14/03/2026
মাননীয় মুখ্যমন্ত্ৰী ড° হিমন্ত বিশ্ব শৰ্মা ডাঙৰীয়াৰ দৃষ্টি আকৰ্ষণ কৰিছোঁ — এজন ১০০% দিব্যাংগৰ অধিকাৰ কোনে কাঢ়ি নিলে? 📢
অত্যন্ত দুখেৰে জনাওঁ যে, মৰিগাঁও জিলাৰ বৰপেটাবাৰী গাঁৱৰ এজন ১০০% বিকলাঙ্গ (দিব্যাংগ) ল’ৰাই পূৰ্বতে 'অৰুণোদয়' আঁচনিৰ ধন লাভ কৰি আছিল। কিন্তু দুৰ্ভাগ্যজনকভাৱে, কোনো সঠিক কাৰণ নোহোৱাকৈয়ে হাবি বৰঙাবাৰী গাঁও পঞ্চায়তৰ অন্তৰ্গত এই ল’ৰাজনৰ নামটো শেহতীয়া তালিকাৰ পৰা কাটি দিয়া হৈছে।
যিখন আঁচনিৰ মূল লক্ষ্যই হ’ল অসহায় আৰু বিশেষভাৱে সক্ষম লোকক সামাজিক সুৰক্ষা প্ৰদান কৰা, সেইখন আঁচনিৰ পৰাই এজন সম্পূৰ্ণ অক্ষম ব্যক্তিক বঞ্চিত কৰাটো কেনেকুৱা ন্যায়?
প্ৰশাসনৰ ওচৰত মোৰ প্ৰশ্ন:
১/ এজন ১০০% বিকলাঙ্গ ল'ৰাতকৈ অধিক যোগ্য হিতাধিকাৰী আপোনালোকৰ দৃষ্টিত আৰু কোন হ'ব পাৰে?
২/ হাবি বৰঙাবাৰী গাঁও পঞ্চায়তত 'ভেৰিফিকেচন'ৰ নামত আচলতে কি চলিছে? এজন জীয়াই থকা অসহায় ল’ৰাক কেনেকৈ 'অযোগ্য' সজাই নাম কৰ্তন কৰা হ’ল?
৩/ এই অন্যায়ৰ বাবে দায়ী কোন? পঞ্চায়ত নে জিলা প্ৰশাসনৰ গাফিলতি?
চৰকাৰে 'সবকা সাথ, সবকা বিকাশ'ৰ কথা কয়, কিন্তু এজন দুৰ্ভগীয়া ল'ৰাৰ প্ৰাপ্য অধিকাৰ কাঢ়ি লৈ কি বিকাশ হ’ব?
আশাকৰোঁ মাননীয় মুখ্যমন্ত্ৰী Biswa Sarma ডাঙৰীয়া আৰু মৰিগাঁও জিলাৰ আয়ুক্ত (District Commissioner, Morigaon) মহোদয়ে এই বিষয়টোত হস্তক্ষেপ কৰিব আৰু ল’ৰাজনক অতি সোনকালে তেওঁৰ প্ৰাপ্য 'অৰুণোদয়' আঁচনিৰ অন্তৰ্ভুক্ত কৰিব।
