Gandhidham Today

16/10/2026

16/10/2026

તિરંગો ફરકાવવા સેન્ટ્રલ પાર્ક જતા દીપકે કસ્ટડીમાં લેવાયા

ગાંધીધામ ટુડે, ન્યૂઝ : કોકરોચ જનતા પાર્ટીના સ્થાપક અભિજીત દીપકેને દિલ્હી પોલીસે કસ્ટડીમાં લીધા છે. તિરંગા રેલીમાં સામેલ થવા સેન્ટ્રલ પાર્ક જઈ રહેલા દીપકેની છેલ્લા 6 દિવસમાં આ બીજી વખત અટકાયત કરવામાં આવી છે. આ અગાઉ 10 ઓક્ટોબરે પણ તેમની કસ્ટડી લેવાઈ હતી. નવી દિલ્હી જિલ્લામાં BNSS ની કલમ 163 લાગુ હોવાથી 4 થી વધુ લોકોના એકઠા થવા પર પ્રતિબંધ છે. ઝંડેવાલાન સ્થિત બંગલે પહોંચી પોલીસે પ્રદર્શન ન કરવાની નોટિસ આપતા દીપકે સાથે દલીલ થઈ હતી. દીપકેએ આ કોઈ રેલી કે વિરોધ પ્રદર્શન ન હોવાનું પોલીસ સમક્ષ સ્પષ્ટ નિવેદન આપ્યું હતું.

16/10/2026

જુના કટારીયા બ્રીજ પાસેથી ક્રેટા કારમાંથી વિદેશી દારૂ જપ્ત

ગાંધીધામ ટુડે, ન્યૂઝ: સામખીયારી પોલીસ સ્ટેશનની ટીમ દ્વારા માળિયા-સામખીયારી નેશનલ હાઈવે પર પેટ્રોલિંગ દરમિયાન જૂના કટારીયા બ્રિજ પાસેથી વિદેશી દારૂ ભરેલી એક સફેદ રંગની ક્રેટા કાર ઝડપી પાડવામાં આવી છે. પોલીસને જોઈને કારનો ચાલક ટ્રાફિક અને અંધારાનો લાભ લઈને બાવળની ઝાડીઓમાં નાસી છૂટ્યો હતો. પોલીસે ગાડીની તલાશી લેતા તેમાંથી કુલ 3,744 બોટલ દારૂ મળી આવ્યો હતો, જેની કિંમત 5,05,440 રૂપિયા થાય છે. પોલીસે 10 લાખની કિંમતની ક્રેટા કાર અને દારૂ મળી કુલ 15,05,440 રૂપિયાનો મુદ્દામાલ જપ્ત કર્યો છે. આ મામલે સામખીયારી પોલીસ સ્ટેશનમાં પ્રોહિબિશન એક્ટ હેઠળ ગુનો નોંધીને ફરાર ચાલકને પકડવા માટે વધુ તપાસ હાથ ધરવામાં આવી છે.