഴ കുറയുന്നതോടെ മിക്ക പ്രദേശങ്ങളിലുമുള്ള ജലനിരപ്പ് താഴുകയാണ്. തെരുവുകളില്‍നിന്ന് ചെളി, അവശിഷ്ടങ്ങള്‍, പാറകള്‍ എന്നിവ നീക്കം ചെയ്യുന്നതിനായി 500 ഓളം സൈനികരെ വിന്യസിച്ചിട്ടുണ്ട്.

ജക്കാര്‍ത്ത ∙ ഇന്തോനേഷ്യയിലെ പ്രശസ്ത വിനോദസഞ്ചാര ദ്വീപായ ബാലിയില്‍ കനത്ത മഴയെ തുടര്‍ന്നുണ്ടായ വെള്ളപ്പൊക്ക.....

11/09/2025

ന്യൂഡല്‍ഹി ∙ ഗര്‍ഭകാലത്ത് പാരസെറ്റമോള്‍ ഉപയോഗിക്കുന്നത് കുഞ്ഞുങ്ങളില്‍ ഓട്ടിസം, എഡിഎച്ച്ഡി (Attention-Deficit/Hyperactivity Disorder) ഉള്‍പ്പെടെയുള്ള നാഡീവികാസ വൈകല്യങ്ങളുടെ സാധ്യത വര്‍ദ്ധിപ്പിക്കുമെന്ന് പുതിയ പഠനം. ചെറുതായെങ്കിലും തലവേദന, പനി മുതലായതിനായി ഡോക്ടറുടെ നിര്‍ദേശമില്ലാതെ തന്നെ പലരും സാധാരണയായി കഴിക്കുന്ന മരുന്നാണ് പാരസെറ്റമോള്‍.

മസാച്യുസെറ്റ്സ് യൂണിവേഴ്സിറ്റി, ഹാര്‍വാര്‍ഡ് യൂണിവേഴ്സിറ്റി, ഇന്‍സ്റ്റിറ്റ്യൂട്ട് ഫോര്‍ ഹെല്‍ത്ത് ഇക്വിറ്റി റിസര്‍ച്ച് എന്നീ സ്ഥാപനങ്ങളിലെ ഗവേഷകര്‍ ചേര്‍ന്ന് നടത്തിയ പഠനറിപ്പോര്‍ട്ടാണ് പുറത്തുവന്നത്. ഗര്‍ഭകാലത്ത് അസെറ്റാമിനോഫെന്‍ (പാരസെറ്റമോള്‍) ഉപയോഗവും കുഞ്ഞുങ്ങളുടെ വികാസവും തമ്മിലുള്ള ബന്ധം മനസ്സിലാക്കാനായിരുന്നു പഠനം. 46 പഠനങ്ങള്‍ പരിശോധിച്ചപ്പോള്‍ 27 പഠനങ്ങളില്‍ ഗര്‍ഭകാലത്ത് പാരസെറ്റമോള്‍ ഉപയോഗം കുഞ്ഞുങ്ങളിലെ ഓട്ടിസവുമായി ബന്ധമുണ്ടെന്ന് കണ്ടെത്തി. ഒമ്പത് പഠനങ്ങളില്‍ ബന്ധം കണ്ടെത്താനായില്ലെന്നും നാല് പഠനങ്ങള്‍ക്ക് വിശ്വാസ്യത കുറവാണെന്നും സംഘം വ്യക്തമാക്കി. പഠനറിപ്പോര്‍ട്ട് എന്‍വയോണ്‍മെന്റല്‍ ഹെല്‍ത്ത് ജേണലില്‍ പ്രസിദ്ധീകരിച്ചു.

ന്യൂഡല്‍ഹി ∙ ഗര്‍ഭകാലത്ത് പാരസെറ്റമോള്‍ ഉപയോഗിക്കുന്നത് കുഞ്ഞുങ്ങളില്‍ ഓട്ടിസം, എഡിഎച്ച്ഡി (Attention-Deficit/Hyperactivity Disorder) .....

11/09/2025

കോഴിക്കോട് ∙ അമീബിക് മസ്തിഷ്‌ക ജ്വരം ബാധിച്ച് സംസ്ഥാനത്ത് ഒരു മരണം കൂടി. കോഴിക്കോട് മെഡിക്കൽ കോളജ് ആശുപത്രിയിൽ ചികിത്സയിലിരുന്ന മലപ്പുറം ചേലേമ്പ്ര ചാലിപ്പറമ്പ് സ്വദേശി ഷാജി (47)യാണ് മരിച്ചത്. ഓഗസ്റ്റ് 9-നാണ് ഗുരുതരാവസ്ഥയിൽ ഷാജിയെ ആശുപത്രിയിൽ പ്രവേശിപ്പിച്ചത്

ഷാജിയുടെ മരണത്തോടെ, കഴിഞ്ഞ ഒരു മാസത്തിനിടെ അമീബിക് മസ്തിഷ്‌ക ജ്വരം മൂലം സംസ്ഥാനത്ത് മരിച്ചവരുടെ എണ്ണം ആറായി. രോഗം എവിടെ നിന്നാണ് ബാധിച്ചതെന്ന കാര്യം ഇതുവരെ വ്യക്തമായിട്ടില്ല.

അതേസമയം, മസ്തിഷ്‌ക ജ്വരം ബാധിച്ച് ചികിത്സയിലായിരുന്ന മറ്റൊരു മലപ്പുറം സ്വദേശിനി കഴിഞ്ഞ തിങ്കളാഴ്ച മരിച്ചു. തിരുവാലി കോഴിപ്പറമ്പ് ഇളയിടത്തുകുന്ന് സ്വദേശിനി എം. ശോഭന (56)യാണ് മരിച്ചത്.

കോഴിക്കോട് ∙ അമീബിക് മസ്തിഷ്‌ക ജ്വരം ബാധിച്ച് സംസ്ഥാനത്ത്

11/09/2025

സ്റ്റോക്ക്‌ഹോം ∙ മന്ത്രിയായി ചുമതലയേറ്റതിന് പിന്നാലെ വാര്‍ത്താസമ്മേളനത്തിനിടെ സ്വീഡന്‍റെ ആരോഗ്യ മന്ത്രി എലിസബത്ത് ലാന്‍ കുഴഞ്ഞുവീണു. ചൊവ്വാഴ്ച നടന്ന പരിപാടിയിലാണ് സംഭവം. മാധ്യമപ്രവര്‍ത്തകരുടെ ചോദ്യങ്ങള്‍ക്ക് മറുപടി നല്‍കിയതിനിടെ, 48 കാരിയായ മന്ത്രി അപ്രതീക്ഷിതമായി ബോധംകെട്ട് നിലത്തേക്ക് വീണു.

സംഭവസമയത്ത് സ്വീഡിഷ് പ്രധാനമന്ത്രി ഉള്‍ഫ് ക്രിസ്‌റ്റെര്‍സണ്‍, ക്രിസ്ത്യന്‍ ഡെമോക്രാറ്റ്‌സ് പാര്‍ട്ടി നേതാവ് എബ്ബ ബുഷ് എന്നിവര്‍ അവരോടൊപ്പമുണ്ടായിരുന്നു. സംഭവം സമൂഹമാധ്യമങ്ങളില്‍ വ്യാപകമായി പ്രചരിച്ചു.

രക്തത്തിലെ പഞ്ചസാരയുടെ നില താഴ്ന്നതാണ് കുഴഞ്ഞുവീഴാന്‍ കാരണമെന്ന് പിന്നീട് വ്യക്തമാക്കപ്പെട്ടു. പ്രഥമ ശുശ്രൂഷ നല്‍കിയതിനെ തുടര്‍ന്ന് കുറച്ച് സമയത്തിനകം ലാന്‍ തിരികെ എത്തിയിരുന്നു. തനിക്ക് സംഭവിച്ചതിന്റെ വിശദാംശങ്ങള്‍ മാധ്യമങ്ങളോട് പിന്നീട് അവര്‍ വിശദീകരിച്ചു.

അക്കൊ അന്‍കാബെര്‍ഗ് ജൊഹാന്‍സണ്‍ രാജിവെച്ചതിനെ തുടര്‍ന്നാണ് എലിസബത്ത് ലാന്‍ ആരോഗ്യ മന്ത്രിയായി ചുമതലയേറ്റത്.

സ്റ്റോക്ക്‌ഹോം ∙ മന്ത്രിയായി ചുമതലയേറ്റതിന് പിന്നാലെ വാര്‍ത്താസമ്മേളനത്തിനിടെ സ്വീഡന്‍റെ ആരോഗ്യ മന്ത്രി എല...

11/09/2025

തിരുവനന്തപുരം ∙ കടുത്ത മാനസിക സംഘര്‍ഷത്തിലൂടെയാണു കടന്നുപോകുന്നതെന്ന് രാഹുല്‍ മാങ്കൂട്ടത്തില്‍ പറയുന്ന ശബ്ദസന്ദേശം പുറത്തുവിട്ടു രാഹുല്‍ ഈശ്വര്‍. എക്സ്ട്രീം ട്രോമയിലാണ് താനിപ്പോള്‍ കഴിയുന്നതെന്നും എംഎല്‍എ ആകണമെന്നോ മന്ത്രിയാകണമെന്നോ അല്ല ഇപ്പോള്‍ തന്റെ ആഗ്രഹം, മറിച്ച് റൂമില്‍ നിന്ന് പുറത്തിറങ്ങണമെന്നാണെന്നും രാഹുല്‍ ഫോണ്‍ സംഭാഷണത്തില്‍ പറയുന്നു.

‘രാത്രിയില്‍ ഉറങ്ങാന്‍ പാരസെറ്റാമോളും സിട്രിസിനും കഴിക്കും. രണ്ട് മണിക്കൂര്‍ മാത്രമാണ് ഉറങ്ങാറുള്ളത്. വിശപ്പില്ല, അതുകൊണ്ട് ഭക്ഷണം കഴിക്കാറില്ല. ട്രോമ സ്ത്രീകള്‍ക്ക് മാത്രമല്ല, എനിക്കും അതിലൂടെയാണ് കടന്നുപോകുന്നത്’ – എന്നാണ് രാഹുല്‍ സംഭാഷണത്തില്‍ പറയുന്നത്.

പുറത്തുവന്ന ഓഡിയോ സമൂഹമാധ്യമങ്ങളില്‍ വ്യാപകമായ ട്രോളിനിടയാക്കി. ഇതിനെതിരെ പ്രതികരിച്ച് മന്ത്രി വി. ശിവന്‍കുട്ടി ഫേസ്ബുക്കില്‍ കുറിപ്പിട്ടു: “പൊതുജനങ്ങളുടെ പ്രത്യേക ശ്രദ്ധയ്ക്ക് – പാരസെറ്റാമോള്‍, സിട്രിസിന്‍ തുടങ്ങിയ മരുന്നുകള്‍ ഡോക്ടറുടെ നിര്‍ദേശപ്രകാരം മാത്രം കഴിക്കുക. വ്യാജന്‍മാരെ ഒഴിവാക്കുക.”

തിരുവനന്തപുരം ∙ കടുത്ത മാനസിക സംഘര്‍ഷത്തിലൂടെയാണു കടന്നുപോകുന്നതെന്ന് രാഹുല്‍ മാങ്കൂട്ടത്തില്‍ പറയുന്ന ശബ്...

11/09/2025

കൊച്ചി ∙ റാപ്പര്‍ വേടനെ (ഹിരണ്‍ദാസ് മുരളി) ക്രിമിനലായി ചിത്രീകരിച്ച് ഇല്ലാതാക്കാന്‍ ഗൂഢാലോചന നടക്കുന്നുവെന്നാരോപിച്ച് കുടുംബം മുഖ്യമന്ത്രിക്ക് പരാതി നല്‍കി. തുടര്‍ച്ചയായി ഉയരുന്ന പരാതികള്‍ക്ക് പിന്നില്‍ രാഷ്ട്രീയമായോ മറ്റേതെങ്കിലും ഗൂഢാലോചനയോ ഉണ്ടെന്ന സംശയമാണ് കുടുംബം ഉന്നയിച്ചത്. യുവതികള്‍ നല്‍കിയ പരാതികളില്‍ പ്രാഥമിക അന്വേഷണം പൂര്‍ത്തിയാക്കി സത്യാവസ്ഥ ഉറപ്പാക്കിയ ശേഷമേ തുടര്‍നടപടികള്‍ സ്വീകരിക്കണമെന്ന് കുടുംബം ആവശ്യപ്പെട്ടു.

വേടന്റെ സഹോദരന്‍ കഴിഞ്ഞ മാസം അവസാനം മുഖ്യമന്ത്രിക്ക് നല്‍കിയ പരാതിയില്‍, കലാകാരനെന്ന നിലയില്‍ സഹോദരന്റെ വളര്‍ച്ച തടയാനുള്ള ശ്രമമാണ് ഇപ്പോള്‍ നടക്കുന്നതെന്നും വേടനെ സ്ഥിരം കുറ്റവാളിയായി ചിത്രീകരിക്കുകയാണെന്നും ആരോപിച്ചു. ഈ പരാതി മുഖ്യമന്ത്രി ഡിജിപിക്ക് കൈമാറി.

അതേസമയം, വിവാഹവാഗ്ദാനം നല്‍കി യുവ ഡോക്ടറെ പീഡിപ്പിച്ചെന്ന കേസില്‍ വേടനെ അറസ്റ്റ് ചെയ്തിരുന്നു. തുടര്‍ച്ചയായ ചോദ്യം ചെയ്യലിനുശേഷമാണ് തൃക്കാക്കര പൊലീസ് അറസ്റ്റ് രേഖപ്പെടുത്തിയത്. ഡിജിറ്റല്‍ തെളിവുകള്‍ ഉള്‍പ്പെടെ ലഭിച്ചിട്ടുണ്ടെന്ന് പൊലീസ് വ്യക്തമാക്കി.

കൊച്ചി ∙ റാപ്പര്‍ വേടനെ (ഹിരണ്‍ദാസ് മുരളി) ക്രിമിനലായി ചിത്രീകരിച്ച് ഇല്ലാതാക്കാന്‍ ഗൂഢാലോചന നടക്കുന്നുവെന്ന...

11/09/2025

ദുബായ് : ഏഷ്യ കപ്പ് ട്വന്റി20 ക്രിക്കറ്റ് ടൂർണമെന്റിൽ ഇന്ത്യ അതിസുന്ദരമായ തുടക്കമാണ് നേടിയത്. 58 റൺസിന്റെ ചെറിയ വിജയലക്ഷ്യം പിന്തുടർന്ന ഇന്ത്യ 27 പന്തുകൾ മാത്രം നേരിട്ട് ഒൻപതു വിക്കറ്റിന്റെ ഭേദപ്പെട്ട ജയമാണ് യുഎഇക്കെതിരെ നേടിയത്. 4.3 ഓവറിൽ വിജയലക്ഷ്യത്തിലെത്തിയ ഇന്ത്യയ്ക്കായി വൈസ് ക്യാപ്റ്റൻ ശുഭ്മാൻ ഗിൽ (9 പന്തിൽ 20*)യും ക്യാപ്റ്റൻ സൂര്യകുമാർ യാദവ് (2 പന്തിൽ 7*)യും ചേർന്ന് വിജയ റൺസ് നേടി.

ഓപ്പണർ അഭിഷേക് ശർമ 16 പന്തിൽ 30 റൺസുമായി തുടക്കത്തിൽ തന്നെ ഇന്ത്യൻ വിജയത്തിന് അടിത്തറയിട്ടു. ഇന്നിങ്സിന്റെ ആദ്യ പന്തിൽ തന്നെ സിക്സറുമായി തുടങ്ങിയ അഭിഷേക് മൂന്നു സിക്സും രണ്ടു ഫോറും നേടി തിളങ്ങി. 3.5 ഓവറിൽ ജുനൈദ് സിദ്ദിഖ് അദ്ദേഹത്തെ വീഴ്ത്തി.

അതിനു മുൻപ് ടോസ് നേടി ബോളിങ് തെരഞ്ഞെടുത്ത ഇന്ത്യ, യുഎഇയെ വെറും 13.1 ഓവറിൽ 57 റൺസിന് പുറത്താക്കി. നാല് വിക്കറ്റ് വീഴ്ത്തിയ കുൽദീപ് യാദവിന്റെയും മൂന്നു വിക്കറ്റ് നേടിയ ശിവം ദുബെയുടെയും പ്രകടനമാണ് യുഎഇയെ തകർത്ത് ഇന്ത്യക്ക് ശക്തമായ തുടക്കം സമ്മാനിച്ചത്. ജസ്പ്രീത് ബുമ്ര, അക്ഷർ പട്ടേൽ, വരുൺ ചക്രവർത്തി എന്നിവർ ഓരോ വിക്കറ്റും നേടി. യുഎഇയിൽ അലിഷാൻ ഷറഫു (22),

ദുബായ് : ഏഷ്യ കപ്പ് ട്വന്റി20 ക്രിക്കറ്റ് ടൂർണമെന്റിൽ ഇന്ത്യ

11/09/2025

കലിഫോർണിയ : ലോകത്തിലെ ഏറ്റവും തിരക്കേറിയ തുറമുഖങ്ങളിലൊന്നായ പോർട്ട് ഓഫ് ലോങ് ബീച്ചിൽ നിന്ന് പുറപ്പെട്ട മിസിസിപ്പി ചരക്ക് കപ്പലിൽ നിന്നുള്ള കണ്ടെയ്നറുകൾ കടലിലേയ്ക്ക് പതിച്ച സംഭവത്തിൽ കടൽഗതാഗത സുരക്ഷയെ കുറിച്ച് ആശങ്ക ഉയരുന്നു. ശക്തമായ കാറ്റും കടൽക്ഷോഭവും മൂലമാണ് കപ്പൽ അപകടത്തിൽപ്പെടുകയായിരുന്നുവെന്ന് അധികൃതർ വ്യക്തമാക്കി.

അപകടം നടന്ന ഉടൻ തന്നെ രക്ഷാപ്രവർത്തനങ്ങൾ ആരംഭിക്കുകയും, കടലിൽ പതിച്ച കണ്ടെയ്നറുകൾ വീണ്ടെടുക്കാനുള്ള ശ്രമങ്ങൾ പുരോഗമിക്കുകയും ചെയ്യുന്നു. കണ്ടെയ്നറുകളിലെ ചരക്കിന്റെ സ്വഭാവം വ്യക്തമല്ലാത്തതിനാൽ, പരിസ്ഥിതിക്ക് ദോഷകരമായ വസ്തുക്കൾ കടലിൽ കലർന്നിട്ടുണ്ടോ എന്ന ആശങ്ക നിലനിൽക്കുന്നു. അമേരിക്കൻ സമ്പദ്‌വ്യവസ്ഥയുടെ പ്രധാന കേന്ദ്രങ്ങളിലൊന്നായ ഈ തുറമുഖത്തിലെ ചരക്ക് ഗതാഗതം ഭാഗികമായി തടസ്സപ്പെട്ടത് ആഗോള വിതരണ ശൃംഖലയെയും ബാധിച്ചേക്കുമെന്നാണ് വിലയിരുത്തൽ.

ലോകത്തിന്റെ വിവിധ ഭാഗങ്ങളിൽ ചരക്ക് കപ്പലുകൾക്ക് അപകടങ്ങൾ വർധിക്കുന്ന സാഹചര്യത്തിലാണ് ഈ സംഭവം നടന്നിരിക്കുന്നത്. കേരള തീരത്തും അടുത്തിടെ സമാന സംഭവങ്ങൾ റിപ്പോർട്ട് ചെയ്തിരുന്നു.

കലിഫോർണിയ : ലോകത്തിലെ ഏറ്റവും തിരക്കേറിയ തുറമുഖങ്ങളിലൊന്നായ പോർട്ട് ഓഫ് ലോങ് ബീച്ചിൽ നിന്ന് പുറപ്പെട്ട മിസിസ.....

11/09/2025

ഡാലസ് : ക്ഷേത്രകലകളുടെ വൈവിധ്യവും പാരമ്പര്യ ആചാരങ്ങളും നിറഞ്ഞുനിന്ന ഡാലസ് മലയാളി അസോസിയേഷന്റെ ഓണാഘോഷം ഭംഗിയായി നടന്നു. നൂറുകണക്കിന് മലയാളികൾ പങ്കെടുത്ത ചടങ്ങ് കരോൾട്ടൺ സിറ്റി മേയർ സ്റ്റീവ് ബാബിക് നിലവിളക്ക് കൊളുത്തി ഉദ്ഘാടനം ചെയ്തു. അസോസിയേഷൻ പ്രസിഡന്റ് ജൂഡി ജോസ് സ്വാഗതം പറ‍ഞ്ഞു. വിദേശരാജ്യങ്ങളിൽ നിന്നുള്ള വൈവിധ്യമാർന്ന സാംസ്കാരിക പാരമ്പര്യങ്ങളെ അമേരിക്കൻ ജനത ആവേശത്തോടെയും സ്നേഹത്തോടെയും സ്വീകരിക്കുന്നുണ്ടെന്ന് മേയർ അഭിപ്രായപ്പെട്ടു. മേയറിനെ സദസിനു പരിചയപ്പെടുത്തിയത് സുനി ലിന്‍ഡ ഫിലിപ്പ് ആയിരുന്നു.

നോർത്ത് ടെക്സസിലെ മലയാളി കുടുംബങ്ങൾക്കൊപ്പം കേരളത്തിലെ വിവിധ ജില്ലകളിൽ പ്രവർത്തിക്കുന്ന അഞ്ച് അഗതിമന്ദിരങ്ങളിലെ ആയിരത്തിലഞ്ഞുറിലധികം വരുന്ന അഗതികൾക്കും അനുഭവിക്കാവുന്ന തരത്തിൽ ഓണം ആഘോഷിക്കുന്നതിനുള്ള അവസരം ലഭിച്ചതിൽ തികഞ്ഞ ചാരിതാർഥ്യമുണ്ടെന്ന് ജൂഡി ജോസ് പറഞ്ഞു.

ടെക്സസിലെ പ്രമുഖ സാംസ്കാരിക പ്രവർത്തകയും ഇൻഡോ അമേരിക്കൻ നഴ്സസ് അസോസിയേഷൻ സ്ഥാപകനേതാവുമായ ജീവകാരുണ്യ പ്രവർത്തക എലിക്കുട്ടി ഫ്രാൻസിസിനെ മേയർ പൊന്നാടയണിച്ച് ഫലകം നൽകി ആദരിച്ചു.

ഡാലസ് : ക്ഷേത്രകലകളുടെ വൈവിധ്യവും പാരമ്പര്യ ആചാരങ്ങളും നിറ

11/09/2025

വാഷിങ്ടൺ ∙ യുഎസ് തൊഴിൽ വിപണിയിൽ മുൻപ് രേഖപ്പെടുത്തിയതിനേക്കാൾ 9,11,000 തൊഴിലവസരങ്ങൾ കുറഞ്ഞതായി ബ്യൂറോ ഓഫ് ലേബർ സ്റ്റാറ്റിസ്റ്റിക്സിന്റെ പുതുക്കിയ റിപ്പോർട്ടിൽ വ്യക്തമാക്കുന്നു. തൊഴിൽ മേഖലയിൽ സംഭവിച്ചിരിക്കുന്ന ഈ ഇടിവ് സമ്പദ്‌വ്യവസ്ഥയിൽ മാന്ദ്യം രൂപപ്പെടുന്നതിന്റെ സൂചനയായാണ് വിദഗ്ധർ കാണുന്നത്.

മുമ്പ് പുറത്തുവിട്ട കണക്കുകളിൽ തൊഴിൽ വളർച്ച ശക്തമാണെന്ന് വിലയിരുത്തിയിരുന്നെങ്കിലും, വിശദമായ പരിശോധനയ്ക്കുശേഷം പുറത്തുവിട്ട തിരുത്തിയ കണക്കുകൾ അതിന് ഭിന്നമായ യാഥാർഥ്യമാണ് പ്രതിപാദിക്കുന്നത്. പ്രതിമാസ തൊഴിൽ വിവരങ്ങൾ സാമ്പത്തിക നയരൂപീകരണത്തിൽ നിർണായകമാണ് എന്നതിനാൽ, ഈ തിരുത്തൽ രാജ്യത്തിന്റെ സാമ്പത്തിക അവസ്ഥയെക്കുറിച്ചുള്ള ധാരണകളിൽ മാറ്റം വരുത്തും.

വിദഗ്ധരുടെ വിലയിരുത്തലിൽ, തൊഴിൽ വിപണിയിലെ ഈ തിരിച്ചടി ഫെഡറൽ റിസർവിന്റെ പലിശനിരക്ക് സംബന്ധിച്ച തീരുമാനങ്ങളിൽ വലിയ സ്വാധീനം ചെലുത്താൻ സാധ്യതയുണ്ട്. തൊഴിൽ രംഗത്തിന്റെ യഥാർത്ഥ ചിത്രം കൂടുതൽ വ്യക്തമായ സാഹചര്യത്തിൽ വരും മാസങ്ങളിൽ യുഎസ് സാമ്പത്തിക രംഗത്തിന് പുതിയ വെല്ലുവിളികൾ നേരിടേണ്ടിവരുമെന്നത് ആശങ്കയായി ഉയർന്നിരിക്കുകയാണ്.

വാഷിങ്ടൺ ∙ യുഎസ് തൊഴിൽ വിപണിയിൽ മുൻപ് രേഖപ്പെടുത്തിയതിനേക്കാൾ 9,11,000 തൊഴിലവസരങ്ങൾ കുറഞ്ഞതായി ബ്യൂറോ ഓഫ് ലേബർ സ്റ...

Kerala Times

12/09/2025

11/09/2025

11/09/2025

11/09/2025

11/09/2025

11/09/2025

11/09/2025

11/09/2025

11/09/2025

11/09/2025

11/09/2025

Address

Telephone

Website

Alerts

Contact The Business

Shortcuts

Share

Category