Sirhind Fatehgarh Today

Sirhind Fatehgarh Today SIRHIND FATEHGARH TODAY is weekly punjabi newspaper published from Fatehgarh Sahib
(1)

ਹੁਕਮਨਾਮਾ ਗੁਰਦੁਆਰਾ ਸ਼੍ਰੀ ਫ਼ਤਿਹਗੜ੍ਹ ਸਾਹਿਬ..
07/09/2026

ਹੁਕਮਨਾਮਾ ਗੁਰਦੁਆਰਾ ਸ਼੍ਰੀ ਫ਼ਤਿਹਗੜ੍ਹ ਸਾਹਿਬ..

07/09/2026

ਮੀਰੀ ਪੀਰੀ ਮਾਰਚ ਸ਼੍ਰੀ ਫ਼ਤਿਹਗੜ੍ਹ ਸਾਹਿਬ..

07/09/2026

ਜਥੇਦਾਰ ਇਕੱਠ ਤੋਂ ਖੁਸ਼ ਨਹੀਂ ਹੋਏ

ਸੁਖਬੀਰ ਬਾਦਲ ਨੇ ਅਮ੍ਰਿਤਪਾਲ, ਇਯਾਲੀ, ਭਗਵੰਤ ਮਾਨ ਤੇ ਪਤਨੀ ਗੁਰਪ੍ਰੀਤ ਨੂੰ ਘੇਰਿਆ,..ਮੁੱਖ ਮੰਤਰੀ ਦੀ ਪਤਨੀ ’ਤੇ 5 ਕਰੋੜ ਰੁਪਏ ਰਿਸ਼ਵਤ ਲੈਣ ਦੇ...
06/09/2026

ਸੁਖਬੀਰ ਬਾਦਲ ਨੇ ਅਮ੍ਰਿਤਪਾਲ, ਇਯਾਲੀ, ਭਗਵੰਤ ਮਾਨ ਤੇ ਪਤਨੀ ਗੁਰਪ੍ਰੀਤ ਨੂੰ ਘੇਰਿਆ,..
ਮੁੱਖ ਮੰਤਰੀ ਦੀ ਪਤਨੀ ’ਤੇ 5 ਕਰੋੜ ਰੁਪਏ ਰਿਸ਼ਵਤ ਲੈਣ ਦੇ ਦੋਸ਼ਾਂ ਬਾਰੇ ਅਕਾਲੀ ਦਲ ਪ੍ਰਧਾਨ ਨੇ ਵਾਰਿਸ ਪੰਜਾਬ ਦੇ ਦੀ ਚੁੱਪੀ ’ਤੇ ਚੁੱਕੇ ਸਵਾਲ, ਪੁੱਛਿਆ ਕੀ ਆਪ ਤੁਹਾਡੀ ਫੰਡਿੰਗ ਕਰ ਰਹੀ ਹੈ ?
ਭਗਵੰਤ ਮਾਨ ਨੇ ਪੰਥਕ ਵੋਟਾਂ ਵੰਡਣ ਵਾਸਤੇ ਇਯਾਲੀ ਨੂੰ ਵਾਰਿਸ ਪੰਜਾਬ ਦੇ ਵਿਚ ਭੇਜਿਆ..
===========================
ਬੱਸੀ ਪਠਾਣਾ : 6 ਸਤੰਬਰ: ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਸਰਦਾਰ ਸੁਖਬੀਰ ਸਿੰਘ ਬਾਦਲ ਨੇ ਅੱਜ ਕਿਹਾ ਕਿ ਮੁੱਖ ਮੰਤਰੀ ਭਗਵੰਤ ਮਾਨ ਦੀ ਰਿਹਾਇਸ਼ ਭ੍ਰਿਸ਼ਟਾਚਾਰ ਦਾ ਅੱਡਾ ਬਣ ਗਈ ਹੈ ਜਿਥੇ ਜ਼ਬਰ ਜਨਾਹ ਦੇ ਦੋਸ਼ੀਆਂ ਤੇ ਗੈਂਗਸਰਾਂ ਨੂੰ ਕਰੋੜਾਂ ਰੁਪਏ ਕੇ ਬਚਾਇਆ ਜਾ ਰਿਹਾ ਹੈ ਤੇ ਪੰਜਾਬੀ ਇਸਦਾ ਖਮਿਆਵਜ਼ਾ ਭੁਗਤ ਰਹੇ ਹਨ।
ਅੱਜ ਇਥੇ ਅਕਾਲੀ ਦਲ ਦੀ ਪੰਜਾਬ ਬਚਾਓ ਮੁਹਿੰਮ ਦੇ ਤਹਿਤ ਵਿਸ਼ਾਲ ਜਨਤਕ ਰੈਲੀ ਨੂੰ ਸੰਬੋਧਨ ਕਰਦਿਆਂ ਸਰਦਾਰ ਸੁਖਬੀਰ ਸਿੰਘ ਬਾਦਲ ਨੇ ਕਿਹਾ ਕਿ ਮੁੱਖ ਮੰਤਰੀ ਤੇ ਉਹਨਾਂ ਦੀ ਪਤਨੀ ਡਾ. ਗੁਰਪ੍ਰੀਤ ਕੌਰ ਮਾਨ ਇੰਨੇ ਹੇਠਾਂ ਡਿੱਗ ਗਏ ਹਨ ਕਿ ਉਹਨਾਂ ਨੇ ਪੰਜਾਬ ਦੀਆਂ ਦੋ ਧੀਆਂ ਦੀ ਇੱਜ਼ਤ ਪੰਜ ਕਰੋੜ ਰੁਪਏ ਵਿਚ ਨਿਲਾਮ ਕਰ ਦਿੱਤੀ ਹੈ।ਉਹਨਾਂ ਜ਼ੋਰ ਦੇ ਕੇ ਕਿਹਾ ਕਿ ਮੁੱਖ ਮੰਤਰੀ ਤੇ ਉਹਨਾਂ ਦੀ ਪਤਨੀ ਉਸ ਮੀਡੀਆ ਇਨਫਲੂਐਂਸਰ ਨੂੰ ਬਰੀ ਕਰਵਾ ਦਿੱਤਾ ਜਿਸ ’ਤੇ ਦੋ ਔਰਤਾਂ ਨਾਲ ਜ਼ਬਰ ਜਨਾਹ ਦੇ ਦੋਸ਼ ਲੱਗੇ ਸਨ। ਉਹਨਾਂ ਕਿਹਾ ਕਿ ਪੰਜ ਔਰਤਾਂ ਜਿਹਨਾਂ ਦਾ ਇਸ ਇਨਫਲੂਐਂਸਰ ਗੁਰੀ ਚਹਿਲ ਨੇ ਸੋਸ਼ਲ ਕੀਤਾ, ਨੇ ਮੁੱਖ ਮੰਤਰੀ ਤੱਕ ਪਹੁੰਚ ਕੀਤੀ ਸੀ। ਉਹਨਾਂ ਕਿਹਾ ਕਿ ਮੁੱਖ ਮੰਤਰੀ ਨੇ ਉਹਨਾਂ ਨੂੰ ਨਿਆਂ ਨਹੀਂ ਦਿੱਤਾ। ਉਹਨਾਂ ਕਿਹਾ ਕਿ ਜਦੋਂ ਦੋ ਔਰਤਾਂ ਨੇ ਅੰਮ੍ਰਿਤਸਰ ਤੇ ਮੁਹਾਲੀ ਵਿਚ ਜ਼ਬਰ ਜਨਾਹ ਦੇ ਕੇਸ ਦਰਜ ਕਰਵਾਏ ਤਾਂ ਮੁੱਖ ਮੰਤਰੀ ਦੀ ਪਤਨੀ ਤੁਰੰਤ ਹਰਕਤ ਵਿਚ ਆਏ ਤੇ ਉਹਨਾਂ ਨੇ ਮੁਲਜ਼ਮਾਂ ਨਾਲ ਸੌਦੇਬਾਜ਼ੀ ਸ਼ੁਰੂ ਕੀਤੀ। ਉਹਨਾਂ ਕਿਹਾ ਕਿ ਇਥੇ ਹੀ ਬੱਸ ਨਹੀਂ, ਮੁੱਖ ਮੰਤਰੀ ਨੇ ਅੰਮ੍ਰਿਤਸਰ ਤੇ ਮੁਹਾਲੀ ਦੇ ਪੁਲਿਸ ਮੁਖੀਆਂ ਗੁਰਪ੍ਰੀਤ ਸਿੰਘ ਭੁੱਲਰ ਤੇ ਹਰਮਨਦੀਪ ਸਿੰਘ ਹੰਸ ਨੂੰ ਆਪਣੀ ਰਿਹਾਇਸ਼ ’ਤੇ ਸੱਦ ਕੇ ਸਪਸ਼ਟ ਤੌਰ ’ਤੇ ਕਿਹਾ ਕਿ ਉਹ ਜ਼ਬਰ ਜਨਾਹ ਦੇ ਦੋਸ਼ੀ ਖਿਲਾਫ ਕੇਸ ਕਮਜ਼ੋਰ ਕਰ ਦੇਣ ਜਿਸ ਕਾਰਨ ਦੋ ਮਹੀਨਿਆਂ ਵਿਚ ਹੀ ਗੁਰੀ ਚਹਿਲ ਜੇਲ੍ਹ ਵਿਚੋਂ ਛੁੱਟ ਗਿਆ।
ਉਹਨਾਂ ਜ਼ੋਰ ਦੇ ਕੇ ਕਿਹਾ ਕਿ ਅਕਾਲੀ ਦਲ ਪੀੜਤ ਔਰਤਾਂ ਨੂੰ ਇਨਸਾਫ ਮਿਲਣਾ ਤੇ ਪੁਲਿਸ ਅਫਸਰਾਂ ਸਮੇਤ ਦੋਸ਼ੀਆਂ ਨੂੰ ਸਜ਼ਾ ਮਿਲਣੀ ਯਕੀਨੀ ਬਣਾਵੇਗਾ ਤੇ ਅਤੇ ਕਿਹਾ ਕਿ ਹੁਣ ਕੇਸ ਵਿਚ ਇਕ ਮਹਿਲਾ ਨੇ ਮੁਹਾਲੀ ਅਦਾਲਤ ਵਿਚ ਪੇਸ਼ ਹੋ ਕੇ ਆਪ ਦੱਸਿਆ ਹੈ ਕਿ ਉਸਨੂੰ ਪੁਲਿਸ ਨੇ ਕੇਸ ਰੱਦ ਕਰਨ ਦੀ ਰਿਪੋਰਟ ਅਦਾਲਤ ਵਿਚ ਪੇਸ਼ ਕਰਨ ਤੋਂ ਪਹਿਲਾਂ ਸੱਦ ਕੇ ਉਸਦਾ ਪੱਖ ਪੁੱਛਿਆ ਹੀ ਨਹੀਂ। ਉਹਨਾਂ ਕਿਹਾ ਕਿ ਪੁਲਿਸ ਨੇ ਅੰਮ੍ਰਿਤਸਰ ਦੀ ਪੀੜਤਾ ਦੇ ਮਾਮਲੇ ਵਿਚ ਵੀ ਇਹੀ ਕੀਤਾ।
ਅਕਾਲੀ ਦਲ ਦੇ ਪ੍ਰਧਾਨ ਨੇ ਇਸ ਮੌਕੇ ਵਾਰਿਸ ਪੰਜਾਬ ਦੇ ਜਥੇਬੰਦੀ ’ਤੇ ਤਿੱਖਾ ਹਮਲਾ ਬੋਲਿਆ ਅਤੇ ਉਸਦੇ ਮੁਖੀ ਅੰਮ੍ਰਿਤਪਾਲ ਸਿੰਘ ’ਤੇ ਸਵਾਲ ਚੁੱਕੇ ਤੇ ਕਿਹਾ ਕਿ ਉਹ ਚਾਰ ਸਾਲ ਪਹਿਲਾਂ ਹੀ ਗੁਰਸਿੱਖ ਬਣ ਕੇ ਰਾਜਨੀਤੀ ਵਿਚ ਆਇਆ ਹੈ। ਉਹਨਾਂ ਕਿਹਾ ਕਿ ਅੰਮ੍ਰਿਤਪਾਲ ਦਾ ਪਰਿਵਾਰ ਪਿਛਲੇ 36 ਸਾਲਾਂ ਤੋਂ ਕਾਂਗਰਸ ਪਾਰਟੀ ਨਾਲ ਜੁੜਿਆ ਰਿਹਾ ਹੈ ਤੇ ਉਸਨੇ ਬੀਬੀ ਪਰਮਜੀਤ ਕੌਰ ਖਾਲੜਾ ਦੀ ਉਮੀਦਵਾਰੀ ਦਾ ਵੀ ਵਿਰੋਧ ਕੀਤਾ।
ਉਹਨਾਂ ਜ਼ੋਰ ਦੇ ਕੇ ਕਿਹਾ ਕਿ ਵਾਰਿਸ ਪੰਜਾਬ ਦੇ ਜਥੇਬੰਦੀ ਦੀ ਮੁੱਖ ਮੰਤਰੀ ਨਾਲ ਗੰਢਤੁੱਪ ਹੈ। ਉਹਨਾਂ ਕਿਹਾ ਕਿ ਪਾਰਟੀ ਨੇ ਹੁਣ ਤੱਕ ਭਗਵੰਤ ਮਾਨ ਦੇ ਖਿਲਾਫ ਇਕ ਵੀ ਸ਼ਬਦ ਨਹੀਂ ਬੋਲਿਆ। ਉਹਨਾਂ ਕਿਹਾ ਕਿ ਉਹਨਾਂ ਨੇ ਮੁੱਖ ਮੰਤਰੀ ਦੀ ਪਤਨੀ ਵੱਲੋਂ ਜ਼ਬਰ ਜਨਾਹ ਦੇ ਦੋਸ਼ੀ ਨੂੰ ਪੰਜ ਕਰੋੜ ਰੁਪਏ ਲੈ ਕੇ ਰਿਹਾਅ ਕਰਵਾਉਣ ਦੇ ਮਾਮਲੇ ਦਾ ਵੀ ਵਿਰੋਧ ਨਹੀਂ ਕੀਤਾ। ਉਹਨਾਂ ਜ਼ੋਰ ਦੇ ਕੇ ਕਿਹਾ ਕਿ ਭਗਵੰਤ ਮਾਨ ਨੇ ਦਾਖਾ ਦੇ ਐਮ ਐਲ ਏ ਮਨਪ੍ਰੀਤ ਸਿੰਘ ਇਯਾਲੀ ਨੂੰ ਵਾਰਿਸ ਪੰਜਾਬ ਦੇ ਜਥੇਬੰਦੀ ਵਿਚ ਭੇਜਿਆ ਤਾਂ ਕਿ ਪਾਰਟੀ ਨੂੰ ਮਜ਼ਬੂਤ ਕੀਤਾ ਜਾ ਸਕੇ ਅਤੇ ਪੰਥਕ ਵੋਟਾਂ ਵੰਡੀਆਂ ਜਾ ਸਕਣ।
ਅਕਾਲੀ ਦਲ ਦੇ ਪ੍ਰਧਾਨ ਨੇ ਪੰਜਾਬੀਆਂ ਨੂੰ ਅਪੀਲ ਕੀਤੀ ਕਿ ਉਹ ਅਕਾਲੀ ਦਲ ਨੂੰ ਮਜ਼ਬੂਤ ਕਰਨ ਅਤੇ ਕਿਹਾ ਕਿ ਕੇਂਦਰੀ ਏਜੰਸੀਆਂ ਅਤੇ ਕੌਮੀ ਪਾਰਟੀਆਂ ਅਕਾਲੀ ਦਲ ਨੂੰ ਕਮਜ਼ੋਰ ਕਰਨਾ ਚਾਹੁੰਦੀਆਂ ਹਨ। ਉਹਨਾਂ ਕਿਹਾ ਕਿ ਅਕਾਲੀ ਦਲ ਦੀ ਚੋਣਾਂ ਵਿਚ ਹਾਰ ਮਗਰੋਂ ਇਹਨਾਂ ਤਾਕਤਾਂ ਨੇ ਤਖ਼ਤ ਸ੍ਰੀ ਹਜ਼ੂਰ ਸਾਹਿਬ ਤੇ ਤਖ਼ਤ ਸ੍ਰੀ ਪਟਨਾ ਸਾਹਿਬ ਵਿਖੇ ਪ੍ਰਬੰਧਾਂ ’ਤੇ ਕਬਜ਼ਾ ਕਰ ਲਿਆ ਤੇ ਸ਼੍ਰੋਮਣੀ ਕਮੇਟੀ ਨੂੰ ਤੋੜ ਕੇ ਹਰਿਆਣਾ ਵਿਚ ਵੱਖਰੀ ਕਮੇਟੀ ਬਣਵਾ ਦਿੱਤੀ।
ਸਰਦਾਰ ਬਾਦਲ ਨੇ ਪੰਜਾਬੀਆਂ ਨੂੰ ਅਪੀਲ ਕੀਤੀ ਕਿ ਉਹ ਭਗਵੰਤ ਮਾਨ ਦੇ ਕਿਰਦਾਰ ਨੂੰ ਸਮਝਣ ਅਤੇ ਕਿਹਾ ਕਿ ਮੁੱਖ ਮੰਤਰੀ ਵੱਲੋਂ ਗੁਰੂ ਸਾਹਿਬਾਨ ਦੀ ਤਸਵੀਰ ’ਤੇ ਸ਼ਰਾਬ ਛਿੜਕ ਕੇ ਅਤੇ ਸੰਤ ਜਰਨੈਲ ਸਿੰਘ ਭਿੰਡਰਾਂਵਾਲਿਆਂ ਦੀ ਤਸਵੀਰ ’ਤੇ ਪਿਸ਼ਾਬ ਕਰ ਕੇ ਬੇਅਦਬੀ ਕਰਨ ਦੇ ਸਬੂਤ ਜਦੋਂ ਸਾਹਮਣੇ ਆਏ ਤਾਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਵੱਲੋਂ ਪੁੱਛਣ ’ਤੇ ਇਹਨਾਂ ਸਾਫ ਇਨਕਾਰ ਕਰ ਦਿੱਤਾ। ਉਹਨਾਂ ਕਿਹਾ ਕਿ ਜਦੋਂ ਜਥੇਦਾਰ ਨੇ ਦੇਸ਼ ਦੀਆਂ ਚੋਟੀ ਦੀਆਂ ਫੋਰੈਂਸਿੰਕ ਲੈਬਾਰਟਰੀਆਂ ਤੋਂ ਇਸਦੀ ਜਾਂਚ ਕਰਵਾਈ ਤਾਂ ਵੀਡੀਓ ਅਸਲੀ ਪਾਈ ਗਈ। ਉਹਨਾਂ ਕਿਹਾ ਕਿ ਇਸ ਮਗਰੋਂ ਸਿੱਖ ਜਥੇਬੰਦੀ ਦਾ ਇਕੱਠ ਸੱਦਿਆ ਗਿਆ ਜਿਸ ਵਿਚ ਮੁੱਖ ਮੰਤਰੀ ਨੂੰ ਗੁਰੂ ਦੋਖੀ ਕਰਾਰ ਦਿੱਤਾ ਗਿਆ ਤੇ ਪੰਜਾਬੀਆਂ ਨੂੰ ਉਹਨਾਂ ਤੋਂ ਪਾਸੇ ਰਹਿਣ ਦੀ ਅਪੀਲ ਕੀਤੀ ਗਈ।
ਬੱਸੀ ਪਠਾਣਾ ਦੇ ਹਲਕਾ ਇੰਚਾਰਜ ਦਰਬਾਰਾ ਸਿੰਘ ਗੁਰੂ ਦੇ ਨਾਲ ਇਸ ਰੈਲੀ ਨੂੰ ਸੰਬੋਧਨ ਕਰਦਿਆਂ ਸ਼੍ਰੋਮਣੀ ਅਕਾਲੀ ਦਲ ਦੇ ਪ੍ਰਧਾਨ ਨੇ 2027 ਵਿਚ ਪਾਰਟੀ ਦੇ ਸੱਤਾ ਵਿਚ ਆਉਣ ’ਤੇ ਲਾਗੂ ਹੋਣ ਵਾਲੀ ਕਾਰਜ ਯੋਜਨਾ ਦਾ ਵੀ ਐਲਾਨ ਕੀਤਾ । ਉਹਨਾਂ ਕਿਹਾ ਕਿ ਸ਼ਗਨ ਸਕੀਮ ਤਹਿਤ ਲਾਭ ਵਧਾ ਕੇ 1 ਲੱਖ ਰੁਪਏ, ਬੁਢਾਪਾ ਪੈਨਸ਼ਨ ਦਾ ਲਾਭ 3100 ਰੁਪਏ ਅਤੇ ਆਟਾ ਦਾਲ ਸਕੀਮ ਦਾ ਲਾਭ ਵਧਾ ਕੇ 50 ਕਿਲੋ ਕਣਕ ਤੱਕ ਕੀਤਾ ਜਾਵੇਗਾ। ਉਹਨਾਂ ਕਿਹਾ ਕਿ ਨੌਜਵਾਨਾਂ ਨੂੰ 10 ਲੱਖ ਰੁਪਏ ਤੱਕ ਵਿਆਜ਼ ਮੁਕਤ ਕਰਜ਼ਾ ਦਿੱਤਾ ਜਾਵੇਗਾ ਅਤੇ ਸਾਰੀਆਂ ਸਰਕਾਰੀ ਨੌਕਰੀਆਂ ਪੰਜਾਬੀਆਂ ਵਾਸਤੇ ਰਾਖਵੀਂਆਂ ਕੀਤੀਆਂ ਜਾਣਗੀਆਂ ਤੇ ਪ੍ਰਾਈਵੇਟ ਉਦਯੋਗਾਂ ਵਿਚ 75 ਫੀਸਦੀ ਨੌਕਰੀਆਂ ਪੰਜਾਬੀਆਂ ਨੂੰ ਦਿੱਤੀਆਂ ਜਾਣਗੀਆਂ। ਉਹਨਾਂ ਇਹ ਵੀ ਐਲਾਨ ਕੀਤਾ ਕਿ ਸਰਕਾਰ ਦੁੱਧ ਤੇ ਸਬਜ਼ੀਆਂ ’ਤੇ ਐਮ ਐਸ ਪੀ ਵੀ ਤੈਅ ਕਰੇਗੀ।
ਇਸ ਮੌਕੇ ਸੀਨੀਅਰ ਆਗੂ ਬਲਵਿੰਦਰ ਸਿੰਘ ਭੂੰਦੜ, ਡਾ. ਦਲਜੀਤ ਸਿੰਘ ਚੀਮਾ, ਸਰਬਜੀਤ ਸਿੰਘ ਝਿੰਜਰ ਅਤੇ ਗੁਰਪ੍ਰੀਤ ਸਿੰਘ ਰਾਜੂ ਖੰਨਾ, ਜਥੇਦਾਰ ਸਰਨਜੀਤ ਸਿੰਘ ਚਨਾਰਥਲ ਜਿਲ੍ਹਾ ਪ੍ਰਧਾਨ, ਅਮਰਦੀਪ ਸਿੰਘ ਧਾਰਨੀ ਐਡਵੋਕੇਟ ਨੇ ਵੀ ਸੰਬੋਧਨ ਕੀਤਾ|

ਸਰਦਾਰ ਜਸਵੰਤ ਸਿੰਘ ਖਾਲੜਾ ਲਵਾਰਿਸ ਲਾ/ਸ਼ਾਂ ਦੇ ਵਾਰਿਸ ਨੂੰ ਅੱਜ ਦੇ ਦਿਨ 6 ਸਤੰਬਰ 1995 ਨੂੰ ਜਾਲਮ ਸਰਕਾਰ ਦੇ ਹੁਕਮਰਾਨਾਂ ਨੇ ਸ਼ਹੀਦ ਕੀਤਾ ਸੀ | ...
06/09/2026

ਸਰਦਾਰ ਜਸਵੰਤ ਸਿੰਘ ਖਾਲੜਾ ਲਵਾਰਿਸ ਲਾ/ਸ਼ਾਂ ਦੇ ਵਾਰਿਸ ਨੂੰ ਅੱਜ ਦੇ ਦਿਨ 6 ਸਤੰਬਰ 1995 ਨੂੰ ਜਾਲਮ ਸਰਕਾਰ ਦੇ ਹੁਕਮਰਾਨਾਂ ਨੇ ਸ਼ਹੀਦ ਕੀਤਾ ਸੀ | ਸ਼ਹੀਦੀ ਦਾ ਕਾਰਨ ਪੰਜਾਬ ਚ -ਨਿਰਦੋਸ਼ ਮਾ/ਰੇ ਸਿੱਖ ਨੌਜਵਾਨਾਂ ਦੀ ਸਨਾਖਤ ਕਰਕੇ, ਪੁਲਿਸ ਤੇ ਕੇਸ ਕਰਨੇ ਤੇ ਇਨਸਾਨ ਦੀ ਗੁਹਾਰ ਲਾਉਣਾ ਸੀ | ਜਸਵੰਤ ਸਿੰਘ ਖਾਲੜਾ ਜੀ ਕਾਲਜ ਪੜ੍ਹਨ ਵੇਲੇ ਤੋਂ ਹੀ ਜੁਝਾਰੂ ਕਿਸਮ ਦੇ ਇਨਸਾਨ ਸੀ,ਜਦੋਂ ਪੰਜਾਬ ਵਿੱਚ ਕਾਲਾ ਦੌਰ ਚੱਲਿਆ ਬਹੁਤ ਨੁ/ਕਸਾਨ ਹੋਇਆ ਪੰਜਾਬ ਦੀ ਨੌਜਵਾਨ ਪੀੜ੍ਹੀ ਬਿਲਕੁੱਲ ਤਬਾਹ ਕਰ ਦਿੱਤੀ।ਮਾਵਾਂ ਦੇ ਪੁੱਤ ਘਰੋਂ ਚੱਕ ਚੱਕ ਅਣਪਛਾਤੇ ਕਹਿਕੇ ਮਾ/ਰ ਦਿੰਦੀ ਸੀ ਪੁਲਿਸ।ਐਨ ਉਸੇ ਵੇਲੇ ਜਸਵੰਤ ਸਿੰਘ ਖਾਲੜਾ ਦੇ ਇੱਕ ਮਿੱਤਰ ਜੋ ਸਹਿਕਾਰੀ ਕੋਆਪਰੇਟਿਵ ਬੈਂਕ ਵਿੱਚ ਡਾਇਰੈਕਟਰ ਸੀ ਕਿਤੇ ਗਾਇਬ ਹੋ ਗਿਆ, ਖਾਲੜਾ ਜੀ ਨੇ ਪੁਲਿਸ ਸਟੇਸ਼ਨ ਤੇ ਹੋਰ ਬਹੁਤ ਥਾਂਵੇ ਪਤਾ ਕੀਤਾ।ਉਹਦਾ ਕੋਈ ਥਹੁ ਪਤਾ ਨਾ ਲੱਭੇ ਅੰਤ ਅਮਿ੍ਤਸਰ ਦੇ ਦੁਰਗਿਆਣਾ ਸ਼ਮਸ਼ਾਨ ਘਾਟ ਵਿੱਚੋਂ ਉਹਦੇ ਸੰਸਕਾਰ ਦਾ ਪਤਾ ਲੱਗ ਗਿਆ ਤੇ ਖਾਲੜਾ ਜੀ ਨੇ ਉੱਥੇ ਮੌਜੂਦ ਚੌਂਕੀਦਾਰ ਤੋਂ ਇਸ ਬਾਬਤ ਪੁੱਛਿਆ ਤੇ ਰਜਿਸਟਰ ਦੀ ਫੋਟੋ ਕਾਪੀ ਲਈ।ਉਹਨਾਂ ਕੇਸ ਦਾਇਰ ਕਰ ਦਿੱਤਾ ਜਦੋਂ ਅਖ਼ਬਾਰ ਵਿੱਚ ਇਸ ਸੰਬੰਧੀ ਛਪਿਆ ਤਾਂ ਕਿੰਨੇ ਹੀ ਮਾਂ ਪਿਓ ਪਤਨੀਆਂ ਖਾਲੜਾ ਜੀ ਨੂੰ ਮਿਲੀਆਂ ਜਿਹਨਾਂ ਦੇ ਪੁੱਤ,ਪਤੀ ਘਰੋਂ ਲਾਪਤਾ ਸੀ।ਉਹਨਾਂ ਨੂੰ ਖਾਲੜਾ ਜੀ ਉਮੀਦ ਦੇ ਚਿਰਾਗ ਲੱਗੇ, ਖਾਲੜਾ ਜੀ ਨੇ ਉਹਨਾਂ ਸਭ ਦੇ ਨਾਂ ਪਤੇ ਨੋਟ ਕਰਕੇ, ਆਪਣੀ ਤਫ਼ਤੀਸ ਸ਼ੁਰੂ ਕਰ ਦਿੱਤੀ ਪੱਟੀ, ਤਰਨਤਾਰਨ ਸ਼ਮਸ਼ਾਨ ਘਾਟਾਂ ਤੋਂ ਹੈਰਾਨੀਜਨਕ ਤੇ ਰੌਂਗਟੇ ਖੜੇ ਕਰਨ ਵਾਲੇ ਤੱਥ ਸਾਹਮਣੇ ਆਏ।ਇਹ ਸਭ ਅਖ਼ਬਾਰਾਂ ਵਿੱਚ ਛਪਣ ਲੱਗਿਆ, ਉਧਰ ਭਰਿਸ਼ਟ ਪੁਲਿਸ ਅਧਿਕਾਰੀਆਂ ਨੂੰ ਵੀ ਆਪਣੇ ਪਾ/ਪ ਯਾਦ ਆਉਣ ਲੱਗੇ ।ਉਹਨਾਂ ਖਾਲੜਾ ਜੀ ਨੂੰ ਧ/ਮਕੀਆਂ ਭਰੇ ਫੋਨ ਕਰਨੇ ਸ਼ੁਰੂ ਕਰ ਦਿੱਤੇ, ਕੀ ਸਾਡੇ ਰਾਹ ਦਾ ਰੋੜਾ ਨਾ ਬਣ।ਨਹੀਂ ਤਾਂ ਤੇਰਾ ਅੰਜਾਮ ਵੀ ਅਣਪਛਾਤੀਆਂ ਲਾ/ਸ਼ਾਂ ਆਲਾ ਹੀ ਹੋਊ।ਖਾਲੜਾ ਜੀ ਨੇ ਇਸ ਸੰਬੰਧੀ ਆਪਣੀ ਧਰਮ ਪਤਨੀ ਬੀਬੀ ਪਰਮਜੀਤ ਕੌਰ ਖਾਲੜਾ ਜੀ ਨੂੰ ਦੱਸਿਆ ਕੀ ਹੁਣ ਤੂੰ ਬੱਚੇ ਪਾਲ ਲਵੀਂ, ਮੈਂ ਤਾਂ ਸੱਚ ਦੇ ਮਾਰਗ ਤੁਰ ਪਿਆ,ਮੇਰੇ ਨਾਲ ਕਦੇ ਵੀ ਕੁਝ ਵੀ ਹੋ ਸਕਦਾ।ਬੀਬੀ ਨੇ ਕਿਹਾ,ਤੁਸੀਂ ਹੌਂਸਲੇ ਨਾਲ ਸੱਚ ਦੀ ਲੜਾਈ ਲੜੋ,ਤੁਹਾਨੂੰ ਕੁਝ ਨਹੀਂ ਹੋਵੇਗਾ।
ਖਾਲੜਾ ਜੀ ਸੱਚ ਦੇ ਮਾਰਗ ਤੇ ਤੁਰਦੇ ਗਏ, ਉਹ ਧਮਕੀਆਂ ਤੋਂ ਨਾ ਡਰੇ। ਜਸਵੰਤ ਸਿੰਘ ਖਾਲੜਾ ਜੀ ਤੇ ਬਣੀ ਫਿਲਮ ਸਤਲੁਜ ਵੀ ਤੁਸੀਂ ਦੇਖੀ ਹੀ ਹੋਣੀ, ਜਦੋਂ ਇੱਕ ਫਿਲਮ ਤੂੰ ਸਿਸਟਮ ਐਨਾ ਡਰ ਸਕਦਾ, ਤਾਂ ਇੱਕ ਜੀਉਂਦੇ ਜਾਗਦੇ ਸੱਚੇ ਇਨਸਾਨ ਤੋਂ ਸਿਸਟਮ ਨੂੰ ਕਿੰਨਾ ਡਰ ਹੋ ਸਕਦਾ।ਪਰ ਇਸ ਫਿਲਮ ਨੂੰ ਪਿੰਡ ਪਿੰਡ ਦਿਖਾਉਣ ਦੇ ਦਾਅਵੇ ਕਰਨ ਵਾਲਿਆਂ ਪੰਥਕ ਜਥੇਬੰਦੀਆਂ ਪਤਾ ਨਹੀਂ ਕਿਉ ਖਾਮੋਸ਼ੀ ਧਾਰ ਗਈਆਂ..?
: ਜਸਵੰਤ ਸਿੰਘ

ਵਿਸ਼ੇਸ ਬਰਸੀ ਤੇ..🌹ਮਹਾਨ ਵਿਦਵਾਨ ਤੇ ਪੱਤਰਕਾਰ ਗਿਆਨੀ ਦਿੱਤ ਸਿੰਘ ਨੇ ਸਿੱਖ ਕੌਮ ਨੂੰ ਅੰਧਵਿਸ਼ਵਾਸਾਂ ਤੋਂ ਕੱਢ ਕੇ ਸਹੀ ਇਤਿਹਾਸ ਨਾਲ ਜੋੜਿਆ 🌹===...
06/09/2026

ਵਿਸ਼ੇਸ ਬਰਸੀ ਤੇ..
🌹ਮਹਾਨ ਵਿਦਵਾਨ ਤੇ ਪੱਤਰਕਾਰ ਗਿਆਨੀ ਦਿੱਤ ਸਿੰਘ ਨੇ ਸਿੱਖ ਕੌਮ ਨੂੰ ਅੰਧਵਿਸ਼ਵਾਸਾਂ ਤੋਂ ਕੱਢ ਕੇ ਸਹੀ ਇਤਿਹਾਸ ਨਾਲ ਜੋੜਿਆ 🌹
======================
ਗਿਆਨੀ ਦਿੱਤ ਸਿੰਘ ਜੀ ਦੀ ਸੰਖੇਪ ਜੀਵਨੀ*
*ਜਨਮ:* 21 ਅਪ੍ਰੈਲ 1850 (ਕੁਝ ਥਾਵਾਂ ਤੇ 1853 ਵੀ ਲਿਖਿਆ ਮਿਲਦਾ ਹੈ) ਪਿੰਡ ਕਲੋੜ ਜ਼ਿਲ੍ਹਾ ਫਤਿਹਗੜ੍ਹ ਸਾਹਿਬ ਵਿਖੇ। ਪਿਤਾ ਦਾ ਨਾਮ ਭਾਈ ਦੀਵਾਨ ਸਿੰਘ ਅਤੇ ਮਾਤਾ ਰਾਮ ਕੌਰ ਜੀ ਸੀ। ਉਹ ਰਵਿਦਾਸੀਆ ਪਰਿਵਾਰ ਨਾਲ ਸਬੰਧਤ ਸਨ ਅਤੇ ਪਹਿਲਾਂ ਉਨ੍ਹਾਂ ਦਾ ਨਾਮ ਰਾਮ ਦੀਤਾ ਸੀ
*ਸਿੱਖਿਆ:*
ਪਿਤਾ ਜੀ ਖੁਦ ਗੁਲਾਬਦਾਸੀ ਸੰਪਰਦਾ ਦੇ ਮੰਨਣ ਵਾਲੇ ਸਨ। 8-9 ਸਾਲ ਦੀ ਉਮਰ ਵਿੱਚ ਉਨ੍ਹਾਂ ਨੂੰ ਪਿੰਡ ਤਿਉੜ (ਖਰੜ ਨੇੜੇ) ਗੁਲਾਬਦਾਸੀ ਡੇਰੇ ਵਿੱਚ ਸੰਤ ਗੁਰਬਖਸ਼ ਸਿੰਘ ਕੋਲ ਪੜ੍ਹਨ ਲਈ ਭੇਜਿਆ। ਉੱਥੇ ਉਨ੍ਹਾਂ ਨੇ ਗੁਰਮੁਖੀ, ਉਰਦੂ, ਫਾਰਸੀ, ਵੇਦਾਂਤ, ਨੀਤੀ ਸ਼ਾਸਤਰ ਅਤੇ ਪਿੰਗਲ ਦੀ ਸਿੱਖਿਆ ਲਈ।
ਬਾਅਦ ਵਿੱਚ ਉਹ ਛਾਤੀਆਂ ਵਾਲਾ, ਲਾਹੌਰ ਦੇ ਮੁੱਖ ਗੁਲਾਬਦਾਸੀ ਕੇਂਦਰ ਵਿੱਚ ਪ੍ਰਚਾਰਕ ਬਣੇ।
*ਜੀਵਨ ਦਾ ਮੋੜ:*
ਭਾਈ ਜਵਾਹਰ ਸਿੰਘ ਦੇ ਸੰਪਰਕ ਨਾਲ ਉਹ ਪਹਿਲਾਂ ਆਰੀਆ ਸਮਾਜ ਵਿੱਚ ਗਏ। 1877 ਵਿੱਚ ਸਵਾਮੀ ਦਯਾਨੰਦ ਜੀ ਨੂੰ ਵੀ ਮਿਲੇ। ਪਰ 1879 ਵਿੱਚ ਭਾਈ ਗੁਰਮੁਖ ਸਿੰਘ ਜੀ ਦੇ ਮਿਲਣ ਤੋਂ ਬਾਅਦ ਉਹ ਸਿੰਘ ਸਭਾ ਲਹਿਰ ਵਿੱਚ ਆ ਗਏ ਅਤੇ ਸਿੱਖੀ ਲਈ ਕੰਮ ਕਰਨ ਲੱਗੇ।
1878 ਵਿੱਚ ਉਹ ਓਰੀਐਂਟਲ ਕਾਲਜ ਲਾਹੌਰ ਤੋਂ ਪਹਿਲੀ ਵਾਰ ਹੋਈ ਗਿਆਨੀ ਦੀ ਪ੍ਰੀਖਿਆ ਪਾਸ ਕਰਨ ਵਾਲੇ ਪਹਿਲੇ ਵਿਦਵਾਨ ਬਣੇ, ਇਸ ਲਈ ਉਨ੍ਹਾਂ ਨੂੰ ਗਿਆਨੀ ਕਿਹਾ ਜਾਣ ਲੱਗਾ। ਬਾਅਦ ਵਿੱਚ ਉਹ ਉਸੇ ਕਾਲਜ ਵਿੱਚ ਪੰਜਾਬੀ ਦੇ ਪ੍ਰੋਫੈਸਰ ਵੀ ਲੱਗੇ।
*ਸਿੰਘ ਸਭਾ ਲਹਿਰ ਵਿੱਚ ਯੋਗਦਾਨ:*
1886 ਵਿੱਚ ਲਾਹੌਰ ਖਾਲਸਾ ਦੀਵਾਨ ਨੇ ਹਫਤਾਵਾਰੀ ਅਖਬਾਰ *'ਖਾਲਸਾ ਅਖਬਾਰ'* ਸ਼ੁਰੂ ਕੀਤਾ। ਗਿਆਨੀ ਦਿੱਤ ਸਿੰਘ ਜੀ ਇਸ ਦੇ ਮੁੱਖ ਲੇਖਕ ਅਤੇ ਫਿਰ ਸੰਪਾਦਕ ਬਣੇ। ਇਸ ਅਖਬਾਰ ਰਾਹੀਂ ਉਨ੍ਹਾਂ ਨੇ ਸਿੰਘ ਸਭਾ ਦੇ ਵਿਚਾਰਾਂ ਦਾ ਜ਼ੋਰਦਾਰ ਪ੍ਰਚਾਰ ਕੀਤਾ।
ਉਨ੍ਹਾਂ ਨੇ ਖਾਲਸਾ ਕਾਲਜ ਅੰਮ੍ਰਿਤਸਰ ਦੀ ਸਥਾਪਨਾ ਵਿੱਚ ਵੀ ਮਦਦ ਕੀਤੀ।
*ਰਚਨਾਵਾਂ:*
ਉਨ੍ਹਾਂ ਨੇ 70 ਤੋਂ ਵੱਧ ਕਿਤਾਬਾਂ ਲਿਖੀਆਂ। ਉਨ੍ਹਾਂ ਦੀਆਂ ਮਸ਼ਹੂਰ ਰਚਨਾਵਾਂ ਹਨ:
- ਸਾਧੂ ਦਯਾਨੰਦ ਤੇ ਮੇਰਾ ਸੰਵਾਦ
- ਦੁਰਗਾ ਪ੍ਰਬੋਧ
- ਸੁਪਨ ਨਾਟਕ (ਵਿਅੰਗ)
- ਸ਼ਿਰੀਂ ਫਰਹਾਦ, ਅਬਲਾ ਨਿੰਦ
*ਅਕਾਲ ਚਲਾਣਾ:* 6 ਸਤੰਬਰ 1901 ਨੂੰ ਲਾਹੌਰ ਵਿਖੇ।
ਗਿਆਨੀ ਦਿੱਤ ਸਿੰਘ ਜੀ ਸਿਰਫ਼ ਵਿਦਵਾਨ ਹੀ ਨਹੀਂ, ਬਲਕਿ ਸਮਾਜ ਸੁਧਾਰਕ, ਪੱਤਰਕਾਰ ਅਤੇ ਨਿਡਰ ਸੱਚ ਦੇ ਪ੍ਰਚਾਰਕ ਸਨ। ਉਨ੍ਹਾਂ ਨੇ ਸਿੱਖ ਕੌਮ ਨੂੰ ਅੰਧਵਿਸ਼ਵਾਸਾਂ ਤੋਂ ਕੱਢ ਕੇ ਸਹੀ ਇਤਿਹਾਸ ਨਾਲ ਜੋੜਿਆ। ਉਨ੍ਹਾਂ ਦੀ ਹਰ ਸਾਲ ਬਰਸੀ ਉਨ੍ਹਾਂ ਦੇ ਜੱਦੀ ਪਿੰਡ ਕਲੋੜ ਵਿਖ਼ੇ ਸਰਧਾਂ ਸਤਿਕਾਰ ਨਾਲ 6 ਸਤੰਬਰ ਨੂੰ ਮਨਾਈ ਜਾਂਦੀ ਹੈ |
ਜਸਵੰਤ ਸਿੰਘ ਸਰਹਿੰਦ : ਸੰਪਾਦਕ

05/09/2026

ਅੰਮ੍ਰਿਤ ਵੇਲਾ ਗੁਰਦੁਆਰਾ ਸ਼੍ਰੀ ਫ਼ਤਿਹਗੜ੍ਹ ਸਾਹਿਬ

Address

Editor . Jaswant Singh
Fatehgarh Sahib

Telephone

+919501480023

Website

Alerts

Be the first to know and let us send you an email when Sirhind Fatehgarh Today posts news and promotions. Your email address will not be used for any other purpose, and you can unsubscribe at any time.

Contact The Business

Send a message to Sirhind Fatehgarh Today:

Shortcuts

Share

Category