30/09/2025
যেতিয়াই জুবিন গাৰ্গে ক'লে "I am alone", গৰিমা শইকীয়াক গালি পৰা আৰম্ভ। "ঘৈণী থাকোতে গিৰিয়েক কেনেকৈ অকলশৰীয়া হ'ব পাৰে।"
জুবিনৰ দৰে মানুহ এজনৰ জীৱন সংগীনিয়ে বছৰটোত ঘনিষ্ঠকৈ কেইদিন লগ হয় সেয়া এটা প্ৰশ্ন। বহাগত যেতিয়া বংশ মিটিৰ কুটুমৰ লগত আমি সময় কটাও, জুবিন গোটেই মাহ অনুষ্ঠানত ব্যস্ত। কিয় গোটেই গোটেই মাহ কৰিব লাগে ইয়াৰ প্ৰশ্ন হ'ব নোৱাৰে। ই জুবিন, আয়োজক, ৰাইজৰ মাজৰ এক অদৃশ্য বাধ্যবাধকতাৰ লগতে অৰ্থনৈতিক কাৰণ জড়িত।
জুবিনে দাৰ্শনিক ভাৱে অলপ পিছতেই কৈছে "we all are alone"। হয় "we all are alone in a way or other." ৰীতা চৌধুৰীকো সংকোচ নকৰাকৈয়ে কৈছে "you too are alone". দুই তিনি ছেকেণ্ডৰ বাবে চৌধুৰীও থমকি গৈছে। দ্বিতীয়তে জুবিন গৰিমাই আমাৰ দৰে চাহৰ দোকান, ৰেস্তোঁৰাত বহিও শান্তিৰে সময় কটাব নোৱাৰে।
মানুহক প্ৰফেচনেল জটিলতাই বেছি অস্থিৰ কৰে। বহুসময়ত আমি কৰ্ম জীৱনৰ জটিলতাবোৰ পৰিয়ালৰ পৰা আতঁৰাই ৰাখিবও বিচাৰো।
যেতিয়া জুবিনে ক্ষোভত কৈছে "people made me machine"। ইয়াত কোন মানুহক কোৱা হৈছে সেইটো ডাঙৰ প্ৰশ্ন। বহাগৰ গোটেই মাহটোত নিমন্ত্ৰণ জনোৱা মানুহবোৰক নে যাৰ বাবে ৰাতি ৰাতি ৬ টা ১৫টা ৩৪টা গান গাব লগা হোৱা মানুহবোৰক? "মাল দুপেগ খাই লও। কৈ যাও নেক্সট গান দে"। মদ খাই লয়,গান গায় যায়, এটা পেগ দুটা গান, চাৰিটা পেগ ৮টা গান। এয়াটো মেচিনৰ কাম। কেচামাল এফালে ভৰাই দিয়া, সিফালে বস্তু ওলিয়াই দিয়া। মানুহে জানো এনেকে কাম কৰে? পিছে কি সুখত মেচিন হৈ পৰিছে? সকলোৱে বিচাৰিছে মোৰ গানটো জুবিনে গাওক। সকলোৱে বিচাৰিছে আমাৰ ফাংচনলৈ জুবিন আহক। অনুৰোধ কৰিছে, দাবী কৰিছে, চুক্তি কৰিছে, আগধন লৈছে। আৰু শেষত মেচিনৰ দৰে কাম কৰিবলৈ বাধ্য হৈছে।
"ভাইমনদাত" ২০০২ চনতে মুনীন বৰুৱাৰ পুত্ৰই গান বিচাৰি তাগিদা দিয়া দেখুৱাইছে। "কেতিয়া দিবা মোৰ গান?" অতিষ্ঠ হৈ জুবিনে কৈছে "ৰ'বা। আজিয়ে দিম তোমাক গান।" তেনেকৈ কিমান বাৰ কিমান পৰ্যায় অতিষ্ঠ হৈছে বা।
গান ভেনদিং মেচিনত ওলাই? চুইচ টিপি দিলে ওলাই যাব। ২০০২ তে যদি গানৰ বাবে তেনেকুৱা তাগিদা আৰু অতিষ্ঠ, ২০০৮ত, ২০১৫ ত, ২০২৪ ত কিমান তাগিদা আৰু অতিষ্ঠ হ'ব সেয়া অনুমেয়। এই তাগিদা দিয়াবোৰ কোন? মনৰ আপোন মানুহ? জুবিনক নিজৰ আত্মা বুলি কোৱাজনেই চোন "জুবিন মোৰ বাবে ক'মদিটি" বুলিলে। তেন্তে বাকীবোৰ? জুবিনে নাজানিছিল এই কথা? যদি নাজানিছিল তেন্তে কন্দনামুৱা হৈ কিয় ক'লে "বুঢ়া কালত কোন আহে চাম।"
ৰাতি ১০/১২ টা গান গায় ষ্টুডিঅতে নুশুই ঘৰলৈ গৈ সুখনিদ্ৰা মাৰিবলৈ কাৰোবাৰ দৈহিক মানসিক শক্তি থাকিব? ঘৰ লাগিলে দহখনেই নহওক। এইবোৰ কথা গৰিমাক নকয়? কলেও গৰিমাইনো কি কৰিব? সেই একেই অদৃশ্য বাধ্যবাধকতা।
বলিউদৰ গান গাবলৈ টপ লেভেলত ১০ জন গায়ক আছে। অসমত এজনেই টপ। সকলোৰে গান জুবিনেই গাব লাগিব। "I am alone" এটা দ্বিতীয় অৰ্থ এইটো। টপত মই অকলেই আছো। দ্বিতীয় এজন নাই। জুবিনে নিজেই কৈছে "মোৰ গান গায় আমনি লগা হৈছে।"
মানুহেই নহয়। বেছি চাপত মেচিনো বেয়া হয়। জুবিনতো মানুহ হে। লগতে প'ডকাষ্টত এয়াও কৈছে তেওঁৰ নিচিনা চিন্তা মিল থকা মানুহ নাই। চিন্তাধাৰাৰ ফালৰ পৰাও "I am alone" হ'ব পাৰে। গিৰীয়েক ঘৈণীকৰ চিন্তাৰ মিল থাকিবয়ে বুলি কথা নিঃসন্দেহে নাই।
বাকী বাদ।
জুবিনৰ দৰে ১০০ ত নহ'লেও ৫০ ৬০ ৭০ ত গানবোৰ কোনোবাই কোনোবাই পূৰণ কৰিব। পিছে অফিচাৰ, মন্ত্ৰী, এম. এল. এ. পৰা আৰম্ভ কৰি শাসনৰ মুৰব্বীলৈকে উশাহ ডাঙৰ কৰিও কথা ক'বলৈ সাহস নকৰা জুবিনৰ সেই সামাজিক-ৰাজনৈতিক কতৃত্বটো পিছে কোনে পূৰাব?
সংগ্ৰহ: Sarmah Tamuly.
