25/10/2025
আজি "আদি গুৰু সেৱা দিৱস"।
বকোৰ চুকুনীয়াপাৰাত কৃষ্ণগুৰু সেৱাশ্ৰমৰ গাৰো গোবিন্দ চক্ৰত আদি গুৰু সেৱা দিৱস উদযাপন কৰা হয়।
বকোৰ চুকুনীয়াপাৰাত আজি দিনজোৰা কাৰ্যসূচীৰে আদি গুৰু সেৱা দিৱস উদযাপন কৰা হয়। চুকুনীয়াপাৰা কৃষ্ণগুৰু সেৱা আশ্ৰমৰ শাখা সেৱা আশ্ৰম গাৰো গোবিন্দ চক্ৰত উদযাপন কৰা আদি গুৰু সেৱা দিৱস উপলক্ষে ৰাতিপুৱা প্ৰায় ৯ বজাত ভাগৱত পাঠেৰে অনুষ্ঠানৰ শুভাৰম্ভ কৰা হয়। ইয়াৰ পিছতে দিনৰ প্ৰায় ১২ বজাত ' আদি গুৰু সেৱা দিৱসৰ তাৎপৰ্য ' - শীৰ্ষক এক আলোচনা চক্ৰ অনুষ্ঠিত হয়। অজিত বসুমতাৰীৰ সঞ্চালনাত আয়োজন কৰা আলোচনা চক্ৰত আলোচক হিচাপে সদৌ অসম গ্ৰাম্য পুথিভঁৰাল সন্থাৰ জীৱন জোৰা বঁটাৰে সন্মানিত তথা বন্দাপাৰা আঞ্চলিক হাইস্কুলৰ অৱসৰপ্ৰাপ্ত প্ৰধান শিক্ষয়িত্ৰী নিৰুপমা ৰাভা, গাৰো গোবিন্দ চক্ৰৰ পাঠক দ্বীপেন ৰাভা, সম্পাদক কুশল চন্দ্ৰ ৰাভা আৰু প্ৰাক্তন সভাপতি দিলীপ ৰাভাই অংশগ্ৰহণ কৰে ।
পিতৃ-মাতৃক শ্ৰদ্ধা-ভক্তি কৰিলে নতুন প্ৰজন্মৰ বাবে শিক্ষা গ্ৰহণ কৰিবলৈ ধাউতি বাঢ়িব বুলি তেখেতে কয় । প্ৰত্যেকগৰাকী বক্তাই জন্মদাতৃ পিতৃ-মাতৃক সেৱা কৰিলেহে জীৱন ধন্য হ'ব বুলি উল্লেখ কৰি পিতৃ -মাতৃক আদৰ-স্নেহ কৰাত কৃপণালী নকৰিবলৈ সকলোকে আহ্বান জনায়। আলোচনা চক্ৰৰ পিছতে আজি আদি গুৰু সেৱা উৎসৱৰ মূল্য কাৰ্যসূচী উৎসৱত উপস্থিত থকা সন্তান-সন্ততিসকলে পিতৃ-মাতৃৰ চৰণ চুই আশীৰ্বাদ গ্ৰহণ কৰে । এই কাৰ্যসূচীত শতাধিক সন্তান-সন্ততিয়ে পিতৃ-মাতৃৰ চৰণ চুই আশীৰ্বাদ গ্ৰহণ কৰে ।
