24/04/2021
লাহৰীঘাটত মীন আইন উলংকৰি লালী বিলত মহলদাৰে মুচৰি জালেৰে ধৰিছে মাছ
সম্প্ৰতি মৰিগাৱঁ জিলাৰ লাহৰীঘাট আৰক্ষী থানাৰ অন্তৰ্গত চৰকাৰী মীন মহল লালী বিলত ভুলা হালদাৰ নামৰ মহলদাৰ জনে মীন আইনক ভৰিৰে মুহাৰি দিনে-নিশাই ব্যস্ত হৈ পৰিছে মুচৰি জালেৰে মাছ ধৰাত।
উল্লেখ্য যে মীন আইন মতে, এপ্ৰিল মাহৰ পৰা জুলাই মাহলৈকে চৰকাৰী মীনমহল বিল ,নদী সমুহত কণী থকা মাছ আৰু পোনা মাছ ধৰাৰ লগতে মুচৰি জাল মাৰটো সম্পূৰ্ণ নিষেধ । মৰিগাৱঁ জিলাৰ অৰ্ন্তগত লালী বিল, সোনডুবা বিল, ব্ৰহ্মপুত্ৰ নদী আদি চৰকাৰী মীন মহলত
অাইন উলং কৰি দৈনিক কুইন্টলে কুইন্টেলে কণী থকা মাছ ধৰিছে দুৰ্নীতিগ্ৰস্ত মহলদাৰৰ নেতৃত্বত মাছমৰীয়া সকলে । তেনে এক গুৰুতৰ অভিযোগ উঠছে মৰিগাৱঁ জিলাৰ লাহৰীঘাট আৰক্ষী থানাৰ অৰ্ন্তগত
লালীবিলত ।অভিযোগ মতে, ভূলা হালদাৰৰ নামৰ মহলদাৰৰ নেতৃত্বত আজিম উদ্দিন,জাকিৰ হুছেইন,
গুলজাৰ হুছেইন ,ছাদিকুল ইছলাম,ছুলতান আহামেদ,মুশ্বকিদুল ইছলামকে অাদিকৰি বহুকেইজন ব্যক্তিয়ে মীন আইন উলং কৰি মুচৰি জালেৰে লালী বিলত মাছ ধৰি আছিল।জৰিব গাৱঁৰ সচেতন নাগৰিক সকলে আইন উলংকাৰী সকলক মুচৰি জালেৰে এনে সময়ত মাছ ধৰা বন্ধ কৰিবলৈ কয় ।কিন্ত্ত দুৰ্নীতিগ্ৰস্ত মহলদাৰ ভূলাই বিভিন্ন ধৰনৰ ভাবুকি দিয়াৰ লগতে উলটাকৈ লাহৰীঘাট থানাত কেছ দিয়ে।
নিউচ ডেস্কচ ৰিপোৰ্ট NEP NEWS
