Garhdiwala news

07/09/2026

✅ *ਸੱਪ ਦੇ ਡੰਗਣ ਨਾਲ 14 ਸਾਲਾ ਬੇਟੀ ਦੀ ਮੌਤ, ਗਰੀਬ ਪਰਿਵਾਰ ਦੀ ਮਦਦ ਲਈ ਅੱਗੇ ਆਈ ਸੋਸਾਇਟੀ*

ਗੜ੍ਹਦੀਵਾਲਾ, 5 ਸਤੰਬਰ (ਯੋਗੇਸ਼ ਗੁਪਤਾ)-ਗੜ੍ਹਦੀਵਾਲਾ ਇਲਾਕੇ ਦੇ ਇੱਕ ਗਰੀਬ ਪਰਿਵਾਰ ’ਤੇ ਉਸ ਸਮੇਂ ਦੁੱਖਾਂ ਦਾ ਪਹਾੜ ਟੁੱਟ ਪਿਆ, ਜਦੋਂ ਟਾਂਡਾ ਰੋਡ ਗੜ੍ਹਦੀਵਾਲਾ ਵਿਖੇ ਸਥਿਤ ਪਰਿਵਾਰ ਦੀ 14 ਸਾਲਾ ਬੇਟੀ ਦੀ ਸੱਪ ਦੇ ਡੰਗਣ ਕਾਰਨ ਮੌਤ ਹੋ ਗਈ। ਮਾਸੂਮ ਬੇਟੀ ਦੀ ਮੌਤ ਨਾਲ ਪਰਿਵਾਰ ਡੂੰਘੇ ਸਦਮੇ ਵਿੱਚ ਹੈ।
ਪਰਿਵਾਰ ਦੀ ਆਰਥਿਕ ਹਾਲਤ ਇੰਨੀ ਮਾੜੀ ਹੈ ਕਿ ਉਹ ਆਪਣੀ ਬੇਟੀ ਦੇ ਭੋਗ ਸਮਾਗਮ ਮੌਕੇ ਰੋਟੀ ਦਾ ਪ੍ਰਬੰਧ ਕਰਨ ਤੋਂ ਵੀ ਅਸਮਰੱਥ ਸੀ। ਪਰਿਵਾਰ ਦੀ ਇਸ ਦੁਖਦਾਈ ਸਥਿਤੀ ਬਾਰੇ ਪਤਾ ਲੱਗਣ ’ਤੇ ਡਾ. ਭੀਮ ਰਾਓ ਅੰਬੇਦਕਰ ਵੈਲਫੇਅਰ ਸੋਸਾਇਟੀ ਗੜ੍ਹਦੀਵਾਲਾ ਵੱਲੋਂ ਪ੍ਰਧਾਨ ਹਰਪਾਲ ਸਿੰਘ ਭੱਟੀ ਦੀ ਅਗਵਾਈ ਵਿੱਚ ਮਦਦ ਦਾ ਹੱਥ ਵਧਾਇਆ ਗਿਆ।
ਸੋਸਾਇਟੀ ਦੇ ਨੁਮਾਇੰਦਿਆਂ ਵੱਲੋਂ ਪਰਿਵਾਰ ਨੂੰ ਆਰਥਿਕ ਸਹਾਇਤਾ ਪ੍ਰਦਾਨ ਕੀਤੀ ਗਈ ਤਾਂ ਜੋ ਉਹ ਆਪਣੀ ਬੇਟੀ ਦੇ ਭੋਗ ਸਮਾਗਮ ਲਈ ਲੋੜੀਂਦਾ ਪ੍ਰਬੰਧ ਕਰ ਸਕਣ। ਇਸ ਮੌਕੇ ਸੋਸਾਇਟੀ ਦੇ ਮੈਂਬਰਾਂ ਨੇ ਕਿਹਾ ਕਿ ਦੁੱਖ ਦੀ ਘੜੀ ਵਿੱਚ ਲੋੜਵੰਦ ਪਰਿਵਾਰਾਂ ਦੀ ਮਦਦ ਕਰਨਾ ਹੀ ਸਮਾਜ ਪ੍ਰਤੀ ਸਾਡੀ ਅਸਲ ਜ਼ਿੰਮੇਵਾਰੀ ਹੈ।
ਜਿਕਰਯੋਗ ਹੈ ਕਿ ਇਸ ਪਰਿਵਾਰ ਦੀਆਂ ਦੋ ਬੇਟੀਆਂ ਸਨ ਜਿਨ੍ਹਾਂ ਵਿਚ ਇਸ ਲੜਕੀ ਦੀ ਵੱਡੀ ਭੈਣ ਦੀ ਪੜ੍ਹਾਈ ਦਾ ਹਰ ਸਾਲ ਸਾਰਾ ਖਰਚਾ ਅੰਬੇਡਕਰ ਸੁਸਾਇਟੀ ਵੱਲੋਂ ਪਹਿਲਾਂ ਤੋਂ ਦਿੱਤਾ ਜਾਂਦਾ ਆ ਰਿਹਾ ਹੈ।

06/09/2026

✅ *ਗੜ੍ਹਦੀਵਾਲਾ ਵਿਖੇ ਸ਼੍ਰੀ ਕਿ੍ਸ਼ਨ ਜਨਮ ਅਸ਼ਟਮੀ ਮਹੋਤਸਵ ਧੂਮ ਧਾਮ ਨਾਲ ਮਨਾਇਆ ਗਿਆ*

ਗੜ੍ਹਦੀਵਾਲਾ 5 ਸਤੰਬਰ (ਯੋਗੇਸ਼ ਗੁਪਤਾ) ਸ੍ਰੀ ਕ੍ਰਿਸ਼ਨ ਜਨਮ ਅਸ਼ਟਮੀ ਕਮੇਟੀ ਗੜ੍ਹਦੀਵਾਲਾ ਵੱਲੋਂ ਚਾਰ ਦਿਵਸੀ ਸ਼੍ਰੀ ਕਿ੍ਸ਼ਨ ਜਨਮ ਅਸ਼ਟਮੀ ਮਹੋਤਸਵ ਸ਼ਰਧਾਪੂਰਵਕ ਮਨਾਈ ਗਈ । ਇਸ ਮੌਕੇ ਕਰਵਾਈ ਚਾਰ ਰੋਜਾਂ ਕਿ੍ਸ਼ਨ ਲੀਲਾ ਦੌਰਾਨ ਅਤੁੱਲ ਕ੍ਰਿਸ਼ਨ ਸ਼ਾਸਤਰੀ ਵਲੋਂ ਸੁੰਦਰ ਭਜਨ-ਕੀਰਤਨ ਰਾਹੀਂ ਸਰਧਾਲੂਆਂ ਨੂੰ ਝੂਮਣ ਲਈ ਮਜਬੂਰ ਕਰ ਦਿੱਤਾ ਗਿਆ।ਭਜਨਾਂ ਦੌਰਾਨ ਹਾਜ਼ਰ ਸੰਗਤ ਨੇ ਸ਼ਰਧਾ ਨਾਲ ਭਗਵਾਨ ਸ੍ਰੀ ਕ੍ਰਿਸ਼ਨ ਦੀ ਮਹਿਮਾ ਦੇ ਗੁਣਗਾਨ ਕੀਤੇ ਅਤੇ ਸਾਰਾ ਵਾਤਾਵਰਨ ‘ਕ੍ਰਿਸ਼ਨਮਈ’ ਹੋ ਗਿਆ। ਇਸ ਮੌਕੇ ਕਮੇਟੀ ਵੱਲੋਂ ਸਮਾਗਮ ਦੌਰਾਨ ਹਲਕਾ ਵਿਧਾਇਕ ਜਸਵੀਰ ਸਿੰਘ ਰਾਜਾ ਗਿੱਲ ਵਲੋਂ ਜਿੱਥੇ ਪ੍ਰਬੰਧਕਾਂ ਨੂੰ ਚਾਰ ਰੋਜਾਂ ਕਿ੍ਸ਼ਨ ਲੀਲਾ ਸਮਾਗਮ ਕਰਵਾਉਣ ਦੀ ਵਧਾਈ ਦਿੱਤੀ,ਉੱਥੇ ਸ਼ਹਿਰ ਵਾਸੀਆਂ ਤੇ ਇਲਾਕੇ ਦੇ ਲੋਕਾਂ ਨੂੰ ਭਗਵਾਨ ਕਿ੍ਸ਼ਨ ਜਨਮ ਅਸਟਮੀ ਦੀ ਮੁਬਾਰਕਵਾਦ ਦਿੱਤੀlਇਸ ਮੌਕੇ ਕਰਵਾਏ ਸਮਾਗਮ ਦੌਰਾਨ ਪ੍ਰਬੰਧਕਾਂ ਵਲੋਂ ਪੁੱਜੀਆਂ ਪ੍ਰਮੁੱਖ ਸ਼ਖਸੀਅਤਾਂ ਨੂੰ ਵਿਸ਼ੇਸ਼ ਤੌਰ ਤੇ ਸਨਮਾਨਿਤ ਵੀ ਕੀਤਾ ਗਿਆ।ਇਸ ਮੌਕੇ ਬਾਬਾ ਦੀਪ ਸਿੰਘ ਸੇਵਾ ਦਲ ਦੇ ਮੁੱਖ ਸੇਵਾਦਾਰ ਭਾਈ ਮਨਜੋਤ ਸਿੰਘ ਤਲਵੰਡੀ,ਮੁੱਖ ਸਲਾਹਕਾਰ ਮਨਦੀਪ ਸਿੰਘ, ਕੁਲਦੀਪ ਲਾਡੀ ਬੱਟਰ, ਰੀਟਾ ਮਹੰਤ ਨਰੂੜ ਵਾਲੇ, ਦੀਪ ਪ ਭੱਟੀ ਆਦਿ ਦਾ ਸਮਾਗਮ ਵਿੱਚ ਪੁੱਜਣ ’ਤੇ ਕਮੇਟੀ ਵੱਲੋਂ ਧੰਨਵਾਦ ਕਰਦਿਆਂ ਸਨਮਾਨ ਕੀਤਾ ਗਿਆ।ਇਸ ਮੌਕੇ ਕਮੇਟੀ ਪ੍ਰਧਾਨ ਡਾ. ਸੰਜੀਵ ਸ਼ਰਮਾ, ਦਿਨੇਸ਼ ਕੁਮਰਾ ਨੰਦ, ਰਾਜਨ ਗੁਪਤਾ, ਰਿਸ਼ੂ ਗੁਪਤਾ,ਪਵਨ ਗੁਪਤਾ, ਮਨੀਸ਼ ਗੁਪਤਾ, ਵਿਸ਼ਾਲ ਸ਼ਰਮਾ, ਇੰਦਰਜੀਤ ਕੌਸ਼ਲ,ਟ੍ਰੇਡਰ ਕਮਿਸ਼ਨ ਮੈਂਬਰ ਵਿਵੇਕ ਗੁਪਤਾ,ਬਲਦੇਵ ਕ੍ਰਿਸ਼ਨ ਗੁਪਤਾ,ਸਾਬਕਾ ਐੱਮਸੀ ਰਾਜੂ ਗੁਪਤਾ,ਸਾਧੂ ਰਾਮ ਬੂਟ ਵਾਲੇ, ਅਰਵਿੰਦ ਗੁਪਤਾ,ਨਿਤਿਸ਼ ਗੁਪਤਾ,ਪਾਰਥ ਗੁਪਤਾ, ਸੁਕੇਸ਼ ਬੱਤਰਾ,ਲਲਿਤ ਵਰਮਾ ਬਾਗੀ ਅਤੇ ਗੌਤਮ ਵਰਮਾ,ਕੌਸਲਰ ਮਾਸਟਰ ਰਛਪਾਲ ਸਿੰਘ,ਕੌਸਲਰ ਦਿਸ਼ਾਤ ਬਹਿਲ,ਕੌਸਲਰ ਸ਼ੈਕੀ ਕਲਿਆਣ, ਕੌਸਲਰ ਪਰਮਜੀਤ ਕੌਰ, ਕੌਸਲਰ ਸੋਨੀਆ ਕੋਡਲ,ਕੌਸਲਰ ਮੋਨਿਕਾ ਗੁਪਤਾ,ਕੌਸਲਰ ਮੋਨਿਕਾ ਓਪਲ,ਲਲਿਤ ਸ਼ਰਮਾ ਬੰਟੀ,ਭਾਰਤ ਭੂਸ਼ਣ,ਬੰਟੀ ਓਪਲ,ਮੋਹਿਤ ਮਿੱਤਰ,ਯੋਗੇਸ਼ ਸਪਰਾ,ਰਵਿੰਦਰ ਚੋਪੜਾ ਸਮੇਤ ਹੋਰ ਪਤਵੰਤੇ ਹਾਜ਼ਰ ਸਨ।

ਕੈਪਸ਼ਨ-ਕਿ੍ਸ਼ਨ ਜਨਮ ਅਸਟਮੀ ਕਮੇਟੀ ਵੱਲੋਂ ਕਰਵਾਏ ਸਮਾਗ ਦੌਰਾਨ ਪ੍ਰਮੁੱਖ ਸਖਸ਼ੀਅਤਾਂ ਦਾ ਸਨਮਾਨ ਕਰਦੇ ਹੋਏ।

05/09/2026

✅ *ਪ੍ਰਸਿੱਧ ਵੈਦ ਸਵ ਕ੍ਰਿਸ਼ਨ ਮਿੱਤਰ ਜੀ ਕਾਲਰੇ ਵਾਲਿਆਂ ਦੀ ਰਸਮ ਪਗੜੀ ਅਤੇ ਅੰਤਿਮ ਅਰਦਾਸ ਸਮਾਗਮ 12 ਸਤੰਬਰ ਨੂੰ*

ਗੜ੍ਹਦੀਵਾਲਾ: (ਯੋਗੇਸ਼ ਗੁਪਤਾ) ਗੜ੍ਹਦੀਵਾਲਾ ਇਲਾਕੇ ਦੇ ਪ੍ਰਸਿੱਧ ਵੈਦ ਕ੍ਰਿਸ਼ਨ ਮਿੱਤਰ ਜੀ ਕਾਲਰੇ ਵਾਲਿਆਂ ਦੇ ਦਿਹਾਂਤ ਉਪਰੰਤ ਉਨ੍ਹਾਂ ਦੀ ਆਤਮਿਕ ਸ਼ਾਂਤੀ ਵਿੱਚ ਰਸਮ ਪਗੜੀ ਅਤੇ ਅਰਦਾਸ ਸਮਾਗਮ 12 ਸਤੰਬਰ 2026, ਦਿਨ ਸ਼ਨੀਵਾਰ ਨੂੰ ਕਰਵਾਇਆ ਜਾ ਰਿਹਾ ਹੈ।
ਇਹ ਸਮਾਗਮ ਦੁਪਹਿਰ 1:00 ਵਜੇ ਤੋਂ 2:00 ਵਜੇ ਤੱਕ ਪਿੰਡ ਕਾਲਰਾ , ਪੋਸਟ ਆਫਿਸ ਗੜ੍ਹਦੀਵਾਲਾ, ਜ਼ਿਲ੍ਹਾ ਹੁਸ਼ਿਆਰਪੁਰ ਵਿਖੇ ਹੋਵੇਗਾ।

ਸ਼ੋਕਗ੍ਰਸਤ ਸ਼ਰਮਾ ਪਰਿਵਾਰ ਵੱਲੋਂ ਸਮੂਹ ਸਾਕ-ਸਬੰਧੀਆਂ, ਮਿੱਤਰਾਂ ਅਤੇ ਇਲਾਕਾ ਨਿਵਾਸੀਆਂ ਨੂੰ ਸਮਾਗਮ ਵਿੱਚ ਸ਼ਾਮਲ ਹੋ ਕੇ ਵਿਛੜੀ ਰੂਹ ਨੂੰ ਸ਼ਰਧਾਂਜਲੀ ਭੇਟ ਕਰਨ ਦੀ ਅਪੀਲ ਕੀਤੀ ਗਈ ਹੈ।

04/09/2026

04/09/2026

🎉🎉🎉🎉🎉🎉

04/09/2026

🎉🎉🎉🎉🎉

04/09/2026

🎉🎉🎉🎉