https://www.facebook.com/107421574923548/

Poonjar News, danishmonpk@gmail. com, Erattupetta (2025)

06/02/2025

ദേവമാത ബസ്സിൽ കുഴഞ്ഞുവീണ വിദ്യാർത്ഥിനിയെ പിഎംസി ഹോസ്പിറ്റലിൽ എത്തിച്ച് ജീവനക്കാർ..
കോട്ടയം പൂഞ്ഞാർ റൂട്ടിൽ സർവീസ് നടത്തുന്ന ദേവമാത ബസ്സിൽ പാലായിൽ നിന്ന് കയറിയ വിദ്യാർത്ഥിനിയായ പെൺകുട്ടി കുഴഞ്ഞുവീഴുകയായിരുന്നു. ഉടൻതന്നെ ബസ് ഈരാറ്റുപേട്ടയിലെ പിഎംസി ഹോസ്പിറ്റലിലേക്ക് പാഞ്ഞെത്തി. ബസ്സിലുള്ള യാത്രക്കാരൻ ഫോണിൽ അറിയിച്ചതിനെ തുടർന്ന് ടീം എമർജൻസി പ്രവർത്തകർ ബസ്സിന് കടന്നുപോകാൻ വഴിയൊരുക്കുകയും ഹോസ്പിറ്റലിൽ വേണ്ട സഹായങ്ങൾ ചെയ്യുകയും ചെയ്തു. ബസ് ജീവനക്കാരായ പ്രണവ്, അമ്പാടി, ജോമോൻ എന്നിവരാണ് ബസ്സിൽ ഉണ്ടായിരുന്നത്. അതിൽ ഒരാളെ ഹോസ്പിറ്റലിൽ കുട്ടിയുടെ കൂടെ നിർത്തിയ ശേഷമാണ് ബസ് യാത്ര പുനരാരംഭിച്ചത്.

24/01/2025

ഈരാറ്റുപേട്ട നഗരസഭയോ നരകസഭയോ?

അഴിമതിക്കും വികസന മുരടിപ്പിനുമെതിരെ സി.പി.ഐ ലോക്കൽ കമ്മിറ്റിയുടെ പ്രക്ഷോഭ യാത്ര മുനിസിപ്പൽ ഓഫീസിനു മുന്നിൽ സി.പി.ഐ ജില്ലാ കമ്മിറ്റിയംഗം എം.ജി. ശേഖരൻ ഉദ്ഘാടനം ചെയ്തു. ഈരാറ്റുപേട്ട ലോക്കൽ സെക്രട്ടറി K I നൗഷാദ് ക്യാപ്റ്റനായും, വൈസ് ക്യാപ്റ്റനായി ഷമ്മാസ് ലത്തീഫ്, എൽഡിഎഫ് കൺവീനർ നൗഫൽ ഖാൻ ഡയറക്ട് മായുള്ള ജാഥ മുൻസിപ്പാലിറ്റിയിലെ 28 വാർഡുകളിലും സഞ്ചരിച്ചു. പ്രക്ഷോഭ ജാഥയിൽ പാർട്ടി മണ്ഡലം സെക്രട്ടറി ഇകെ മുജീബ്, മണ്ഡലം കമ്മിറ്റി അംഗം കെഎസ് നൗഷാദ്, ലോക്കൽ കമ്മിറ്റി അംഗങ്ങളായ എം എം മനാഫ്, സക്കീർ താപി, എം എ നാസറുദ്ദീൻ, കെ ഐ റസാക്ക്, മുഹമ്മദ് ഹാഷിം കെ കെ അജ്മല്, O K നവാസ് തുടങ്ങിയവർ സംസാരിച്ചു.

22/01/2025

കോളേജ് ഓഫ് എൻജിനീയറിങ് പൂഞ്ഞാറിൽ വെച്ച് മെഗാ രക്തദാന ക്യാമ്പ്

ഐഎച്ച്ആർഡി കോളേജ് ഓഫ് എൻജിനീയറിങ് പൂഞ്ഞാറിന്റെ എൻഎസ്എസ് യൂണിറ്റും സയൻസ് ക്ലബ് ഈരാറ്റുപേട്ട സെൻട്രൽ-ഉം ചേർന്നുകൊണ്ട് 22/01/ 2025 ൽ കോളേജ് ഓഫ് എൻജിനീയറിങ് പൂഞ്ഞാറിൽ വെച്ച് മെഗാ രക്തദാന ക്യാമ്പ് നടത്തി.
വിദ്യാർത്ഥികളും നാട്ടുകാരും ഉൾപ്പെടെ നിരവധി ആളുകൾ രക്തം ദാനം ചെയ്തു. രക്തദാന ക്യാമ്പ് പൂഞ്ഞാർ തെക്കേക്കര ഗ്രാമപഞ്ചായത്ത് പ്രസിഡണ്ട് ശ്രീ ജോർജ് മാത്യു അത്തിയാലിൽ ഉദ്ഘാടനം ചെയ്തു. ചടങ്ങിൽ കോളേജ് പ്രിൻസിപ്പൽ ഡോക്ടർ എം.വി രാജേഷ്, ലയൺ ഷിബു തെക്കേമറ്റം ലയൺസ് ഡിസ്ട്രിക്ട് ചെയർപേഴ്സൺ (ബ്ലഡ് ഡൊണേഷൻ ) എന്നിവർ ആശംസയും അറിയിച്ചു.
ലയൺ പ്ലേസ് ജോർജ് സ്വാഗതവും ലയൺ സതീഷ് ജോർജ് ഐപിപി ആൻഡ് സോൺ ചെയർമാൻ നന്ദിയും പറഞ്ഞു.

20/01/2025

ഈരാറ്റുപേട്ട മാർക്കറ്റ് റോഡിൽ വച്ച് തീക്കോയി സ്വദേശിനിയായ ജയമോളുടെ ഒരു പവൻ തൂക്കമുള്ള സ്വർണ്ണ കൊലുസ് നഷ്ടപ്പെട്ടു. മാർക്കറ്റ് റോഡിലെ വ്യാപാരിയായ അബ്ദുൾ ലത്തീഫിന്, സ്ഥാപനത്തിന് മുന്നിൽ നിന്ന് കൊലുസ് ലഭിക്കുകയും അദ്ദേഹം അത് ഈരാറ്റുപേട്ട പോലീസിന് കൈമാറുകയും ചെയ്തു. പോലീസ് തീക്കോയി സ്വദേശിനി ജയ മോളെ കണ്ടെത്തി സ്വർണക്കൊലുസ് പി ആർ ഒ. രാധാകൃഷ്ണൻ എസ് ഐ, എഎസ് ഐ തങ്കമ്മ, എഎസ് ഐ രമ, എസ് സി പി ഓ ഷാജി ചാക്കോ,ബൈജി അബ്ദുൾ ലത്തീഫ് എന്നിവരുടെ സാന്നിധ്യത്തിൽ തിരികെ നൽകുകയും ചെയ്തു.

20/01/2025

ഈരാറ്റുപേട്ട വുഡ്ലാൻഡ് ജംഗ്ഷനിൽ നടന്ന കാർ അപകടം. കാറിൻറെ ഡ്രൈവർ ഉറങ്ങിപ്പോയതാണ് അപകടകാരണം. വുഡ്ലാൻഡ് ഫർണിച്ചറിലെ സ്റ്റാഫ് സ്കൂട്ടറിൽ വന്ന് നിർത്തിയതിന് പിന്നാലെയാണ് കാറ് പുറകിലെ പോസ്റ്റിൽ വന്നിടിച്ചത് സ്റ്റാഫ് തലനാരിഴയ്ക്ക് രക്ഷപ്പെട്ടു.

19/01/2025

പാലാ ഈരാറ്റുപേട്ട റൂട്ടിൽ പനയ്ക്കപ്പാലത്തു വാഹനാപകടം. കാറുകൾ തമ്മിൽ കൂട്ടിയടിച്ചു... ആളുകൾക്ക് പരിക്കേറ്റതായി പ്രാഥമിക വിവരം..

16/01/2025

ചോലത്തടം മർത്ത് മറിയം പള്ളിയിൽ തിരുനാൾ
17, 18, 19 ന്

ഈരാറ്റുപേട്ട.ചോലത്തടം മർത്ത് മറിയം പള്ളിയിൽ ഇടവകമധ്യസ്ഥയായ പരിശുദ്ധ കന്യാമറിയത്തി ന്റെയും വിശുദ്ധ അന്തോണീസിന്റെയും തിരുനാൾ ജനുവരി 17, 18, 19 (വെള്ളി, ശനി, ഞായർ) എന്നീ തീയതികളിൽ നടക്കും.

ജനുവരി 17 വെള്ളി ന്
4.30 : വി. കുർബാന (സുറിയാനിഭാഷയിൽ)

വൈകുന്നേരം6.30 നസ്രാണി മാപ്പിള സമുദായസമ്മേളനം
ഉദ്ഘാടനം : യൂഹാനോൻ മാർ ദിയസ്കോറസ്
(മലങ്കര ഓർത്തഡോക്‌സ് സുറിയാനി സഭ കോട്ടയം ഭദ്രാസനാധ്യക്ഷൻ)

വിഷയാവതരണം: ഷെവ. വി.സി.
സെബാസ്റ്റ്യൻ (സെക്രട്ടറി, സി.ബി.സി.ഐ. ലേയ്‌റ്റി കൗൺസിൽ)

മുഖ്യപ്രഭാഷണം: ഡോ. പ്രകാശ് പി. തോമസ് (ജനറൽ സെക്രട്ടറി, കേരളാ കൗൺസിൽ ഓഫ് ചർച്ചസ്)

വിവിധ ദേശങ്ങളിൽ നിന്നുള്ള നസ്രാണി മാപ്പിള സമുദായ പ്രതിനിധികൾ പങ്കെടുക്കുന്നു.വൈകുന്നേരം
8.30 ന്
:സ്നേഹവിരുന്ന് നടക്കും

18 ശനിയാഴ്ച വൈകുന്നേരം 4-30 വി.കുർബാന, പൂർവ്വികാനുസ്മരണവം, സെമിത്തേരി സന്ദർശനവും നടക്കും.
19 ന് ഞായറാഴ്ച വൈകുന്നേരം 6-30 ന് തിരുന്നാൾ പ്രദക്ഷിണം. 7 ന് ഫാ.ജോസഫ് പുത്തൻപുരയുടെ തിരുനാൾ പ്രഭാഷണം വൈകുന്നേരം 8 ന് കൊച്ചിൻ തരംഗിൻ്റെ സൂപ്പർ ഗാനമേള അരങ്ങേറുമെന്ന് വികാരി സിറിൽ തോമസ് തയ്യിലും പ്രസുദേന്തി വി.റ്റി ഫ്രാൻസിസ് വടയാറ്റും അറിയിച്ചു.

30/10/2024

മോഷണ കേസിൽ രണ്ടുപേർ അറസ്റ്റിൽ.

ഈരാറ്റുപേട്ട : വാഹനത്തിന്റെ ബാറ്ററി മോഷ്ടിച്ച കേസിൽ രണ്ടു പേരെ പോലീസ് അറസ്റ്റ് ചെയ്തു. ഈരാറ്റുപേട്ട അരുവിത്തുറ ഭാഗത്ത് തൈപ്പറമ്പിൽ വീട്ടിൽ ഫൈസൽ ഷെരീഫ് (40), ഈരാറ്റുപേട്ട അരുവിത്തുറ ചെറപ്പാറ കോളനിയിൽ തൈപ്പറമ്പിൽ വീട്ടിൽ മാഹിൻ ലത്തീഫ് (37) എന്നിവരെയാണ് ഈരാറ്റുപേട്ട പോലീസ് അറസ്റ്റ് ചെയ്തത്. ഇവർ ഇരുവരും ചേർന്ന് കഴിഞ്ഞദിവസം ഈരാറ്റുപേട്ട മാർക്കറ്റ് ഭാഗത്തുള്ള വീടിന്റെ മുൻവശം പാർക്ക് ചെയ്തിരുന്ന Super Aceവണ്ടിയുടെ 7,500 രൂപ വില വരുന്ന ബാറ്ററി മോഷ്ടിച്ചു കടന്നുകളയാൻ ശ്രമിക്കുന്നതിനിടയിൽ ആളുകൾ വിവരം അറിയിച്ചതിനെ തുടർന്ന് ഈരാറ്റുപേട്ട പോലീസ് സ്ഥലത്തെത്തുകയും ഫൈസൽ ഷെരീഫിനെ ഇവിടെനിന്ന് പിടികൂടുകയും, രക്ഷപെട്ട മാഹിൻ ലത്തീഫിനെ തുടർന്ന് നടത്തിയ തിരച്ചിലിൽ ക്രോസ് വേ പാലത്തിനു സമീപത്തു നിന്ന് പിടികൂടുകയുമായിരുന്നു. ഈരാറ്റുപേട്ട സ്റ്റേഷൻ എസ്.എച്ച്.ഓ തോമസ് കെ.ജെ, എസ്.ഐ മാരായ ദീപു ടി.ആർ, സജി കെ.പി, പ്രകാശ് ജോർജ്, ആന്റണി മാത്യു,ഷാജി കുമാർ,സി.പി.ഓ മാരായ ഷാജി ചാക്കോ, സുനീഷ് എം.കെ എന്നിവർ ചേർന്നാണ് ഇവരെ അറസ്റ്റ് ചെയ്തത്. ഫൈസൽ ഷെരീഫിനും, മാഹിനും ഈരാറ്റുപേട്ട സ്റ്റേഷനിൽ മോഷണ കേസുകൾ നിലവിലുണ്ട്. കോടതിയിൽ ഹാജരാക്കിയ ഇരുവരെയും റിമാൻഡ് ചെയ്തു.

30/10/2024

അരുവിത്തുറ സെൻറ് ജോർജ് കോളേജ് യൂണിയൻ ഉദ്ഘാടനം.

ഈരാറ്റുപേട്ട :അരുവിത്തുറ സെൻറ് ജോർജസ് കോളേജിന്റെ 2024 -25 അധ്യായന വർഷത്തെ യൂണിയൻ പ്രവർത്തനങ്ങളുടെ ഉദ്ഘാടനം ക്യാമ്പസിൽ നടന്നു . പ്രശസ്ത യുവ സംഗീതജ്ഞൻ ഹന്നാൻ ഷാ യൂണിയൻ പ്രവർത്തനങ്ങളുടെ ഉദ്ഘാടനം നിർവഹിച്ചു. പ്രിൻസിപ്പൽ പ്രൊഫസർ ഡോ സിബി ജോസഫ് അധ്യക്ഷത വഹിച്ച ചടങ്ങിൽ കോളേജ് ബർസാർ റവ. ഫാ. ബിജു കുന്നയ്ക്കാട്ട്, കോളേജ് വൈസ് പ്രിൻസിപ്പൽ ഡോ. ജിലു ആനി ജോൺ, യൂണിയൻ സ്റ്റാഫ് കോഡിനേറ്റർ ഡോ.ജോബി ജോസഫ്,കോളേജ് യൂണിയൻ ചെയർമാൻ ജിത്തു വിനു, യൂണിയൻ വൈസ് ചെയർപേഴ്സൺ സോനാമോൾ ജോസഫ് തുടങ്ങിയവർ സംസാരിച്ചു. യൂണിയൻ ഉദ്ഘാടനത്തിൻ്റെ ഭാഗമായി പ്രത്യേക സംഗീത പരിപാടിയും സംഘടിപ്പിച്ചിരുന്നു.

30/10/2024

ഈരാറ്റുപേട്ട നഗരസഭ നടപ്പാക്കിയ ട്രാഫിക് പരിഷ്കാരങ്ങളിൽ ഉള്ള അപാകതകൾ പരിഹരിക്കണമെന്ന് ആവശ്യപ്പെട്ടുകൊണ്ട് എൽഡിഎഫ് ഈരാറ്റുപേട്ട മുനിസിപ്പൽ കമ്മിറ്റിയുടെ നേതൃത്വത്തിൽ നഗരസഭ ചെയർപേഴ്സനെ സന്ദർശിച്ച ആവശ്യങ്ങൾ അടങ്ങിയ നിവേദനം നൽകി

ഈരാറ്റുപേട്ട പുളിക്കൻസ്മാളിനു മുന്നിൽ ബസ്റ്റോപ്പിൽ എല്ലാ ബസ്സുകളും നിർത്തി ആളെ ഇറക്കുന്നതിനും നിലവിൽ അവിടെ നിൽക്കുന്ന ആളുകളെ മാത്രം കയറ്റി പെട്ടെന്ന് തന്നെ ബസ് പോകുന്നതിനുള്ള ക്രമീകരണം നടപ്പാക്കുക

കാഞ്ഞിരപ്പള്ളി ഭാഗത്ത് നിന്ന് വരുന്ന ബസ്സുകൾക്ക് അരുവിത്തുറപ്പള്ളിയുടെ മുൻപിൽ ബസ്റ്റോപ്പ് ഉണ്ട് കൂടാതെ സെൻട്രൽ ജംഗ്ഷനിൽ പുളിക്കൻസ്സ്മാളിന് മുന്നിലെ സ്റ്റോപ്പ് ഉണ്ട് ഇതിനിടയ്ക്ക് കാഞ്ഞിരപ്പള്ളി ബസ് സ്റ്റോപ്പിന് ഗതാഗതക്കുരുക്ക് ഉണ്ടാക്കുന്ന തരത്തിൽ ഉള്ള സിറ്റി സെന്ററിന് മുന്നിലെ പുതിയ ബസ്റ്റോപ്പ് ഒഴിവാക്കുക
ഈരാറ്റുപേട്ട കെഎസ്ആർടിസി സ്റ്റാൻഡ് മുതൽ വടക്കേക്കര പാലം വരെയും സെൻട്രൽ ജംഗ്ഷൻ മുതൽ പ്രൈവറ്റ് ബസ്റ്റാൻഡ് വരെയും ഇരുവശങ്ങളിലേയും ഓട്ടോറിക്ഷ സ്റ്റാൻഡുകൾ ഒഴികെയുള്ള വാഹന പാർക്കിംഗ് ഒഴിവാക്കുക

പെരിന്നിലംബിൽഡിങ്ങിനു മുന്നിൽ ട്രാഫിക് ഗതാഗതക്കുരുക്കുണ്ടാക്കുന്ന അനധികൃത ബസ്റ്റോപ്പ് ഒഴിവാക്കുക

തെക്കേക്കര
കോസ് വെയിൽ
അഹമ്മദ് കുരിക്കൽ നഗർ മുതൽ കോസ് വേ പാലം വരെയുള്ള ഭാഗങ്ങളിൽ ഇരുവശവും പാർക്കിംഗ് ഒഴിവാക്കുക

സെൻറ് ജോർജ് കോളേജ് റോഡിൽ
അരുവിത്തറ ജംഗ്ഷൻ മുതൽ പോസ്റ്റ് ഓഫീസ് വരെ ഇരു വശങ്ങളിലുമുള്ള വാഹന പാർക്കിംഗ് ഒഴിവാക്കുക പോസ്റ്റോ ഓഫീസിനു ശേഷം ഒരു സൈഡിൽ വാഹന പാർക്കിംഗ് നടപ്പാക്കുക

ഈരാറ്റുപേട്ടയിൽ നിലവിലുള്ള 19 ഓട്ടോറിക്ഷ സ്റ്റാൻഡുകളും അംഗീകൃത രേഖകളിൽ ആക്കുക കൂടുതലുള്ള ഓട്ടോറിക്ഷകൾക്ക് ഉൾക്കൊള്ളുന്നതിനുള്ള അധിക സ്റ്റാൻഡുകൾ അനുവദിക്കുക
ഓട്ടോറിക്ഷകൾക്ക് കളം നമ്പറും പെർമിറ്റും ഐഡി കാർഡ് നൽകുക
മീനച്ചിലാറിന്റെ
ഇരുവശവും ഉള്ള മാലിന്യങ്ങൾ നീക്കം ചെയ്യുക

ഈരാറ്റുപേട്ട പ്രൈവറ്റ് ബസ്റ്റാൻഡിൽ യാത്രക്കാർ മൂക്ക് പൊത്തി പിടിച്ചു കൊണ്ടാണ് യാത്ര ചെയ്യുന്നത് പരിസരത്തുള്ള മലമൂത്ര വിസർജനം കർശനമായി നിരോധിക്കുക കംഫർട്ട് സ്റ്റേഷന്റെ പ്രവർത്തനം മുഴുവൻ സമയവും ഉണ്ടെന്ന് ഉറപ്പുവരുത്തുക പ്രൈവറ്റ് ബസ് സ്റ്റാൻഡിൽ നിന്നുള്ള കക്കൂസ് മാലിന്യം പേറുന്ന മിനിച്ചിൽ ആറിന്റെ തീരത്തുള്ള സെപ്റ്റിക് ടാങ്ക് അവിടുന്ന് നീക്കം ചെയ്യുക
സൗകര്യമായ പ്രദമായ സ്ഥലത്ത് ഈരാറ്റുപേട്ടയിൽ
പേ ആൻഡ് പാർക്ക് ആരംഭിക്കുക

നഗരസഭ നടപ്പാക്കിയ മറ്റു ട്രാഫിക് പരിഷ്കാരങ്ങൾക്ക് എൽഡിഎഫ് മുനിസിപ്പൽ കമ്മിറ്റിയുടെ പൂർണ്ണ പിന്തുണയുണ്ട് നിലവിൽ ഈരാറ്റുപേട്ട സെൻട്രൽ ജംഗ്ഷനിൽ എല്ലാ പ്രൈവറ്റ് ബസ്സുകളും നിർത്തി ആളെ കയറ്റി ഇറക്കുന്നുണ്ട് എന്നാൽ ആദ്യം നിർദേശം നൽകിയ കെഎസ്ആർടിസി ആളുകളെ കേറ്റാതെ പോകുന്നത് ഈ ട്രാഫിക് പരിഷ്കരണത്തിന്റെ ഭാഗമായാണ് അതുകൊണ്ട് പൂഞ്ഞാർ പാതാമ്പുഴ അടിവാരം മേലെടുക്കം തലനാട് കട്ടപ്പന അടുക്കം തുടങ്ങിയ മലയോര മേഖലകളിലെ ആശ്രയിക്കുന്നത് കെഎസ്ആർടിസി ബസ്സുകളാണ് അവയ്ക്ക് സെൻട്രൽ ജംഗ്ഷനിൽ
നിലവിൽ ബസ്സുകൾ കാത്ത്നിൽക്കുന്ന ആളുകളെ കയറ്റുന്നതിനുള്ള സംവിധാനം ഒരുക്കുക തുടങ്ങിയ ആവശ്യങ്ങളാണ് എൽഡിഎഫ് ഈരാറ്റുപേട്ട മുനിസിപ്പൽ കമ്മിറ്റി നഗരസഭാ ചെയർപേഴ്സണെ
കണ്ട് ഭരണസമിതിയെ ബോധിപ്പിച്ചത്

എൽഡിഎഫിന്റെ ന്യായമായ ആവശ്യങ്ങൾ നിവേദനമായി നൽകുന്ന തിന് എൽഡിഎഫ് കൺവീനർ സഖാവ് നൗഫൽ ഖാൻ, സിപിഐഎം പ്രതിനിധി KN ഹുസൈൻ, കേരള കോൺഗ്രസ് എം പ്രതിനിധി സോജൻ ആലക്കുളം, ജനതാദൾ പ്രതിനിധി അക്ബർ നൗഷാദ്, ഐ എൻ എൽ പ്രതിനിധി കബീർ കീഴേടം
നാഷണൽ ലീഗ് പ്രതിനിധി നവാസ് തുടങ്ങിയവർ പങ്കെടുത്തു

പൂഞ്ഞാർ മണ്ഡലത്തിലെ വിവിധ പഞ്ചായത്തുകളെ കൂടി ബാധിക്കുന്ന പരിഷ്കരണത്തിൽ വേണ്ട അപാകതകൾ പരിഹരിക്കാനുള്ള നടപടി കൂടി ഉണ്ടാകണമെന്ന് എൽഡിഎഫ് ആവശ്യപ്പെട്ടു

24/10/2024

സംസ്ഥാന സ്കൂൾ കായിക മേളയിലേക്ക് -റിലേ മൽസരത്തിൽ യോഗ്യത നേടിയ ഈരാറ്റുപേട്ട സബ് ജില്ലാ ടീമിൽ ചെമ്മലമറ്റം ലിറ്റിൽ ഫ്ളവറിന്റെ അരുന്ധതി ആർ -

24/10/2024

മർമല അരുവിക്ക് 35 ലക്ഷം അനുവദിച്ചു.
മാർമല അരുവി വികസനം പ്രത്യേകിച്ചും പൂഞ്ഞാർ ഡിവിഷനിലെ വിനോദസഞ്ചാരമേഖലയിൽ ഏറ്റവും അധികം ആളുകൾ വരുന്ന ഒരു പ്രദേശമാണ് മാർമല അരുവി. അങ്ങോട്ടേക്കുള്ള പാത വളരെയേറെ ദുർഘടം പിടിച്ചതാണ്. മാത്രവുമല്ല സുരക്ഷാ കാര്യങ്ങൾ കൊണ്ട് തന്നെ അരുവിയിലെ യഥാർത്ഥ സൗന്ദര്യം ആസ്വദിക്കാൻ വരുന്ന വിനോദ സഞ്ചാരികൾക്ക് കഴിയാതെ പോകുന്നു. അതുകൊണ്ട് തന്നെ അരുവിയുടെ സൗന്ദര്യം ആസ്വദിക്കാൻ സുരക്ഷിതമായി അവിടേക്ക് എത്താനും വേണ്ട ക്രമീകരണങ്ങൾക്കായി അഡ്വ.ഷോൺ ജോർജ് ജില്ലാ പഞ്ചായത്ത് പദ്ധതിയിൽ ഉൾപ്പെടുത്തി 35 ലക്ഷം രൂപ അനുവദിച്ചു. അങ്ങോട്ടേക്കുള്ള പാതയുടെ നവീകരണവും അതുപോലെ തന്നെ അരുവിയുടെ അടുത്ത് അരുവിയുടെ മുകളിലായി ബാൽക്കണിയിൽ നിന്ന് 100 കണക്കിന് ആളുകൾക്ക് അരുവിയുടെ സൗന്ദര്യം ആസ്വദിക്കാൻ തക്ക രീതിയിൽ ഒരു എലിവേറ്റഡ് ഗാലറി ആണ് വിഭാവനം ചെയ്യുന്നത്. A.X.E ഷിജു,തീക്കോയി പഞ്ചായത്ത് AE യും സ്ഥലം സന്ദർശിച്ച് എസ്റ്റിമേറ്റ് തയ്യാറാക്കി.

Poonjar News

06/02/2025

24/01/2025

22/01/2025

20/01/2025

20/01/2025

19/01/2025

16/01/2025

30/10/2024

30/10/2024

30/10/2024

24/10/2024

24/10/2024

Address

Telephone

Website

Alerts

Shortcuts

Share

Category