11/03/2026
মোবাইল ফোনৰ প্ৰিপেইড ৰিচাৰ্জ ব্যৱস্থাক লৈ সংসদত তীব্ৰ প্ৰতিক্ৰিয়া প্ৰকাশ কৰিছে Raghav Chadha-এ। তেখেতে কয় যে ২৮ দিনীয়া ৰিচাৰ্জ প্লেন গ্ৰাহকসকলৰ বাবে এক ধৰণৰ অন্যায় ব্যৱস্থা।
সংসদত বক্তব্য ৰাখি তেখেতে কয় যে বছৰত মাত্ৰ ১২ মাহ থাকিলেও ২৮ দিনীয়া ৰিচাৰ্জ প্লেনৰ বাবে গ্ৰাহকসকলে বছৰত প্ৰায় ১৩ বাৰ ৰিচাৰ্জ কৰিবলগীয়া হয়। তেখেতৰ মতে এই ব্যৱস্থাই প্ৰিপেইড গ্ৰাহকসকলৰ ওপৰত অতিৰিক্ত আৰ্থিক চাপ পেলাইছে।
তেখেতে আৰু কয় যে ৰিচাৰ্জ শেষ হ’লে আউটগোয়িং কল বন্ধ কৰা যুক্তিযুক্ত হ’ব পাৰে, কিন্তু ইনকামিং কল বন্ধ কৰি দিয়াটো গ্ৰাহকৰ বাবে অন্যায়। এই ক্ষেত্ৰত টেলিকম কোম্পানীসমূহে অধিক ন্যায়সঙ্গত নীতি গ্ৰহণ কৰিব লাগে বুলি তেখেতে উল্লেখ কৰে।
Chadha-ৰ মতে মোবাইল ৰিচাৰ্জ প্লেনসমূহ কেলেণ্ডাৰ মাহৰ ভিত্তিত হ’ব লাগে যাতে গ্ৰাহকসকলে বছৰত মাত্ৰ ১২ বাৰহে ৰিচাৰ্জ কৰিবলগীয়া হয়।
👉এই বিষয়টোৰ ওপৰত আপোনাৰ মতামত কি জনাব পাৰে।
